| Trasladámonos a Radiofusion |
| 23/01/2007 |
| Dende esta data, os contidos que diariamente viñamos incorporando a esta páxina, levarémolos tan só á páxina web de Radiofusión, no enderezo www.radiofusion.eu, na sección Radiofusión Ferrolterra. Dende hai uns meses Radio Fene adoptou como nome comercial Radiofusión, e agora esa denominación levámola tamén a Internet. Ademáis, Radiofusión tamén é a programación conxunta das emisoras municipais galegas que se realiza en horario de tarde noite. |
| |
| A Deputación licita a travesía de Barallobre |
| 09/01/2007 |
| A Deputación anuncia a contratación da travesia de Barallobre. As empresas constructoras poden presentar as súas ofertas ata finais deste mes. Logo terán un prazo de execución das obras de doce meses. O orzamento da actuación supera os 820.000 euros.
No pasado mes de novembro a Deputación abonou o importe das expropiacións aos propietarios das 41 parcelas afectadas polo ancheamento desta via. A publicación do concurso é agora o último trámite antes do inicio das obras. Construiránse beirarrúas neste vial dende o punto quilométrico 0,400 (na farmacia) ata o 1.200 (pistas de atletismo). A actuación inclue a construcción de beirarruas, e instalación de alumeado e saneamento. A obra é necesaria para evitar o altísimo risco de accidentes con perigo para a vida humana, debido á existencia de curvas con pequeno radio, ao escaso ancho da calzada e a elevada intensidade media do tráfico rodado e peonil. |
| |
| Navantia celebra eleccións sindicais o 15 de marzo |
| 26/12/2006 |
| Navantia celebrará eleccións sindicais o 15 de marzo. As centrais sindicais
maioritarias acordaron esa data e os comités de empresa formularán nos
vindeiros dias o correspondente preaviso. Os comicios celébranse de xeito
coordinado ese dia, pero cada centro de traballo elexirá o seu comité de
empresa.
Nas últimas eleccións sindicais celebradas no ano 2002, no estaleiro de Fene
conseguiron 8 delegados Comisións Obreiras e UXT, 2 a CIG e a USTG, e 3 a
Alternativa Independente. Na factoria de Ferrol lograron 12 CCOO, 6 a CIG, 5
a UXT e 2 a USTG. Daquela no antigo Astano elexiuse un comité de 23
delegados, mentres que o órgano laboral de Ferrol contaba con 25 membros. As
eleccións celebráranse o 28 de novembro do 2002, e contaron cunha masiva
participación que rondou o 98% do plantel. Traballaban entón no estaleiro de Perlío 1106 traballadores. O censo da factoria de Ferrol compoñíanno 2770 persoas. Hoxe pertencen á factoria de Fene 330 empregados, mentres que na outra banda da ria traballan 2100 persoas do plantel principal. |
| |
| Homenaxe ás víctimas do franquismo en Fene |
| 22/12/2006 |
| A Corporación de Fene desenvolve este sábado 23 de decembro unha homenaxe ás víctimas do franquismo, como acto simbólico de desagravio a toda unha serie de homes que deron a súa vida ou pasaron múltiples penalidades só por defender a liberdade, o progreso e o feito diferencial de Galicia. A homenaxe consistirá nun Pleno do Concello que comezará ás 12 do mediodia. Poderás seguir a sesión plenaria en directo a través de Radiofusión no 107.7 da FM e dende a web www.radiofusion.eu |
| |
| Aparece unha gran tartaruga morta en Valdoviño |
| 21/12/2006 |
| Unha gran tartaruga morta aparece no areal da Frouxeira en Valdoviño. Segundo comunicou esta mañá a Sociedade Galega de Historia Natural, trátase dun animal de case dous metros de lonxitude e arredor de cincocentos quilos de peso.
Trátase dunha “tartaruga de coiro” que presumiblemente procede das augas subtropicais de Centroaméria. Soen morrer por capturas accidentais ou pola inxestión de plásticos que confunden coas medusas. Tamén é frecuente que queden enmalladas en aparellos de pesca inservibeis que flotan á deriva. A tartaruga de coiro é unha especie amenazada, segundo a convención de Berna. A entidade ecoloxista deu aviso ao Concello de Valdoviño para que proceda a retirar o corpo da tartaruga. |
| |
| A nova oferta da Xunta divide aos mariscadores |
| 18/12/2006 |
| División no colectivo de mariscadores de Ferrolterra. Cando ian iniciar as movilizacións reclamando o abono das indemnización pola paralise da actividade, as confrarias recibiron a media mañán unha nova oferta da Consellería de Pesca. A Xunta finalmente aceita abonar a compensación polo peche da actividade durante a campaña do Nadal, somentes tras a asinatura da correspondente factura. Non esixen xa a asinatura previa do contrato con Tragsa para proceder á limpeza da ria. A confraria de Barallobre amosouse disposta a utilizar o citado método, pero a confraría de Ferrol négase. A situación está así, despois de que os mariscadores estiveran a piques de iniciar o bloqueo da ria a media mañá de hoxe. Xa estaban cargando gasolina e víveres nas súas embarcacións para dirixirse á zona dos castelos de San Felipe e da Palma para bloquear dende alí os accesos ao porto de Ferrol. |
| |
| Solicitan información sobre a base de salvamento marítimo |
| 04/12/2006 |
| O Concello de Fene solicita información sobre a base de salvamento marítimo de Vilar do Colo. O alcalde Xose María Rivera demanda unha entrevista co delegado do Goberno en Galicia Manuel Ameijeiras a fin de coñecer máis en detalle as características desa instalación.
A Sociedade de Salvamento e Seguridade Marítima, SASEMAR, anunciou xa en xuño do 2005, a súa intención de instalar en Vilar do Colo a base galega de Salvamento Marítimo. Nesa data, SASEMAR adquiriu unha parcela de 20.000 metros cadrados no parque empresarial de Fene. Naquela data diciase que o centro loxístico dispoñerá de barreiras oceánicas e outro material para a defensa das costas en caso de emerxencia. Afirmábase tamén que contará cunha importante dotación de medios humanos preparados para o reparto do material en calquera punto do Noroeste da península. O centro estará operativo antes do 2008. A pasada semana a ministra de Fomento Magdalena Alvarez confirmou a intención do seu departamento, pero engadiu que a instalación incluirá un almacén de residuos mariños. O alcalde de Fene solicita agora unha reunión para recabar máis información en torno a esta instalación e aos prazos previstos para a súa construcción. |
| |
| Mañá domingo dispútase a Memorial Adolfo Ros de atletismo |
| 02/12/2006 |
| Unha das probas atléticas de maior tradición en Galicia comeza mañá domingo en Ferrolterra. As 10,30 da mañá sairán da Praza de Armas de Ferrol os atletas participantes na Memorial Adolfo Ros, para percorrer os 21 quilómetros que bordean a ria. Organizan a proba os Concellos de Ferrol, Fene, Narón e Neda. Radiofusión retransmitirá en directo a carreira. |
| |
| Astano non pode permanecer máis tempo inactivo, segundo Rivera Arnoso. |
| 28/11/2006 |
| O antigo Astano non pode permanecer máis tempo abandonado. O alcalde de Fene Xose María Rivera culpou aos gobernos centrais de condenar ao estaleiro de Perlío á máis absoluta inactividade.
Rivera Arnoso amosou o seu apoio ás iniciativas da Consellería de Innovación e Industria para buscarlle futuro a factoria de Fene. Unha sociedade mixta, con capital privado e público, podería reflotar a factoria, crear emprego e dinamizar a economia da comarca.
Segundo o alcalde de Fene, a participación da Xunta de Galicia nese proxecto darálle fiabilidade e garantias de futuro. Dese xeito Astano beneficiaríase do bo momento que vive nestes momentos a construcción naval mundial.
Tamén contra a Sociedade Estatal de Participacións Industriais (actual propietario dos estaleiros públicos) cargan as centrais sindicais. Se os estaleiros teñen tantas perdas, o presidente da SEPI debe dimitir, segundo afirma a UXT de Navantia Fene. Os uxetistas negan que o estaleiro de Perlío sexa o que peores resultados ofrece do sector naval español.
A central sindical lembra que a responsabilidade de xestionar a empresa reside na cúpula da SEPI. Afirman textualmente “coas cifras que ofrece Martinez Robles na man, a dirección dos estaleiros públicos amosa a súa incapacidade para dirixir o destino da empresa e dos seus traballadores”. A Unión Xeral de Traballadores tamén indica que o estaleiro de Perlío demostrou durante moitos anos, que está entre os mellores do mundo. O cumprimento dos prazos de entrega, así como a man de obra altamente cualificada, do plantel propio e da industria auxiliar, quedou suficientemente demostrada. As casas armadoras recoñeceron ese extremo, durante moitos anos, segundo a UXT.
Pola súa banda, o conselleiro de Innovación e Industria da Xunta de Galicia Fernando Blanco defendeu esta mañá o rigor da proposta da Xunta de Galicia, para Navantia Fene. Que exista o interese de diferentes grupos empresariais ratifica a solvencia da iniciativa do goberno autónomo, segundo Fernando Blanco.
O conselleiro de Industria insistiu na necesidade de buscar alternativas, e criar emprego en Ferrolterra e en Fene en particular. Ratificou o seu compromiso de presentar en xaneiro un proxecto industrial solvente e con garantías de futuro para o estaleiro de Perlío. A preguntas dos xornalistas, Fernando Blanco non quixo desvelar os nomes das firmas máis implicadas no proxecto de reactivación de Astano. O conselleiro de Innovación sí recoñeceu que se están a estudar as propostas de todas as empresas que ata o momento manifestaron publicamente o seu interese polo futuro do estaleiro de Fene. |
| |
| Inundacións en baixos e garaxes polas copiosas precipitacións |
| 23/11/2006 |
| Os servizos de Bombeiros ferroláns levan unha xornada de arduo traballo, con todos os efectivos empregandose a fondo e con reforzos. Máis de 20 chamadas recibiu a centraliña de bombeiros departamental reclamando axuda de viciños cos seus baixos e garaxes inundados. A Malata, San Bartolo, a estación, a avenida de Vigo, o muelle, a estrada da trincheira, Fontá en Doniños, a Avenida do Mar, a glorieta do Diapasón na Avenida de Esteiro, a Ponte das Cabras, o Instituto Sofia Casanova. Eses foron algúns dos lugares que requeriron a axuda dunha dotación do servizo de bombeiros. A Policia municipal de Fene recibiu tamén máis de 12 chamadas de viciños que reclamaban axuda ante a inundación das súas propiedades. Os axentes municipais cortaron ao tráfico as Rúas Ameneiral, Eduardo Neira, Río Cádavo e Cardoeiro totalmente anegadas. Nas inmediacións da Ponte dos Santos en Perlío inundaronse tamén baixos e establecementos comerciais.Os viciños das zonas máis afectadas polas inundacións e próximas ás desembocaduras dos rios miran con preocupación ao ceo. A vindeira pleamar rexistraráse ás 5,31 da tarde e se se reanudan as precipitacións a esa hora, a marea alta podería sumarse á auga caida polas choivas e complicarse a situación. |
| |
| Presentan a biografia do comunista Paco Filgueiras |
| 22/11/2006 |
| A biografia do comunista Paco Filgueiras presentase o vindeiro martes en Ferrol. Un gran número de persoalidades políticas e sindicais anuncian a súa participación no acto de presentación do libro escrito por Xose Manuel Iglesias e Victor Santidrián.
A conselleira de Cultura Anxela Bugallo e o conselleiro de Traballo Ricardo Varela participarán neste acto. Tamén intervirá o presidente de Asturias Vicente Alvarez Areces e o dirixente de Comisións Obreiras Ignacio Fernández Toxo. Igualmente dirixiránse ao público os autores, o alcalde de Ferrol Juan Juncal e o secretario xeral de Comisións Obreiras de Galicia Xan Maria Castro. A presentación do libro de Paco Filgueiras terá lugar o martes 28 ás 19 horas na Fundación Caixa Galicia no Cantón de Molins de Ferrol. |
| |
| Xia Arias gaña o Pérez Parallé co Poema das ortigas |
| 20/11/2006 |
| Unha xove xornalista nacida en Fonsagrada en 1983 e viciña de Santiago de Compostela. Falamos de Xia Arias, a gañadora do Premio de poesia Pérez Parallé, certame convocado polo Circulo Mercantil e Industrial Unidade de Fene.
O poeta salvadoreño Roque Dalton, os galegos Antón Reixa e Chus Pato ou a norteamericana Adrienne Rich. Son algúns dos escritores que lle gustan a Xia Arias. O libro ten algo de autobiográfico pero tamén de retratos de persoaxes que xiran arredor do persoaxe principal. A editorial Espiral Maior encargaráse agora de publicar o libro de Xia Arias, “Poema das ortigas”. Gañou este ano o Premio de poesia Pérez Parallé. O xurado valorou a súa linguaxe fluida e fresca e as súas referencias literarias pouco frecuentes na tradición galega. |
| |
| Ramón Franco, o heróe ferrolán da aviación, nun libro de Joaquín Leguina |
| 10/11/2006 |
| Era un excéntrico, o máis tolo da familia, un nihilista. Son descripcións dalgúns escritores arredor da figura de Ramón Franco, aviador nacido en Ferrol en 1896 e morto nun accidente de aviación en 1938. O piloto exiliouse en París antes da caida da Monarquia en 1931, e alí entrou na masonería e entablou amizade co catalán Maciá e cos anarquistas Durruti e Ascaso.
Ramón Franco foi o home con máis sona na súa época despois de cruzar o Atlántico nun hidroavión en 1926. No “Plus Ultra” percorreu máis de 10.000 quilómetros o que o converteu nun auténtico heroe en todo o mundo. Para o escritor Joaquin Leguina, o aviador Franco é un persoaxe que non se debe esquencer. Leguina presentou onte á tarde a súa biografia sobre o heroe do Plus Ultra, elaborada xunto con Asunción Sánchez e publicada pola editorial Temas de Hoy. A valentia, a coraxe e a abelencia aos mandos do avión eran características da persoalidade de Ramón Franco. Un dos mellores pilotos do mundo no primeiro tercio do século XX, un exemplo da brilantez dos militares republicanos españois daqueles anos, segundo manifestou o ex presidente da Comunidade de Madrid no acto organizado polo Club de Prensa ferrolán. |
| |
| Ocasión Auto, máis de 500 vehículos con garantia na Feira de Mostras |
| 08/11/2006 |
| Adquirir un automóbil usado nas mellores condicións de calidade e prezo e con todas as garantias. Esa é a oferta do Salón do Vehiculo Usado Ocasión Auto que se abre o vindeiro venres na Feira de Mostras de Ferrol en Punta Arnela.
Segundo asegurou esta mañá o presidente do Consorcio Pro Feiras e Exposicións Francisco Cruz, en edicións anteriores este salón amosaba uns 200 vehiculos, ocupando 7000 metros cadrados. Este ano Ocasión Auto expoñerá máis de cincocentos turismos en 10.000 metros cadrados. Ocasión Auto abrirá ás suas portas o venres ás catro e media da tarde. Nas xornadas do sábado e do domingo abrirá de once da mañá a duas da tarde e de catro e media a oito e media da tarde. O prezo da entrada ascende a 3 euros. |
| |
| Un cetáceo morto en Estaca de Bares |
| 07/11/2006 |
| Unha balea morta apareceu esta mañá nas inmediacións de Estaca de Bares perto do Cabo Ortegal. Protección Civil de Cariño e os servizos de Salvamento Marítimo trasladaron o cetaceo ata o porto de Cariño, a onde chegou arredor da unha do mediodia.
A Sociedade Galega de Historia Natural faise cargo agora da balea, para determinar a súa especie, as causas da morte, e a realización dunha necrópsia. A actuación dependerá tamén de se o animal está moi deteriorado, segundo o coordenador de mamiferos mariños da entidade ecoloxista Juan Ignacio Diaz da Silva.
Da recollida das mostras da balea pode sacarse información moi valiosa. Ademais a SGHN en principio sempre intenta recuperar e conservar o esquelete do animal.
A balea morta avistouse flotando á altura de Estaca de Bares. O seu remolque ata o porto de Cariño levou arredor de duas horas, segundo informan dende a Sociedade Galega de Historia Natural. Ao chegar ao peirao, fíxose cargo do cetáceo a Coordenadora para o Estudo dos Mamíferos Mariños. Se o animal está moi deteriorado, será xa trasladado a un lugar habilitado para a súa incineración. Neste caso o Concello de Cariño e máis a Xunta de Galicia encarganse do transporte do animal. |
| |
| Un xove falecido en accidente en Sillobre |
| 02/11/2006 |
| Un xove resultou morto nun accidente de tráfico acaecido onte á noite en Sillobre en Fene. Segundo informa o Centro de Xestión do Tráfico do Noroeste, o sinistro aconteceu no lugar do Abeledo da estrada provincial AC 1503 entre Perlío e Lavandeira.
O vehiculo saiuse da calzada pola esquerda colisionando posteriormente contra unha arbore situada nas beiras da via. Faleceu o seu conductor e único ocupante, o xove de 21 anos que responde ás iniciais Iván G.R. e era natural e viciño do Salto en Cabanas. O accidente tivo lugar ás 22,40 h. da noite. |
| |
| EMAFESA retoma a negociación colectiva o vindeiro venres |
| 31/10/2006 |
|
A negociación do convenio colectivo de EMAFESA retómase o vindeiro venres. A CIG asesorará ao comité de empresa nos contactos despois de que a maioria dos traballadores da compañia de augas rexeitara un acordo de eficacia limitada asinado pola UXT. O órgano laboral destituiu ao presidente e ao secretario do comité, ás duas persoas que asinaran o pacto.
A maioria dos traballadores da empresa de augas de Ferrol asinaron a súa oposición ao acordo de eficacia limitada. O secretario comarcal da CIG Xesus Pintos indicou que ese tipo de pactos, son actuacións das empresas realizadas co obxectivo de dividir aos empregados.
Ante a oposición dos traballadores ao acordo de eficacia limitada, o xerente da firma aceptou retomar a negociación colectiva, o que se producirá mañán venres. Os traballadores de EMAFESA levan meses reclamando a negociación do convenio colectivo, pendente desde o 31 de decembro de 2004, data na que rematou a vixencia do anterior. Os dirixentes da CIG explican que o plantel leva desde esa data sen convenio colectivo e nin sequera se lles aplicaron as correspondentes actualizacións salariais, co que seguen a cobrar o mesmo que en 2004. Os traballadores decidiron en asemblea rachar as negociacións o pasado 24 de xuño, logo de diversas xuntanzas sen que se chegara a acadar ningún acordo. Aínda máis, consideran que a proposta de incremento salarial que fixo a empresa na xuntanza celebrada o pasado 19 de xuño, de 30 euros ao mes, é “ridícula” e afirman que “xa estamos fartos de que nos tomen o pelo como o están a facer”. EMAFESA conta con 54 traballadores. O Concello de Ferrol posue o 51% das accións, contando a empresa Dragados co 49% restante. O seu comité de empresa estaba formado por 3 membros da UXT e 2 da CIG. A representación uxetista dividiuse ao apoiar dous deles o Acordo de Eficacia Limitada, mentres que o restante se opuxo, configurando unha nova maioria co respaldo dos representantes nacionalistas. A CIG agarda lograr importantes melloras na negociación que se inicia este venres. |
| |
| Prepárase o magosto e a festa do Samain |
| 24/10/2006 |
| A Fundación Artabria de Ferrol programa a Festa do Samain e o magosto xuntando estas duas datas tradicionais do outono galego. As actividades de Artabria comezarán o sábado 28 ás 13 horas no Parque de Lago en Valdoviño. Apañarán castañas e celebrarán un xantar no mesmo lugar, xa acondicionado con mesas e bancos. Se o tempo non axuda trasladarán a festa para un local da zona ou para Artabria. Haberá un concurso de tartas de castañas, con premio sorpresa. O martes 31, -terça feira- dende as 19 horas organízase en Artabria a festa do Samaín e o magosto. Haberá obradoiro de cabazas e desfile polo barrio de Esteiro. O magosto popular repetiráse o sábado da vindeira semana, (4 de novembro) tamén dende as sete da tarde. Xunto coa asociación veciñal Fontelonga, repartiránse castañas asadas e liscos. A música correrá a cargo da agrupación de música tradicional “Gaitas de Artabria”. |
| |
| Festa dos callos con sorpresa musical |
| 20/10/2006 |
| Unha gran sorpresa musical anuncia para esta noite o Circulo de Perlío. Ademais de Saavedra, a entidade contará con convidados de primeira fila para animar a velada desta noite.
A festa comezará arredor das nove e media da noite co reparto das racións de callos a prezos populares. Despois de degustar o gorentoso prato, virá o turno dos cafés e da música. Agárdase unha gran concurrencia no Circulo Cultural Recreativo e Deportivo de Perlío. |
| |
| Preguntan pola legalidade do edificio comercial da Praza de España |
| 18/10/2006 |
| ¿Cal é a situación legal das obras da Praza de España? Esa é a pregunta que lle formula por escrito o concelleiro do BNG Xoan Xose Pita ao alcalde de Ferrol Juan Juncal. Na carta reiterase a solicitude formulada o pasado 5 de setembro dun informe do secretario municipal, sobre unhas actuacións que non se axustan ao Plan Xeral de Ordenación Municipal, segundo afirma o Bloque.
Xoan Xose Pita califica a actitude do alcalde en relación coas obras da Praza de España de escurantista e entorpecedora da dinámica municipal. Reitera a demanda dun informe legal sobre a reurbanización da superficie deste espacio emblemático na cidade de Ferrol.
Na Praza de España de Ferrol comezaron hai varias semanas as obras de excavación previas á construcción dun edificio comercial que será explotado por unha firma a cambio de financiar a obra. Como queira que o PXOM sinala a zona como un vial público, tanto o BNG como as asociacións veciñais sinalan que é necesario previamente ao inicio das obras a realización do correspondente cambio da normativa urbanística. |
| |
| Xaquin Marin e Ramón Loureiro presentan A oca de Leonardo |
| 17/10/2006 |
| A oca de Leonardo. Chámase así o libro de Ramón Loureiro que esta tarde se presenta no local do Toxos e Froles de Ferrol. De xeito simultáneo inaugurase unha exposición das ilustracións do volume, obra de Xaquín Marín.
A acción do libro, nun xesto de complicidade cos lectores, invita a viaxar a través do tempo, desenvólvese no ano 1806, cando o Vizconde de Chateaubriand chega a Galicia en vésperas da celebración do Noveno Centenario de San Rosende. Así, e na súa máquina voadora con forma de oca deseñada por Leonardo da Vinci, Chateaubriand arriba a Ferrol o día 17 de outubro do 1806 e a Mondoñedo na xornada seguinte, o 18 de outubro dese mesmo ano. Ramón Loureiro rinde homenaxe á Bretaña, á Galiza do Norde e aos lazos que unen Ferrol e Mondoñedo. O acto de presentación de “A oca de Leonardo” comezará ás oito desta tarde no Toxos e Froles de Ferrol. |
| |
| Reclaman zonas verdes e rehabilitación de vivendas en Ferrol vello |
| 16/10/2006 |
| Reivindican para zonas verdes as parcelas situadas diante do adro da igrexa de San Francisco en Ferrol. Con ese obxectivo viciños e viciñas da zona realizaron onte unha concentración e unha plantación simbólica de árbores.
A A VV de Ferrol vello reclaman esa calificación urbanística asegurando que o barrio non necesita máis vivenda nova, senón rehabilitar as casas vellas e valeiras. Ademais indican que unha hipotética edificación nesas zonas perxudicaría o papel de mirador sobre os arsenais e a ria, que exercen os xardíns de Herrera e o adro da igrexa de San Francisco. As políticas de rehabilitación de vivendas centrarán unha charla mañán martes no Ferrol Vello. Falará a directora xeral de Fomento e Calidade da Vivenda Encarna Otero e un representante da Oficina Municipal de Rehabilitación de Ferrol. O cato desenvolveráse no local da Asociación de Viciños, na Rua Curro,1 ás 20 horas. |
| |
| A mostra Mártires do mar inaugúrase o luns en Cariño |
| 14/10/2006 |
| A exposición “Mártires do mar. A represión franquista contra os mariñeiros galegos percorrerá a partir do luns varias localidades da costa cantábrica galega. A mostra rendelle homenaxe ás persoas represaliadas tras o golpe de estado de 1936.
A exposición poderá visitarse en Cariño do luns 16 ao sábado 21 de outubro. Logo amosaráse nas vilas de Burela, Viveiro, Foz e Ribadeo. Xunto á mostra “Martires do mar” organizaránse a vindeira semana en Cariño diferentes actividades. A exposición inaugurase o vindeiro luns ás 19 horas na Casa da Cultura da vila pola delegada da Consellaría na Coruña, Milagros Lantes, e polo alcalde de Cariño Jose Luis Armada. |
| |
| Folga indefinida dos xardiñeiros de Ferrol |
| 10/10/2006 |
| Os xardiñeiros de Ferrol decláranse en folga indefinida. Os empregados da empresa Cespa -concesionaria do servizo de mantenemento dos xardíns municipais- solicitaron esta mañá a declaración de paro con carácter indefinido reclamando un incremento salarial. Os traballadores concentraránse mañán ás 11 da mañá diante da Casa do Concello de Ferrol. Sosteñen que empregados de Cespa nas cidades de Vigo ou Lugo cobran salarios superiores por realizar igual traballo. Cobran de media uns 800 euros mensuais, e a empresa reduciu unha cantidade complementaria que viñan percibindo dos 400 aos 350 euros. Segundo o secretario comarcal da UXT Juan Luis Dopico, a empresa négase a negociar cos representantes dos traballadores. |
| |
| Curiosas maquetas de barcos expoñense no Círculo de Fene |
| 09/10/2006 |
| Alumnos do Colexio Centieiras de Perlío visitarán esta semana a exposición de maquetas de barcos e a de figuras de chumbo, nos locais do Circulo Mercantil e Industrial Unidade de Fene (A Coruña) . Nos locais da entidade, un dos expositores amosará cómo se funde o chumbo para lograr soldados, ciclistas ou membros da confraria da Semana Santa.
A exposición de maquetas de barcos recolle prototipos realizados a partir de planos. Na maioria dos casos o modelista elabora artesanalmente en madeira todas as pezas do barco.
A elaboración dunha maqueta pode levar uns seis meses de traballo, adicandolle unhas tres horas diarias. E fundamental dotarse de boas doses de paciencia antes de iniciar o labor. A mostra recolle barcos de Jorge Ardao, Manuel López Castro, Jose Luis Seoane, Juan Folgar e Francisco Fernandez Porto. Eduardo Barajas encargouse das figuras de chumbo. |
| |
| O Concello de Fene aproba o Plan Parcial de Centieiras |
| 06/10/2006 |
| 547 vivendas construiránse na marxe dereita da Avenida do Tarrio en Fene. Será unha das consecuencias do Plan Parcial que o Pleno da Corporación de Fene aprobou na tarde de onte. O BNG, PSOE e Esquerda
Unida votaron a favor, mentras que o Partido Popular se abstivo.
Un grupo de 47 propietarios das parcelas de Centieiras impulsan este Plan Parcial que ten como obxecto regular a urbanización e edificación do solo urbanizable. A Xunta de Goberno Local aprobou a proposta inicialmente o 29
de novembro do 2005. O Pleno desestimou as alegacións presentadas e procedeu á aprobación definitiva. O Plan Parcial afecta a unha superficie de 82.000 metros cadrados, algo máis que 10 campos de futbol.
A cambio da construcción das 547 vivendas, os propietarios deberán ceder para viarios unha superficie de 25.500 metros cadrados, e un parque público de 10.000 metros cadrados. Tamén cederán o chan para construir máis de 100 vivendas de protección oficial. Despois da aprobación plenaria, os propietarios deben constituir unha xunta de compensación e presentar no Concello un proxecto de urbanización. Segundo o edil de Urbanismo Manuel Pico, as obras poderían comezar nos primeiros meses do 2007. |
| |
| Preguntan pola situación dunha urbanización na costa de Valdoviño |
| 05/10/2006 |
| ¿Cal é a situación administrativa da urbanización da Frouxeira en Valdoviño?. Esa é a pregunta que formula no Parlamento o deputado do BNG Fernando Blanco Parga. Refírese ás obras nunha parcela no entorno da Frouxeira, que pertence integramente ao LIC Costa Artabra da Rede Natura 2000, e parcialmente á zona Ramsar.
A Consellaria de Medio Ambiente indicou no pasado mes de febreiro que non lle constaba solicitude para obras no entorno do espazo natural mencionado. Malia isto, a asociación ecoloxista ADEGA denunciou o inicio da construcción dunha urbanización de vivendas unifamiliares nesa zona protexida de Valdoviño. O deputado nacionalista pregunta agora se se produciu algunha inspeción na zona, cal foi o resultado da mesma e cales son as accións previstas ao respeito pola Xunta de Galicia. |
| |
| Presentan en Neda a novela Spam de Francisco Castro |
| 04/10/2006 |
| “Spam” é un libro protagonizado polo director dunha empresa que se relaciona co mundo a través de Internet, do correo electrónico e dunha webcam. A novela de Francisco Castro alerta sobre a cara menos amable da rede.
Spam gañou este ano o Premio Blanco Amor e presentaráse publicamente en Neda. No acto participarán o alcalde de Neda Carlos Pita, o director da Editorial Galaxia Victor Freixanes e o autor da novela gañadora do Blanco Amor Francisco Castro. A presentación principiará este venres ás oito da tarde na Casa das Palmeiras, na Avenida de Algeciras, 47 en Neda. |
| |
| Modesta Anca dimite como alcaldesa de Cabanas |
| 02/10/2006 |
| A alcaldesa de Cabanas dimitirá do seu cargo. Segundo un comunicado feito público por Modesta Anca, adoptou esa decisión tras reflexionar acerca da petición feita dende o seu partido, o PSOE. A alcaldesa comunicoulle a súa determinación en Santiago ao secretario de organización socialista Ricardo Varela.
Modesta Anca Rico afirma que continua confiando na xustiza e na democracia. Presentará recurso diante da Audiencia Provincial, contra a sentencia do Xulgado de Ferrol que a inhabilitou por prevaricación urbanística. Nesa nova instancia xudicial, defenderá a súa inocencia. |
| |
| Sete raposos mortos en San Sadurniño |
| 29/09/2006 |
| Unha instrumentación acústica e un repertorio inspirado en melodias galegas tradicionais e de autor. Esa é a oferta básica do grupo de folc Sete raposos mortos que as 12 desta noite actuan no Pub Dzine en San Sadurniño. Compoñen a formación Xaime Villamor (gaita e frautas) Pablo Vergara (percusións) Carlos Fernández (frauta traveseira) Alex Blanco (guitarra) Tonecho Castelos (violín) Aitana Cuétara (pandeireta) e Koke Folgueira (bouzouki). A entrada ao concerto custa 2 euros. |
| |
| Conmemoran en Caranza o Dia Mundial da Arquitectura |
| 28/09/2006 |
| “Arquitectura e urbanismo debense integrar nunha proposta de calidade. A resposta constructiva ás necesidades sociais debe pasar pola vontade de criar cidade e pola calidade arquitectónica”. Afirmao así a delegación de Ferrol do Colexio de Arquitectos de Galicia. O vindeiro luns conmemoran o Dia Mundial da Arquitectura.
Celebrarán esa xornada en Caranza cunha charla do arquitecto Xose Manuel Rosales sobre “A vivenda colectiva, un desafio na encrucillada dos tempos”. Proxectaráse tamén o documental “Arquitectura para o fin do século”. Os actos celebraránse o luns a partir das oito da tarde no salón de actos do Centro Cívico de Caranza. A arquitectura deste barrio ferrolán saltou á actualidade o pasado xoves 21 de setembro. Por mor do temporal Gordon, saltou polo ar o tellado de dous bloques de vivendas da Rúa Fonte de Greza. A cooperativa Vitra promovera as obras, construidas por ACS coa dirección técnica do arquitecto Alfredo Alcalá. |
| |
| Desbotan unha hipotética moción de censura en Cabanas |
| 27/09/2006 |
| O BNG desbota a presentación dunha moción de censura en Cabanas, ainda no caso de que se consume a expulsión do PSOE da alcaldesa Modesta Anca. O voceiro nacionalista Xose Manuel Sardiña indicou que non hai ningún tipo de sintonia coa dereita, que permitira configurar un programa de actuación e goberno conxunto.
O Bloque admite como moi problemática a situación que atravesa o Concello de Cabanas. Afirma Xose Manuel Sardiña que neste momento non hai interlocutor con quén falar, e que non se divisan perspectivas de solución.
5 ediles do PSOE forman a Corporación de Cabanas, por 2 do Partido Popular, 2 do BNG e 2 da candidatura independente Iniciativa Veciñal Cabanesa. Se a alcaldesa se mantén na sua postura de non dimitir, os socialistas poderían abrir nos vindeiros dias o correspondente expediente e a conseguinte suspensión de militancia de Modesta Anca. |
| |
| Inaugurado o Centro de Promoción da Autonomía Persoal en Bergondo |
| 25/09/2006 |
| O ministro de Traballo Jesús Caldera, o presidente da Xunta Emilio Pérez Touriño e o vicepresidente Anxo Quintana participaron esta mañá na inauguración do Centro de promoción da Autonomia Persoal en Bergondo (A Coruña). Diferentes especialistas traballarán nesta residencia na que se percurará a recuperación de persoas con doenzas psicomotrices.
O vicepresidente da Xunta, Anxo Quintana, manifestou en Bergondo a total coincidencia do Goberno galego coa filosofía da Lei de Dependencia, que supón pasar dun tratamento paternalista dos asuntos sociais a un recoñecemento da dependencia e da autonomía persoal como dereitos dos cidadáns. Quintana lembrou que a Vicepresidencia chegou a un acordo co Ministerio de Traballo e Asuntos Sociais o pasado mes de xuño sobre determinados aspectos da Lei importantes para Galiza, e froito deste acordo, Quintana e Caldera asinaron un protocolo polo que, segundo destacou hoxe o vicepresidente, por primeira vez hai un recoñecemento do Estado dunha débeda histórica con Galiza, neste caso en materia de servizos e equipamentos sociais. O vicepresidente da Xunta fixo estas declaracións esta mañá en Bergondo no acto de inauguración do Centro de Promoción da Autonomía Persoal, |
| |
| O PSOE pide a dimisión cautelar da alcaldesa de Cabanas |
| 23/09/2006 |
| O PSOE pídelle a Modesta Anca a súa dimisión como alcaldesa de Cabanas tras a sentencia do Xulgado de Instrucción número 4 de Ferrol. Non obstante, o secretario de organización do PSdeG Ricardo Varela sinala que os socialistas respaldarán a Modesta nos recursos xudiciais para amosar a súa inocencia.
Entretanto non se publica a resolución da Audiencia Provincial diante do recurso da alcaldesa, o PSOE pídelle á alcaldesa de Cabanas a súa renuncia como unha medida exemplar e de hixiene democrática, unha mostra de compromiso coa cidadanía e co propio partido. Modesta Anca meditará a vindeira semana arredor desta petición da súa formación. O Xulgado número 4 de Ferrol condenou á alcaldesa de Cabanas por delito de prevaricación urbanística. Segundo a sentencia, Modesta Anca outorgou licencia para unha urbanización na parte alta da zona da Praia da Magdalena. Levantáronse 19 chalets adosados cando somentes se poderían ter construido 12. A finca invade a zona de protección ferroviaria e o arquitecto técnico que informou o proxecto tiña relación cos promotores da construcción. O avogado defensor da alcaldesa sinalou que a sentencia conten un erro grave. Aplica o tipo penal de prevaricación urbanística nun caso de estudo de detalle. Manifestou a súa convicción de que a Audiencia Provincial revocará este fallo en canto resolva o recurso que se presentará. Entretanto, a alcaldesa de Cabanas meditará a vindeira semana se dimite, tal e como lle ten solicitado a dirección do PSOE en Galicia. |
| |
| O 4 de outubro finaliza o prazo de inscrición no II Slalom Eshor Fene |
| 22/09/2006 |
| Un total de 12 pilotos xa se inscribiron no II Slalom Eshor Fene que se
celebrará o sábado 7 de outubro. Despois do éxito de organización do I
Slalom celebrado o ano pasado en San Valentin, a Escudería afronta un novo
reto ao programar a proba no parque empresarial de Vilar do Colo. Os
promotores do slalom agardan superar a cifra da anterior edición, cando se
chegou aos 32 vehiculos participantes. O prazo de inscrición fecharáse o mércores 4 de outubro.
Segundo o directivo da Escudería Scracht Fene Edgar Vigo, as probas comezarán o sábado 7 de outubro coas verificacións que se iniciarán as 9 da mañá. A primeira
manga de adestramento comezará ás 12 do mediodia. Despois dun descanso para
xantar, ás 3 da tarde principiará a primeira manga oficial. A entrega de
trofeos realizaráse a partir das 7,30 da tarde nesa mesma xornada do sábado
7 de outubro. A escudería Scracht Fene agarda poder colgar a vindeira semana
en Internet a páxina do II Slalom. O cartel, as fotos e a clasificación do I
Slalom pódese consultar na páxina web:
http://perso.wanadoo.es/edgarvigo/slalom/ |
| |
| O tellado dunha urbanización en Caranza voa co temporal |
| 21/09/2006 |
| A caida do tellado de dous edificios na zona de Telleiras en Ferrol foi o desperfecto máis grave causado esta mañá en Ferrolterra. A urbanización Auditorio da ferrolá Rúa Fonte de Greza veu como o seu tellado voaba e ia parar á Rua G. A edificación contaba só con 3 anos, o que provocou sorpresa e indignación nos seus inquilinos. Os viciños dun total de 67 vivendas foron desaloxados. O Concello ferrolá contratou a unha empresa para repoñer a cuberta do edificio e busca realoxo para os inquilinos do terceiro andar. O seu domicilio está a ceo aberto, e estudan entablar accións xudiciais contra a constructora das vivendas ACS, contra o arquitecto do proxecto Alfredo Alcalá e subsidiariamente contra o Concello de Ferrol. Os tellados caidos provocaron desperfectos considerabeis nos vehiculos aparcados nesta zona situada fronte as obras do Auditorio de Ferrol. Unha arbore caida enriba dunha marquesina na Avenida das Pias en Fene, a caida dunha chapa do tellado do Centro de Saude de Maniños e da cheminea do local social Juan Varela de Limodre son outros dos destrozos causados polo temporal Gordon esta mañá en Ferrolterra. |
| |
| A caida dun tellado en Caranza provoca desperfectos en vehiculos e vivendas |
| 21/09/2006 |
| En Ferrol un eucalipto caeu na avenida das Pias á altura da gasolineira cortando un dos carrís ca calzada. Tamén no centro da cidade departamental antenas de Televisión e tellas caeron á via pública na praza de Amboaxe. Un tellado dun edificio veuse abaixo asimesmo na Praza de Ultramar. As centraliñas telefónicas dos Bombeiros e da Policia local de Ferrol desbordábanse a primeiras horas da mañá. En Irmandiños, o vento derribou catro arbores o que provocou o corte da circulación. Os contedores de lixo volcados tamén eran tónica habitual nas rúas do barrio de Caranza. Na Rúa Fonte da Greza deste barrio ferrolán caeu o tellado de dous edificios, provocando importantes desperfectos en seis vehiculos e nas vivendas colindantes. Os bombeiros desaloxaron aos viciños que habitan nestas casas, fronte ás obras do Auditorio, na zona das Telleiras. As imaxes eran espectaculares a primeiras horas da mañá.
A Policia municipal de Narón detectou a primeiras horas desta mañá a caida de árbores sobre a calzada en distintos viais da zona. Nas inmediacións do polideportivo da Gándara un eucalipto cortaba o tráfico, segundo informaban os axentes locais.
A Policia municipal de Mugardos detectou pequenos incendios a primeiras horas da mañá. Cables do tendido eléctrico caidos provocaron eses lumes que foron controlados sen problemas.
Unha arbore caeu na Avenida das Pias en Fene á altura do antigo hostal Perlío. O eucalipto deitouse sobre unha marquesina e unha cabina de teléfonos, onde se atopaba unha persoa recargando un móbil. Afortunadamente non se rexistraron danos persoais.
As Policias locais insisten na recomendación de non sair á rúa, salvo naqueles casos nos que sexa estrictamente necesario. |
| |
| Movilización en defensa das auxiliares do naval |
| 20/09/2006 |
| Reducir custes é a única preocupación dos directivos de Navantia e dos seus responsabeis políticos. Afirmouno así esta mañá o presidente do comité de empresa do estaleiro ferrolán Ramiro González. Os sindicatos convocan para o mércores 27 unha movilización cidadán en defensa do emprego nas compañias auxiliares.
Os comités de empresa de Navantia Ferrol e de Montaxes Nervión ofreceron este mediodia unha rolda de prensa conxunta na cidade departamental. Denunciaron o que califican como unha estratexia política para beneficiar a determinadas empresas auxiliares e perxudicar a outras. Os sindicalistas piden a intervención decidida da Xunta de Galicia para lograr o mantenemento do emprego nas auxiliares en xeral, e en Montaxes Nervión en particular. Montaxes Nervión (MONESA) despediu o pasado 16 de xullo a 167 empregados en Ferrolterra alegando falta de carga de traballo, ao finalizar as subcontratacións que viña desenvolvendo na factoria naval. O comité de empresa de Navantia Ferrol tamén denuncia o bloqueo da negociación colectiva. Nese terreo enviarán un escrito ao presidente de Navantia Juan Pedro Gómez Jaen solicitando a súa intervención nos contactos para intentar a búsqueda de puntos de confluencia. |
| |
| Convocan o Certame de poesia Pérez Parallé |
| 18/09/2006 |
| O prazo de presentación de traballos remata o vindeiro 30 de setembro. O Circulo de Fene convoca este certame destinado a premiar un libro de poesia inédito. Colabora na organización o Concello de Fene e a Editorial Espiral Maior. E requisito para participar, non ter publicado ningún libro individual de poesía. Porén, admítense traballos presentados por persoas que publicasen previamente algún libro en edición de autor.
Os autores participantes presentarán un libro de poesia en lingua galega. Os textos virán por triplicado debidamente encadernados ou grampados, identificados con pseudónimo e acompañados de plica. Os traballos enviaránse ao Circulo de Fene, na Rúa Porto do Rio, 21. San Paio. 15500 FENE (A CORUÑA). O premio consistirá na edición do libro na Colección de Poesía Espiral Maior.A primeira edición constará de 800 exemplares. O prazo do Pérez Parallé remata o sábado 30 de setembro. |
| |
| Mariscadores cortan os accesos a Ferrol |
| 15/09/2006 |
| Grupos de mariscadores cortaron esta madrugada os accesos a Ferrol en protesta polas restriccións á súa actividade. Colocaron barricadas con neumáticos ardendo despois das 5 da mañá en Catabois, na estrada da Trincheira, en Freixeiro, na saida da autopista de Neda e na avenida das Pias. Os servizos de Bombeiros de Ferrol apagaron o lume e empregados de Urbaser retiraron os restos das barricadas, restablecendose a normalidade na circulación arredor das 7 da mañá. Os mariscadores protestan pola aplicación dunha normativa europea que restrinxe a comercialización da ameixa extraida das zonas de posibel contaminación. A confraría de Ferrol reclama que a Xunta de Galiciia compense polo descenso dos ingresos dos mariscadores a partir da entrada en vigor desa medida aplicada dende o dia de onte. |
| |
| Polémica pola escola infantil de Caranza |
| 14/09/2006 |
| A Vicepresidencia da Xunta anima ao alcalde de Ferrol Juan Juncal a comezar canto antes a construcción da escola infantil de Caranza. Segundo Anxo Quintana, ten asegurado o apoio do goberno autónomo.
Dende a Vicepresidencia lembran as duas vias existentes para xestionar as escolas infantís, a través do Consorcio Galego de Servizos da Igualdade e do Benestar, ou ben de maneira autónoma e concorrindo ás ordes de subvención que publica cada ano a Xunta. A Xunta indica que recibiu o proxecto das obras con data 6 de xuño. Os servizos de inspección da Vicepresidencia detectaron algunhas deficiencias, que xa lle foron comunicadas ao Concello. Pola súa banda o goberno local de Ferrol asegura que a anterior responsable de Servizos Sociais da Xunta comprometérase a subvencionar este proxecto, pero agora o goberno autónomo non enviou ningunha comunicación administrativa oficial. Acusan de chantaxe á Vicepresidencia da Xunta pola súa actitude en torno a este proxecto da escola infantil de Caranza. |
| |
| As orquestras Trebol e Principes animarán as festas do Puntal en Neda |
| 13/09/2006 |
| As orquestras Trebol e Principes amenizarán este ano as festas do Puntal. Como é tradicional celebraránse en honor á Virxe da Mercé o venres 22, sábado 23 e domingo 24 do presente mes de setembro.
O mesmo venres un grupo de gaitas da Asociación Basilio Carril percorrerá este barrio de Neda. As nove da noite iniciaráse unha mexilonada. A orquestra Trebol encargaráse da animación musical o sábado, e Os Principes o domingo. Ese dia haberá ademais á unha do mediodia misa solemne, con procesión se o tempo o permite. |
| |
| Expectación diante do anuncio da actuación de Antonio Vega |
| 12/09/2006 |
| Moita expectación despertou o anuncio da actuación de Antonio Vega no marco do Fenerock en San Valentín. O ex compoñente de Nacha Pop actuará arredor das doce e media da noite, conxuntamente con Los Limones, dacordo coas previsións horarias da organización. Mentras os restantes grupos participantes agradecen a oportunidade que se lles presenta ao tempo que se queixan da escasa cultura musical da comarca.
As previsións de horario da organización son as seguintes:
Venres 15 de setembro:
21 horas. Rock Away (A Coruña)
21,55. Abasto (Fene)
22,50. Meu (A Coruña)
23,45. Mu2 (Fene)
00,40. Los Limones e Antonio Vega.
02,00. Los Tigres del Cañotas.
Sábado 16 de setembro:
22 horas. Lost Psychotics (Valdoviño)
23,00. Los Crueles (A Coruña.)
00,00 Amadeus (Fene)
01,00 Sónicos (Ferrol)
02,00 Lunáticos (Murcia)
Todos os concertos ofreceránse na carpa instalada no paseo marítimo de San Valentin en Fene (A Coruña). |
| |
| 2 viciños de Narón e 1 de San Sadurniño falecen en accidente en Lugo |
| 11/09/2006 |
| Dous viciños de Narón e 1 de San Sadurniño faleceron esta mañá nun accidente de tráfico en Lugo. Un coche e unha furgoneta colisionaron ás 8,15 desta mañá na estrada local 541 que une Rábade e Vilalba. Fontes da Garda Civil de Tráfico informan de que se tratou do choque dun camión contra unha furgoneta.
O sinistro tivo lugar á altura do termino municipal de Begonte. A furgoneta invadiu o carril contrario e colidiu cun camión. Os tres ocupantes da furgoneta faleceron no instante. Unha dotación de Bombeiros tivo que desprazarse ao lugar para excarcelar aos ocupantes do vehículo. A Garda Civil de Lugo confirmou que os falecidos son Ramón Seoane Abad, de 49 anos e o seu fillo David Seoane López de 19 anos, naturais de Narón que viaxaban na furgoneta. Tamén morreu David Rodriguez López, de 23 anos e viciño de San Sadurniño que conducia o vehículo. Dirixianse a Outeiro de Rei para traballar nunha obra de saneamento.
Resultaron asimesmo feridos outros dous ocupantes da furgoneta C.G.O. de 31 anos, viciño de Vilagarcia de Arousa e A.M.R. de 40 anos, natural de Carballo. O conductor do camión, I.M:M., de 29 anos viciño de Barcelona, resultou ferido leve. As causas do accidente ainda están por determinar. |
| |
| O ministro de Xustiza no Museo do Humor |
| 08/09/2006 |
| O Museo do Humor de Fene contén dende onte unha nova obra. O ministro de Xustiza do Goberno de Zapatero, Juan Fernando López Aguilar, enviou unha das súas xa célebres caricaturas para incorporala a unha colección con máis dun milleiro de orixinais entre os que se contan firmas galegas e de todo o mundo. A caricatura de López Aguilar presenta a un “bambi” pastando tranquilamente, mentres é sobrevoado por Aznar montado sobre un misil, do que colga Rajoy. Segundo o director do Museo Xaquín Marín, a calidade do debuxo de Aguilar é evidente . |
| |
| Prepárase o II Slalom Eshor Fene |
| 07/09/2006 |
| O Segundo Slalom Eshor Fene celebraráse o sábado 7 de outubro en San Valentin. A escudería Scratch Fene establecerá uns trofeos especiais á mellor tracción traseira, ao debutante e á mellor participante feminina. Nesta xornada abrese o prazo de inscripcións, entre os participantes que queiran participar na proba. Despois do éxito de organización e de público rexistrado no I Slalom, os organizadores esperan manter o nivel conseguido para poder manter a exhibición de Fene, dentro do Campeonato Galego de Slalom. |
| |
| Antonio Vega actuará no Fenerock a vindeira semana |
| 06/09/2006 |
| O ex compoñente de Nacha Pop Antonio Vega actuará no Fenerock en San Valentín a vindeira semana. O festival desenvolveráse o venres 15 e sábado 16 no paseo marítimo de San Valentin en Fene.
A organización do Fenerock fechou esta semana a contratación de Antonio Vega. Tocará en San Valentín acompañado de Los Limones, o que representa un salto de calidade para o festival de Fene. Antonio Vega ven de publicar o seu disco “3.000 noches con Marga” e colaborou en diferentes produccións discográficas con Rosario ou con Amaral, entre outros. Tocou tamén este ano no Estadio Vicente Calderón no concerto conmemorativo do 40 aniversario dos 40 principales. O músico de “Chica de ayer” e de tantas outras cancións da década dos oitenta e dos noventa tocará o venres 15 en San Valentín. Ademais subirán ese dia ao escenario Rock away e Meu da Coruña, Abasto, Mu2 e Los Tigres del Cañotas de Fene e Los Limones de Ferrol. O sábado actuarán no Fene Rock Lost Psychotics e Los Crueles da Coruña, Amadeus de Fene e Los Sónicos de Ferrol. O prato forte do segundo dia do festival o constituirán os Lunáticos de Murcia, unha banda liderada por Santiago Campillo (ex de Mclan). Como en edicións anteriores haberá proxeccións audiovisuais e feira de exposición e venda de artesanía en San Valentín. Os organizadores programan ademaís un concerto de corais, unha xuntanza moteira e unha exhibición de cans amaestrados a cargo da sección cinolóxica do Tercio Norde. Como novidade este ano o festival retransmitiráse en directo e de xeito íntegro a través de Internet, podendo seguirse na web http://irisproduccions.com/fenerock . Esta emisión conta co patrocinio das empresas de Ferrol Net works e Iris Produccións. Organizan o Fenerock a asociación do mesmo nome, o Centro de Promoción Social de San Valentín e o Concello de Fene. O seu orzamento rondará os 18.000 euros, destinados de xeito fundamental á contratación dos grupos participantes. A carpa instalaráse na zona situada entre o colexio A Xunqueira e o pavillón polideportivo. Habilitaráse tamén zona de acampada libre nas inmediacións. |
| |
| Anxo Quintana salienta a calidade humana e o compromiso civico de Pancho Allegue |
| 05/09/2006 |
| Calidade humana e compromiso cívico. Esas foron as duas cualidades de Pancho Allegue que máis salientaron os dez oradores que onte participaron na homenaxe ao tenente de alcalde de Fene. O vicepresidente da Xunta Anxo Quintana salientou que sempre lle plantou cara a situacións dificiles da vida. A Praza do Concello de Fene encheuse na tarde de onte de viciños e viciñas que quixeron sumarse á homenaxe ao concelleiro falecido o catro de setembro do 2005. Un dos seus familiares resumiu en poucas palabras o sentimento de todos os asistentes: E moi dificil de esquencer .
Para a conselleira de Cultura e Deporte Anxela Bugallo, Pancho era tamén un amigo. Por iso o acto de onte foi para ela especialmente emotivo.
O vicepresidente da Deputación da Coruña Xaime Bello salientou para Radiofusión o caracter dialogante de Allegue. Sempre foi un exemplo e unha persoa cercana, segundo Xaime Bello.
O senador do BNG Francisco Jorquera destacou ao remate do acto a calidade humana do malogrado concelleiro. Unha virtude acumulable á súa valía política, segundo Francisco Jorquera.
O deputado de Cultura Celestino Poza compartiu con Pancho a xestión da Formación Ocupacional dende os Concellos de Culleredo e de Fene. Xuntos viviron momentos complicados da xestión política, pero tamén compartiron moitos soños. O de onte foi un acto cargado de emoción, para Celestino Poza. Interviron representantes de todos os grupos políticos presentes na Corporación (EU, PP, PSOE e BNG), o presidente da Asociación de Viciños de Limodre Xesús Bello en representación do movemento asociativo, o secretario xeral da CIG Xesús Seixo, o sindicalista Manuel Mera e a xornalista Maria Xesús Arias, ademais do alcalde de Fene Xose María Rivera.
O vicepresidente da Xunta Anxo Quintana gabou a conciencia limpa e honrada de Allegue. Referiuse ao tenente de alcalde de Fene como aquel que sabe traballar sen descanso polo benestar dos viciños.
Radiofusión emitirá ás tres e media desta tarde o acto en homenaxe ao concelleiro de Fene falecido hai un ano. O xoves da vindeira semana, dia catorce, o movemento asociativo de Fene rendirá tamén tributo e lembranza a Pancho Allegue. Descubrirán unha placa conmemorativa no Parque Castelao. |
| |
| Francisco Allegue: Historia dun compromiso |
| 04/09/2006 |
| “Area de Formación Pancho Allegue”. Chamaráse así este departamento municipal do Concello de Fene dende esta tarde. As seis e media da tarde descubriráse a placa con esa denominación na Praza do Concello. Tamén se presentará o libro “Pancho Allegue, historia dun compromiso”.
O vicepresidente da Xunta Anxo Quintana, a conselleira de Cultura Anxela Bugallo e o secretario xeral da CIG Xesús Seixo teñen confirmado a súa presencia neste acto. Ao remate do mesmo, repartiranse entre os asistentes exemplares da publicación. O Concello de Fene quere con este acto rendir homenaxe ao compromiso cívico de quén foi o seu primeiro tenente de alcalde, falecido de xeito repentino o 4 de setembro do 2006. |
| |
| Remataránse as beirarruas en Maniños, Barallobre e Perlío |
| 01/09/2006 |
| A Xunta de Galicia ven de adxudicar as obras de urbanización dun novo tramo da estrada da Palma ao seu paso por Fene. Remataranse as beirarruas por ambas marxes da calzada dende Perlío ata O Penedo en Barallobre. Ademais construiránse tamén aceiras e abastecemento de augas en Maniños pola marxe esquerda da calzada dende a ponte do Rio Ba ata San Xoan de Piñeiro no límite co término municipal de Mugardos.
Segundo informa o Concello de Fene, a obra adxudicouse á empresa Ponciano Nieto cun presuposto de 450.000 euros. Para o inicio da actuación, somentes resta agora a firma do contrato coa administración autonómica. O prazo de execución alcanza os seis meses. Os representantes municipais de Fene levan anos demandando o remate da urbanización da estrada da Palma, dado que é un vial que soporta moita circulación por zonas densamente habitadas.
A construcción das beirarruas implicará unha maior protección para os peóns que circulan por esta estrada que presentaba varios “puntos negros” de tráfico. O alcalde Xose María Rivera insisteulle nesta demanda nunha entrevista mantida o pasado mes de abril co delegado provincial da Conselleria de Política Territorial Jacinto Parga. Agora, Maniños, Perlío e Barallobre contarán con eses novos tramos de beirarrúas nun prazo de seis meses. |
| |
| Mexillonada do Mantón en Viladóniga Vilasanche |
| 31/08/2006 |
| Deporte, música e comida. Non faltará de nada na Festa do Veciño que este sábado celebran en Viladóniga Vilasanche. A Asociación de Viciños desta parroquia da zona rural de Ferrol organiza este evento por decimosexta ocasión.
O programa comezará cun gran marathon popular a partir das once da mañá. Tras a proba de atletismo, virán os xogos e a diversión para pequenos e grandes. As pezas do mediodia correrán a cargo de Joselo. As cinco da tarde comezará unha marcha cicloturista, e media hora máis tarde principiará a final do campeonato de chave. Arredor das oito e media procederáse á entrega dos premios aos vencedores das distintas competicións. Todo concluirá coa verbena do Mantón amenizada por Joselo e cunha gran mexillonada gratuita que se iniciará ás nove da noite. |
| |
| Mugardos lembra a Paco Filgueiras |
| 30/08/2006 |
| Comisións Obreiras organiza para este sábado uns actos de lembranza de Francisco Fernández Filgueiras, un dos fundadores do sindicato na comarca de Ferrol falecido hai trinta anos. A homenaxe contará coa presencia da conselleira de Cultura e Deportes Anxela Bugallo e consistirá nunha ofrenda floral no cemiterio de Mugardos e un acto cívico no Casino da localidade.
Paco Filgueiras morreu o 2 de setembro de 1976, con 56 anos, ao mes seguinte de volver do exilio. Nacera en Mugardos en 1920. Entrou a traballar en Bazan en 1937 e alí interveu directamente na fundación das Comisións Obreiras na década dos anos sesenta. Participa tamén na organización do Partido Comunista de Galicia. Paco Filgueiras coñece ao guerrilleiro Pancho e colabora na folga do aceite de 1946. En 1970 sofre a detención, o cárcere e a tortura que deixará graves secuelas na súa saúde. Despois dos sucesos de marzo do 72 en Ferrol, Paco pasa á clandestinidade, exiliase en Francia e retorna en agosto do 76. Ao seu enterro acudirán máis de 10.000 persoas, como testemuña do aprecio que xenerara a súa figura na comarca. Paco Filgueiras, artífice da organización do movemento obreiro na comarca nos tempos do franquismo. |
| |
| En lembranza de Pancho Allegue |
| 29/08/2006 |
| O Concello de Fene organiza para o vindeiro luns 4 de setembro un acto institucional en lembranza do tenente de alcalde falecido hai un ano Pancho Allegue. Ese dia, designaráse á area de Formación do Concello co nome do edil nacionalista. Ademáis presentaráse o libro Pancho Allegue, historia dun compromiso .
Francisco Allegue Tenreiro “Pancho” naceu en Magalofes (Fene) o 7 de xuño de 1959. Morreu de xeito repentino, victima dun infarto de miocardio, no seu domicilio o 4 de setembro de 2005. Eses 46 anos foron un exemplo de compromiso coa sociedade que lle tocou vivir, pero especialmente cos máis desfavorecidos, coas victimas das inxustizas. Formou parte do comité de empresa de Astano
(antes consello de delegados) dende 1978 e durante máis dunha década. Presidiu a Asociación de Viciños de Fene dende 1984 ata 1987. Entrou a formar parte da Corporación local en 1987 e ocupou distintos postos no Concello ata o seu falecemento, cando desempeñaba a primeira tenencia de alcaldía da localidade.
No seu posto do comité de empresa de Astano defendeu con enerxia os postos de traballo no estaleiro, ao longo de todo o proceso da reconversión naval. Máis tarde, xa na Corporación Local, a criación de emprego e de expectativas para a xuventude foi tamén unha das súas principais metas. As sucesivas Escolas Obradoiro, os Talleres Ocupacionais e as múltiples ofertas formativas tiveron en Pancho Allegue a un dos seus impulsores fundamentais. |
| |
| Contra o peche da escola de Cervás |
| 28/08/2006 |
| Os viciños de Cervás en Ares amosan a súa disconformidade co peche da Escola Unitaria da localidade. Solicitan que o Concello aresán xestione diante da Consellería de Educación o mantenemento deste centro escolar que atende a nenos e nenas de idades situadas entre os 3 e os 6 anos. Se se confirma o peche da escola, os rapaces terán que acudir ao centro urbano de Ares. |
| |
| Xinetes de Holanda na Festa de Magalofes |
| 25/08/2006 |
| Un grupo de xinetes con cabalos e enganches procedentes de Holanda teñen confirmado a súa participación este domingo na Festa do Cabalo de Magalofes en Fene. Arredor de 10.000 persoas e 500 cabalos daránse cita ao longo de todo o dia nun evento que cumpre xa 16 anos. Os concursos de beleza e estampa comezarán as 10,30 da mañá. Logo sucederánse as probas de arrastre, exhibicións de doma, concursos de enganches, probas de trotóns e andadura galega. |
| |
| Pontedeume, 1936: Neno, coida da túa nai |
| 24/08/2006 |
| Neno, coida da túa nai díxolle Manuel Serantes ao seu fillo de catro anos cando o levaban para fusilar en xullo de 1936 en Pontedeume. Ia esposado por unha praza da vila eumesa e non o deixaron nen despedirse. Contouno así o seu fillo Jose Manuel Serantes a quen lle quedaron grabadas as últimas palabras e a última imaxe do seu proxenitor. Foi un dos representantes de máis de 20 victimas do franquismo que deron a súa testemuña pública no acto celebrado no porto de Ferrol no dia de onte. |
| |
| Grafiteiros decoran o campo de futbol de Cedeira |
| 23/08/2006 |
| Un total de 17 grafiteiros convertirán mañán xoves os muros do campo de fútbol de Cedeira nunha obra de arte ao ar libre. Trátase dunha actividade organizada pola concellería de Cultura da vila na que participarán estudantes de Belas Artes para decorar 80 metros de valado con novas expresions de arte urbano. A actividade da inicio ao programa Art na rua, que continuará o venres cun espectáculo de maxia, e o sábado cun concurso de pintura rápida. Facilitan máis información na Oficina de Turismo de Cedeira no número de teléfono 981 482187. |
| |
| Costas inicia o aporte de area ás praias de Limodre |
| 22/08/2006 |
| A demarcación de Costas iniciou o aporte de area na praia de Rio Sandeo en Limodre en Fene. Con eses traballos preténdese aumentar a zona habilitada para os baños de sol, reducida na actualidade sobor de todo na pleamar. Empregados da empresa Tragsa proceden á descarga e distribución da area na praia, comezando o labor pola marxe dereita do areal.
O Concello de Fene reclamoulle a Costas o aporte de area as praias de Rio Castro, Almieiras, Coido e Rio Sandeu na parróquia de Limodre, no pasado mes de febreiro. O Concello de Fene comparte a praia de Rio Castro co Concello de Cabanas e a de Rio Sandeu co de Ares. Os outros dous areais de Limodre –Almieiras e Coido- pertenecen integramente ao término municipal de Fene, asomandose á ría de Ares. Estas praias contan con servizo de limpeza nos meses de verán, duchas, área de aparcamento para vehículos e rampas de acceso. O municipio fenés pretende levar no prazo dun ano a traida de auga potable ás duchas xa instaladas en Almieiras e Rio Sandeo. |
| |
| A Policia local, co ollo avizor tras o roubo do sábado |
| 21/08/2006 |
| A Policia local e a Garda Civil de Fene continuan coas investigacións en torno ao roubo frustrado nunha vivenda acaecido o pasado sábado. As pesquisas céntranse en averiguar onde vivían e quén trouxo ata esta zona aos 2 adolescentes detidos cando intentaban sustraer obxectos de valor nun domicilio. Segundo a alcaldesa accidental Alicia Martinez, trátase dun suceso puntual e non parece que se poida xenerar alarma social polos feitos. Os menores foron recollidos e tutelados pola Xunta de Galicia. Os feitos acaeceron na mañá do sábado nunha vivenda situada na Avenida de Conces en Fene. No interior do domicilio se encontraba unha adolescente que deu aviso telefónico ao seu pai e a un viciño, ao escoitar como forzaban a porta cun desparafuxador O viciño puido reter a un dos xoves e deu a voz de alarma cando veu ao outro rapaz ás poucas horas polas rúas de Fene. Os adolescentes aseguraron ser de nacionalidade croata e residir nun poboado marxinal de Madrid. |
| |
| Dixebra pechará o Festival Irmandiño de Moeche |
| 18/08/2006 |
| Un son forte, cun amplo mestizaxe musical, bebendo das fontes da tradición, do celtismo e do rock. Así autodefine a súa música, Dixebra, o grupo asturiano que mañán sábado fechará o festival irmandiño de Moeche.
As actuacións comezarán na pradera habillitada nas inmediacións do castelo dos Andrade ás dez da noite do sábado. Tocará a esa hora Fiandola, que deixarán paso a Irtio e a Leilía. Fechará o Irmandiño de Moeche os asturianos de Dixebra. O escritor de Neda Vicente Araguas encargaráse da lectura do pregón e a media noite, realizaráse o asalto á fortaleza. O Festival Irmandiño vense celebrando en Moeche dende 1980 para lembrar a revolta irmandiñoa ocurrida en 1431. |
| |
| Un grupo de arqueólogos exhuman os restos das victimas das Barosas |
| 17/08/2006 |
| Un grupo de arqueólogos da Asociación para a Recuperación da Memoria Histórica intentará a vindeira semana exhumar os restos das 4 victimas dun tráxico episodio ocurrido en Ferrolterra na guerra civil. Os coñecidos como sucesos das Barosas acaeceron nas Pontes o 22 de agosto de 1936. Ese dia un grupo de falanxistas achégase á casa de Manuel Ramos Fernandez, concelleiro na vila, de 66 anos de idade. Matanno diante da casa, xunto co seu fillo Manuel Ramos Ferreiro.
Segundo o historiador Bernardo Máiz, despois os da Falange violaron a unha filla, e subiron nun carro á nai, á filla e ao fillo para levalos ao cemiterio da vila. No camposanto mataron a tiros á nai Juana Ferreiro e ao outro fillo Jose Ramos. O cura párroco evitou a morte da filla meténdoa na casa reitoral. A familia interpuxo denuncia contra os falanxistas implicados que foron xulgados. O Tribunal Militar absolveunos en 1942 por considerar que a súa actuación fora en acto de servizo. |
| |
| La Oreja de Van Gogh non actuará na Festa da Orella |
| 14/08/2006 |
| O grupo La Oreja de Van Gogh non actuará finalmente na Festa da Orella de Limodre. Fontes da organización confirmaron esta mañá a Radiofusión que os problemas de axenda impedirán aos de San Sebastián achegarse a esa parróquia de Fene. En Limodre repartiranse este venres máis de 600 racións de orella de porco, con chourizos e patacas a prezos populares. En lugar de La Oreja actuarán o músico Saavedra e o duo Caribe. Os actos comezarán ás 9,30 da noite deste venres 18 de agosto na pista polideportiva de Limodre, en Fene, na Coruña. A Asociación de Viciños de Limodre non desbota realizar un esforzo especial para o vindeiro ano e poder contar en vivo e en directo con La Oreja . |
| |
| As lapas na zona rural de Ferrol |
| 11/08/2006 |
| Os incendios chegan a Ferrolterra. Quedou totalmente apagado o lume desatado en Montefaro entre os Concellos de Ares e Mugardos, pero a primeiras horas da mañá habia un incendio activo en San Sadurniño. Na zona rural de Ferrol houbo lume durante toda a noite e boa parte da mañá.
Segundo datos da Consellería do Medio Rural, esta mañá detectábanse lumes controlados en Cerdido, Moeche, Ferrol e Valdoviño. A Xunta alertaba asimesmo as sete da mañá dun lume activo en San Sadurniño, concretamente na serra do Forgoselo. Pouco despois o incendio estaba totalmente apagado segundo nos comunican viciños da zona de Igrexafeita. Na tarde noite de onte tamén quedou apagado o lume de Montefaro nos Concellos de Ares e Mugardos.
Dende o servizo de Bombeiros de Ferrol informaban este mediodia que quedou sofocado o lume detectado na zona das Canteiras na subida da Bailadora. Alí traballou persoal do servizo contra incendios e arredor das doce e media deste mediodia o lume considerábase extinguido.
A mesma hora, os bombeiros ferroláns recibían unha chamada veciñal do lugar da Lagoa. Alertaban dunha columna de fume apreciable dende lonxe. Desprazouse alí un vehiculo do servizo contra incendios. |
| |
| O lume azouta San Sadurniño |
| 11/08/2006 |
| Os incendios chegan a Ferrolterra. Quedou totalmente apagado o lume desatado en Montefaro entre os Concellos de Ares e Mugardos, pero hai un incendio activo en San Sadurniño.
Segundo datos da Consellería do Medio Rural, esta mañá detectábanse lumes controlados en Cerdido, Moeche, Ferrol e Valdoviño. A Xunta alerta asimesmo dun lume activo en San Sadurniño. Pola contra na tarde de onte quedou apagado o lume de Montefaro nos Concellos de Ares e Mugardos. |
| |
| O lume chega a Ares e a Mugardos |
| 10/08/2006 |
| Unha espesa nube de fume cubre a esta hora Montefaro, entre os Concellos de Mugardos e Ares. As lapas diríxense cara ás antenas de telefonia móbil e os repetidores de televisión ubicados nas cercanias do mosteiro e tamén cara o Castelo da Palma. O lume desatouse a primeiras horas da tarde de onte no núcleo de Cervás en Ares. Dende ali propagouse en dirección ao cumio do monte e cara á praia de Chanteiro. Efectivos de Protección civil e dos servizos de contra incendios de toda a comarca permanecen na zona, intentando apagar o lume. A Xunta de Galicia habilitou un teléfono ao que poden chamar as persoas dispostas a colaborar como voluntarios nos traballos de extinción do lume. |
| |
| Atención á terceira idade no Círculo de Xubia |
| 09/08/2006 |
| Queren instalar no Círculo de Xubia un centro de dia para atención á terceira idade. Esa é a proposta formulada polo BNG de Neda. O Bloque solicita en primeiro lugar a elaboración dun estudo por parte dos servizos técnicos municipais para avaliar o custe da posta en marcha e mantenemento desa iniciativa.
Os nacionalistas suxiren ademais acollerse a unha liña de axudas publicada pola Deputación da Coruña. Segundo afirman, a subvención para este tipo de instalacións pode chegar ata o 80% do presuposto total. Nestes momentos unha entidade bancaria ten embargado o local do Círculo de Xubia. O Pleno do Concello de Neda xa debatiu hai uns anos a posible adquisición da sede da entidade, valorada daquela en 180.000 euros. Naquela ocasión desestimárase esa opción, ao estimar os concelleiros do BNG e do PP que non se presentaba unha proposta clara de usos para esa edificación. |
| |
| Pablo Milanés trunfa a pesar da gripe |
| 07/08/2006 |
| Un concerto romántico, intimista e poetico ofreceu Pablo Milanés onte á
noite no Parque Municipal Raiña Sofia de Ferrol. O músico cubano combinou con acerto cancións do seu último disco En los campos de maiz coas pezas máis tradicionais e mais coñecidas dos seus seguidores. A gorxa adoecida, cuberta por unha gran bufanda para salvagardar a gripe, acentuou o caracter humano do autor de Yolanda . Pablo somentes concedeu un bis cantando Para vivir e disculpandose diante do público polo que calificou como a voz dun can . |
| |
| Os xovenes estamos a gusto cos nosos pais, segundo Rosa Muñiz |
| 04/08/2006 |
| “Estamos a gusto cos nosos pais pola súa maior permisividade” afirma a investigadora da empresa Cidadanía Rosa Muñiz Castro, Segundo a licenciada en Ciencias Políticas, iso non quere dicir que non busquemos unha maior independencia. Para Rosa Muñiz, “ a carestia da vivenda e a precariedade laboral” son os factores que retrasan a emancipación dos xovenes galegos. A investigadora social comentou en Radiofusión os datos do Anuario 2005 do Observatorio Xove da Vivenda, elaborado polo Consello da Xuventude de España. Segundo a citada fonte, o 67% da poboación xove de Galiza non se emancipou. Ainda que o ano pasado o volume de xoves emancipados en Galicia, experimentou un medre maior ao do Estado Español ( + 9,07%), tan só Asturias e Cantabria teñen unha menor taxa de emancipación entre os menores de 35 anos. Os xovenes galegos deben adicar un 43% do seuu salario á hora de adquirir unha vivenda. |
| |
| Carreira de supercross o martes 15 na Capela |
| 02/08/2006 |
| Unha proba puntuable para o campeonato galego de supercross celebraráse o martes quince en Vilar de Mouros na Capela. O piloto de Fene Román Pérez competirá nesta carreira despois de alcanzar o campeonato de España na categoria SX 2.
Román alzouse co trunfo tras unha dura loita cos pilotos Joan Cros e Juan Pérez de la Torre na carreira de Alicante. Segundo a revista Motociclismo do presente mes de agosto, o galego seguiu unha traxectoria impresionante esta temporada. Román venceu en Galicia as duas mangas clasificatorias fronte aos seus dous grandes rivais. En Alicante sentenciou o titulo, despois dunhas últimas voltas de infarto. A proba de Vilar de Mouros ten confirmada a súa asistencia Joan Cros, ademais de Adrián Garrido, Jorge Bravo e Javier Fernández. A proba puntuable para o campeonato galego de supercros terá lugar o martes quince. As once da mañá comezarán os adestramentos e as seis da tarde a carreira. No circuito de Vilar de Mouros na Capela. |
| |
| Investigación actualizada sobre a represión franquista |
| 01/08/2006 |
| “Guerra civil e represión en Ferrol e comarca”. Chámase así o volume do historiador Xose Manuel Suarez, detallando a violenta represión desatada en Ferrolterra nos meses posteriores a xullo de 1936. O investigador cedeirés publicou o libro, editado polo Concello de Ferrol en 2002, tras analisar os libros de defuncións da práctica totalidade da comarca e numerosas causas xudiciais e Consellos de Guerra. Tamén consultou fontes orais de familiares das victimas. Agora, neste ano da memoria, Xose Manuel Suárez colga na rede unha versión actualizada desta publicación. Pódese ler de xeito integro na páxina www.leergratis.es, unha iniciativa da Central Librera da Rúa Dolores de Ferrol. |
| |
| Budiño e Ávalon nos concertos do verán de Fene |
| 28/07/2006 |
| Xose Manuel Budiño e Ávalon achéganse a Fene esta fin de semana. Terémolos en concerto, na praza do concello, mañá sábado a partires das dez da noite, froito dun convenio de colaboración entre o programa “Vai de camiño” do Xacobeo 2006 e a Consellería de Innovación e Industria da Xunta de Galicia.
O gaiteiro Budiño aproveitará o seu paso por Fene para presentar o seu terceiro traballo discográfico Zume de Terra, o primeiro no que asumiu integramente as labores de composición, arranxos musicais, produción e gravación. Ávalon, pola súa parte, interpretará os temas do seu novo album, Beltaine, un disco cheo de novos ritmos “que potencia a súa frescura e a súa espontaneidade co que sorprenderán aos seus seguidores e co que pretenden afianzarse nun estilo propio cada vez máis consolidado”. |
| |
| Comeza a segunda operación saída de Tráfico do verán |
| 28/07/2006 |
| Ás tres desta tarde ponse en marcha unha nova operación especial de tráfico con motivo do inicio das vacación do mes de agosto.
A Dirección Xeral de Tráfico agarda que se produzan máis de oito millóns de desprazamentos por estrada nesta campaña especial que hoxe comeza e que incluirá medidas excepcionais como a supresión de obras nas estradas durante as horas de maior intensidade de tráfico, a disposición de carrís adicionais naquelas zonas que o requiran ou a disposición de tódolos efectivos dispoñibeis da Agrupación de Tráfico da Garda Civil, amais duns 400 funcionarios e persoal técnico especializado que se ocupará das labores de supervisión, regulación e información. A DXT lembra que, nesta mesma operación, o ano pasado, rexistráronse 32 accidentes nos que faleceron 40 persoas e 30 resultaron feridas graves. Somentes na xornada do pasado 30 de xullo, 16 persoas perderon a vida. O número total de falecidos nas estradas españolas durante o mes de agosto do 2005 ascendeu a 342, e se falamos de todo o verán, a cifra medrou ate os 667. |
| |
| Días Azuis no teatro Jofre |
| 27/07/2006 |
| O concello de Ferrol ponse de gala para a estrea esta noite, no teatro Jofre, da película Días Azuis, o novo filme de Miguel Santesmases, con Óscar Jaenada, Javier Pereira, Javier Ríos, Marta Larralde e Celia Castaño no reparto.
Días Azuis conta a historia de tres irmáns que chegan a unha vila da costa da morte para pasar a que cren que será a súa derradeira fin de semana na casa familiar onde levan veraneando toda a súa vida, o que suporá unha despedida da súa xuventude. Pero algo acontece que marcará para sempre as súas vidas.
Días Azuis foi rodada integramente na comarca de Ferrolterra hai agora un ano cun equipo técnico e artístico integrado na súa meirande parte por profesionais galegos. O director do filme, Miguel Santesmases, e os actores Óscar Jaenada, Javier Ríos, Marta Larralde, Celia Freijeiro, María Castro e Cristina Castaño asistirán esta noite á preestrea de Días Azuis no teatro Jofre a partires das dez da noite. |
| |
| Comeza o Carlos Gurméndez |
| 26/07/2006 |
| O intelectual galego Isaac Díaz Pardo foi o encargado esta mañá de abrir en Pontedeume a novena edición do curso de verán Carlos Gurméndez. O polifacético galeguista falou sobre o cartelismo durante a II República, na primeira das conferencias organizadas este ano polo Club de Prensa, Universidade da Coruña e concello de Pontedeume.
O Gurméndez achégase á memoria neste 2006. O curso está adicado ao aniversario da “Segunda República. 75 anos de memoria histórica”. Xunto a Díaz Pardo, disertou tamén esta mañá o vicerreitor da Universidade de Santiago e doutor en Historia, Lourenzo Fernández, nunha charla sobre a vixencia dos principios da II República.
Nesta primeira xornada de curso, pola tarde achégase a Pontedeume o mestre e doutor da Universidade da Coruña Carlos Velasco. O profesor falará sobre a Segunda República en Galiza.
A xornada concluirá cunha mesa redonda sobre a República nas comarcas de Ferrol, Eume e Ortegal. Intervirán os profesores Esperanza Piñeiro de San Miguel, Javier Blanco, Eliseo Fernández, Emilio Grandío e Bernardo Máiz.
Mañán xoves pasarán por Pontedeume o vicepresidente da Xunta Anxo Quintana, o xornalista do xornal El País José Andrés Rojo, o academico Xosé Lois Axeitos e o escritor Alejandro Finisterre amais do licenciado eumés Xesús López Piñeiro.
A novena edición do curso Carlos Gurméndez celébrase no convento de San Agostiño de Pontedeume. |
| |
| Fene festexa o Día da Patria Galega |
| 24/07/2006 |
| “A nosa patria é a memoria”, titúlase a declaración institucional Día da Patria Galega que elaborou a escritora Rosa Aneiros para o Concello de Fene, un manifesto que esta tarde vai presidir o acto institucional do Día da Patria Galega, a partires das nove da noite no monumento do Parque Liñal do Río Cádavo. Este ano o concello de Fene decidiu centrar esta xornada na recuperación da memoria histórica e no 70 aniversario do Estatuto de Autonomía de 1936.
No acto desta tarde o concello de Fene distribuirá entre os asistentes unha publicación na que se reproduce o texto do Estatuto de Galicia do 36 e varios artigos contextualizándoo, realizados por prestixiosos profesores universitarios, analistas políticos e parlamentarios galegos como Lourenzo Fernandez Prieto, Uxío Breogán, María Xose Rodríguez Galdo, Beatriz Sestayo, Manuel Ruiz Rivas, Carlos Aymerich ou Xose Manuel Beiras. Todos eles aportaron o seu grao de area para sacar adiante este volume, “70 aniversario do Estatuto de Autonomía de 1936”, que hoxe á tarde se vai presentar e distribuir no acto central do ciclo Día da Patria Galega en Fene.
A xornada concluirá coa lectura da declaración institucional do Concello de Fene, no mesmo escenario do monumento do parque do Río Cádavo, e cunha copa de viño galego que se servirá a tódolos asistentes no salón de actos da Casa do Concello de Fene. |
| |
| Homenaxe a Ramón Souto |
| 21/07/2006 |
| A Agrupación Socialista de Fene prepara unha homenaxe a Ramón Souto para o día 18 de agosto. O acto consistirá nunha ofrenda floral e tamén na lembranza do que fora rexedor socialista durante a Segunda República, coa edición dun separador de libros e outros actos pendentes, aínda sen confirmar.
O alcalde socialista Ramón Souto foi o primeiro alcalde de esquerdas que tivo o Concello de Fene. Xunto co alcalde tamén foron “paseados” os concelleiros Andrés Iglesias, Eduardo Barcia, José Pita, Eugenio Casal, José Agras e o secretario do Concello Jesús Tenreiro.
A homenaxe terá lugar o día 18 de agosto, día da morte do rexedor fenés. |
| |
| O BNG de Fene conmemora o Día da Patria Galega |
| 20/07/2006 |
| O vicerreitor da Universidade de Santiago e profesor de Historia Contemporánea Lourenzo Fernández Prieto participará esta tarde en Fene nun ROTEIRO CULTURAL. Fernández Prieto disertará sobre a sociedade agrarista A Necesaria, que funcionou nesta localidade entre 1909 e 1936. A entidade contou cunha cooperativa de crédito, tenda de productos agrícolas e de alimentación, médico, veterinario e máquina de mallar. Ademais organizaba bailes e veladas teatrais e ofrecia aos seus asociados seguros de reses.
O Roteiro cultural comezará ás 8 desta tarde no Parque do Río Cádavo cunha alocución onde se dará lectura ao listado de persoas que foron fusiladas e paseadas nos meses posteriores a xullo do 36. Logo a escritora Medos Romero recitará unha serie de poemas de compromiso coa terra no Parque Castelao. A comitiva proseguirá o seu percorrido ata os locais do CMI Unidade de Fene diante dos cales, o alcalde Xose María Rivera falará do compromiso do Concello de Fene coa cultura galega. Logo dirixiráse aos asistentes o profesor Fernández Prieto dende un balcón do Xulgado de Paz, xusto en fronte de onde tiña o seu local A Necesaria. |
| |
| Fene, un país de músicas |
| 19/07/2006 |
| O concello de Fene pon en marcha nesta xornada o programa cultural artellado ao redor do Día da Patria Galega, un programa que estrea esta noite, en concerto, a coruñesa Mercedes Peón. Será a partires das dez, no escenario instalado na Praza do Concello.
Mercedes Peón presenta hoxe en Fene o seu derradeiro traballo discográfico, Ajrú, un disco cheo de dinamismo, mesturado con melodías intimistas, un espectáculo que fusiona o tradicional cos sons máis vangardistas. Con este álbum, Mercedes Peón está a colleitar grandes éxitos como demostran os teatros cheos no decurso da súa xira. Esta noite ten cita en Fene. Pero o concerto de Mercedes Peón será soio o primeiro dunha serie de concertos e festivais que encherán de vida esta semana a praza do concello de Fene.
Mañan xoves soarán as corais do concello nun festival de habaneras que comezará ás dez da noite coa participación das agrupacións do CPS de San Valentín, SCR O Pote, Eterna Juventud, Rondalla Estrelecer e a coral da Sociedade Agarimo de Sillobre. E o venres celebrarase no mesmo escenario da praza do Concello (ás 22:00h) un festival poético-musical cos grupos Dios ke te crew, Genios de la cachimba e La Mezcla. |
| |
| Un verán refrescante en Fene |
| 17/07/2006 |
| Nesta xornada ponse en marcha a Escola de Piragüismo de Verán do Concello de Fene. Dende hoxe ate o vindeiro 24 de agosto, a praia de Almieiras convírtese en escenario dunha actividade xa clasica dentro da programación estival do Concello. O curso vai dirixido a persoas interesadas en aprender ou practicar este deporte.
Monitores do club de piragüismo do Grupo de Empresa Astano e do club Copacabana serán este ano os encargados de dirixir a Escola de Piragüismo do Concello de Fene. As clases serán de luns a xoves, en dúas quendas, en horario de mañá. |
| |
| Visita real a Ferrol |
| 14/07/2006 |
| Ferrol recibe nesta xornada ás Súas Maxestades, os Reis D. Xoan Carlos e Dona Sofía, na segunda visita institucional que realizan á cidade. Ás tres e media da tarde está previsto que cheguen a Ferrol, nun helicóptero que aterrizará no Arseal.
A primeira cita dos monarcas na cidade departamental será no Parador de Turismo, a partires das cinco e media da tarde, nunha recepción ós membros do Padroado da Fundación Camilo Jose Cela. Ás seis, Don Xoan Carlos e Dona Sofía entrarán pola Praza de Armas onde serán recibidos polo alcalde, Juan Juncal, membros da corporación local e distintas autoridades convidadas. No interior do consistorio, os Reis asinarán no Libro de Ouro da cidade e, a continuación, saudarán dende o balcón a tódolos cidadáns que se congreguen na Praza de Armas. A continuación participarán nun acto protocolario no salón de sesións.
Nesta súa segunda visita institucional á cidade, os Reis terán oportunidade de achegarse ó Jofre, coñecer as súas instalacións e comprobar, a través de paneis explicativos, a profunda remodelación á que se viu sometido o teatro amais de asistir a unha actuación do coro decano de Galicia, o Real Coro Toxos e Froles, e da Agrupación Artística Añoranzas. A estancia dos Reis na cidade de Ferrol concluirá en torno ás nove da noite no palacio da antiga Capitanía Xeral da Zona Marítima do Cantábrico. Acompañados por unha representación da sociedade ferrolá, D. Xoan Carlos e Dna. Sofía, participarán nunha recepción oficial e asistirán a unha actuación da Banda Ferrolá de Música nos xardíns de Herrera. |
| |
| O Fene Rock pon en marcha o concurso “Toca con nós” |
| 13/07/2006 |
| Todo listo para que comece o concurso Toca con nós, que organiza o Fene Rock e o concello de Fene en colaboración cos concellos de Narón e Mugardos. A iniciativa xordiu ó redor do 4º Festival Fene Rock que se celebrará no barrio de San Valentín o próximo mes de setembro. Os organizadores decidiron poñer en marcha este certame para dar unha oportunidade de amosar o seu traballo a grupos noveis, afeccionados que, en moitos casos, contan con poucos recursos para saír adiante no mundo da música.
Doce bandas foron seleccionadas para participar nas semifinais do concurso Toca con nós. A primeira cita será en San Xiao (Narón), o vindeiro 21 de xullo, e nela participarán os ferroláns Retobato e La Patraña, os feneses Presa Fácil, os coruñeses Los Crueles e Dask e os tamén ferroláns Strutter. A segunda das semifinais será en Mugardos o día 29. Nesa ocasión actuarán os feneses Snain e Mala Sangre, os naroneses Majahne e Psicotics, os ferroláns El Rincón de Morgan e os composteláns Coda. Entre os grupos participantes, un xurado seleccionará cinco que pasarán á final (o día 18 de agosto no Círculo de Perlío).
Os dous grupos gañadores recibirán premios de 600 e 300 euros, respectivamente, e terán oportunidade de actuar no 4º Festival Fene Rock que se celebrará os días 15 e 16 de setembro. |
| |
| Fene no Festival de Ortigueira |
| 12/07/2006 |
| O trío formado polos feneses Daniel Bellón, Diego Maceiras e Alex Blanco proclamouse gañador do certame celebrado a pasada fin de semana no Escenario Runas do Festival de Ortigueira. Como premio, o vindeiro ano poderán actuar no escenario principal do Festival do Mundo Celta.
O xurado do Runas 2006, integrado por críticos musicais de diferentes medios de comunicación (José Miguel López, director de Discópolis; Emilio Españadero, director de Lume na palleira da Radio Galega; Fernando Neira de El País; Ángel Varela de La Voz de Galicia; Óscar Losada de La Opinión de A Coruña e Joao Sá do portugués Folkmagazine), inclinouse ao final pola proposta dos tres xóvenes feneses, entre as oito bandas noveis que chegarón á final.
Dani Bellón, Diego Maceiras e Alex Blanco competiron este ano no escenario Runas con Som Ibérico (Portugal), Korrontzi (Euskadi), Nao d´ire (Galicia), Irtio (Galicia), Linho do Cuco (Galicia), El espíritu de Lúgubre (Castela León) e Ginga (Portugal). De tódolos xeitos, foron setenta e cinco as bandas que participaron nesta séptima edición do Runas, un certame que pretende servir para que os novos artistas e creadores do folk dean a coñecer os seus traballos ao grande público. |
| |
| Comeza a 44º Feira Internacional de Mostras do Noroeste. |
| 11/07/2006 |
| O presidente da Xunta, Emilio Pérez Touriño, preside esta tarde en Ferrol o acto de inauguración dunha nova edición da Feira de Mostras, o certame multisectorial máis importante do noroeste peninsular. Un ano máis o recinto feiral de Punta Arnela convírtese por uns días nun auténtico escaparate onde se reunen máis de 200 expositores de toda unha diversidade de sectores (industria, artesanía, turismo, ocio, alimentación, automoción, moble, fogar, decoración, maquinaria).
Os organizadores estiman que máis de 30 mil persoas visitan cada ano a Feira de Mostras de Ferrol. Esta nova edición, a número 44, abriu as portas ó público as once desta mañá. As persoas que desexen visitala poderán facelo en horario de once da mañá a dúas e de cinco a nove ate o venres e, durante a fin de semana, en horario ininterrompido, de once da mañá a nove da noite. A entrada custa cinco euros. |
| |
| Pesca estuda autorizar a extracción comercial de mexilón das Pias |
| 10/07/2006 |
| O pósito de Barallobre presentou xa a solicitude ante a dirección xeral de Pesca. As cofrarías discuten alternativas á crise dos bancos de ameixa na campaña actual. A cofraría de Fene estima que a retirada de mexilón nas Pias podería ser unha alternativa á crise de capturas de ameixa no canal. As previsións eran malas antes da apertura da veda pero os primeiros días de actividade non fixeron máis que confirmalas. Agora preténdese que o mexilón teña saída comercial. A conselleria de Pesca estudará estes días a situación sanitaria deste molusco antes de aprobar plans de explotación concretos. |
| |
| Galicia & outras músicas, en Ortigueira |
| 07/07/2006 |
| O gaiteiro Xose Manuel Budiño, as pandereteiras de Leilía e a cantante Uxía protagonizan o espectáculo Galicia & outras músicas que esta noite se presenta no escenario principal do Festival do Mundo Celta, baixo a dirección do productor Javier Limón. Neste espectáculo, de catro horas de duración, faise un repaso do repertorio tradicional galego co atractivo de mesturalo cos sons populares do resto do mundo (dende Brasil a Guinea, pasando por Andalucía ou Nova Iorque). Neste senso, esta noite, artistas como Buika, La Negra, Jerry González, José Reinoso e Niño Josele achegaranse, dende a súa propia óptica, ó galego. Tamén colaboran neste espectáculo Nova Galega de Danza e Hip hop Roots.
Fin de semana folk
Ate o domingo continúa a festa en Ortigueira. O grupo bretón Bagad Beuzeg, os romanís Original Kokani Orkestar, os asturianos Llan de Cubel, os estadounidenses Solas e os galegos Xochilmica serán os protagonistas de xornada de mañá no escenario Estrella Galicia. O domingo, pecharán o Festival do Mundo Celta os escoceses Session A9, os galegos Berrogüeto, os irlandeses Four men and a dog e os bretóns Gwendal.
Ademais, durante a fin de semana, oito bandas noveis pasarán polo escenario Runas para xogarse “a golpe de directo”, o seu paso áo escenario principal do 2007. O público asistente a estes concertos de tarde decidirá, o sábado, entre as propostas de Som ibérico (Portugal), Korrontzi (Euskadi), Nao d´ire (Galicia) e Irtio (Galicia). O domingo á mesma hora, 17:30h, subirán ó Runas os feneses Dani Bellón, Diego Maceiras e Alex Blanco, os tamén galegos Linho do cuco, a banda de Castela León El espíritu de Lúgubre e os portugueses Ginga. |
| |
| Noitebús para as fins de semana |
| 07/07/2006 |
| A Xunta de Galicia pon en marcha un servizo de bus nocturno entre Ferrol e Pontedeume. O Noitebús é unha iniciativa que se desenvolverá en varias comarcas do país durante as fins de semana, venres e sábados. No caso de Ferrolterra, realizará percorridos entre Ferrol e Pontedeume (e viceversa). O goberno galego pon en marcha esta iniciativa co obxectivo de tentar reducir o número de accidentes nas estradas ligados ó consumo de alcohol
O novo servizo entra en funcionamento esta noite. Está previsto que o Noitebús realice paradas para recoller a posibles usuarios e usuarias de Fene, Mugardos e Ares.
O primeiro autobús, da empresa Arriva, sairá da praza de Galicia de Ferrol, ao carón de Correos, ás once da noite, e repetirá o itinerario cada dúas horas ata as cinco da madrugada. Os autobuses de volta comezarán a sair de Pontedeume ás doce da noite e tamén funcionarán cada dúas horas. O billete custará un euro e medio.
Esta primeira campaña do Noitebús concluirá o vindeiro 26 de agosto. |
| |
| O modelo territorial da costa galega resulta “insostible”, segundo a organización ecoloxista Greenpeace. |
| 05/07/2006 |
| No informe “Destrucción a toda costa 2006”, Greenpeace denuncia que Galicia está entre as comunidades que acumulan máis agresións no seu litoral. A saturación urbanística da costa, o aumento do número de campos de golf, os numerosos casos de corrupción asociados ó urbanismo, o incremento de novos portos deportivos e a contaminación derivada da falla de depuración das augas residuais son as principais ameazas ás que se debe facer fronte, segundo esta organización.
Greenpeace asegura que os plans urbanísticos desmedidos son unha constante no litoral galego. O seu informe, Destrucción a toda costa, cita unha ducia de concellos que nos últimos anos aumentaron a súa edificabilidade en máis do 200 %, entre eles, Pontedeume, Mugardos, Sada e Ortigueira. No apartado referido ós portos deportivos, Greenpeace fala dun total de 17 proxectos en marcha que suporán en Galicia máis de 3.500 novos amarres. A este respeito, os ecoloxistas piden que se poña en marcha o antes posible o anunciado Plan Director de Portos Deportivos (e que, mentres non entre en vigor, se decrete unha moratoria sobre novas instalacións).
Pero a grande asignatura pendente do litoral galego, segundo Greenpeace, é a contaminación. “Galicia inclumple a normativa europea en canto a depuración de augas residuais ata uns límites que superan a barreira do intolerable. O 40 % dos principais núcleos urbanos de Galicia (entre os que citan a Ferrol) non depuran os seus verquidos e máis de cincuenta municipios que agrupan a 650.000 habitantes verquen os seus residuos sen tratar directamente ó mar”, aseguran no informe “Destrucción a toda costa”. |
| |
| A campaña Un conductor alternativo chega a Ferrol |
| 04/07/2006 |
| O concello de Ferrol e a Fundación Alcohol e Sociedade celebrarán o vindeiro sábado a denominada Noite sen Accidentes, baixo a premisa de que alcohol e conducción son incompatibles.
Na madrugada do próximo sábado, monitores da Fundación Alcohol e Sociedade informarán en Ferrol a mozos e mozas sobre a necesidade de elexir para as noites de marcha a un conductor alternativo, que non beba, para levar o coche. Aqueles xóvenes que, durante a Noite sen Accidentes, non consuman alcohol, recibirán distintos agasallos, entre eles, cheques de gasolina por valor de 20 euros.
A dinámica deste programa “Un conductor alternativo” implica a realización dunha serie de probas de alcoholemia que deben superar tódolos participantes. Para iso, os organizadores contan coa colaboración de catro establecementos de ocio da cidade polos que deberán ir pasando (A Casa do Fol, Sikaru, CBC e The Drowsy Duck). En cada local, os participantes deberán someterse a un control de alcoholemia e soio aqueles que dean negativo poderán continuar.
Ademais, no marco desta campaña, a Fundación Alcohol e Sociedade ten previsto instalar esa noite na Praza das Angustias un vehículo accidentado para que os xóvenes se conciencien sobre as consecuencias que pode conlevar a conducción baixo os efectos do alcohol.
Tódalas persoas que desexen participar no programa “Un conductor alternativo” deben achegarse o vindeiro sábado, a partires das once da noite, pola praza das Angustias de Ferrol onde vai estar instalada unha carpa da Fundación Alcohol e Sociedade. |
| |
| Un verán “Máis alá” |
| 03/07/2006 |
| O Concello de Fene pon en marcha o cuarto campo lingüístico “Verán Máis Alá”. As actividades comezaron esta mañá no colexio O Ramo de Barallobre por onde pasarán, ó longo do mes de xullo, uns noventa rapaces e rapazas con idades comprendidas entre os tres e os doce anos.
O Verán Máis Alá é un programa lúdico-educativo para o tempo das vacacións. A comisión de Cultura e Deportes do Concello de Fene pretende crear, con esta actividade, espazos divertidos e educativos de calidade para os nenos e nenas de Fene, así como favorecer a conciliación da vida laboral e familiar. O programa vaise desenvolver ata finais de mes nas instalacións do CEIP O Ramo de Barallobre, en horario de 10:00 a 14:00h. Nese tempo os rapaces e rapazas poderán participar en actividades do máis diverso: aula de xogo, as cores da informática, coñecemos o medio, matemaxia ou a ciencia é divertida, entroutras. Para os nenos e nenas de educación infantil, o Verán Máis Alá propón actividades de aula de xogo, xogarte, xogos cooperativos e deporte adaptado. |
| |
| Música e gastronomía na Festa do Camiñante, en Barallobre. |
| 29/06/2006 |
| Achégase a Festa o Camiñante. A Liga de Amigos de Barallobre mantén a tradición de celebrar a súa festa máis emblemática na primeira fin de semana do mes de xullo. A cita será este sábado, 1 de xullo.
O programa desta nova Festa do Camiñante comezará ás cinco da tarde cun pasarrúas dende o local social da Liga ate o Monumento ó Camiñante Descoñecido, onde se realizará unha ofrenda floral. De volta, sobre as seis da tarde, comezará na pista do local social o tradicional Festival Folclórico ó que convidaron este ano á Banda de Gaitas de Ares, Agrupación Folclórica Donas e Galáns de Ferrol, Riosmar de Cangas de Foz (Lugo) e a Agrupación Folclórica Bolboretas da Liga de Amigos de Barallobre. Ó remate do festival, os organizadores anuncian unha sardiñada popular e, pola noite, verbena, arrufada polo Dúo Matiz.
Monumento ó Camiñante Descoñecido
A Festa do Camiñante está ligada históricamente ó Monumento ó Camiñante Descoñecido, “inaugurado en Barallobre o 1 de xullo de 1934. A idea de erguer este monumento xordiu en abril de 1932, da man do cronista do xornal “Pueblo Gallego”, Alfonso Piñón. En maio do 34 colócase a primeira pedra do monumento e, poucos meses despois ten lugar o solemne acto de inauguración no que interveñen personalidades da cultura galega de relevancia, como Don Ramón Otero Pedraio, Don Ramón Vilar Ponte ou o médico Rof Codina.
O Monumento ó Camiñante Descoñecido trasladouse da ubicación orixinaria en maio de 1984 para permitir a supresión do paso a nivel sobre o camiño de ferro. Na nova ubicación engadíronse tres novos bancos, adicados a Castelao, Irmáns Vilar Ponte e Pérez Parallé”.
(Do libro “Barallobre no pasado”, de Maria Xesús Arias e Henrique Sanfiz). |
| |
| Día do deporte na rúa en Fene |
| 28/06/2006 |
| O concello de Fene estrea o vindeiro domingo, 2 de xullo, a súa programación do verán coa celebración do Día do Deporte na Rúa. O evento comezará ás once da mañá, nas inmediacións do Círculo Cultural, Recreativo e Deportivo de Perlío. A partires desa hora, e ate a unha e media da tarde, calquera persoa que o desexe poderá participar nas distintas actividades programadas pola Comisión de Cultura, Ensino e Deportes do concello de Fene.
Tenis, fut-tenis, balonmán, baloncesto, dardos, esgrima, xogos de mesa, fúbol-sala, malabares, atletismo, volei, badminton, chave, tiro con arco, xogos para nenos e nenas, globoflexia, inchables... Son algunhas das propostas para este XIV Día do Deporte na Rúa de Fene. Os organizadores entregarán unha camiseta conmemorativa da xornada a aquelas persoas que participen alomenos en tres actividades. |
| |
| Noite meiga en Marraxón |
| 26/06/2006 |
| O Concello de Neda e a AAVV San Ramón de Sillobre están a organizar para o vindeiro venres, 30 de xuño, unha noite meiga que comezará cunha camiñada noctura ó monte Marraxón.
Dous grupos sairán a un tempo ás dez e media da noite, un dende a Casa da Cultura de Neda e outro dende o Casino de Sillobre. Os dous grupos, conformando unha especie de Santa Compaña, xuntaranse no vértice xeodésico do monte Marraxón, no punto máis alto, para degustar un chocolate e compartir contos e lendas, propios destas noites máxicas do mes de San Xoan.
Calquera persoa pode participar nesta actividade. Iso sí, os menores de 14 anos deberán ir acompañados dos seus pais e os rapaces e rapazas de 14 a 18, presentar unha autorización, para poder sumarse a esta curiosa procesión nocturna. Os organizadores recomendan ós participantes levar calzado cómodo, lanterna, chuvasqueiro e roupa de abrigo (se fora preciso), comida e bebida. Para máis información poden dirixirse á Oficina Municipal de Información Xuvenil de Neda ou, en Fene, á Sociedade Agarimo de Sillobre. |
| |
| Convocan un certame para gaiteiros do mundo |
| 23/06/2006 |
| O Ateneo ferrolán convoca o certame “O Gaiteiro de Soutelo” para gaiteiros da Galicia exterior. Poden participar músicos que toquen a gaita en calquera parte do mundo. Os concursantes deberán enviar á Subdirección Xeral de Centros e Comunidades Galegas un CD gravado coa peza “Muiñeira dos nachiños” de Xesús Vaamonde, e a partitura orixinal dunha peza inédita. O prazo de presentación remata o vindeiro venres 30 de xuño. Os convocantes concederán catro premios que consistirán no abono dos gastos de desprazamento e estadia pagados na cidade de Ferrol, para asistir á gala do Certame Constantino Bellón que se celebrará o vindeiro 31 de agosto. |
| |
| Unha nova quenlla no Museo da Natureza |
| 22/06/2006 |
| A Sociedade Galega de Historia Natural reproduce unha quenlla boreal (tiburón boreal – somniosus microcephalus) para instalar no Museo da Natureza de Ferrol. Os ecoloxistas comezaron esta mañá coa dermoplastia, a realización de moldes corpóreos para logo reproducir a tamño natural. Tentan conservar o cranio e as características mandíbulas dun animal capturado accidentalmente o pasado dia 20 polo pesqueiro de Ribeira “Coral”. O barco descargou en Corme a quenlla, que chamou a atención polo seu gran tamaño, de 3,30 metros, e o aspecto primitivo do seu corpo e cabeza. A entidade ecoloxista fíxolle a necropsia in situ, e ao tratarse dun animal dunha especie pouco habitual optouse por realizarlle a dermoplastia. O resultado deste traballo expoñeráse no Museo da Natureza, onde xa se poden contemplar quenllas fociñudas, anguias, marraxo e peixe momo. O Museo abre as súas portas nas instalacións da Casa do Coronel, no Cuartel Sanchez Aguilera. Accédese dende a porta da estación do tren. |
| |
| Gabriel Bescos recibe un accesit do premio Galicia Innovación Junior |
| 20/06/2006 |
| O xove ferrolán Gabriel Bescos Beceiro recibiu un accesit dos premios “Galicia Innovación junior”, convocados pola Consellería de Innovación e Industria da Xunta de Galicia. Gabriel Bescos presentou ao certame un proxecto denominado “hidropiano de percusión”, un instrumento musical movido pola enerxia da auga..
Os premios entregáronse nunha gala celebrada onte á tarde no Teatro Principal de Santiago. Alí o conselleiro de Industria amosouse impresionado pola creatividade amosada polos concursantes.
O gañador do certame foi o xove Efrén López quen deseñou un dispositivo para lograr que o líquido das botellas e dos envases de brick saia de maneira constante. A Consellería de Innovación e Industria tramitará agora o rexistro dos inventos premiados na oficina de patentes. |
| |
| 84 traballos ao certame de medio ambiente de Radiofusion |
| 19/06/2006 |
| Un total de 84 traballos concurren ao certame convocado arredor do Dia Mundial do Medio Ambiente por Radiofusión e o Concello de Fene. ¿Que podo facer eu para lograr un Fene máis limpo”. Ese era o lema deste concurso cuio xurado se dará a coñecer nos vindeiros dias.
Presentáronse traballos individuais e colectivos procedentes dos Colexios Os Casais de Maniños, O Ramo de Barallobre, Centieiras de Perlío e tamén do Instituto de Ensino Secundario de Barallobre. Os rapaces e rapazas propoñen un lema para esa campaña medio ambiental e unha explicación do mesmo en aproximadamente dez liñas. A frase seleccionada utilizaráse nunha campaña que o Concello de Fene e Radiofusión realizarán a partir de setembro. |
| |
| Reclaman o retorno de proxectos desviados para o Sul |
| 16/06/2006 |
| Deben retornar a Ferrolterra os proxectos desviados no seu dia para os estaleiros do Sul. Afirmao así o presidente do comité de empresa de Navantia Fene Jorge Prieto á luz dos novos contratos asinados por Navantia.
A compañia pública asinou onte en Madrid un pedido para a construcción de dous buques para Acciona Transmediterranea. Os barcos construiranse no estaleiro de Puerto Real, cun pedido que suma un millón oitocentas mil horas de traballo. O contrato recolle a opción para outros dous proxectos máis.
O presidente do comité de Navantia Fene reivindica un contrato completo para o estaleiro de Perlío. Jorge Prieto quere en principio ter coñecemento da aportación de horas e ata onde chega a nova contratación.
O comité de empresa de Navantia Fene demanda tamén a execución das sentencias xudiciais sobre o economato e os desprazamentos. Entretanto non se volva a abrir o economato, Navantia ten que aboar a cada beneficiario 2,54 euros por dia dende o 30 de xaneiro, data da sentencia da reapertura do servizo. |
| |
| Celtas Cortos nas festas de Guitiriz |
| 15/06/2006 |
| Celtas Cortos actuarán no marco das festas do San Xoan da localidade de Guitiriz o vindeiro domingo dia 25 de xuño. O grupo constituie o plato forte dos festexos e presentará o seu último disco nun concerto ao ar libre e con entrada gratuita no campo da festa da vila dos balnearios. Oscar, Cifú, Goyo e Alberto constituen o núcleo duro dos Celtas, ainda que contan tamén coa colaboración da gaita do galego Antón, e con outros moitos músicos. Naceron en Valladolid en 1986 e veñen de editar un doble CD denominado Veinte, soplando versos . |
| |
| Narón agarda resposta ás ofertas polo muiño de Xubia e a fábrica das Aceñas |
| 14/06/2006 |
| O Concello de Narón agarda a resposta ás últimas ofertas plantexadas para a adquisición do muiño de Xubia e da Fábrica das Aceñas. Nos dous edificios instalaríanse museos pedagóxicos en torno ao seu funcionamento.
O concelleiro de Recuperación Ambiental de Narón Manuel Ramos sinalou a Radiofusión que ve máis doado chegar a un acordo en torno ao Muiño de Marés das Aceñas. Neste caso o municipio plantexou unha oferta inicial de 45.000 euros e non está iniciado o trámite de expropiación.
Distinta é a situación do muiño de Xubia. Aquí o Concello ofreceu 300.000 euros e o representante da familia César Guerreiro Sequillo, ainda non formulou unha resposta. Neste caso o municipio narones xa intentou en repetidas ocasións facerse coa propiedade. Iniciou o proceso de expropiación hai máis de cinco anos, e incluso solicitou a urxente ocupación para frear o deterioro da edificación. A Xunta de Galicia inicialmente accedeu á petición municipal, pero os propietarios recurriron e os tribunais de xustiza admitiron os seus razonamentos. O trámite de expropiación continua polo seu camiño ordinario. Por iso Manuel Ramos ve neste caso máis dificil chegar a un acordo extraxudicial.
O muiño de Xubia situase ao pé da ponte que separa os municipios de Narón e Neda. Este edificio albergou todo un complexo industrial movido pola enerxia da auga. Ademais de muiño fariñeiro, chegou a mover unha fábrica de papel, de tecidos e de laminados de cobre. No ano 1858 era o principal muiño do país en capacidade de producción na súa clase. Chegaba o trigo en dous barcos do Báltico, de America e de Santander.
Máis cara a boca da ria, sitúase o Muiño de Marés das Aceñas, unha obra de grandes dimensións, cunha represa na desembocadura do rio Freixeiro. Unha comporta xiratoria alberca máis de 50.000 metros cúbicos de auga, enerxia dabondo para movelas grandes pedras de que dispón. A fábrica das Aceñas construiuse a finais do século XVIII promovida por unha sociedade de empresarios galegos e franceses. O edificio consta de represa, muiño, vivenda, almacéns e casa de recreo adosada, todo isto pechado cun muro de pedra. Tiña a consideración de Real Fábrica de Fariñas e foi unha das principais factorias da Galicia do século XIX. |
| |
| Denuncian o abandono de Aquaciencia |
| 13/06/2006 |
| O Concello de Ferrol ten abandonado o Parque Aquaciencia, segundo denuncia o concelleiro socialista Alfredo Rodriguez. O representante do PSOE afirma que a metade dos artefactos interactivos do Parque temático, non funcionan ou funcionan mal.
Para Alfredo Rodriguez, a imaxe que dá o Concello a todos os visitantes do parque, é nefasta. Outro dos aspectos denunciados refírese á ausencia de limpeza das lagoas e ao estado de abandono dunha estructura de madeira. O grupo municipal socialista de Ferrol anima a todos os cidadáns a que se aproximen ao parque temático e que saquen as súas propias conclusións. Aquaciencia inaugurouse o 10 de xuño de 1999. Dezanove inxenios mecánicos movidos pola auga integraban daquela o espacio didáctico. A Xunta de Galicia investiu 1,2 millóns de euros na posta en marcha desta instalación ubicada no Parque Municipal Raiña Sofia de Ferrol. |
| |
| Ramón Loureiro abre a Feira do Libro |
| 12/06/2006 |
| O xornalista de Fene Ramón Loureiro pronunciará esta tarde o pregón inaugural da Feira do Libro de Ferrol. Dará lectura ao seu texto ás oito da tarde no Cantón de Molins, co que se abrirá oficialmente a semana adicada ao libro na cidade departamental. Despois das palabras de Ramón Loureiro, actuará o Real Coro Toxos e Froles.
As casetas da Feira do Libro de Ferrol abrirán as súas portas xa este mediodia. Ata o vindeiro domingo, unha ducia de librerias e editoriais expoñen as súas últimas novidades ao público. Ofrecerán un desconto do dez por cento. Todos os dias haberá actividades de animación á lectura e presentación de libros. |
| |
| Litto Nebbia actuará no Felipop de Limodre en agosto |
| 09/06/2006 |
| O Joan Manuel Serrat de Arxentina. Coñécese así a Litto Nebbia, un dos tres artistas máis representativos e esenciais do rock do pais sudamericano. Litto Nebbia actuará este verán no Felipop de Limodre, no Concello de Fene.
A asociación cultural Felicia deu a coñecer o programa definitivo do Felipop, un Festival de música independente que se consolida ano tras ano. Nesta edición, ademais de Litto Nebbia, actuarán Annie Hall de Ourense, Señor Mostaza de Valencia, Ecto Plasma de Vigo e o norteamericano Paul Collins. O sábado 12 de agosto actuarán en Limodre Bang 74 de Ferrol, Rumor de Murcia, Fortune Tellers de Madrid e Airbag de Estepona. Felipop, o xoves 10 de agosto, venres 11 e sábado 12 en Limodre. A entrada custará 15 euros por dia, establecendose un abono de 20 euros. Como outros anos haberá zona de acampada gratuita. |
| |
| Dolores Fernández preside os Amigos do Museo do Humor |
| 08/06/2006 |
| A pintora de Barallobre Dolores Fernández preside a Asociación de Amigos do Museo do Humor de Fene. A entidade renovou directiva, figurando como secretario Celso Grandal.
Completan a directiva dos Amigos do Museo, Xose Manuel Ramos, Carlos Sardiña, Xaquin Marín e Henrique Sanfiz. Entre os proxectos máis inmediatos da asociación, figuran a edición dunha unidade didáctica sobre o Museo, a restauración do mural artístico ubicado na Avenida das Pias e a presentación de distintas iniciativas diante da Xunta de Galicia. Dolores Fernández releva no cargo de presidente da Asociación de Amigos do Museo a José Piñeiro.
A Asociación de Amigos do Museo do Humor de Fene creouse en 1997 co obxectivo de colaborar na mellora de actividades deste centro. Buscábase artellar todo tipo de actividades culturais para afortalar o Museo do Humor. Nos seus estatutos apuntanse actividades como as exposicións, a pedagoxia, a conservación e en xeral a divulgación do humor, como actitude diante da vida.
Nos seus anos de funcionamento a Asociación ten deseñado e pintado murais artísticos na Avenida das Pias, na Rúa de Conces e nos locais da Sociedade O Pote de Maniños. Igualmente promoveu a organización dun Dia do Pallaso que contou coa participación de máis de dous mil nenos e nenas, e impulsou o Monumento ao Pallaso que deseñou Francisco Pérez Porto e que se ergue no Parque Castelao. Máis recentemente a Asociación de Amigos do Museo editou biografias dos humoristas Siro López, Xaquín Marín e Calros Silvar. |
| |
| S.D.Barallobre: Churrascada e asamblea |
| 06/06/2006 |
| A Sociedade Deportiva Barallobre prepara o fin da temporada. O seu único equipo rematou as competicións de Copa e da Liga da Segunda Rexional do fútbol afeizoado. Este sábado celebrarán unha churrascada e o domingo da vindeira semana a asamblea ordinaria de socios.
Os membros da xunta directiva presidida por Victor López, o adestrador Javier Aguilar e a maioria dos xogadores continuarán a vindeira temporada, defendendo as cores do Barallobre. Pero reclaman a máis voluntarios para repartir o traballo. Con ese obxectivo convocan aos 60 asociados a unha asamblea que se celebrará no campo do Ramo o domingo 18 de xuño ás 11,30 da mañá. Pero antes desa cita, este mesmo sábado a partir das oito e media da tarde, os xogadores e a xunta directiva da Sociedade Deportiva Barallobre reuniránse nunha churrascada. A festa desenvolveráse no campo de fútbol do Ramo. |
| |
| Celia Amorós diserta sobre multiculturalismo e xénero |
| 05/06/2006 |
| A filósofa e teórica do feminismo Celia Amorós visita esta tarde Ferrolterra, atendendo á invitación formulada pola Delegación da Muller do Concello de Fene. . Pronunciará unha charla sobre “Multiculturalismo e xénero” ás oito desta tarde na Casa da Cultura. Amorós defende o denominado feminismo da igualdade fronte ao que califica como feminismo da diferencia . Atribue a este último -caracterizado pola exaltación dos valores femininos- a importante misión de contribuir á fachenda que precisa todo grupo oprimido. Pero tamén advirte que encerra o grave perigo de exaltar aquilo que é producto da dominación. Somentes a oposición á totalidade do sistema, pode transformar as relacións de xénero, segundo Celia Amorós. |
| |
| Xoan Gato podería entrar na Deputación, se pacta con Juan Fernández |
| 02/06/2006 |
|
Terra Galega podería lograr representación na Deputación, se integra nas súas filas aos Independentes por Ferrol. En caso contrario, a formación liderada por Xoan Gato tería moi dificil entrar na Corporación provincial.
Nas pasadas eleccións municipais de maio do 2003, o PP venceu na provincia da Coruña con 242.333 votos, por 194.061 do PSOE e 126.934 do BNG. No partido xudicial de Ferrol, tamén os populares lograron o primeiro posto con 33.479 votos. Aquí a segunda posición foi para o BNG con 26.227 sufraxios, por 17.919 do PSOE. A candidatura de Gato, Unidade por Narón obtivo 8874 votos, que sumados aos 9412 de Juan Fernandez poderían chegar para alcanzar un dos cinco deputados provinciais do partido xudicial de Ferrol. En caso contrario, a nova formación denominada Terra Galega tería moi dificil chegar á Deputación.
No organismo provincial na actualidade o Partido Popular posue quince deputados, por once do PSOE e cinco do BNG. O partido xudicial de Ferrol conta con cinco deputados. Polo Partido Popular forman parte da Deputación o alcalde de Ortigueira Antonio Campo e o de Ares Jose Manuel Cendán. Do PSOE é deputado provincial, o alcalde de Cariño Xose Luis Armada. Polo BNG acuden á Deputación Xaime Bello de Ferrol e Pablo Villamar de Narón. As Deputacións renovaránse tamén, conxuntamente coas Corporacións Locais no mes de maio do vindeiro ano 2007. |
| |
| Un neno no camión do lixo |
| 31/05/2006 |
| Levarán a un neno ou nena no camión de recollida de lixo. Ese será o premio do certame organizado por RADIOFUSION entre os escolares arredor do Dia Mundial do Medio Ambiente, que se celebra o vindeiro 5 de xuño.
Aproveitando esa xornada RADIOFUSION en colaboración co Concello de Fene, organizan a primeira fase dunha campaña educativa. Pretenden contribuir a inculcar entre os máis novos e novas, hábitos de respeto polo medio ambiente, fomento da reciclaxe e reutilización de materiais, reducción na producción de lixo, ...
Radiofusión dirixese aos centros escolares, solicitando do profesorado a súa colaboración para divulgar esta iniciativa entre os escolares. En concreto pídese aos rapaces e rapazas a elaboración dun lema e unha explicación en aproximadamente 10 liñas sobre o tema: ¿Que podo facer eu para lograr un municipio máis limpo?
Os lemas deben enviarse a Radiofusión. Praza do Concello s/n. 15500 FENE, antes do 15 de xuño. O xurado, composto por profesores e mestres do término municipal, outorgará un premio consistente nun lote de libros e discos. Ademais o gañador ou gañadora poderá realizar unha viaxe nun camión de recollida do lixo no seu itinerario diario polo término municipal de Fene. A segunda fase da campaña desenvolveráse nos meses de setembro e outubro deste ano. |
| |
| Optimismo tras o xuizo contra a patrona maior da confraria de Barallobre |
| 30/05/2006 |
| Cun certo optimismo sairon esta mañá os mariscadores de Barallobre do xuizo celebrado en Ferrol. O fiscal rebaixou as penas solicitadas inicialmente para a patrona maior da confraria Marisol Arnoso e outros tres afiliados do pósito. A vista examinou os sucesos acaecidos no edificio da Xunta de Galicia en Ferrol en novembro do 2002 no curso dunha protesta dos mariscadores. Espérase que o xuiz declare absoltos aos procesados e sobreseida a causa. O Ministerio fiscal pedía penas de 30 meses de prisión, inhabilitación e multa para a patrona maior da confraria Marisol Arnoso e outros tres afiliados do pósito.
Os feitos xulgados aconteceron o 19 de novembro do 2002 no edificio da Xunta de Galicia en Ferrol. Aos poucos dias do desastre do Prestige, os mariscadores protestaban polo decomiso da ameixa e dunha furgoneta da confraria. A autoridade xudicial calificou posteriormente como ilegal o citado decomiso decretado pola Conselleria de Pesca que daquela dirixía Henrique López Veiga. O caso quedou esta mañá visto para sentencia. |
| |
| Indemnizacións polo peche do economato de Navantia |
| 29/05/2006 |
| Navantia Fene deberá indemnizar aos seus empregados polo peche do economato. Unha resolución xudicial obriga á empresa a abonar unha cantidade de 2,55 € por cada dia que o servizo permaneceu fechado dende o 30 de xaneiro, o dia da sentencia que obrigaba á reapertura.
Navantia deberá abonar esta compensación aos traballadores en activo, prexubilados, xubilados e viuvas dos empregados do estaleiro. Afecta a todas as persoas que posuian cartillas do economato. A indemnización podería rondar os 300 euros por persoa. O Xulgado tamén obriga a Navantia a demostrar a voluntariedade do traslado a Ferrol dos traballadores que desempeñan alí o seu labor na actualidade. O comité de empresa informou esta mañá ao conxunto do plantel das consecuencias desta decisión xudicial. |
| |
| El Sueño de Morfeo en Ordes |
| 26/05/2006 |
| O grupo de Raquel del Rosario actua mañá sábado 27 de maio as 11,30 da noite, na sala LP 45 de Ordes. Os prezos das entradas oscilan entre os 15 euros en venda anticipada, 18 en taquilla e 20 incluindo bus dende calquera localidade de Galicia. Xa están contratados autobuses dende A Coruña, Santiago, Ferrol e Ourense. Coas entradas non se inclue a consumición. Facilitan máis información no teléfono 981 680235 e na páxina web www.lp45.com . Tamén na Sala LP 45 de Ordes actua o sábado da vindeira semana o interprete uruguaio Coti. Os prezos das entradas oscilan dende os 15 ata os 20 euros. |
| |
| Betanzos publica un libro sobre as orquestras de música |
| 25/05/2006 |
| “Na época en que Astano e Bazán estaban nos seus mellores tempos, os domingos pola tarde enchiase Betanzos de traballadores desas empresas: os bares, os viños do pais, e logo ao Rey Brigo. O baile acababa cedo –entre once e doce- e volvían os bares e tabernas a encherse. A xente da bisbarra ferrolana, que é moi cantareira, animaba os establecementos do ramo”.
E un fragmento do libro Orquestras populares das Mariñas elaborado por Xulio Cuns e Xose Maria Veiga e editado polo Concello de Betanzos. O volume fai un repaso polas orquestras de máis sona ao longo do século XX en boa parte da provincia da Coruña. Ademais fai unha ampla reseña da pista Rey Brigo, e o seu palco xiratorio. Alí moceaban e bailaban moitos mozos e mozas na segunda metade da pasada centuria. Segundo afirman, a orquestra que máis bailes amenizou no Rey Brigo, foron Os Players. Tamén repada o volume a historia de orquestras de sona como Os Trovadores ou os Satélites co seu vocalista natural de Sillobre Sito Sedes.
O volume inclue ademais gran número de programas de bailes e de fotografias de gaiteiros, bandas musicais e orquestras de música lixeira. |
| |
| As Xornadas de Igualdade comezan en Mugardos |
| 24/05/2006 |
| Saúde e muller. En torno a ese tema versan as Xornadas de Igualdade de Oportunidades que mañá xoves se inauguran no Concello de Mugardos. A secretaria Xeral da Igualdade da Xunta de Galicia Carme Adán inaugurará o encontro a partir das catro da tarde. Durante as sesións debateránse diferentes aspectos da búsqueda da saude dende unha perspectiva de xénero. |
| |
| Un xove falece en Catabois nun accidente de moto |
| 23/05/2006 |
| Un xove, viciño de Ferrol, faleceu esta madrugada como consecuencia dun accidente de circulación, ocurrido ás 5,35 da mañá na estrada de Catabois. O falecido, coas iniciais J.F.L.M e de 24 anos de idade, circulaba pola estrada de Catabois en sentido Ferrol. A altura do número 458 a motocicleta na que viaxaba o xove, impactou coa parte traseira esquerda dun camión correctamente estacionado no arcén. O conductor do ciclomotor faleceu no acto. A primeira hipotese da Policia Local de Ferrol alude a un exceso de velocidade do ciclomotor e ao pavimento mollado pola choiva caida momentos antes, como causas do sinistro. O xove, natural de Ferrol, vivia na Rúa Coruña, estaba casado e era pai dun fillo de curta idade. |
| |
| As instalacións de Navantia Fene, infrautilizadas. |
| 19/05/2006 |
| 750.000 metros cadrados de superficie total. 15.000 de diques. 51.000 de gradas e integración. 90.000 de talleres. 2.700 metros de peiraos. Esas son as dimensións de Navantia Fene, totalmente infrautilizadas, segundo o deputado do BNG Francisco Rodriguez.
O goberno central resposta nunha pregunta do parlamentario acerca do desvio a Puerto Real da construcción de tres cascos de buque para Vulcano. Segundo o executivo, o estaleiro de Perlío conta cunha ocupación do 98 por cento da súa capacidade. Francisco Rodriguez afirma que ese criterio é falso, porque a realidade é que o estaleiro de Fene está valeiro. O deputado do BNG reitera que os cascos dos quimiqueiros, podian e debian ser construidos na factoria de Perlío, polas vantaxes da súa priximidade, da cultura tecnolóxica compartida e da necesidade imperiosa de carga de traballo para un estaleiro infrautilizado e en proceso de desmantelamento. |
| |
| Pesca permite reabrir o banco marisqueiro das Pias |
| 18/05/2006 |
| A Consellería de Pesca autorizou a primeiras horas desta mañá a reapertura do banco marisqueiro das Pias. Arredor das nove da mañá un cento de mariscadores dirixiron xa as súas embarcacións para a zona do medio da ría onde iniciaron a extracción da ameixa.
A autorización para a reapertura emitiuse despois das analises realizadas dende finais da semana pasada. Os biólogos confirmaron a práctica desaparición da tóxina ASP na ameixa. Tras varios dias de resultados positivos esta mañá a Consellería autorizou a reapertura do banco. A pesar diso, a patrona maior da confraria de pescadores de Barallobre Marisol Arnoso laiase dos pésimos resultados conseguidos nesta campaña. A confraria prepara a presentación dun proxecto de extracción e comercialización de mexillón diante da Xunta de Galicia. Así sacaríase rendimento ao tempo que se limpa de estrela de mar e de mexillón o banco marisqueiro, segundo Marisol Arnoso. |
| |
| Nenos e nenas coñecen o traballo artesán na Unidade Veciñal Olmo de Pontedeume |
| 16/05/2006 |
| Máis dun milleiro de alumnos de 8 colexios e Institutos de Pontedeume, Narón, Mugardos, Cabanas e Franza desfilaron esta mañá pola Unidade Veciñal Olmo da vila eumesa. Ali puideron comprobar en vivo e en directo o traballo dun paragueiro, un ceramista, un cesteiro e todo un feixe de artesans.
Como xa é tradicional, a Unidade Veciñal Olmo, adica un dia da Semana das Letras Galegas á artesanía popular. Un especialista en restauración de mobles, unhas palilleiras, un ferreiro, un zoqueiro, un canteiro, foron algúns dos artesáns que esta mañá ensinaron aos máis pequenos e pequenas cómo é o seu traballo cotián. A Semana das Letras continuará en Olmo mañán mércores con xogos populares dende as catro e media da tarde. O escritor Francisco Pillado disertará o xoves a partir das oito da tarde sobre a figura de Lugrís Freire. As actividades clausuranse o venres cunha gran queimada arrufada polo grupo de gaitas A Marola. |
| |
| O alcalde ferrolán Juan Juncal sofre un infarto |
| 15/05/2006 |
| O alcalde de Ferrol Juan Juncal sofre un infarto de miocardio. Permanece ingresado na Unidade de Coidados Intensivos da Residencia Arquitecto Marcide, onde evoluciona favorablemente, segundo informa o gabinete de prensa do Concello departamental.
Juan Juncal comezou a sofrir molestias no corazón na tarde de onte. Ao agudizarse a dór, decidiu acudir ao complexo hospitalario Arquitecto Marcide, arredor das dez da noite de onte. Alí diagnosticáronlle un infarto de miocardio de carácter leve. Quedou ingresado na UCI da Residencia. A esta hora permanece ainda na mesma Unidade, pero recupérase favorablemente do episodio. Juan Juncal accedeu á alcaldia de Ferrol nas últimas eleccións municipais en maio do 2003. Na actualidade ostenta ademais a presidencia provincial do Partido Popular. |
| |
| Moncho Borrajo actuará no Xofre a finais de xullo |
| 15/05/2006 |
| Moncho Borrajo traerá o seu espectáculo a Ferrol. Chámase “España cabaret 2006”. O artista galego representará no Teatro Xofre de Ferrol o 29 e 30 de xullo. Pódense xa adquirir as entradas a través da web de Caixa Galicia ou no teléfono 902 434443. No espectáculo Borrajo aparece xunto a Eloisa Martín e Jose Luis Mosquera. O cabaret traslada ao espectador a un local aberto nos anos 70 e rexentado por un par de empresarios e unha vedette. Ante a falta de público, deciden cambiar de rumbo e enfocar os seus espectáculos aos turistas orientais. “España cabaret 2006” inclue nove cancións orixinais e tres adaptacións de temas moi coñecidos. |
| |
| O Concello de Fene aproba orzamentos con máis de dous millóns de investimentos |
| 12/05/2006 |
| A nove millóns catrocentos mil euros ascenden os orzamentos do Concello de Fene para o presente exercicio do 2006. Os investimentos previstos ascenden a dous millóns cento setenta mil euros, segundo se reflexa no texto aprobado este mediodia.
Os orzamentos resultaron aprobados cos votos favorabeis dos concelleiros do BNG, a abstención do PSOE e de Esquerda Unida, e a oposición do Partido Popular. Os Presupostos incluien partidas importantes para a instalación de novos sistemas de alumeado, asfaltado de viais, modernización da rede de saneamento e a continuación da reurbanización da Avenida Marques de Figueroa. Tanto os socialistas como o Partido Popular insistiron na necesidade de reducir o gasto corrente e rebaixar a débeda de tesourería. |
| |
| O Xabarín trae a ilusión polo galego ao Correlingua |
| 11/05/2006 |
| A canción “O tren” de Andrés Dobarro na voz de Samantha do colexio Jorge Juan de Perlío, foi unha das interpretacións desta mañá no paseo marítimo de San Valentin en Fene. Celebrouse ali o Correlingua 2006, carreira simbólica en defensa do idioma galego, organizada pola Mesa pola Normalización Lingüistica e a CIG ensino.
Máis dun milleiro de alumnos e alumnas de 14 colexios de Ferrolterra participaron esta mañá na iniciativa a prol da lingua. Camisetas, distintivos e pancartas cos nomes dos colexios daban cór ao Correlingua. Os rapaces percorreron ordenadamente e a ritmo de marcha, boa parte do paseo marítimo, dende as dez e media da mañá. Ademais dun grupo de pandereteiras do Colexio de San Xoan de Filgueiras, subiron ao palco instalado entre o Colexio A Xunqueira e o pavillón polideportivo, os membros do grupo circense Colombaiños. Pero a estrela desta mañá en Fene, foi o Xabarín que conversou cos rapaces e rapazas, cantou cancións de rock e animou a nenos e nenas a utilizar a nosa lingua.
Efectivos de Protección Civil e da Policia Municipal de Fene colaboraron co Correlingua 2006. A chegada do Xabarín causou expectación e ilusión entre os máis pequenos de Ferrolterra. Provocou tamén protestas de nenos e de pais nalgúns colexios que, por razóns organizativas non se sumaron á carreira pola lingua. Todos querían ver, falar e divertirse co Xabarín. |
| |
| Máis dunha persoa soterrou o corpo de Vanessa, segundo os forenses |
| 10/05/2006 |
| Terceira sesión do Xuizo do caso de Vanessa Lorente na Audiencia provincial da Coruña. Esta mañán a vista estivo protagonizada polos forenses. Unha boa parte do tempo estableceuse unha video-conferencia co departamento de toxicoloxía de Madrid.
Tres conclusions poderían tirarse dos estudos e as declaracions realizadas polos forenses esta mañán:
Primeira, que a morte de Vanessa Lorente debeuse a un golpe mortal na cabeza, propinado na zona occipital.
Segunda, que pola colocacion na que apareceu o seu cadavre na fosa, intúese que mais dunha persoa debeu participar no soterramento do corpo. Segundo declararon os forenses esta mañán, a colocacion do era demasiado coidadosa como para podelo facer unha soa persoa.
A terceira conclusion, trala declaracion forense, é que a principal encausada, Isabel Marcos, non presentaba signos de ter tomado ningunha sustancia tóxica, nengunha droga, nas análises que se lle realizaron trala detención. Mañá xoves continuará a vista, que se podería prolongar ainda, á luz do retraso co que se están producindo as declaracións das testemuñas. |
| |
| O Senado pide máis traballo para Navantia |
| 10/05/2006 |
| O Senado pide máis traballo para o estaleiro de Fene. A Cámara Alta aprobou na tarde de onte unha resolución na que se insta ao Goberno central a dotar a Navantia Fene dunha carteira estabel de pedidos que incluia a contratación de proxectos propios.
Tamén se insta ao executivo a que “realice as xestións necesarias ante a Unión Europea para que se superen as actuais limitacións á construcción naval civil”. Ademais, a moción do BNG propón que a empresa pública NAVANTIA “modifique o criterio que utiliza para determinar o grao de ocupación dos seus centros, de maneira que teña en conta as infraestruturas, as capacidades e as potencialidades de cada estaleiro”.
Francisco Jorquera incidiu na necesidade de que o estaleiro fenés conte cunha carteira estábel de pedidos que inclúa a contratación de proxectos propios “xa que na actualidade o estaleiro está funcionando na práctica como auxiliar do de Ferrol, o que implica o desprazamento de persoal e a infrautilización das capacidades do estaleiro”.
“Os criterios de reparto da carga de traballo que utiliza Navantia non son congruentes e danan a Fene”
O segundo ponto do moción do BNG aprobada polo Senado insta ao Goberno a que a empresa pública Navantia modifique os criterios que utiliza para determinar a carga de traballo dos seus centros, xa que segundo Jorquera “non son congruentes e danan a Fene”.
O senador do BNG puxo como exemplo a recente perda por parte do estaleiro de Fene a favor do de Puerto Real (Cádiz) dun contrato para construír tres cascos de buque para o estaleiro vigués Vulcano. A xustificación esgrimida pola dirección de Navantia, e confirmada nunha interpelación do BNG o pasado 26 de abril polo ministro de Economía, Pedro
Solbes, era que se debe a unha razón de custos, pois a ocupación de Puerto Real era dun 51 por cento e a de Fene dun 98 por cento.
Isto é así porque o grao de ocupación do estaleiro de Fene calculouno Navantia utilizado como único baremo o seu actual cadro de persoal, un criterio que para Jorquera “é como o conto da pescada que se morde a cola”.
“Un estaleiro que tiña a comezos dos oitenta máis de 5.000 traballadores de cadro de persoal, que froito das sucesivas reconversións viu recortado o mesmo até a mínima expresión, resulta que non pode ter carga de traballo que vaia máis alá de realizar tarefas auxiliares, porque do contrario obrigaría a subcontratar persoal, co conseguinte impacto nos custos”, denunciou esta tarde o senador nacionalista.
Francisco Jorquera preguntouse se “acaso non representa un custo manter sen carga efectiva de traballo unhas instalacións como as de Navantia-Fene”. Neste sentido, demandou que, á hora de valorar e calcular o grao de ocupación dun estaleiro, “deben ser tidas en conta a capacidade do estaleiro e a súa infraestrutura”.
“O Goberno ten que negociar coa UE para defender un sector estratéxico da economía galega”
Por último, a moción do BNG insta ao Goberno Central a que “faga as xestións necesarias ante a Unión Europea para que se superen as actuais limitacións á construcción naval civil, renegociando coa UE os termos do actual acordo”. Neste ponto, Francisco Jorquera aceitou unha emenda do PNV na que se pedía que esta renegociación non se limite a NAVANTIA senón que se amplíe a todo o sector.
O senador do BNG mostrou a súa preocupación porque “nun momento no que a construcción naval está vivindo un ciclo alcista”, cun aumento da demanda en todo o mundo, “o estaleiro de Fene teña unhas instalacións, con 80.000 metros cadrados de superficie, totalmente infrautlizadas”
“Fene ten as instalacións, a tecnoloxía e o saber facer necesario para aproveitar este cenário de oportunidades e revitalizar un sector vital para a economía da comarca”, subliñou
Por último, Francisco Jorquera lamentou a falta de apoio do grupo do PSOE a esta iniciativa. Lembroulles que a crise do estaleiro de Fene “debeuse a decisións políticas xa que foi o único da UE a que se lle prohibiu participar na construcción naval civil e posteriormente se lle apartou do mercado das plataformas petrolíferas”. O resultado da votación foi de 134 a favor ( BNG, PP, CiU, PNV,CC, EA) e 94 en contra (PSOE). |
| |
| Un cruceiro con 1.200 turistas chega mañán a Ferrol |
| 09/05/2006 |
| O cruceiro Boudicca da navieira noruega Fred Olsen chega mañán a Ferrol con 1.600 persoas a bordo. Iniciará a maniobra de atraque ás oito da mañá. O trasatlántico, procedente de Bilbao, partirá mañá mesmo ás cinco da tarde rumbo á cidade de Porto en Portugal. O alcalde de Ferrol Juan Juncal ofrecerá unha recepción oficial ao capitán do buque, subindo a bordo ás once da mañá. A Autoridade Portuaria dispoñerá dun servizo de autobuses para trasladar aos pasaxeiros ao centro da cidade dende o peirao Fernández Ladreda. Mil douscentos pasaxeiros, mil douscentos turistas visitarán mañá Ferrol. |
| |
| A Garda Civil explica as investigacións pola morte de Vanessa |
| 09/05/2006 |
| A Garda Civil e a Policia Xudicial de Ferrol explicaron esta mañá diante da Audiencia Provincial na Coruña as investigacións realizadas no caso de Vanessa Lorente. A raiz da desaparición da xove de Fene, en agosto do 2002, iniciaron as pescudas no entorno de Vanessa. Deron coa pista de Isabel Marcos e ante os indicios solicitaron autorización xudicial para o rexistro do seu piso en Miño. Segundo a policia, nun primeiro momento Isabel Marcos declarou que o bebé era o seu sobriño. No apartamento atoparon os zapatos e o bolso de Vanessa, e un album de fotos de Isabel co neno. As declaracións de Marcos Maceiras, permitiron dar co corpo da xove de Fene, no lugar de Queixeiro en Monfero, na casa dos pais da acusada. Ao longo desta mañá tamén declararon na Audiencia, viciños de Fene, amigos da xove falecida. Mañá mércores continuará o xuizo na Audiencia Provincial de A Coruña contra Isabel Marcos, acusada de dar morte a Vanessa Lorente para quedarse co seu fillo de curta idade.. |
| |
| Isabel Marcos nega a súa implicación no crime de Vanessa |
| 08/05/2006 |
| A principal acusada polo crime de Vanessa Lorente nega a súa implicación nos feitos. Isabel Marcos Maceiras declarou esta mañá na Audiencia Provincial da Coruña no xuizo pola morte da xove de Fene.
A vista iniciouse no citado tribunal a primeiras horas desta mañá. Isabel Marcos negou a súa implicación na morte de Vanessa Lorente. Afirmou que estivera de compras con ela en Pontedeume na tarde do 13 de agosto. Ela marchou para Monfero co fillo de Vanesa, e non volveu ver á xove, segundo a versión que esta mañá manifestou Isabel Marcos. Sobre as confesións do homicidio, realizadas nos primeiros momentos tras a súa detención, Marcos Maceiras afirmou que foran realizadas baixo o efecto das drogas e polo medo.
A acusación particular elevou esta mañá a petición de cárcere para Isabel Marcos. Solicitan a súa condena a 28 anos de prisión por asesinato e detención ilegal. A defensa solicita a libre absolución.
O xuizo prolongaráse ainda ata o xoves desta semana. Durante catro dias, fiscal e defensa dos acusados intentarán expoñer os seus argumentos en torno aos sucesos acaecidos en agosto do 2002. A audiencia intenta botar luz sobre as causas e en torno aos autores da morte de Vanessa Lorente, atopada en Queixeiro en Monfero o 21 de setembro do 2002. |
| |
| Mauricio o las elecciones primarias de Eduardo Mendoza encabeza lista |
| 08/05/2006 |
| Na Barcelona posterior á transición, Mauricio, un xove dentista con ideais pero sen carácter participa na campaña electoral do partido socialista. Entablará unha intensa relación con duas mulleres. Clotilde trata de atopar o equilibrio entre as súas ilusións e a prosaica realidade. A conmovedora Porritos revelarálle ao odontólogo aspectos escuros da súa persoalidade e do seu mundo. O ácido balanzo moral e ideolóxico dunha epoca, dun pais e dunhas xentes que están tomando decisións pero empezan a saber que o tempo que viven se queimará de xeito fugaz. Mauiricio o las elecciones primarias encabeza a lista dos libros máis vendidos na Central Librera de Ferrol.
1. Mauricio o las elecciones primarias Eduardo Mendoza Seix Barral
2. La catedral del mar I. Falcones de Sierra Grijalbo
3. El pintor de batallas Arturo Pérez-Reverte Anagrama
4. La fortaleza digital Dan Brown Umbriel
5. A-Z Emigrados en Londres Xesús Fraga Tropismos
6. La senda del drago José Luis Sanpedro Plaza&Janés
7. Juego de niños Carmen Posadas Planeta
8. El baile Irene Nemirovsky Salamandra
9. Antes de que hiele Henning Mankell Tusquets
10 Brooklyn Follies Paul Auster Anagrama
11 Miserias de la guerra Pio Baroja Caro Reggio
12 V de Vendetta A. Moore / D. Lloyd Planeta
13 Los girasoles ciegos Alberto Méndez Anagrama
14 La sombra del viento Carlos Ruiz Zafón Planeta
15 El Código da Vinci Dan Brwon Salamandra
16 Memorias de una geisha Arthur Golden Suma de Letras
17. La historiadora Elizabeth Kostova Umbriel
18 Crucero de verano Truman Capote Anagrama
19 Tokio Blues Haruki Murakami Tusquets
20 La paciencia de la araña Andrea Camillieri Salamandra
21 A la sombra del templo Toti Martínez de Lezea Maeva
22 Pasiones romanas María de la Pau Janer Planeta
23 La Torre Oscura VII Stephen King Plaza&Janés
24 El fuego del cielo César Vidal Martínez Roca
25 El Zahir Paulo Coelho Planeta
26 Seda Alessandro Baricco Anagrama
27 Los hijos de la luz César Vidal Plaza&Janés
28 Brokeback Mountain Annie Proulx Siglo XXI
29 La conspiración Dan Brown Umbriel
30 Los cuentos que me enseñaron a vivir Jorge Bucay RBA
31 Llámame Brooklyn Eduardo Lago Destino
32 Las intermitencias de la muerte José Saramago Alfaguara
No ficción
1. El viaje a la felicidad Eduardo Punset Destino
2. La ciencia de la salud Valentín Fuster Planeta
3. Antonio Machado. Ligero de equipaje Ian Gibson Aguilar
4. La dieta Montignac Michel Montignac Blume
5. La naturaleza humana Jesús Mosterín Espasa
6. Fidel Castro: biografía a dos voces Ignacio Ramonet Debate
7. A más como, menos por qué Jorge Wagensberg Tusquets
8. Cocina con corazón Inés Ballester Temas de Hoy
9. España y libertad F. Jiménez Lozanitos Martínez Roca
10 Dejando atrás los vientos Alfonso Guerra Espasa
11 Bienvenido al mundo real Sandro Rosell Destino
12. El pequeño dictador Javier Urra Esfera
13 El arte Juanjo Sáez Mondadori
14. Confianza y temor en la ciudad Zygmunt Barman Arcadia
15 Viva la República Rafael Torres Esfera
16 He dicho Andreu Buenafuente Planeta
17 La Segunda República Española Josep Pla Destino
18 Los perdedores de la Historia de España F. García de Cortázar Planeta
19 Tratado de ateología Michael Onfray Anagrama
20. Jesús y los manuscritos del Mar Muerto César Vidal Planeta
21 Por qué soy cristiano José Antonio Marina Anagrama
22 Vicente Rojo. Retrato de un general… José Andrés Rojo Tusquets
23 Hoy, aquí y ahora Bernabé Tierno Temas de Hoy
24 Leonardo. El vuelo de la mente Charles Nicholll Suma
25 La guerra civil española Anthony Beevor Crítica
26 Pasión india Javier Moro Seix Barral
27 La inteligencia fracasada José Antonio Marina Anagrama
28 El estado agresor William Blum La Esfera
29 Los enigmas del 11-M Luis del Pino LibrosLibres
30 La fuerza del optimismo Luis Rojas Marcos Aguilar
31 Yo no sufro por amor Lucía Etxebarría Martínez Roca
32 Pégate un tiro para sobrevivir Chuck Klosterman Grijalbo
33 No me cogeréis vivo Arturo Pérez-Reverte Alfaguara
34 El club Bilderberg Daniel Estulín Planeta
35 Fibromialgia Manuel Martínez Lavín Santillana
36 Escribir es vivir José Luis Sanpedro Plaza&Janés
37 ¡Tierra, tierra! Sandor Marai Salamandra
38 23-F: La historia no contada José Oneto Ediciones B
39 Vaya país. Como nos ven los corresponsales
de prensa extranjera Werner Herzog (coord.) Aguilar
Galego
1. A terra cantada Camilo Nogueira Xerais
2. Cruceiro de verán Truman Capote Galaxia
3 Manuel Lugris Freire. Vida e obra Ramón Nicolás Rodríguez Xerais
4. Brooklyn Follies Paul Auster Galaxia
5. Herba moura Teresa Moure Xerais
6. 1936. Represión e alzamento militar en G. Carlos F. Velasco Souto A Nosa Terra
7. O cidadán do mes Diego Ameixeiras Xerais
8 Xuntos e máis nada Anna Gavalda Galaxia
9. Manuel Lugrís Freire Henrique Rabuñal A Nosa Terra
10. Lukumí Alfredo Conde Galaxia
11 Oxford, amén Carlos G. Reigosa Xerais
12 Seda Alessandro Baricco Rinoceronte
13 Espérame Xosé A. Perozo Xerais
14 Esta historia Xosé Monteagudo Galaxia
15 Memoria de poeta X M Álvarez Cáccamo Galaxia
16 O libro das fontes Xosé Lois Ripalda Xerais
17 Carrilanos Rafael Cid Xerais
18 A fín da terra María Rosa Lojo Galaxia
19 Poetízate. Antología da poesía galega Varios Autores Xerais
20 O reino medieval de Galicia Anselmo López Carreira A Nosa Terra
21 Os eoas Eduardo Pondal Sotelo Blanco
22 Os ausentes de Casteltón Xacobe Barro Sotelo Blanco
23 Tres trebóns Xurxo Souto Xerais
24 Conversas con Méndez Ferrín Xosé Manuel del Caño Xerais
25 A República dos Soños Nélida Piñon Galaxia
26 Casas Baratas Antón Riveiro Coello Galaxia
27 O encaixe galego Mario Gallego Rei A Nosa Terra
28 Toda a vida Luis Rei Xerais
29 Sexo e lugar Carme Blanco Xerais
30 O Couto Mixto Luis G. Maña / X. Lobato Xerais
31 Diccionario Castelán-Galego da RAG C. García & M. González Fundación Barrié
32 Guía micolóxica dos ecosistemas galegos VV,AA, Baía
33 A cociña do Entroido e San Xoán Miguel Vila Pernas Xerais
34 O heroe Manuel Rivas Xerais
35 Unha cita co aire Fco. X. Fernández Naval Galaxia
De fondo / De bolsillo
1. A sangre fría Truman Capote Anagrama
2. La Biblia de barro Julia Navarro Debolsillo
3. El jardinero fiel John Le Carré DeBolsillo
4. Déjame que te cuente Jorge Bucal RBA
5. Memorias de una geisha Arthur Golden Punto de Lectura
6. Los pilares de la tierra Ken Follett DeBolsillo
7. En el blanco Ken Follet DeBolsillo
8. Memoria de mis putas tristes Gabriel García Márquez Debolsillo
9. La herbolera Toti Martínez de Lezea Maeva
10 Cabo Trafalgar Arturo Pérez-Reverte Suma de Letras
11 La hermandad de la Sábana Santa Julia Navarro DeBolsillo
12 El último Catón Matilde Asensi DeBolsillo
13 El mozárabe Jesús Rodríguez Adalid Zeta
14 Los templarios y la mesa de Salomón Nicholas Wilcox Booket
15 El psicoanálista John Karzenbach Zeta
16 Un milagro en equilibrio Lucía Etxebarría Booket
17 Duérmete niño S, Béjar / E. Estivill DeBolsillo
18 El principito Antoine de Saint-Exupery Quinteto
19 El nuevo dardo en la palabra Fernando Lázaro Carreter Punto de Lectura
20 Iacobus Matilde Asensi DeBolsillo
22 El guardián de los arcanos Paul Sussman Debolsillo
Poesía
1. Deseo Adam Zagajewski Acantilado
2. Adioses y bienvenidas Mario Benedetti Visor
3. Amor en vilo Pere Gimferrer Seix Barral
4. El poema de Tobías desangelado Antonio Gala Planeta
5. Últimos poemas de amor Paul Eluard Hiperión
6 Los perros románticos Roberto Bolaño Acantilado
7. Fuente de Médicis Guillermo Carnero Visor
8. Soy vuestra voz Ana Ajmátova Hiperión
9. Cálculo de Estructuras Joan Margarit Visor
10 Rapsodia española Antonio Burgos La Esfera
11 Cantar de ciego Vicente Gallego Visor
12 Autorretrato en espejo convexo John Ashbery DVD
13 Manual de infractores J. M. Caballero Bonald Seix Barral
14 A luz e as súas cicatrices Eva Veiga Soc. Cult. Valle-Inclán
15 El amor y el tiempo y su mudanza Kenneth Rexroth Gadir
16 Sol de noviembre Miguel D’ors Fundación Cultur. Andaluza
17 Los lieder de Schubert VV. AA. Hiperión
18 Te miro Maram-Al-Masri Col. Of Aparejadores
19 Montañas en la niebla Varios autores DVD
20 En la llama Juan Eduardo Cirlot Siruela
21 Fiera venganza del tiempo Carlos Vaquero Rialp
22 Campo abierto Seamus Heaney Visor
23 Escrutaba la locura en busca de la palabra Charles Bukowski Visor
24 Antología Poética William Butler Yeats Lumen
25 El canto y la ceniza A Ajmátova / M Tsvetaieva Galaxia Gutenberg
Infantil/Juvenil
1. Harry Potter y el misterio del príncipe J. K. Rowling Salamandra
2. Mi primer Platero Juan Ramón Jiménez Anaya
3. El león, la bruja y el armario C. S. Lewis Destino
4. Kika Superbruja y los vikingos Kniester Bruño
5. ¡El cielo se nos cae encima! Goscinny / Uderzo Salvat
6. La travesía del viajero del Alba C. S. Lewis Destino
7. Colón, tras la ruta de poniente Maria Isabel Molina Alfaguara
8. Una ciudad a través del tiempo P. Steel / S. Noon Blume
9. El jardín secreto Fraces H. Burnett Siruela
10 El sobrino del mago C. S. Lewis Destino
11 Triada. Memorias de Idhún II. Laura Gallego García SM
12 Marina Carlos Ruíz Zafón Edebé
13 Eldest Christopher Paolini Roca
14 El mar de los trolls Nancy Farmer Planeta
15 El príncipe Caspian C. S. Lewis Destino
16.Kika Superbruja y el hechizo de la Navidad Knister Bruño
17 Vida de un piojo llamado Matías Fernando Aramburu Tusquets
18 Molly Moon viaja a través del tiempo Georgia Byng SM
19 Mortadelo de la Mancha Francisco Ibáñez Ediciones B
20 La Resistencia. Memorias de Idhun Laura Gallego García SM
21 Oliver Twist Charles Dickens Anaya
Libros de Ferrolterra – Terra de Trasancos – Mugardos – Cedeira – Narón – Ortigueira – San Sadurniño
1. Y después de Bazán ¿qué? José Díaz Dopico Edición Personal
2. Papeis Ártabros nº 2 VV. AA. Centro Ártabro de Estudios
3. Quijotes da nosa terra Gumersindo Fernández Edición Personal
4. Ferrol Análisis nº 20 VV. AA. Club de Prensa Ferrol
5. Música en el alma. Ferrol por las venas DVD BOHEMIOS Bohemios Agrupación Art. Ferrol
6. La Semana Santa de Ferrol en sus
procesiones y en sus imágenes Emilio Fernández Díaz Embora
7. El merendero de la señora Oliva Eduardo Fra Molinero Hontanar
8. La noche de las Pepitas J. J. Rodríguez de los Ríos Embora
9. Unha parroquia con celtas reminiscencias
na terra de Trasancos de O Val, Narón Andrés Pena Graña Fundación T de Trasancos
10 O túnel da Malata e outros relatos do tren Guillermo Llorca Freire Del Campus
11 Pintores ferrolanos Imeldo Corral, Sotomayor Central Librera c. Dolores
12 El Arsenal de Ferrol. Guía para una visita J.J. Rodríguez-Villasante Central Librera c. Dolores
13 Guía del Castillo de San Felipe Ría Ferrol J.J. Rodríguez-Villasante Central Librera c. Dolores
14 Ferrol, 1931-1952 De la República a la pos.. Enrique Barrera Beitía Embora
15 Historia del Cuerpo de Maquinistas de la
Armada Carlos Bonaplata Requeijo Embora
16 Ferrol, cidade da Ilustración VV.AA. Ateneo Ferrolán
17 Manzanas Amarillas y Rosas de Pitiminí Rosa María Martínes Dios Afal Ferrolterra
18 Veinte Poemas y un sueño Pepa Antón S.A.F.
19 Estudios Mindonienses Cemiterio Canido Obispado Mondoñedo-Ferro Centro Estudios Diócesis
20 Indianos: Arquitectura da Emigración na
Península de Bezoucos: Ares, Cabanas, Fene e Mugardos. COAG Ferrol COAG Ferrol
CENTRAL LIBRERA calle Dolores 2 15402 Ferrol Tno. [34] 981 35 27 19
En Ferrol desde 1950 centrallibrera@telefonica.net |
| |
| Touriño comprometese a axilizar o AVE a Ferrol |
| 05/05/2006 |
| Axilizaráse a construcción do AVE entre Ferrol e A Coruña. Ese foi un dos anuncios realizados esta mañá na cidade departamental polo presidente da Xunta de Galicia Emilio Pérez Touriño quen recoñeceu a existencia de problemas para definir o trazado no tramo entre Betanzos e a cidade departamental. O titular do goberno autónomo bipartito (PSOE – BNG) comprometeuse tamén a realizar con rapidez os trámites para que Ferrol conte con chan industrial. O alcalde da cidade Juan Juncal (PP) brindoulle ao mandatario autonómico, lealtade institucional, reclamou a coordenación de esforzos entre a Xunta e o Concello e demandou un trato especial polas sucesivas reconversións sofridas na comarca. Juncal e Touriño visitaron este mediodia o porto exterior de Ferrol. Pola tarde o presidente da Xunta participará na inauguración do hotel Rio do Pozo en Narón. |
| |
| Comeza na Coruña o xuizo pola morte de Vanessa Lorente |
| 04/05/2006 |
| A vindeira semana principia o xuizo do caso de Vanessa Lorente. A Audiencia Provincial da Coruña acollerá entre o luns e o xoves da vindeira semana, a vista polos sucesos acaecidos hai caseque tres anos. A principal acusada, Isabel Marcos Maceiras, permanece ainda en prisión.
A xove Vanessa Lorente Gimenez desapareceu do seu domicilio en Fene o 17 de agosto do 2002, xunto co seu fillo de curta idade. Na noite do sábado 21 de setembro a Garda Civil atopou o seu corpo soterrado nunha vivenda no lugar de Queixeiro en Monfero. A Benemérita detivo a Isabel Marcos, nun piso de Miño, onde se atopaba co fillo de Vanessa. Tamén detiveron naquelas xornadas aos pais e ao home de Isabel. Ela é a principal acusada do crime e a única que permanece en prisión, caseque tres anos despois do suceso. O Ministerio Fiscal califica os feitos de homicidio e detención ilegal. Solicita para Isabel Marcos a pena de 20 anos de cárcere. Para os pais, pide sete anos e seis meses de prisión por detención ilegal. A imputación faise extensiva ao que era o home de Isabel Marcos Maceiras. |
| |
| Reclaman máis aprendices nos estaleiros |
| 03/05/2006 |
| A dirección de Navantia responderá mañá xoves a algunhas das cuestións plantexadas polos sindicatos na Mesa negociadora do convenio colectivo. A Mesa establecerá tamén o calendario das negociacións, segundo agardan as centrais.
Os sindicatos entregáronlle xa á empresa a súa plataforma reivindicativa que inclue un convenio de vixencia de dous anos, e un incremento salarial equiparable a suba do Indice de Prezos ao Consumo, con claúsula de revisión. Tamén demandan o compromiso de rematar coas mesas de traballo abertas nos estaleiros, e a incorporación dos aprendices incluidos no Plan Bazan do 99. As centrais reclaman asimesmo o compromiso para desenvolver o proxecto industrial do grupo. Na actualidade Navantia nos centros de Ferrol e Fene conta con 2734 empregados. A reunión da mesa negociadora do convenio de Navantia principiará mañá xoves ás 12 da mañá na sede da empresa en Madrid. |
| |
| A Banda de Poi no festival A Mocidade coa lingua |
| 02/05/2006 |
| A banda de Poi participará este venres no Festival A Mocidade coa lingua. A banda de Toñito de Poi presenta o seu primeiro disco, MOR, un traballo onde salienta a maestría na produción, a innovación musical e á destreza na fusión das tradicións de Galiza e de Portugal. Xunto á banda de Poi, actuarán no Memorial Brocos, os grupos Deeppain, Ultimo Xiro e Fast Bakers. O festival comezará ás nove da noite deste venres na Praza do Ameneiral en Perlío, organizado polo Concello de Fene. |
| |
| Agardase un cheo en Magalofes este domingo |
| 28/04/2006 |
| A Primeira Macrofesta do motor Scratch Fene celébrase este domingo na pista polideportiva de Magalofes. O campeonato de rallye Slot Agarimo, o rallye virtual Bar Tola, proxeccións en pantalla xigante, exposición de vehiculos de competición, son algunhas das actividades previstas.
A exposición acollerá aos cincuenta vehiculos máis representativos de Galicia. Elexiráse a miss e mister slalom e sortearánse productos racing como volantes, pedais, radios e altavoces. O premio estelar consistirá nunha viaxe ao Gran Premio de Fórmula 1 de España en Montmeló en Cataluña. A Escudería Scratch Fene pretende con esta actividade achegalo deporte do motor aos afeizoados de Ferrolterra. A proba comezará ás catro da tarde deste domingo na pista polideportiva de Magalofes en Fene. |
| |
| Reclaman presunción de inocencia para o mariñeiro desaparecido |
| 27/04/2006 |
| A CIG reclama a presunción de inocencia para o mariñeiro ferrolán desaparecido o pasado luns a 180 millas das Illas Azores. O secretario comarcal do sindicato nacionalista Xose Anxo López Pintos, afirmou que , como mínimo haberá que agardar ata o vindeiro luns, cando o barco chegue a porto, para coñecer a versión de toda a tripulación. Nun encontro cos medios informativos, o tio do mariñeiro desaparecido, o patrón de barco Manuel Martinez Alvarez, salientou que cando un home cae ao mar, é obrigatorio activar a radiobaliza e máis o sistema GMS. Preguntouse pola razón pola que non saltaron esas alarmas o pasado luns a bordo do buque con base en Burela. Recoñeceu a dificultade de atopar ao mariñeiro desaparecido en alta mar, pero reclamou a continuidade dos labores de búsqueda.
Jose Andrés Rodriguez Cornide era o maquinista do palangreiro“Zamorano Primero”. Conta con 38 anos, está casado e ten dous fillos de 16 e 9 anos. A familia reside na Rúa Entrerrios do barrio de San Xoán en Ferrol. Segundo a versión do patrón do buque, Jose Andrés Rodriguez prendeu lume na sala de maquinas arredor das seis da madrugada do luns. Logo fechou ao resto dos tripulantes nos camarotes e atacouno cunha pata de cabra. Tras a agresión, o mariñeiro ferrolán lanzouse ao mar pola borda, sempre segundo as mesmas fontes. A familia reclamou esta mañá en Ferrol que se continue a súa búsqueda e demandou para él a presunción de inocencia. |
| |
| Barreiro invita aos máis xovenes a falar galego |
| 26/04/2006 |
| “Falade galego, xa que o noso idioma sirve para amar, para rezar e para calquera das tarefas da vida” afirmou esta mañá o presidente da Real Academia Galega Xose Ramon Barreiro diante do Monumento aos Mártires de Carral. Dirixíase especialmente aos estudantes dos Institutos de Carral e de Cacheiras que asistiron aos actos conmemorativos do fusilamento dos Mártires de Carral, o 26 de abril de 1946. Barreiro negou que os actos deste mediodia se realizaran para “chorar aos mortos”, senón que indicou “son festas de celebración polo nacemento do galeguismo, do compromiso coa terra que comezou a xermolar co fracaso do pronunciamento de Solís. Aos actos desta mañá en Carral, asistiron tamén a conselleira de Cultura e Deportes da Xunta de Galicia Anxela Bugallo, e o presidente da Deputación da Coruña en funcións Xaime Bello.
Recollemos de seguido a versión dos sucesos de abril de 1846, ofrecida por Xose Ramón Barreiro, na Historia de Galicia publicada en 1979:
“O levantamento de 1846 non pode ser interpretado como un pronunciamento militar máis. Hai elementos atípicos que teñen que ser asumidos nun modelo propio. No levantamento interveñen os militares, máis non somentes os militares. Hai unha incorporación moi notable de civís. O levantamento foi preparado na súa maior parte polo partido progresista, máis o grupo galeguista, o máis forte intelectualmente, soupo chegar a facerse imprescindible, dotalo da altura necesaria e controlalo civilmente por medio da Xunta Suprema de Galicia. Preside a Xunta Rodriguez Terrazo, actuando como secretario Antolín Faraldo, estudiante a quén debemos moitas das mellores páxinas escritas por eses anos sobre Galicia. O levantamento que comeza en Lugo o 2 de abril de 1846, derrúbase o 26 de abril en Carral, co fusilamento de doce oficiais.
Máis non todo fracasou cando os dirixentes vencidos, Faraldo, Romero Ortiz, Rúa Figueroa, Añón, Rodriguez Terrazo e outros patriotas galegos pisaron a terra irmá de Portugal como exiliados. Xusto naquel instante o galeguismo empezaba a ser unha esperanza inmortal”. |
| |
| Lembrando aos mártires de Carral |
| 25/04/2006 |
| Radiofusión conmemorará mañán mércores os sucesos de abril de 1846 que remataron co fusilamento nesa localidade dos coñecidos como Mártires de Carral. Era o comandante Solís e outros once oficiais que participaron nun pronunciamento militar progresista. Un amplo movemento civil galeguista encabezado por Antolín Faraldo e Pio Rodriguez Terrazo apoiou a acción que se convertiu andando os anos nun mito do nacionalismo. O mércores 26 de abril cumprense 160 anos dende que se produciron os fusilamentos dos militares en Carral, tras un irregular Consello de Guerra celebrado nesta localidade coruñesa.
Ese dia RADIOFUSION realizará un programa especial que se difundirá para a zona de Ferrolterra e A Coruña entre as 9 e as 11 da mañá. Retransmitirá os actos organizados pola Real Academia Galega en Carral no mediodia desa xornada. Emitirá para todas as Emisoras Municipais Galega un novo espacio en torno aos sucesos dende as sete da tarde e ata as dez da noite. O programa conta coa colaboración da Deputación da Coruña e da Dirección Xeral de Criación e Difusión Cultural da Consellería de Cultura e Deporte da Xunta de Galicia. |
| |
| Rape á parrilla prepara novos proxectos |
| 24/04/2006 |
| Rape á Parrilla Productions, nace porque facer cine para seres humanos é unha necesidade. Afirmase así na divertida páxina web que a productora cinematográfica ven de colgar en Internet. Na portada aparece un avión enlazando as localidades de Fene e Londres. Pilotan a aeronave Carlos Sardiña e Pepe P. Arnoso, os artífices da iniciativa.
Rapeaparrilla.com. Esa é a dirección electrónica desta páxina na que se expoñen os argumentos das tres produccións cinematográficas da firma. Fálase de Bosque sangriento, La orilla blanca, la orilla negra e El abrazo del vampiro. Rape á parrilla anuncia igualmente novas produccións cinematográficas, ainda que sen desvelar a súa temática nen as súas características. |
| |
| Luis Bará inaugura a estatúa da memória |
| 20/04/2006 |
| O Director Xeral de Criación e Difusión Cultural da Xunta de Galicia Luis Bará acudirá esta tarde a Fene para inaugurar a estatua do Ano da Memoria. Trátase dunha peza de aceiro do escultor Loureiro, ubicada no paseo marítimo de San Valentín. O acto principiará ás seis desta tarde nas inmediacións do pavillón polideportivo da Xunqueira. Clausúrase así o ciclo de actividades Non des a esquecemento , co que o pobo de Fene reivindicou a súa memória e expresou a súa gratitude para quén, dun xeito ou doutro, contribuiu a que hoxe esteamos aquí, nunha nación que empeza a construir o seu futuro , segundo afirma o alcalde de Fene Xosé María Rivera. |
| |
| Anxela Bugallo confirma a construcción do Auditorio de Fene |
| 19/04/2006 |
| A Consellería de Cultura investirá 720.000 euros na construcción dun Centro Socio Cultural en Fene. Anxela Bugallo confirmou esta mañá ese investimento, salientando que o novo Auditorio será un referente cultural na zona sul da ría de Ferrol. O centro contará con espazos para obradoiros, representacións escénicas, exposicións, reunións de entidades, biblioteca e cafetería. Contará con 2000 metros cadrados de superficie e as súas instalacións permitirán atender a actividades de criación, formación e difusión. En principio o concello de Fene proxecta instalar este Centro Socio Cultural en Centieiras na parróquia de Perlío. A conselleira confirmou tamén o compromiso da Xunta de Galicia para a reforma do pavillón polideportivo de Barallobre. |
| |
| Manel Lopez actua en San Sadurniño |
| 18/04/2006 |
| Manel Lopez ofrece un concerto o venres da vindeira semana no pub Dezine de San Sadurniño. O músico de Ortigueira formou parte do grupo Daltónicos creado en 1995. Realizou varios traballos discográficos, logrou algún éxito en todo tipo de emisoras de radio, pero desfíxose a finais do 2002. Dende aquela, Manel López iniciou andaina en solitario grabando temas no seu estudo caseiro no Baleo en Ortigueira. Agora programa unha xira denominada como o seu último disco “Estéreo”. Tocará o venres 28 de abril, na sala Dezine de San Sadurniño. |
| |
| Pretenden aumentar a zona de baño nas praias de Limodre |
| 14/04/2006 |
| O Concello de Fene proxecta aumentar as zonas habilitadas para os bañistas nas praias de Limodre. Con ese obxectivo, o alcalde Xose María Rivera, o tenente de alcalde Andrés González e o concelleiro de Urbanismo Manuel Pico acudirán a unha entrevista o vindeiro luns co xefe da demarcación de Costas Rafael Eimil.
Ao representante do Ministerio de Fomento reclamaránlle o aporte de area as praias de Rio Castro, Almieiras, Coido e Rio Sandeu na parróquia de Limodre e máis na praia da Ribeira en Maniños. Con esa actuación, podería aumentarse de xeito considerable a zona habilitada para os baños de sol, reducida na actualidade, sobor de todo, na pleamar. O Concello de Fene comparte a praia de Rio Castro co Concello de Cabanas e a de Rio Sandeu co de Ares. Os outros dous areais de Limodre –Almieiras e Coido- pertenecen integramente ao término municipal de Fene, asomandose á ría de Ares. Estas praias contan con servizo de limpeza nos meses de verán, duchas, área de aparcamento para vehículos e rampas de acceso. A praia da ribeira de Maniños comparte a súa utilización para baños de sol, co cultivo de ameixa e do berberecho por parte da confraría de pescadores.
Segundo o concelleiro de Urbanismo Manuel Pico, un dos proxectos máis inmediatos para a zona de Limodre, consiste na instalación da traida de augas, para levar auga potable ás duchas de Almieiras e Rio Sandeu. Calcúlase que podería ser unha realidade no prazo dun ano.
Os representantes de Fene tamén lle propoñerán a Rafael Eimil, habilitar unha senda peatonal entre a praia da ribeira en Maniños e o peirao desta parróquia. Trataríase dunha intervención “non agresiva” pero que permitiría ampliar de xeito considerable a zona do Paseo marítimo Bieito Cupeiro entre Barallobre e Maniños. Na zona que agora se abriría ao disfrute cidadán funcionou ata comezos do século XX a fábrica de curtidos da familia Urgorri. Ademáis encontrase alí o Pazo dos Montenegro (descrito por Alejandro Pérez Lugín en “La casa de la Troya”) e outras vivendas singulares dende o punto de vista arquitectónico. |
| |
| Os Supermercados escapan do centro de Ferrol |
| 11/04/2006 |
| En Fene, Narón, Neda ou Mugardos é máis doado facer as compras que no centro de Ferrol. As principais cadeas de supermercados medios e grandes abandonan o casco urbano da cidade departamental e buscan as localidades cercanas.
O supermercado Mercadona en San Valentín, o Eroski de Fene, e o Lidl aberto recentemente no polígono da Gándara son demostración das tendencias das compañias de distribución de productos de alimentación. Buscan o perfil de clientes ávidos de servizos e cun nivel de consumo elevado. Pola contra, no centro de Ferrol, os super atópanse con prezos dos locais elevadísimos e coa carencia de aparcamentos. O éxito de Alcampo no polígono da Gándara, cun dos centros que máis vende dos 46 cos que conta a firma francesa na península, anunciaba xa esa tendencia, que agora se confirma. Ao igual que en Ferrol, noutras cidades galegas como Santiago tamén se experimenta unha tendencia similar de abandono do centro por parte das principais cadenas de supermercados.
Os habitantes de Ferrol destinan unha media de 3192 euros ao ano ás compras, segundo o Atlas Económico de Galicia, publicado por Caixa Nova. Desa cantidade, 1666 euros van para a cesta da compra, indican as mesmas fontes. A maioria deses cartos van parar ao peto das grandes cadeas de distribución. |
| |
| A limpar o mundo, en Esmelle |
| 07/04/2006 |
| A limpar o mundo . Chámase así a campaña que este domingo inicia a Sociedade Galega de Historia Natural nas praias de San Xurxo e Esmelle en Ferrol. A entidade ecoloxista pretende ter as praias máis limpas e extender entre os cidadáns a conciencia do que tiramos ao mar. Convocan a participar a todos os cidadáns interesados. A cita é o domingo ás 10,30 da mañá na praia de Esmelle. O Concello de Ferrol colabora con esta iniciativa. |
| |
| Espérase moita afluencia na Festa Interuniversitaria |
| 05/04/2006 |
| A Primeira Festa Interuniversitaria celebraráse este venres a partir das once da noite no Parque Raiña Sofia de Ferrol. Abriránse as portas durante unha hora con acceso gratuito. Dende as doce da noite cobraráse dous euros e medio pola entrada.
A Festa agrupa a todos os pasos de ecuador e incluirá Dilleis, carpas e gogos. Segundo o presidente da Asociación de Estudiantes Javier Acosta, escolleuse o Parque Raiña Sofia, ao ser a mellor das tres opcións presentadas dende o Concello de Ferrol.
A Asociación de Estudiantes do Campus de Ferrol e os pasos de ecuador organizan esta Primeira Festa Interuniversitaria. |
| |
| Máis dun coche para cada dous cidadáns |
| 30/03/2006 |
| Máis dun coche para cada dous viciños. Así sae a conta do Padrón municipal de vehiculos de Fene que alcanza este ano os 8516 coches, fronte aos 8230 do pasado ano. O número de turismos ven medrando aproximadamente un 5% cada ano. Ese incremento representa tamén un aumento de ingresos nas arcas municipais. O Concello agarda este ano recaudar 630.000 euros polo imposto aos vehiculos de tracción mecánica, fronte aos 530.000 recadados en periodo voluntario no pasado exercicio.
Este exercicio o imposto sofre un pequeno incremento equivalente á subida do IPC. Así un vehiculo de entre 8 e 12 cabalos fiscais abonará 52,54, mentras que un situado entre os 12 e os 16 cabalos pagará 110,87 euros
Os ciclomotores pagan un imposto de 6,81 euros. O periodo de pago do imposto prolongaráse en Fene entre o 20 de abril e o 20 de xuño. Como é habitual o servizo de recaudación realizará un percorrido polas parróquias comezando o 20 e o 21 de abril por San Valentín. Despois, ata o 20 de xuño o imposto cobraráse na Casa do Concello de Fene. Transcurrido ese prazo, cobraráse o importe do imposto máis o recargo establecido pola Lei Xeral Tributaria.
Un total de 276 viciños de Fene quedarán exentos de abonar este imposto, ao ter solicitado e recoñecido unha minusvalía superior ao 33%. Os conductores con discapacidade contan con máis de 20 prazas de estacionamento reservadas ao longo do término municipal. Algúns establecementos particulares –por exemplo os restaurantes Muiño do Vento e Mesón de Feal ou o supermercado Eroski- tamén habilitan aparcamentos especiais para este tipo de vehiculos. Pero todos os propietarios de vehiculos que non teñen a discapacidade recoñecida deberán abonar o imposto dende o vindeiro 20 de abril. |
| |
| O tren que me leva , documental sobre Andrés Dobarro |
| 27/03/2006 |
| “O tren que me leva”. Chámase así o documental sobre a vida e as cancións de Andrés Dobarro, nome mítico da canción galega. O cantautor ferrolán logrou nos primeiros anos setenta entrar nas listas de grandes éxitos con cancións elaboradas en lingua galega. Era música melódica, romántica, comercial, pero en idioma galego.
No documental, amigos de Andrés Dobarro como Xabier Alcalá, Xoan Rubia ou Lasén dan a súa opinión sobre a figura do malogrado músico e en xeral en torno ao fenómeno da nova canción galega. Mañán martes en Fene preséntase un resumo de “O tren que me leva”, no marco dunha charla que ofrecerán Xabier Alcalá e o productor da cinta Anxo Fernández. O acto comezará ás sete e media da tarde na Casa da Cultura de Fene. |
| |
| Investigan sobre asentos xiratorios para os automobiles |
| 22/03/2006 |
| Un proxecto de investigación sobre asentos xiratorios que faciliten a entrada e saida nos automóbiles turismo é unha das iniciativas que desenvolve na actualidade o Instituto de Ensino Secundario de Barallobre en Fene na súa rama de automoción. A iniciativa tamén inclue outros dispositivos de axuda para facilitar o acceso e conducción de turismos por parte de persoas con discapacidades. Segundo explica o vicedirector do Instituto Alexandre Ripoll, no desenvolvemento da investigación colabora o catedrático de Ciencias Físicas da Universidade de Santiago Eduardo Moreno Piquero. O profesor universitario acudirá mañá xoves a Fene para disertar sobre Aplicacións das radiacións non ionizantes para explicar o funcionamento dos fornos microondas e outros aparellos similares. |
| |
| Urxente ocupación en Barallobre |
| 21/03/2006 |
| Segundo recolle o Diario Oficial de Galicia do martes 21 de marzo, a Xunta de Galicia declara a urxente ocupación para a expropiación forzosa da travesía de Barallobre. Construiránse beirarrúas neste vial dende o punto quilométrico 0,400 (na farmacia) ata o 1.200 (pistas de atletismo).
O DOGA indica que a actuación é necesaria para evitar o altísimo risco de accidentes con perigo para a vida humana, debido á existencia de curvas perigosas con pequeno radio, ao escaso ancho da calzada e a elevada intensidade media do tráfico. A declaración recollida no Diario Oficial, era necesaria dada a existencia de terreos afectados pola Dirección Xeral de Patrimonio Cultural (cemiterio e igrexa parroquial de Barallobre) e pola Consellería de Educación (Institutos de Ensino Secundario). Unha vez realizada esta declaración, agora a Deputación –propietaria da estrada- poderá realizar as expropiacións das parcelas necesarias, licitar e adxudicar a obra. O Concello de Fene abonará as expropiacións por un importe que ronda os 70.000 euros, e o organismo provincial afrontará o coste das obras cun orzamento de 822.400 euros. A actuación inclue a construcción de beirarruas, e instalación de alumeado e saneamento. Segundo o edil de Urbanismo de Fene Manuel Pico, agárdase que as obras poidan iniciarse no vindeiro outono. |
| |
| BUS VIOLETA PARA AVANZAR NA IGUALDADE |
| 20/03/2006 |
| Para facer máis visibles as inxustizas de xénero e que tanto mulleres como homes traballen para acadar unha maior igualdade mañá chega a Fene o Mes Violeta. Actividades de formación e de lecer forman este programa deseñado pola Vicepresidencia da Igualdade e do Benestar e pola Consellería de Cultura e Deporte.
A partir das 10 da mañá e ata as 20 horas o autobús da campaña estará situado diante da Casa do Concello con material informativo sobre educación en igualdade. Para animar a xente a participar na campaña e, asemade, a decatarse das desigualdades de xénero o mércores un pasarrúas animará a zona arredor do autobús a partir das 17 horas.. Utilizando técnicas circenses como os malabares, zancos e espectáculos cómicos e de música, as artistas recrean en clave de humor crítico os estereotipos sobre as mulleres co fin de incitar a xente a mudalos.
Na Casa do Concello terá lugar un obradoiro sobre tolerancia e habilidades sociais entre as 16.30 e as 19.30 horas. De seguido, ás 19.30 horas,a pedagoga Mónica Otero dará unha charla sobre o reparto de responsabilidades. Aos actos asistirá a delegada de Cultura e Deporte na Coruña Milagros Lantes. |
| |
| A SINTESE DOS ESTALEIROS E O FUTURO DE ASTANO |
| 17/03/2006 |
| O futuro de Astano reside na sintese dos Estaleiros da ria. Unha unica unidade productiva chamada Navantia ria de Ferrol garante a rendibilidade e potencialidade da factoria de Perlío, segundo a Unión Sindical de Traballadores de Galicia.
A USTG reclama a aplicación dun único marco de relacións laborais para os dous estaleiros da ria. Tamén demandan o desenvolvemento do plan industrial e restantes medidas comprometidas nos acordos do 2004. O estaleiro de Fene no sector público e na construcción naval militar é a reclamación formulada polo representante desta central Xose Francisco Salceda nun comunicado. |
| |
| ACTIVIDADES PARA CONCIENCIAR SOBRE O COIDADO DAS PRAIAS |
| 15/03/2006 |
| E máis importante a información e a educación que as campañas de limpeza. Así opina o directivo da Surfrider Foundation Jesús Busto, referindose ao coidado dos areais. As praias son ecosistemas moi fraxiles e a presión humana incrementouse moito nos últimos vinte anos.
Jesús Busto lembra a importancia de ensinar a pescar, en lugar de regalar o peixe. Por iso, reclama das administracións maior atención ás campañas pedagóxicas para a poboación. Moitas veces faltan papeleiras, contenedores ou carteis informativos sobre as zonas aptas para o paseo, segundo Jesús Busto.
Co obxectivo de buscar unha maior conciencia na cidadanía, a Surfrider Foundation organiza a terceira edición do seu festival de cine de surf. Comezará este venres ás oito da tarde no Ateneo ferrolán coa proxección da película “Step into the liquid”. O sábado organízase unha limpeza do areal de Doniños e de novo proxección cinematográfica na Asociación de Viciños desta parróquia.
O Festival de cine continuará nos seguintes venres deste mes de marzo. De xeito simultáneo no Ateneo ferrolán organizaráse unha exposición de fotografias sobre a última edición do Ferrolterra Pantin Classic. Os fotógrafos Eloy Taboada e Santiago Salceda amosarán as súas imaxes sobre a proba de surf, ata finais de marzo. |
| |
| NAVANTIA ENTREGA O 21 DE MARZO A FRAGATA F 104 A ARMADA |
| 14/03/2006 |
| Navantia Ferrol entregará nas vindeiras semanas as fragatas que construie na actualidade para a Armada Española e para Noruega. Tanto a F104 como a noruega F 311 realizan esta semana as últimas probas de navegación. Fontes do estaleiro confirmaron a intención de entregar os buques antes de finalizar marzo.
A fragata F 104 “Mendez Nuñez” da Armada Española iniciou no pasado mes de decembro as probas de mar. Despois de comprobar o correcto funcionamento dos sistemas de propulsión, manobra, goberno e navegación, o buque volveu ao estaleiro para realizar os traballos de acabado e as probas en porto do sistema de combate. O acto de entrega á Armada Española terá lugar o vindeiro martes 21 de marzo, contando coa presencia en Ferrol do ministro de Defensa Jose Bono.
Pola súa banda, a fragata F 311 “Roald Amundsen” é a primeira da serie de cinco que se construien en Navantia para Noruega. O programa xenerou o maior contrato de exportación da industria de Defensa española. Neste caso a data da entrega marcouse para o venres 31 de marzo. Fontes do estaleiro sinalaron que ainda non están definidas as autoridades que presidirán o acto. En calquera caso, Navantia entregará nos vindeiros dias as duas fragatas que construie na actualidade. |
| |
| SOLIDARIDADE CO SAHARA |
| 10/03/2006 |
| As entidades cidadáns de Fene organizan unha campaña de solidariedade co Sahara. Segundo acordaron nunha reunión mantida na Casa do Concello na tarde de onte , promoverán o reparto de boetas entre os establecementos comerciais da localidade para recaudar fondos con destino aos refuxiados saharauis que sofriron grandes inundacións os pasados 9, 10 e 11 de febreiro.
A campaña incluirá un cartel reclamando a solidaridade dos viciños e viciñas. A iniciativa prolongaráse por espacio de quince dias e incluirá a realización dun programa de sensibilización na emisora municipal. A reunión onde se adoptaron estes acordos asistiron representantes da Asociación de Viciños de Fene, CPS Liga de Amigos de Barallobre, Banda de Gaitas Airiños de Fene, Cáritas parroquial de Barallobre, Club Boandanza e do Concello de Fene. Outras entidades amosaron igualmente o seu respaldo á iniciativa. A campaña de solidaridade co Sahara comezará dalgún xeito mañá sábado. O Fene Eshor Boandanza xogará o partido da solidariedade. Destinará aos refuxiados saharauis a taquilla do encontro de fútbol sala que xogará fronte ao Atlético Bembibre. Comezará ás seis e media da tarde de mañá sábado no pavillón A Xunqueira de San Valentín. |
| |
| MULLERES LENDO MULLERES |
| 08/03/2006 |
| Máis dun cento de mulleres participan nesta xornada no Marathon de lectura Mulleres lendo mulleres iniciativa retransmitida en directo por Radiofusión Ferrolterra. Rapazas e mulleres maiores pasan polo atril situado na biblioteca municipal Pérez Parallé na Casa da Cultura de Fene, e dan lectura a fragmentos de textos literarios elaborados tamén por mulleres. O Concello de Fene conmemora deste xeito o Dia Internacional das Mulleres. |
| |
| O MITICO AMADEUS VOLVE Á ESCENA |
| 06/03/2006 |
| O grupo musical máis mítico de Fene volve aos escenarios. Santi, Pena, Franqui e Michel forman AMADEUS, grupo musical que ven de retomar os seus ensaios. Preparan a gravación e presentación dunha maqueta. De momento teñen xa fixada a súa “Re- presentación” como un dos grupos emblemáticos da asociación “Fene rock”. Actuarán o venres dia 17 do presente mes de marzo no Bar Tola, ao pé do Xulgado de Paz de Fene (A Coruña). Amadeus de novo nos escenarios. |
| |
| UN ROGO A ZAPATERO: ¡QUE TRAIA BARCOS! |
| 02/03/2006 |
| Fago un rogo a Zapatero,
Perito en meterse en charcos,
Menos falar de estatutos, ...
Recoiros que traia barcos.
Esa é unha das estrofas do Testamento do Antroido, unha das actividades que na tarde de onte mércores, congregou na Praza do Concello de Fene a milleiros de persoas. Trece comparsas desfilaron dende Perlío, nunha tarde amenazada pola choiva. O presentador Tacho González conduciu o acto que rematou coa queima do Antroido e cunha verbena amenizada pola espectacular orquestra Os Satélites. |
| |
| MEDIO CENTO DE CEREIXOS XAPONESES NA AVENIDA NATURAIS DE FENE |
| 24/02/2006 |
| O Concello de Fene plantará un total de 39 exemplares de “cereixo xaponés” nunha das marxes da Avenida Naturais de Fene, unha das arterias principais do municipio. Na actualidade nunha beira do citado vial, medran os magnolios, mentres que na outra beirarrua, plantáronse acacias. Un informe do Servizo de Xardíns municipais indica que as acacias padecen diferentes doenzas e aconsella a súa sustitución.
Segundo manifesta o concelleiro de Urbanismo Manuel Pico, decidiuse entón plantar unha arbore nova, con moita frol e vistosa na época da primavera. Optouse polo “cereixo xaponés” ou “prunus serrulata” que se comezará a plantar no vindeiro mes de marzo, unha operación que levará a cabo o Servizo de Xardíns con apoio do persoal de obras. Xa que logo, en poucas semanas, sumaránse aos plátanos da Avenida Marques de Figueroa, e aos magnolios da Avenida Naturais de Fene, unha nova especie arbórea neste mesmo vial.
O Cereixo xaponés é unha arbore caducifolia que pode alcanzar 20 metros de altura. As súas follas teñen un cór cobrizo que logo cambian ao verde escuro. Presentan tamén froles brancas ou rosadas que aparecen coas follas nos meses de abril ou maio. Trátase dunha arbore de gran valor ornamental moi cultivada, e considerada en Xapón como emblema nacional. Forma parte do patrimonio das lendas do pais oriental, e axiña lucirán as súas froles na Avenida Naturais de Fene. |
| |
| UN CORTOCIRCUITO, POSIBLE CAUSA DO INCENDIO DA MAGDALENA |
| 23/02/2006 |
| Un cortocircuito nun establecemento comercial puido provocar o espectacular incendio desatado esta madrugada no centro de Ferrol. Esa é a principal hipotese coa que traballan a policia municipal e os bombeiros da cidade departamental. As dez e media da mañá o incendio quedaba controlado. Afortunadamente non houbo que rexistrar danos persoais, pero os edificios da Rúa Real, 87 e da Rúa Magdalena, 90 quedaron totalmente calcinados. Resultou afectado tamén un piso da finca ubicada no número 89 da Rúa Real. Os viciños da Rúa Real 91 tiveron que ser desaloxados.O concelleiro de Seguridade de Ferrol José Manuel Vilariño congratulouse da inexistencia de desgracias persoais. |
| |
| APARATOSO INCENDIO NO BARRIO DA MAGDALENA |
| 23/02/2006 |
| Catro edificios arderon e arden dende primeiras horas da madrugada no barrio da Magdalena en Ferrol. O sinistro comezou nunha casa vella no número 90 da Rúa Magdalena. As lapas propagáronse dende ese edificio para os números 87, 89 e 91 da Rúa Real.
Segundo informan fontes da Policia local, as lapas comezaron arredor das 4,30 da madrugada nun edificio antigo de madeira. Dende alí propagouse, ás edificacións colindantes. Todas as vivendas estaban deshabitadas, salvo no número 91 da Rúa Real que tivo que ser desaloxado. As causas do incendio están ainda por determinar, pero non se produciron danos persoais. O parque de bombeiros, Policia municipal, Policia nacional e efectivos de Protección Civil teñen acordoada a zona. |
| |
| GOLPISTAS DO 23 F CUMPRIRON CONDENA EN FERROL |
| 21/02/2006 |
| Hai vintecinco anos o tenente coronel Tejero ao fronte dun grupo de gardas civis irrumpeu no Congreso dos Deputados. O 23 de febreiro de 1981 militares de distintas unidades participaron nunha conxura que pretendia anular o réxime democrático.
Unha vez condenados, boa parte dos golpistas cumpriron pena en Ferrol.
O tenente coronel Tejero permaneceu internado no Castelo da Palma en Mugardos, entre os meses de abril e agosto de 1981, xa antes do xuicio. A súa permanencia en Ferrolterra xenerara distintos movementos de apoio por parte de sectores golpistas. Despois da sentencia, o ministro de Defensa decidiu que cumpriran pena na prisión naval de Caranza, o tenente xeneral Jaime Milans del Bosch e o xeneral de división Luis Torres Rojas.
Na prisión do Castelo da Palma, en Mugardos cumpriron pena os capitáns Carlos Lázaro, Juan Pérez de la Lastra e Francisco Acera.
A primeiras horas do 24 de febreiro de 1981 os gardas civís abandonaban o Congreso dos Deputados e permitian sair do hemiciclo aos parlamentarios. As 10 da mañá saían as deputadas do Pazo da Carreira de San Xerome. Arredor das doce e media da mañá o tenente coronel Tejero abandonaba o Congreso, aceptando o fracaso da tentativa golpista. |
| |
| INTERNET PARA TODOS DENDE O VENRES |
| 15/02/2006 |
| A campaña “Internet para todos” chega a Ferrolterra. Un autobús con ordenadores conectados á rede visitará o venres Fene, o sábado Ferrol e o domingo Cariño. Xa a vindeira semana, acudirá o luns ás Pontes e o martes a Narón.
A iniciativa denominada todos.es pretende amosar á poboación as ventaxas de Internet. Trátase dun Plan de Sensibilización gratuito que busca ensinar como enviar e recibir correo electrónico, acceder a Internet e navegar pola rede. Intentase amosar ás novas tecnoloxias como ferramentas utiles para o coñecemento e para o lecer. Trátase dunha campaña do Ministerio de Industria, Turismo e Comercio dirixida a millón e medio de cidadáns en máis de 3000 municipios. En Fene visitarán o autobús de todos.es na Praza do Concello, oitenta alumnos de Primeiro e Segundo da ESO do Instituto de Ensino Secundario de Bacherelato. |
| |
| A XOVE DE ESCAIRON ALICIA FERNANDEZ GAÑA O CERTAME DE CARTAS DE AMOR |
| 14/02/2006 |
| A xove de Escairón (Lugo) Alicia Fernández Rodríguez alzouse co premio do Certame de Cartas de Amor convocado por RADIOFUSION coincidindo co Dia de San Valentín, patrono dos namorados. Alicia Fernández, de 19 anos, xa gañou hai dous anos este mesmo concurso. O xurado, composto polos escritores Iria López Teijeiro, Mario Regueira e polo alcalde de Fene Xose María Rivera, valorou a alta calidade literaria da misiva gañadora. Alicia Fernández, a pesar da súa xuventude, conta co máis dunha ducia de premios literarios no seu haber. O pasado ano 2005 presentou o libro Botar o mar polos ollos e nese mesmo exercicio, tamén gañou o certame de poesia Aurelio Aguirre convocado polo Concello de Santiago. |
| |
| RECLAMAN A MELLORA DO TREN FERROL - CORUÑA |
| 13/02/2006 |
| Duplicación dos actuais servizos entre Ferrol e A Coruña, en ambas direccións, que pasarían así de tres a seis. Adecuación dos horarios de FEVE e RENFE. Reducción da viaxe a Madrid a 8 horas. Son algunhas das reclamacións que se inclue no Manifesto a prol da mellora dos servizos ferroviarios impulsado polo Bloque Nacionalista Galego de Ferrolterra. Segundo sinalan, a mellor maneira de presionar para que as infraestructuras ferroviarias se modernicen xa é reivindicar o uso do tren, coa prestación de servizos que o fagan posible . Na actualidade tres servizos diarios unen as cidades herculina e departamental. En percorrer os 70 quilómetros da liña, o tren tarda entre 1 hora e 10 minutos e 1 hora e 20 minutos. |
| |
| A ORQUESTRA PARIS DE NOIA EN SAN VALENTIN |
| 10/02/2006 |
| As orquestras Montes e Sintonia de Vigo amenizarán esta noite as festas patronais de San Valentín en Fene. Dende esta mañá, unha ampla carpa, e numerosas atraccións para os máis pequenos ocupan boa parte do paseo marítimo na zona situada entre o colexio e o pavillón polideportivo.
Orquestras de primeira liña acuden este ano ao San Valentín. Ademais de Montes e Sintonia, mañá sábado tocarán Xente Nova e Filadelfia, e o domingo subirán ao escenario a Panamá e a París de Noia. Viciños e viciñas de toda Ferrolterra acudirán a San Valentín a botar unha peza ao son das formacións musicais de máis sona de Galicia. |
| |
| A XUNTA COLABORARA NA MEMORIAL ADOLFO ROS DE ATLETISMO |
| 07/02/2006 |
| A Xunta de Galiza colaborará na organización da Memorial Adolfo Ros de atletismo que todos os anos se realiza na ria de Ferrol. O goberno galego aprobará unha subvención a esta proba, segundo asegurou en Fene o Director Xeral de Deportes Santiago Dominguez. O alto cargo do goberno autónomo comprometeuse tamén a rehabilitar o polideportivo do Ramo en Barallobre, coa construcción duns novos vestiarios e a reparación do tellado. Dominguez tamén adiantou o seu compromiso de estudar as posibeis solucións para recuperar as pistas de atletismo, ubicadas nas proximidades do Instituto de Ensino Secundario. |
| |
| A MARCHA MUNDIAL, CONTRA A VIOLENCIA DE XENERO |
| 06/02/2006 |
| A Marcha Mundial das Mulleres convoca esta tarde unha nova concentración contra a violencia de xénero. Argelina, viciña do casco vello de Vigo, é a segunda muller morta en Galiza no que vai de ano. O presunto asasino, cunha orde de alonxamento da súa muller, prendeu lume da vivenda onde se atopaban a súa ex muller, a súa sogra e a súa filla. Acontencian estes feitos na xornada de onte domingo. A Marcha considera imprescindibel a implicación social para rematar coa desigualdade e o machismo, piares sobre os que se asenta a violencia e que impiden un verdadeiro desenvolvemento individual e social. A concentración de protesta realizaráse ás oito desta tarde na Praza Amada Garcia (diante do edificio da Xunta) en Ferrol. |
| |
| AUMENTO ESPECTACULAR DA CONSTRUCCION EN FENE |
| 03/02/2006 |
| O Concello de Fene concedeu licencias de obras para un total de 215 vivendas novas ao longo do ano 2005. Iso representa un incremento importante dado que, case se duplica o número de vivendas do 2004 (123) e supérase tamén o do 2003 (92). Polo tipo de vivendas, no pasado exercicio autorizáronse 48 unifamiliares, 160 pisos e 7 vivendas sociais. Tamén se concederon licencias para 14 naves industriais no parque empresarial de Vilar do Colo, o que da fe do despegue desta superficie industrial. O auxe na construcción representou tamén uns xugosos ingresos para as arcas municipais, alcanzando as taxas e o imposto de construcción os 520.000 euros. No 2004 ingresáranse 425.000 euros e no 2003, 180.000, segundo informa o concelleiro de Facenda Xose María Permui.
A alza na construcción afecta tanto a vivendas unifamiliares (de alta calidade e presuposto) como a edificios, que se concentran maioritariamente na zona urbana de Fene, Perlío e San Valentín. O prezo do metro cadrado da vivenda nova en pisos ronda en Fene os 1000 euros, unha cifra lixeiramente inferior ao de municipios como Ferrol e Narón.
Tamén no 2005 rexistrouse un incremento de poboación, a pesar da perda de 700 postos de traballo pola reconversión no estaleiro de Fene a través de prexubilacións. A 31 de decembro figuraban no Padrón municipal 14429 persoas, 74 máis que a comezos de ano. Os datos do Xulgado de Paz tamén aluden a un saldo demográfico positivo dado que ao longo do ano naceron 82 nenos, fronte a 59 defuncións.
O concelleiro de Urbanismo Manuel Pico espera a continuidade do dinamismo na construcción neste ano 2006. “Agardamos que poidan solicitar as licencias as 573 vivendas de Centieiras, xa que se rematou a exposición pública do Plan Parcial, con só 2 alegacións presentadas” afirmou. Ademais de resolver as citadas alegacións, o Concello de Fene debe agardar os informes da Dirección Xeral do Patrimonio, a Deputación e Augas de Galicia, antes de aprobar definitivamente a urbanización da zona. |
| |
| CONCERTOS DE RIFF RAFF E CACHIMONIA ESTA FINDE |
| 01/02/2006 |
| Fan versións de ACDC, pero tamén tocan temas propios, de Led Zeppelin, Deep Purple e Queen. Toñito Pedreira, Carlos Rodriguez, Tomás Dominguez, Francisco Llaguno e Alvaro Rivas “Vari” forman RIFF RAFF. O grupo naceu en Ferrol en 1997. Teñen actuado por toda Galicia e fixeron de teloneiros de Los Suaves no Botafume rock. Actuarán este sábado á noite no Bar Tola (ao pé do Xulgado de Fene). Neste establecemento o venres a partir das oito e media da tarde ofrecerán unha audición de temas musicais utilizados na publicidade da televisión. Chámase a sesión “Telespotting”.
As ofertas musicais desta “finde” en Ferrolterra tamén incluen música tradicional, pero con moita marcha, pezas bailables, de festa. Eses son os principios filosóficos do grupo CACHIMONIA nacido en 1996 en Ferrol. Formanno Alex Fernández ao acordeón, Luis Arribí co clarinete, Miguel Manso nas gaitas, Maite, coa pandeireta e a voz, Xavi Lourido ao tamboril e co bombo, o mestre Durán. Cachimonia ofrece un concerto este venres na sala Dzine de San Sadurniño. A actuación principiará ás doce da noite e a entrada é de balde. |
| |
| A FUNDACION ALCOA COLABORA CO COLEXIO DE MANIÑOS |
| 31/01/2006 |
| Voluntarios da multinacional Alcoa realizarán pasado mañá xoves distintos traballos de mellora do Colexio Os Casais de Maniños en Fene. Aportarán de xeito altruista a man de obra e colocarán láminas de cortizo nas paredes da aula audiovisual. Ademais pintarán zonas do centro educativo e plantarán arbores no exterior do
colexio.
O director dos Casais Alvaro Garcia Alvarez agradece esta colaboración prestada pola Fundación Alcoa, dentro do seu Plan de Voluntariado. A multinacional do aluminio Alcoa conta con factorias en Arteixo, A Coruña e San Cibrao, na costa de Lugo. A súa Fundación colabora con proxectos sociais e educativos, facendo fincapé no apoio ao Voluntariado. |
| |
| CONVOCAN UNHA NOVA EDICION DO CERTAME DE CARTAS DE AMOR |
| 30/01/2006 |
| De seguido ofrécense as bases completas da novena edición do certame de cartas de amor, convocado por Radiofusión:
1. Radiofusión convoca a novena edición do Certame de Cartas de Amor.
2. O fallo do concurso daráse a coñecer a través dos medios informativos o vindeiro 14 de febreiro, Dia dos Namorados e festividade de San Valentín.
3. O autor ou autora da carta que resulte premiada recibirá como galardón unha cea para duas persoas e a estancia dunha noite no Pazo Libunca de Narón. Poderá escoller un cuarto doble ou dous individuais.
4. As persoas interesadas en participar deberán enviar a Radiofusión (Casa do Concello. 15500 FENE. A Coruña) ou ao correo electrónico direccion@radiofene.org unha declaración de amor, en prosa ou en verso e que non exceda dun folio mecanografiado a doble espacio. Tamén se admitirán cartas redactadas a mán, sempre que sexan intelixibeis.
5. As cartas de amor enviaránse baixo plica e terán que estar en poder de Radiofusión antes do 11 de febreiro inclusive. Con anterioridade a esa data daráse a coñecer a composición do xurado.
6. As declaracións deberán estar redactadas en lingua galega.
7. As interpretacións das presentes bases corresponden ao xurado.
Fene, a 25 de xaneiro do 2006 |
| |
| A CONFRARIA DE BARALLOBRE, UN EXEMPLO |
| 27/01/2006 |
| Un grupo de mariscadoras do Vicedo, Espasante, Ribadeo, Foz e O Barqueiro visitaron esta mañá as instalacións da confraria de pescadores de Barallobre en Fene. Asistiron e atenderon ás explicacións da patrona maior da confraria Marisol Arnoso quen explicou o sistema de comercialización directa da ameixa e do berberecho extraido da ria. A depuradora instalada na lonxa e a marca MARISCOS DE BARALLOBRE permitiron aumentar de xeito considerable a rendabilidade da actividade marisqueira. Os delegados provinciais da Conselleria de Pesca na Coruña e en Lugo Rosa Liaño e Xaime Cancio loubaron a iniciativa, diante do alcalde de Fene Xose Maria Rivera. Esta mañá o prezo do quilo de marisco oscilaba entre os 5 euros do berberecho, os 16 da ameixa babosa, e os 50 da ameixa fina extra. A producción dos bancos explotados pola confraria de Barallobre alcanzan anualmente as 100 toneladas de ameixa babosa, as 40 de fina e outras tantas de berberecho. A súa meta é vender directamente a totalidade da producción. |
| |
| ARRINCA A IV EDICION DO FENE ROCK |
| 25/01/2006 |
| A cuarta edición do festival Fene rock está en marcha. Segundo todas as previsións da organización, o festival desenvolveráse no paseo marítimo de San Valentín o venres 15 e o sábado 16 de setembro. Os organizadores barallan distintos grupos de renome para que suban ao escenario situado entre o colexio e o pavillón da Xunqueira.
Ademais do festival, o Fene Rock vai promover distintos actos ao longo do ano, baixo o lema “doce meses, doce cousas”, parafraseando así o slogan dunha cadea televisiva. A primeira cousa do Fene Rock iniciaráse este sábado coa proxección do video grabado na Terceira Edición deste festival. A grabación
poderáse ver o sábado ás oito e media da tarde no Bar Tola, a antiga Marola situada ao pé do Xulgado de Paz de Fene. |
| |
| JORQUERA DISERTA SOBRE O NOVO ESTATUTO |
| 23/01/2006 |
| O Bloque Nacionalista Galego de Fene celebra mañá martes un acto arredor da proposta de novo Estatuto de Autonomía. O senador e coordenador executivo do BNG Francisco Jorquera disertará arredor da visión da formación nacionalista diante do proceso negociador que de maneira inminente abrirán o Bloque, o PSOE e o Partido Popular en Galicia.
Francisco Jorquera naceu en Ferrol en agosto de 1961. Está casado e con dous fillos. E Licenciado en Xeografía e História pola Universidade de Santiago. Foi secretario nacional de ERGA e fundador dos CAF. Na actualidade é coordenador executivo do BNG ademais de senador en representación da comunidade autónoma.
Jorquera participou onte domingo nun acto organizado polo Partido Andalucista na localidade de Ronda. Explicou a visión do BNG diante do proceso aberto pola reforma dos Estatutos de Autonomía. A intervención de Jorquera en Fene cobra máis actualidade se cabe á luz do acordo entre o PSOE e Convergencia i Unió arredor da reforma do Estatuto de Cataluña. Jorquera disertará mañá martes ás 20 horas no local do BNG de Fene, na Avenida Naturais de Fene, 41, traseira. |
| |
| PONTEDEUME CONVOCA O ARTXOVE 2006 |
| 20/01/2006 |
| O Concello de Pontedeume convoca a undécima Mostra Artxove, como un espacio para o espallamento e potenciación das artes plásticas. Poderán presentarse obras de escultura, pintura e fotografia, sempre que os autores conten cunha idade comprendida entre os 18 e os 35 anos, e residan ou sexan naturais de Galicia. Coas obras presentadas elaboraráse un catálogo e montaráse unha exposición do 8 ao 23 de abril do presente ano. Facilitan máis información na Biblioteca de Pontedeume, no teléfono 981 432598 entre ás 4,30 e as 8,30 da tarde de luns a venres. |
| |
| MANTER O CARÁCTER PUBLICO DOS ESTALEIROS |
| 18/01/2006 |
|
“Entre as posíbeis saídas está tamén, naturalmente, un complexo industrial con capital público como socio maioritario, no que participe a SEPI, a Xunta de Galiza, as empresas auxiliares e as entidades financeiras, garantindo o control das condicións sociolaborais dos traballadores e traballadoras”. Son palabras dun comunicado da executiva do BNG precisando a proposta elaborada polo conselleiro de Industria Fernando Blanco.
O máximo órgano de decisión do Bloque salienta que por primeira vez o goberno autónomo ponse mans á obra para buscarlle futuro ao sector naval en Ferrolterra. O conselleiro de Industria manterá nesta xornada e mañá xoves novas reunións con representantes sindicais, explicando as alternativas trasladadas diante da SEPI. |
| |
| A XUNTA QUERE POTENCIAR O NAVAL, SEGUNDO FERNANDO BLANCO |
| 13/01/2006 |
| O obxectivo da Xunta de Galicia é potenciar o sector naval en Ferrolterra. Afirmouno así o conselleiro de Industria e Innovación Fernando Blanco esta mañá en RADIOFUSION. O membro do goberno autónomo saiu así ao paso da lóxica inquietude xenerada na comarca diante das novas sobre a hipotética venda do estaleiro de Perlío. Fernando Blanco aclarou que un grupo de empresarios da industria auxiliar presentou á Xunta de Galicia o seu proxecto que incluie a utilización de parte das instalacións de Astano, en principio unicamente para reparacións. O conselleiro trasladoulle esa iniciativa á SEPI que agora estudará a súa viabilidade, solvencia tecnolóxica e económica. Fernando Blanco tamén se interesou diante do presidente da Sociedade Estatal Enrique Martinez Robles sobre a posibilidade de dotar a Navantia Fene de proxectos de construcción completos para garantir o seu futuro. |
| |
| ESCEPTICISMO SINDICAL DIANTE DO PROXECTO PARA AS REPARACIONS DE ASTANO |
| 12/01/2006 |
| Desenrolo do Plan Industrial, carga de traballo concreta que garanta o futuro e proxectos completos a realizar nas instalacións de Navantia Fene. Esas son as demandas do comité de empresa do estaleiro, segundo un comunicado feito público esta mesma mañá.
Os sindicatos Comisións Obreiras, UXT, CIG e USTG saen así ao paso da noticia aparecida en distintos medios de comunicación aludindo a unha posible venda de Astano. O comité reitera a súa oposición a unha nova segregación en Navantia Ria de Ferrol, sen antes concretar ou pechar os compromisos acadados entre a SEPI e os sindicatos no mes de decembro do 2004. Os representantes dos traballadores do estaleiro emprazan ao conselleiro de Industria e a Xunta de Galicia a que aclaren as súas intencións con respecto á factoria fenesa. Fontes sindicais pregúntanse asimesmo onde están as instalacións, experiencia tecnolóxica, persoal especializado e capital social dos empresarios interesados no estaleiro de Fene.
As mesmas fontes lembran o interese de Indunor por adquirir o sector de reparacións de Astano, e a posterior quebra desa firma. As centrais insisten en dubidar da solvencia da proposta do grupo da industria auxiliar do sector naval da comarca. Na mesma dirección manifestase nun comunicado a asociación Iniciativa Empresarial do Noroeste. A entidade presidida por Manuel Pérez reclama o mantenemento do estaleiro no sector público. |
| |
| HIP HOP EN PONTEDEUME |
| 11/01/2006 |
| O hip hop e o rap chegarán este venres a Pontedeume da man do grupo Presencia Zero de Cerceda. Será un dos participantes no festival Treme a Terra que organiza na vila eumesa a asociación cultural do mesmo nome. Tamén tocarán no polideportivo da Casqueira o venres, o grupo catalán La Kinky Beat, Os tres trebóns de Xurxo Souto e o contacontos Gari. Pero Treme a terra iniciase xa esta mesma noite. As nove da noite na biblioteca de Pontedeume reflexionarase sobre a política fronteiriza na Europa fortaleza. Representantes da Caravana Europea contra o Valado falarán da inmigración en Ceuta e Melilla.
Son persoas coma ti e coma min. Buscan un lugar onde gañarse a vida, onde buscar un futuro para as súas familias. Falan así dos inmigrantes os membros da asociación Treme a Terra de Pontedeume.
O festival en sí mesmo comezaráno venres ás 21,30 h. no polideportivo A Casqueira de Pontedeume. Tocarán alí os grupos galegos Presencia Zero e Os tres trebóns, e os catalans de La Kinki Beat. O Festival cumprirá este ano a súa novena edición. |
| |
| ASTANO: UN EXEMPLO PARA O MOVEMENTO OBREIRO. |
| 10/01/2006 |
| “A empresa, a Comisión Obreira e a conflictividade (1941 – 1977). Chámase así o libro do historiador Leonardo Rei que analisa o proceso de formación do movemento sindical en Astano ao longo do franquismo. O autor lembra que o estaleiro de Perlío constituía en 1975 a factoria máis grande da península con arredor de 11.000 traballadores. O volume quere convertirse tamén nun recoñecemento a toda a xente que colaborou no movemento contra a dictadura de Francisco Franco. Grazas a xente como esa, a democracia chegou a este pais, segundo Leonardo Rei. Na Casa da Cultura de Fene, ante un auditorio ateigado de público, presentouse onte á tarde o libro. Para a profesora da Universidade Carmen Fernández Casanova, o coñecemento do mundo do traballo, de Bazan e Astano, é vital para a comprensión da sociedade de Ferrolterra.
A Fundación 10 de marzo editou este libro e o seu director José Gómez Alén salientou o carácter de referente do movemento obreiro en Astano. Foi un exemplo para toda Galicia, e formou parte dun sindicalismo que constituie un dos movementos de maior importancia da España do século XX.
O alcalde de Fene Xose María Rivera, salienta pola súa banda, a importancia de Astano e da escola do movemento obreiro. Dalí sairon os dirixentes de todo tipo de asociacións e entidades e das agrupacións locais dos partidos políticos democráticos na década dos anos 70. |
| |
| FENE RECUPERA POBOACION |
| 05/01/2006 |
| Fene recupera poboación. Por primeira vez en moitos anos, o padrón municipal reflexa a 31 de decembro do 2005, 74 persoas máis das que recollía o censo do Instituto Nacional de Estatistica hai un ano. Nestes momentos residen en Fene 14429 persoas.
O optimismo é necesario matizalo, xa que non se chegan aos 15010 habitantes de 1996, hai unha década. Con todo representa invertir unha tendencia de perdida paulatina de poboación que era constante nos últimos anos. Polo que se refire á distribución da poboación, percíbese unha concentración no núcleo urbano. As parróquias de Fene, Perlío e San Valentín representan agora o 61% do total da poboación, cando hai 12 anos supoñían o 57%. A parróquia de Fene en concreto é a única do término municipal que gañou poboación na última década.
A recuperación demográfica confírmase á luz dos datos de nacementos, casoiros e defuncións, ofrecidos polo Xulgado de Paz de Fene. No 2005 bateuse o record de nacementos do último lustro, dado que viñeron ao mundo 82 pequenos. Morreron 59 persoas, o que ofrece un crecemento vexetativo positivo de 23 cidadáns. O número de casoiros continua a ser baixo, con 56 matrimonios, ainda que é comparativamente elevado, se miramos o que sucede na maioria dos Concellos galegos. A estructura demográfica de Fene reflexa un certo dinamismo en comparación cos municipios do entorno. |
| |
| O PREZO DA VIVENDA REVELA A CRISE DE FERROLTERRA |
| 04/01/2006 |
| O prezo da vivenda é un indicador da marcha xeral da economía. Por iso os constructores laianse de que Ferrol continue a ser a cidade galega cos pisos máis baratos, segundo o estudo publicado pola Sociedade de Tasación. O prezo de metro cadrado da vivenda nova na cidade departamental roza os 1200 euros, cando hai dous anos situábase nos 985. A comparativa coas outras cidades galegas, apunta a unha situación de crise económica en Ferrolterra, con emigración dos máis xovenes e escasez de postos de traballo, segundo declarou a RADIOFUSION o promotor e constructor de Fene Manuel Pérez.. En Galicia e no Estado Español, todos os anos o prezo da vivenda sobe máis do 10%, a pesar de que os analistas levan moito tempo anunciando a paralise dese crecemento. |
| |
| ACONDICIONARAN OS ACCESOS A FERVENZA DO BELELLE |
| 02/01/2006 |
| O Concello de Fene acondicionará os accesos á fervenza do Belelle. Este mediodia representantes municipais presentaron o proxecto, cun presuposto que supera os 230.000 euros.A Unión Europea financiará o 70% do investimento a través do Plan Proder. A obra comezará a executarse en canto conte co visto bó da Asociación Costa Artabra, algo que o Concello da por feito. Recuperaránse os máis de 1.500 metros que separan a aldea de Marraxón do pé da fervenza. Poderánse apreciar os exemplares de flora autóctona que abundan pola zona, salientando as abeleiras, os loureiros, carballos, silvas e fentos. Instalaránse barandas de protección, unha pérgola de madeira na zona das ruinas do merendeiro e paneis explicativos do funcionamento dunha central eléctrica. Con esta iniciativa preténdese potenciar e divulgar unha singular paisaxe natural, así como a espectacular caida das augas do Belelle. Trátase de favorecer o acceso da xente a unha zona de gran riqueza natural, como método para insistir na necesidade de respetar o medio ambiente. |
| |
| BLANCO RECLAMA TRABALLO PARA OS ESTALEIROS |
| 27/12/2005 |
| O conselleiro de Industria e Innovación da Xunta de Galicia Fernando Blanco reuniráse o 10 de xaneiro co presidente da SEPI Enrique Martinez Robles a quen lle reclamará carga de traballo para o estaleiro de Navantia Fene. Blanco realizou esas manifestacións despois de reunirse esta mañá co alcalde de Fene Xose Maria Rivera e con representantes da Corporación local. O conselleiro de Industria apoiará igualmente a demanda de aprobación dunha terceira fase do parque empresarial de Vilar do Colo. Asimesmo Fernando Blanco adiantou que xa está elaborado un borrador de regulamento da Axencia de Desenvolvemento Industrial, que o goberno autónomo pretende instalar en Ferrolterra. O membro do goberno autónomo visitou a Casa do Concello de Fene e as instalacións do antigo Astano. |
| |
| OS PISOS, MAIS BARATOS EN FERROL |
| 23/12/2005 |
| Ferrol continuou sendo, neste ano 2005 que remata, a cidade galega cos pisos máis baratos. Ainda así o ferrolán que merca unha vivenda ten que adicar a ese obxetivo o salario de sete anos, segundo un estudo elaborado por Caixa Galicia.
En Ferrol o metro cadrado de vivenda nova situase a finais deste ano 2005 en 1113 euros, segundo un estudo da Sociedade de Tasación. Na Coruña custa 1556 euros e en Vigo 1653. Ao longo deste ano a construcción ralentizou o seu medre, pero o prezo da vivenda creceu ainda así un 13,5 %. Os expertos atribuen as diferencias de custes entre as cidades galegas, á disponibilidade de chán, demanda inmobiliaria e capacidade para xenerar emprego. Como media en Galicia o metro cadrado da vivenda nova alcanza os 1335 euros, o que significa que un piso custa 100 nóminas, ou sexa sete anos e tres meses de traballo. |
| |
| PLAN ANTI-TABACO DO CONCELLO DE FENE |
| 22/12/2005 |
| Unha Comisión anti-tabaco formouse no Concello de Fene a comezos de decembro. Entre os seus cometidos salienta a posta en marcha de medidas que garantan o cumprimento das medidas lexislativas contra os malos fumes que entrarán en vigor a comezos de xaneiro. A comisión xa comunicou aos funcionarios que dende o 1 de xaneiro non se poderá fumar nas dependencias municipais. Dende a institución, facilítase a inscrición dos fumadores en campañas médicas e psicolóxicas para abandonar o vicio. Transitoriamente, os funcionarios que o desexen poderán sair da Casa Consistorial a fumar, ordenadamente e cun tempo limitado. Ademais a comisión anti-tabaco retirará todos os cinceiros das dependencias municipais, e colocará carteis lembrando a prohibición de fumar. Os cidadáns que acudan ao Concello a realizar algunha xestión, deberán apagar o xaruto antes de cruzar a porta. |
| |
| STAFFAN MORLING E AS EMBARCACIÓNS TRADICIONAIS DE GALICIA |
| 21/12/2005 |
| “Lanchas e dornas. A estabilidade cultural
e a morfoloxía das embarcacións tradicionais de Galicia”.
Chámase así o libro que ven de sacar á luz o profesor da Universidade de Lund en Suecia Staffan Morling. O etnógrafo sueco verque neste volume parte das conclusións extraidas tras as conversas mantidas cos viciños de Maniños Andrés Méndez e Francisco Vizoso. Morling acudiu hai dez anos a Fene a pronunciar unha charla sobre as embarcacións tradicionais. Staffan Morling, estudoso sobre as embarcacións tradicionais de Galicia, ven de publicar un novo estudo sobre as lanchas, dornas e trincados. O volume preséntase esta tarde no Museu Massó de Bueu (Pontevedra) |
| |
| 360 EUROS POR TRABALLAR A NOITE DE FIN DE ANO |
| 20/12/2005 |
| Ata 360 euros pode gañar un bo camareiro de banquetes por traballar toda a noite de fin de ano. Son algunhas das oportunidades de emprego que se presentan nestas datas do Nadal. De todos os xeitos, o camareiro medio cobrará aproximadamente oito euros a hora, segundo fontes dunha empresa de traballo temporal.
En Ferrolterra non hai cultura de hostelería, queixábanse esta mañá dende unha empresa de traballo temporal, da cidade departamental. Esa ETT solicitou hai unhas semanas un camareiro de banquetes e non se presentou ningún demandante de emprego. Xunto coa hostelería, as outras actividades máis reclamadas nestas datas festivas, son azafatas para promocións, caixeiras, repoñedores, pero tamén persoal para panadería ou carnicería. As ETTs relativizan de calquera xeito o impacto que produce no emprego da comarca, as festas do nadal. Algunhas firmas do ramo adicanse de xeito prioritario ao sector industrial e teñen a súa punta de actividade no verán.
Os contratos temporais nestas datas do nadal centranse de xeito fundamental nas áreas comerciais. Empreganse sobre todo menores de 25 anos que cobran unhas percepcións estimadas en 500 euros ao mes. As grandes superficies inflan nestas datas o seu persoal nun 20 ou nun 30% do plantel. As tendas familiares en moitas ocasións conformanse con alargar os seus horarios. |
| |
| EN CATALUÑA, 100 EMPRESAS VIVEN DO SOFTWARE LIBRE |
| 15/12/2005 |
| En Cataluña hai máis de 100 empresas que viven exclusivamente do software libre, segundo o profesor da Universidade Oberta e membro do grupo Softcatalá Jordi Mas, un dos participantes nas I Xornadas de Software libre, organizadas no Concello de Fene pola asociación AGNIX, que comezaron esta mañá. Segundo explicou Jordi Mas, os clientes empezan a valorar os standars abertos e as tecnoloxicas intercambiables, e a Generalitat comezou a primar este tipo de programas nos concursos públicos.
Mas comparou as reticencias dos usuarios para acceder ao
Software libre, cos problemas causados cando se pasou do MS dos ao Windows. “Hai unhas certas resistencias, xa que hai descoñecemento. Precísase formación e aprendizaxe para dominar os novos procedementos” manifestou o membro de Softcatalá. As resistencias ao cambio cultural e tecnolóxico e as patentes de software son algunhas das dificultades dos programas informáticos libres, para Jordi Mas.
Mañá venres continuan as Xornadas sobre software libre en Fene. As dez da mañá na Casa da Cultura falará o coordenador do centro de novas iniciativas da Junta de Extremadura. Os encontros sobre software libre fecharánse o sábado pola mañá cunha ponencia sobre “Linuxshow” a cargo do profesor da Universitat Ramón Llull Xavier de Blas. |
| |
| PRESENTASE A MENIÑA DE CRISTAL GAÑADORA DO BIBLOS |
| 13/12/2005 |
| Ollaba cara aos cristais, agardaba sen sabelo polas pingas de choiva. Mais non chovía. Algo andaba mal. Ela sempre preferira o Santiago mollado, o escuro, o invernal; sobre todo cando estaba triste. O Santiago de luz e sol era só para os turistas. “Esta cidade é un cemiterio”, pensou mentres permanecía a carón dunha fiestra excesivamente limpa dende onde se observaba a fileira de rostros alleos e distantes, ruidosos, que camiñaban, coma sempre, cara a tumba central.
-Todo ben?- preguntou a secretaria dende a porta, facéndoa tornar do seu divagar.- Remataches?- continuou a muller no medio dun van intento por sorrir.
-Si.- a moza ergueuse para apagar a luz do cuarto contiguo, o cuarto de revelado. Xa caera na conta de que o da secretaria era un deses rostros que non lembraban como se sorría de veras, dende dentro.
Comeza así a novela “Meniña de cristal” da xove escritora de Fene Iria López Teijeiro. O director literario do clube Biblos acude esta tarde a Fene para presentar a obra gañadora do I Premio literario Biblos Pazos de Galicia. O acto de presentación da obra de Iria López comezará ás oito desta tarde (mércores 14) no salón de actos da Casa da Cultura de Fene. |
| |
| XUIZO AS PRACTICAS DE SUBCONTRATACION EN NAVANTIA |
| 09/12/2005 |
| As subcontratacións a xuizo. O vindeiro luns celebraráse en Ferrol o primeiro dos xuizos das demandas interpostas por traballadores das compañias auxiliares de Navantia Ferrol contra esta empresa.
Os empregados acusan a Navantia de utilizar a figura da subcontratación para ceder ilegalmente traballadores. O comité de empresa de Navantia Ferrol apoia a súa demanda e os delegados sindicais do estaleiro, acudirán o vindeiro luns ao xuizo para dar testemuña do seu apoio. |
| |
| SOFTWARE LIBRE, CAPITAL FENE |
| 07/12/2005 |
| · Alessandro de Oliveira (Cabelo) de Viva O Linux (Brasil)
· Jordi Mas de Softcatalá
· Xavier de Blas co seu Linux Show
· Miguel Ángel Segovia, coordinador Centro de Novas Iniciativas da Xunta de Estremadura
Son algúns dos monstros do software libre que se darán cita en Fene a vindeira semana. Participarán nunhas xornadas o xoves, venres e sábado. Explicarán na Casa da Cultura de Fene as debilidades, amenazas, fortalezas e oportunidades do software libre. Organiza a asociación AGNIX. |
| |
| O ATLETA MARROQUINO HASSAN LEKHILI VENCE NA ADOLFO ROS |
| 04/12/2005 |
| O atleta marroquino Hassan Lekhili do Club Ourense atletismo Academia Postal cun tempo de 1 h. 5´ 1 ´´, alzouse coa primeira posición da carreira de atlétismo Memorial Adolfo Ros. En segunda posición chegou o galego Jesús de La Fuente, e en terceiro e cuarto lugar situáronse os portugueses Luis Sa e Jose Correia. Na categoria feminina venceu a portuguesa Fernanda Miranda con 1 h. 19´ 34´´. En discapacitados venceu o atleta Alberto Baptista do club Minusatle Ferrol.
Lekhili rompeu a carreira xa nos primeiros quilómetros ao escapar do pelotón. Correu en solitario practicamente os 21 quilómetros da proba atlética que discurreu esta mañá polos Concellos de Fene, Ferrol, Narón e Neda. As choivas intermitentes e sobor de todo o vento dificultaron o labor dos atletas. Faciase dificil manter o ritmo para lograr boas marcas, segundo salientou o atleta marroquino gañador da carreira. Lekhili manifestou a súa satisfacción polo trunfo, e pola dotación económica de 600 euros que recibiu o gañador da carreira.
O atleta marroquino salientou que levaba toda a semana preparando a “Adolfo Ros”. En canto ao circuito, a dificultade residiu nos pequenos outeiros que rompen o ritmo. Por iso él empezou a carreira forte para escaparse e realizar logo toda a proba en solitario.
Pola súa banda, o galego Jesus de la Fuente amosouse satisfeito co resultado da carreira. Indicou que a marca conseguida non foi de todo boa, xa que dende a metade da carreira afloxou o ritmo ao comprobar que a súa posición non corría perigo. Salientou tamén que o segundo posto era o seu obxectivo dende que se confirmou a participación do atleta marroquino.
Ademais da proba de maiores, a organización artellou un circuito urbano polo centro de Fene, no que se disputaron carreiras nas categorias alevín, infantil, cadete e xuvenil. En total participaron na Memorial Adolfo Ros Volta a ria de atletismo, más de 500 atletas. O concelleiro de Deportes de Fene Xose Anxo González Tomé felicitou a todos os atletas participantes, e salientou o valor do seu esforzo, tendo en conta as negras perspectivas meteorolóxicas coas que amenceu esta mañá Galicia. |
| |
| MORRE UN VICIÑO DE FENE ATROPELADO NA AUTOPISTA |
| 02/12/2005 |
| Esta mañá morreu atropelada unha persoa, viciña de Fene, tras a colisión de once vehiculos na AP 9. O accidente en cadea produciuse arredor das oito da mañá na autopista do atlántico, no quilómetro 43 á altura de Ordes e en dirección Santiago. O suceso provocou o corte de tráfico na autopista, ainda que a circulación se restableceu despois do traballo do persoal da Garda Civil e de Autopistas.
O golpe produciuse inicialmente entre dous vehiculos que bateron en circunstancias ainda descoñecidas. Ante a dificultade para poder advertir ao resto de usuarios da via rápida, produciuse a colisión múltiple que afectou a outros nove vehiculos. A victima mortal saiu do automobil para advertir aos restantes vehiculos do accidente.
Foi arrolado e o seu corpo quedou debaixo do automobil que o alcanzou e acabou empotrado co resto dos vehiculos. Faleceu de xeito instantáneo.
Trátase de Emilio Jesús Fraga Rial, de 36 anos de idade, viciño da Rua Rio de Saa, no lugar do Balado en Sillobre (Fene). Estaba casado e deixa un fillo de dous anos de idade.
Emilio Fraga traballaba na construcción, nunha empresa propiedade do seu irmán que realiza obras en Santiago de Compostela. No momento de producirse este aparatoso accidente de tráfico a calzada estaba mollada e caía unha copiosa choiva na zona. |
| |
| ORDES SUMASE A RADIOFUSION |
| 02/12/2005 |
| Radio Ordes ven de conectarse a Radiofusión, programación conxunta en horario de tarde producida pola asociación Emisoras Municipais Galegas, e distribuida a través dunha liña de satélite. A emisora municipal de Ordes sintonízase no 107.3 da Frecuencia Modulada e escoitase nas localidades de Ordes, Frades, Mesía, Tordoia, Trazo e Oroso. Segundo o director de Radio Ordes, Juan Abeijón, esta programación servirá para reforzar o caracter local e de proximidade da emisora municipal, ao fornecernos duns espacios diferentes, de calidade e cubrir unha interesante franxa horaria .
Radiofusión é unha programación radiofónica dirixida fundamentalmente á xuventude. Os seus espacios prestan atención ao cine, ás novas tecnoloxias, a ecoloxia, a sexualidade, o deporte espectáculo e á música producida en Galicia. Dentro desta iniciativa, Elena Dopico e Tomás Lijó elaboran e dirixen ANTIPODAS, un programa de aquí, que se realiza de luns a venres entre as 19 e as 21,30 horas. Leo Toral e Lucia Rey preparan O ULTRAMARINOS, a información diferente, un repaso da actualidade do dia emitido dende as 21, 30 ás 22,30 horas.
Ademais da emisora de Ordes, RADIOFUSION emítenno Radio Arzua, Radio Tui, Radio Allariz, Radio Eume, Radio Fene, Radio Foz, Radio Negreira e Radio Redondela. |
| |
| UN EPISODIO DE SOLIDARIDADE |
| 01/12/2005 |
| Domingo 18 de agosto de 1985. Doce e media do mediodia. Praia de Doniños en Ferrol. Un grupo de cinco nenos xogan na beira do mar coas fortes ondas que baten contra a parte central da praia. Uns golpes de mar fan perder o equilibrio aos rapaces, e as fortes correntes os arrastran mar adentro.
Uns bañistas dan a voz de alarma, e a operacion de salvamento do equipo da Cruz Bermella do Mar ponse en marcha. Familiares dos pequenos tamén colaboran no rescate. Sumase aos labores o ATS ferrolán Adolfo Emilio Ros Rodal, de 27 anos de idade. A actuación dos socorristas permite rescatar a tres bañistas pero o corpo dos tres nenos e máis de Adolfo Ros non aparecerán a pesar dos intensos labores de búsqueda desplegados na zona. Sete dias despois aparece en Doniños o corpo do xove viciño de Catabois, Jose Luis Perez Campello de 14 anos de edade.
Ademais de Jose Luis, faleceron naquela tráxica xornada en Doniños, Oscar Dopico Picos, de 11 ano, viciños da Solaina en Narón e Daniel Medín Oreona, de 13 anos, residente na estrada de San Xoan. Tamén morreu Adolfo Emilio Ros, quen se botou ao mar para intentar rescatar aos nenos en perigo. Pénsase que perdeu o coñecemento debido a un golpe de mar que o puido lanzar contra a área da praia.
Para honrar a memoria de Adolfo Ros, para lembrar o xesto desinteresado e solidario de quen perdeu a vida para salvar a duns nenos en perigo, os Concellos de Fene, Ferrol, Narón e Neda organizan dende aquela a carreira atlética Memorial Adolfo Ros. |
| |
| PREPARASE A MEMORIAL ADOLFO ROS DE ATLETISMO |
| 30/11/2005 |
| Ferrolterra celebra este domingo a memorial Adolfo Ros de atletismo. Os deportistas percorrerán os 21 quilómetros que rodean á ria de Ferrol. Arredor de 200 atletas xa se inscribiron nesta proba que ten tamén un carácter popular.
Os Concellos de Fene, Ferrol, Narón e Neda organizan dende o ano 1985 de xeito conxunto a carreira atlética MEMORIAL ADOLFO ROS, instituida en lembranza do deportista ferrolán falecido afogado na praia de Doniños. Adolfo faleceu no verán do 85, despois de salvar a tres rapaces que eran arrastrados marea adentro pola resaca. |
| |
| MUGARDOS ASINA O CONVENIO PARA REFORMAR A PALMA |
| 28/11/2005 |
| O alcalde de Mugardos Xosé Fernández Barcia asina mañá martes o convenio para a reforma do Castelo da Palma. Unha sociedade hoteleira reformará a fortaleza para albergar un hotel balneario de 5 estrelas.
O primeiro castelo da Palma construiuse en 1597 pero o edificio actual data de 1869. Durante a guerra civil, serviu como prisión de cidadáns afectos á República. Tamén sofriron carcere na Palma, os militares antifranquistas da Unión Militar Democrática a comezos dos anos setenta. Alí tamén cumpreu condena o tenente coronel Tejero a raiz da súa participación no golpe de estado de 1981. Daquela un grupo de damas da dereita ferrolana adquirira notoriedade por agasallar ao militar golpista cunha reproducción duns testículos en prata. Con Tejero preso no castelo, A Palma convertiuse en punto de destino de excursións de ultradereitistas que acudian a Mugardos a visitar ao militar golpista.
A Palma posue unha posición estratéxica na entrada da ria en fronte do castelo de San Felipe. Atopámonos con él ao remate da estrada C 122 despois de atravesar o núcleo urbano de Mugardos, bordear a ensenada da Redonda e o lugar do Baño. O Castelo da Palma, xunto co de San Felipe e o de San Martiño formaban un triángulo de defensa da ria de Ferrol. Entre A Palma e San Felipe cruzábanse unhas cadeas con madeiros enlazados que impedian o paso das embarcacións.
A fortaleza pasou a ser considerada ben de interés cultural en 1944. No ano 2002 o Ministerio de Defensa desafectou a fortaleza, realizando unha subasta pública que quedou deserta. Unha sociedade hoteleira formada pola empresa galega Invertaresa e a madrileña DGH fíxose co castelo nunha segunda subasta a comezos do 2003. Presentou un proxecto de 14 millóns de euros para reformar o edificio e convertilo nun referente turístico en Galicia. O castelo da Palma, edificio emblemático de Ferrolterra, transformaráse agora nun hotel balneario de cinco estrelas. |
| |
| RECURSOS PARA A MULLER CONTRA A VIOLENCIA |
| 24/11/2005 |
| O Concello de Fene presentou esta mañá unha “GUIA DE RECURSOS PARA AS MULLERES” editada a víspora do Dia Internacional contra a Violencia de Xénero. Na publicación recóllense enderezos e informacións de interese para o xénero feminino, todo tipo de recursos de Fene, Ferrolterra, Galiza e do mundo. A concelleira Rita Couto expresou o seu desexo dunha sociedade igualitaria onde se fale de persoas, sen discriminacións de sexo. Tamén matizou que non se trata por iso de perder a dignidade e a identidade coma mulleres. A vicepresidenta do Parlamento de Galicia Tereixa Paz participará o luns nun acto enmarcado neste programa. Comezará ás sete da tarde na Casa da Cultura de Fene. |
| |
| DEGUSTACION DE COGUMELOS, O DOMINGO EN PERLIO |
| 22/11/2005 |
| Zarrotas, cogumelos, pan do demo. Elas protagonizan as Xornadas Micolóxicas que mañá mércores comezan en Fene. A agrupación Viriato acude á súa cita anual para divulgar o coñecemento deste producto tan abundante e tan descoñecido en Galicia.
As Xornadas abriranse mañá mércores cun obradoiro de introducción á micoloxia que inclue paseos polo monte e recoñecemento de diferentes variedades de cogumelos nos locais de Viriato, na escola de Pedre en Sillobre. Desenvolveráse esta actividade o mércores e o xoves de tres a cinco da tarde. As persoas interesadas deben inscribirse previamente no departamento de Cultura do Concello de Fene. Os expertos da agrupación micolóxica impartirán tamén un obradoiro de divulgación o venres no Colexio o Ramo de Barallobre. Para o sábado organizan unha saida ao monte, na que poderán participar todos os interesados.
As Xornadas Micolóxicas de Fene rematarán cunha degustación de cogumelos que se ofrecerá a todos os visitantes do feirón de Perlío do domingo. Para esta actividade a agrupación Viriato conta coa colaboración da Asociación de Viciños de Perlío e do Concello de Fene. |
| |
| O PRESIDENTE DE GRECIA RECIBE A XAQUIN MARIN |
| 16/11/2005 |
| O presidente de Grecia Karolos Papoulias recibiu ao director do Museo do Humor de Fene Xaquín Marín. O debuxante acudiu ao pais heleno para participar nun encontro de humoristas e caricaturistas do mundo, organizado na cidade de Patras no Peloponeso.
O máximo mandatario grego e o ministro de Cultura ofreceron unha recepción aos cen participantes no Congreso que xirou en torno á celebración do Carnaval. Patras vai ser capital europea da cultura no 2006 e por iso queren relanzar a súa tradicional festa do Antroido. O encontro dos caricaturistas xirou precisamente en torno ás máscaras do carnaval. Os humoristas participantes deberán enviar agora as súas impresións de Patras. Xaquín Marín adiantou esa comunicación en Radiofusión indicando que na súa opinión, o Olimpo dos deuses aumentou cunha serie de desgraciados que chegamos alí e nos trataron como dios .
Patras, cidade europea da cultura no 2006, é a terceira aglomeración urbana de Grecia. Situase a uns 200 quilómetros de Atenas, dentro da península do Peloponeso. A comezos desta semana, organizaron este Congreso Internacional de Humoristas que contou coa participación do Director do Museo do Humor de Fene Xaquín Marín. |
| |
| O MEDRE ECONOMICO NON REPERCUTE NA POBOACION DE GUINEA ECUATORIAL |
| 15/11/2005 |
| O dictador de Guinea Ecuatorial Teodoro Obiang Nguema acude nesta xornada a Tunez para participar nun Encontro de lideres africanos sobre a SOCIEDADE DA INFORMACION. Dase o paradoxo que a antiga Guinea Española é un dos paises que destacan polo seu escaso respeto á liberdade de información.
O boom económico de Guinea Ecuatorial non repercutiu na poboación pola falla de democracia. O medre provocado pola extracción de petroleo e gas dende mediados da década dos noventa, non serviu para construir un só quilómetro de asfalto, un hospital ou unha escola. Así opina o historiador Arturo Arnalte, quen ven de publicar o libro “Richard Burton, cónsul en Guinea Española”. No volume recupera e comenta os escritos do explorador inglés que visita Guinea na segunda metade do século XIX. Arnalte salienta o valor de sacar á luz a mentalidade dos colonizadores europeos do momento. As teorias da superioridade da raza branca provocan logo o intento de exterminio dos xudeos en Alemania, son a raiz do nazismo.
Todo ten unha explicación histórica, segundo Arturo Arnalte. Cambian as formas, pero mantense a visión occidental das outras culturas.
Segundo a súa opinión, George Bush xustifica a invasión do Iraq, indicando que hai que recurrir á violencia para civilizar a esa xente, igual que os colonizadores do século dezanove.
Na Guinea Ecuatorial do momento actual, as empresas americanas extraen o petroleo e o gas, fanse coas concesións a cambio de manter á oligarquia local. Guinea rexistra un crecemento espectacular, pero iso non repercutiu na poboación, segundo a opinión do historiador.
“Richard Burton, cónsul en Guinea española”. Un interesante libro de Arturo Arnalte que recupera a curiosa visión dun explorador inglés do século XIX nos albores da colonización española. |
| |
| AFILIADOS DO PP ELIXEN COMPROMISARIOS O DIA 29 |
| 14/11/2005 |
| O Partido Popular de Ferrol escollerá a 28 delegados para o congreso de xaneiro no que o PP de Galicia elexirá ao sucesor de Manuel Fraga. Ata o momento xa visitaron a cidade, tres dos catro candidatos a dirixir a formación conservadora. Barreiro, Cuiña e Nuñez Feijoo acudiron á cidade departamental para solicitar o apoio dos militantes populares. Somentes falta por vir a Ferrol o ex conselleiro de Pesca Enrique Lopez Veiga.
A elección dos delegados do PP desenvolveráse en Ferrol o 29 deste mes de novembro. Segundo a normativa congresual, os delegados designaránse en eleccións en urna o 29 ou o 30 de novembro. A partir desas datas coñeceráse a forza de cada un dos candidatos, xa que as localidades e os compromisarios están bastante definidos. Aos 28 delegados de Ferrol, sumaránse 7 de Narón, 4 de Neda e 3 de Fene. As cifras de compromisarios e a distribución por localidades aprobaránse definitivamente esta tarde no comité executivo do PP de Galicia en Santiago.
O número de compromisarios distribuiese por localidades en función do número de militantes (75%) e dos votos colleitados nas últimas eleccións (25%). En total os afiliados do PP, elixen a 2.400 delegados que en xaneiro escollerán ao sucesor de Fraga. Non se esixe ter as cuotas ao dia, para participar na elección de compromisarios ao Congreso do PP. A cita congresual celebraráse o 14 e o 15 de xaneiro en Santiago de Compostela, pero os vindeiros 29 e 30 de novembro son datas clave no proceso de elección do novo lider do PP de Galicia. |
| |
| ROCKAAMOUCO VENDE CAMISETAS DE KUKUXUMUXU |
| 11/11/2005 |
| ROCKAAMOUCO 2005 presenta a McKUIN O festival comeza ás 11 desta noite na Agrupación Instructiva de Caamouco, organizado polo Club Marítimo de Redes.
Primeiro abrirá o concerto o grupo ferrolterrán Band’e’ Banda. Mckuin pechará o festival coa potencia e calidade musical que os caracteriza. Mckuin versiona a Queen, pero dun xeito mais cañeiro.
A festa complétase pola tarde coa inauguracion, ás 8,30 da exposicion fotográfica sobre “regatas de vela tradicional” , unha selección de mais de 100 fotos . Unha hora mais tarde o Club marítimo ofrece unha degustación de bolos preñados. Ao longo do festival, os organizadores venderán camisetas deseñadas para a ocasión pola prestixiosa firma Kukuxumuxu |
| |
| RECLAMAN UN REXISTRO E UN XULGADO MERCANTIL |
| 11/11/2005 |
| A demanda dun Rexistro Mercantil para Ferrol súmase á reclamación dun xulgado con competencias nesta materia. A Cámara de Comercio insiste na demanda dun xulgado do mercantil para a cidade departamental, ademais de solicitar o séptimo xulgado de primeira instancia e a criación do Rexistro Mercantil.
A Cámara solicitou unha entrevista co conselleiro da Presidencia José Luis Mëndez para tratar estas reclamacións. Ademais do ente cameral, os colexios profisionais e as entidades empresariais, consideran que Ferrol debe dispoñer dun xulgado mercantil para facer efectiva a aproximación da administración da xustiza ás empresas de Ferrol, Eume e Ortegal e permita solventar dun xeito máis rápido e efectivo ese tipo de asuntos. |
| |
| A IGUALDADE ENTRE HOMES E MULLERES EN MUGARDOS |
| 10/11/2005 |
| A secretaria xeral da igualdade da Xunta de Galicia Carme Adán abrirá esta tarde as Xornadas de Igualdade de Oportunidades para Homes e Mulleres en Mugardos. Ao longo de tres dias, distintas expertas e estudosos reflexionarán en torno á educación e aos medios de comunicación dende unha perspectiva de xénero.
Preténdese facilitar o coñecemento e o intercambio de experiencias entre os principais axentes socializadores Tamén se busca o desenvolvemento do principio de igualdade de oportunidades entre os xéneros. As Xornadas comezarán ás catro desta tarde no Centro Cívico de Mugardos, e prolongaránse ata o vindeiro sábado. |
| |
| NOVEMBRO, TEMPO DE MAGOSTOS |
| 07/11/2005 |
| Este mes de novembro é tempo de magosto. A Asociación Terra Meiga organiza unha festa das castañas conxuntamente co Centro Comercial Porta Nova. Ademais da degustación das castañas, os de Terra Meiga interpretarán pezas de baile e panderetas. O magosto de Terra Meiga comezará este venres ás oito da tarde nas instalacións do Centro Comercial Porta Nova, na Praza do Inferniño en Ferrol. Falamos de seguido da castaña e do castiñeiro:
O castiñeiro é unha arbore de casca lisa nos novos e esgrezada nos vellos. As follas son caducas, miden entre dez e vintecinco centímetros. Son estreitas, coa beira moi dentada. O seu froito, a castaña, aparece en grupos de duas ou tres, recubertas por unha cúpula verde, o ourizo, con espiñas. O ourizo rompe en duas ou tres valvas ao amencer, deixando sair o froito.Pénsase que o castiñeiro foi traido polos romanos a Galicia, onde foi cultivado para o aproveitamento da súa madeira e os seus froitos. Actualmente está en continua regresión pero ainda quedan fermosos exemplares en zonas como o Caurel, os Ancares ou Valdeorras. A súa madeira é dura, resistente á couza ou á rela, polo que se aprecia moito en ebanisteria. As castañas utilizábanse moito na alimentación en Galicia. Antes de aparecer as patacas, eran o acompañante habitual da maioria dos platos, sobre todo no medio rural. Consumianse no caldo, cocidas e con leite, asadas e en puré, empregandose as pequenas para o engorde dos animais. Actualmente exportanse cocidas en almibar, en marrón glacé ou conxeladas.
Rematamos este comentario cunha adiviña:
Alto pin pin,
Ruin cabaleiro,
Pégalle a risa
E solta o diñeiro
Alto picoto
No seu ramalloto
Risada que deu
O diñeiro perdeu.
A solución: o ourizo e as castañas. |
| |
| SORTEOS PARA PROMOCIONAR O COMERCIO TRADICIONAL |
| 03/11/2005 |
| Hai que promocionar o comercio tradicional, como unha alternativa contra o despoboamento do interior de Galicia. A falta de abastecementos estáse a convertir nun problema nas zonas rurais, segundo manifestou este mediodia a directora xeral de Comercio da Xunta de Galicia Ana Maria Rua.
Realizou esas manifestacións no acto de presentación da Quincena do Comercio Galego. Entre o 5 e o 19 de novembro a Federación de comerciantes sorteará catro coches e cincuenta premios de 200 euros, entre os clientes dos seus establecementos. O pequeño comercio satisfai as necesidades dos consumidores, combinando o lecer e a compra. Por iso, ten futuro segundo a directora xeral de Comercio.
Os presupostos da Xunta para apoiar as campañas de promoción do pequeño e mediano comercio aumentarán este ano nun 4,5%. |
| |
| AS MULLERES REFLEXIONAN |
| 02/11/2005 |
| A coordenadora comarcal da Marcha Mundial das Mulleres organiza un acto para este venres no que se valorará a participación de mulleres galegas na reunión celebrada en Burkina Fasso, no mes de outubro. Duas ferrolanas que acudiron ao pais africano relatarán a súa experiencia, e logo inauguraráse o local cedido á Marcha Mundial polo Concello de Fene. O acto comezará ás seis da tarde do venres na Casa da Cultura de Fene. |
| |
| OS EMPREGADOS DAS AUXILIARES RECLAMAN GARANTIAS |
| 28/10/2005 |
| Arredor de dous mil traballadores das compañias auxiliares de Navantia concentráronse esta mañá diante das oficinas de dirección do estaleiro en Ferrol. Mentres o comité de empresa da factoria entrevistouse con representantes do equipo directivo, demandandolle a apertura dunha mesa negociadora sobre os procesos de subcontratación.
Os sindicatos queren preferencia nas subcontratas para as empresas vencelladas de xeito estable con Ferrolterra. Tamén esixen o respeto das garantias dos traballadores da industria auxiliar, e a prohibición da subcontratación en cascada. Para abordar todos eses aspectos, reclaman a apertura de mesas negociadoras. O comité de empresa de Navantía Ferrol sinala que a carga de traballo futura da empresa vai supoñer un impulso importante no emprego. Para facer fronte aos compromisos de Navantia coas F 100, as fragatas noruegas e o Buque de Proyección, xa se está a dar entrada a novas compañias auxiliares.
Segundo denuncia o órgano laboral, iso pode levar a modificacións substanciais do funcionamento tradicional das compañias auxiliares do sector naval. Como respaldo a esas reclamacións, os traballadores das compañias concentráronse esta mañá en asamblea diante do edificio de dirección da antiga Bazan. |
| |
| FENE ORGANIZA UN OBRADOIRO DE COMUNICACIÓN |
| 27/10/2005 |
| Xogos, películas, música, entrevistas. Son algunhas das actividades do obradoiro de habilidades comunicativas, organizado polo Concello de Fene. A actividade vai dirixida a xovenes de 13, 14 e 15 anos, estudiantes do segundo ciclo da ESO. O prazo de inscrición féchase o vindeiro luns.
O obradoiro desenvolveráse todos os venres as seis e media da tarde no Círculo de Perlío. Falaráse das drogas, do humor, das relacións entre os xéneros, de sexualidade e de comunicación. A actividade rematará cunha festa de despedida, chamada a noite aberta . Os xovenes interesados en apuntarse a esta iniciativa poden ainda dirixirse ao departamento de Servizos Sociais do Concello de Fene. O prazo de inscrición remata o vindeiro luns. |
| |
| SETECENTOS PARTICIPANTES NAS OLIMPIADAS DE ENXEÑERIA INDUSTRIAL |
| 26/10/2005 |
| Máis de setecentos estudantes de Peritos de toda España achegaránse a Ferrol esta fin de semana. Participarán nas Olimpiadas das escolas de Enxeñería Técnica Industrial e competirán en máis de cen encontros deportivos de distintas especialidades. Disputaránse partidos de fútbol, fútbol sala, tenis mixto, tenis de mesa, baloncesto, voleibol, balonman, xadrez, padel, rugby e badminton. Os enfrontamentos deportivos celebraránse nas instalacións de Esteiro, Batallóns, Caranza, A Malata, Narón e no centro comercial Odeón. Os estudantes hospedaránse en hoteis de Cabanas e Pontedeume, diante da falta de establecementos hosteleiros de dous e tres estrelas en Ferrol, segundo salienta a organización do evento. |
| |
| CULLEREDO E PONTEAREAS SUMANSE A RADIOFUSION |
| 24/10/2005 |
| As emisoras municipais de Culleredo e Ponteareas (Canal Tea) veñen de confirmar o seu interese en sumarse a RADIOFUSION, programación conxunta producida pola asociación Emisoras Municipais de Galicia. Radio Culleredo sintonízase no 101.2 da Frecuencia Modulada, escoitandose nos municipios de A Coruña, Cambre, Oleiros e Culleredo.
Canal Tea (emisora de Ponteareas) emite no 98.4 da Frecuencia Modulada podendose oir en Mondariz, Covelo, A Cañiza, Ponteareas, Vigo e Pontevedra.
Radiofusión é unha programación radiofónica dirixida fundamentalmente á xuventude. Os seus espacios prestan atención ao cine, ás novas tecnoloxias, a ecoloxia, a sexualidade, o deporte espectáculo e á música producida en Galicia. Dentro desta iniciativa, Belén Regueira e Tomás Lijó elaboran e dirixen ANTIPODAS, un programa de aquí, que se realiza de luns a venres entre as 19 e as 21,30 horas. Leo Toral e Lucia Rey preparan ENTRADA LIBRE, a información diferente, un repaso da actualidade emitido dende as 21, 30 ás 22,30 horas.
Ademais das emisoras de Culleredo e Ponteareas, RADIOFUSION emítenno Radio Arzua, Radio Tui, Radio Allariz, Radio Eume, Radio Fene, Radio Foz, Radio Negreira e Radio Redondela. |
| |
| PREPARAN UN XOGO DE ROL AUTOCTONO E EN GALEGO |
| 21/10/2005 |
| Unha parella de xóvenes de Santiago de Compostela -Pablo e Nacho- están a preparar un xogo de rol en galego, coa colaboración da tenda de comics Metrópolis de Ferrol. O xogo ambiéntase no pasado celta e cunha decoración medieval. Aparecen os deuses celtas e persoaxes similares aos da película Excálibur, segundo sinalou en Radiofusión, o encargado de Metrópolis Manuel Rodriguez. Os autores e os editores deste xogo de rol intentarán sacar unha coidada edición dixital. Un fragmento da entrevista a Manuel Rodriguez reproduciráse no programa de Radiofusión, ANTIPODAS hoxe ás 20,15 da tarde. |
| |
| A FAMILIA DE JOSE COUSO AGRADECE A PETICION DA AUDIENCIA |
| 20/10/2005 |
| O Goberno debe estar agora á altura da xustiza e tramitar con celeridade a extradición dos militares estadounidenses. Afirmao así Javier Couso, irmán do cámara de televisión falecido en Bagdad o 8 de abril do 2003, a causa dos disparos efectuados dende un tanque norteamericano.
A familia de Jose Couso recibiu con agrado a decisión da Audiencia Nacional. Califican á xustiza española como pioneira na defensa dos dereitos humanos. As dúbidas xurdiron en diferentes ámbitos xudiciais e xornalísticos acerca da efectividade da petición da Audiencia Nacional. Semella claro que cando menos os tres militares estadounidenses implicados na morte de Jose Couso non poderán agora sair do seu pais.Tanto Esquerda Unida como o Bloque Nacionalista Galego valoraron positivamente a petición formulada dende a Audiencia Nacional, reclamando a extradición dos 3 militares de EEUU presuntamente implicados na morte do xornalista nacido en Ferrol.
. |
| |
| MALTA E NEW YORK, NOVOS DESTINOS PARA AS PONTES |
| 19/10/2005 |
| Malta e New York, son algúns dos novos destinos que ofertan as axencias de viaxes para as próximas pontes dos Santos e da Constitución. Segundo Maria José Vázquez, de Viaxes Narón, os máis clásicos aproveitan eses dias de asueto para visitar cidades europeas como París, Roma ou Praga. Tamén hai quen se inclina polo sol garantido das Illas Canarias. Por exemplo, quen queira pasar a ponte de Todos os Santos co calor de Tenerife, pode encontrar ofertas de 3 noites en media pensión, dende 400 ou 420 euros. Para o Dia da Constitución, do 3 ao 10 de decembro, ofrécense viaxes a New York dunha semana nun hotel de 4 estrelas dende 1200 euros. Os europeos cada vez viaxamos máis, pero dende as axencias insisten: Se se quere lograr un bó prezo, hai que reservar con antelación . |
| |
| PREPARASE O SLALOM NO MONTECARLO GALEGO |
| 18/10/2005 |
| Mañán mércores féchase o prazo de inscrición para o I Slalom Eshor Fene que se disputará en San Valentín este sábado dia 22, organizado pola Escudería Scratch Fene. O membro da organización Edgar Vigo afirmou esta mañá nun encontro cos medios informativos que xa se ironiza arredor desta proba, chamandolle ao barrio, o “Montecarlo galego”. Vigo calificou as rúas polas que vai discorrer o campeonato, como “un lugar idóneo, xa que vive moita xente que poderá contemplar dende as beirarruas ou dende as ventás a evolución dos automóbiles”. O edil de Deportes González Tomé salientou o control da seguridade dos espectadores, “dado que é unha proba de destreza e espectacularidade, pero non de velocidade”. |
| |
| JUAN FARIAS GAÑA O PREMIO IBEROAMERICANO DE LITERATURA INFANTIL |
| 17/10/2005 |
| O ferrolán Juan Farias gañou o premio de literatura xuvenil de SM. O veredicto do xurado deste galardón dotado con 30.000 dolares, deuse a coñecer esta mesma mañá nun acto celebrado en Madrid, na Casa das Américas.
O xurado do primeiro Premio Iberoamericano de Literatura Infantil e Xuvenil, valorou a solidez conceptual da obra de Juan Farias , nacido en Serantes, en Ferrol e veraneante en Redes. A acta do xurado salienta a solidez formal e conceptual da súa obra, a continuidade da súa carreira, iniciada nun momento de cambio da literatura infantil e xuvenil española, o seu compromiso coa literatura, a elección dos temas e a súa vontade de estilo con economia de medios expresivos . Juan Farias naceu en Serantes en Ferrol en 1935. Esta mañá confesou a sua sorpresa por este recoñecemento. Conta con máis de 65 libros escritos, 15 deles traducidos ao galego. Gañou en 1965 o Premio Nadal con Los buscadores de agua, e en 1980 o Premio Nacional de Literatura Infantil. O escritor ferrolán reside en Madrid e traballou en radio e televisión. Actualmente traballa nun libro que narra as peripecias dun galego en Creta. |
| |
| AS MULLERES PROTESTAN CONTRA A POBREZA |
| 17/10/2005 |
| A Marcha Mundial das Mulleres organizan nesta xornada actos contra a pobreza, enmarcados na as denominadas 24 horas de solidariedade feminista mundial . A partir das sete da tarde na Praza de Armas de Ferrol celébrase unha BATUCADA COLECTIVA, con exhibición de salto en camas elásticas e quedada de labores como calceta, ganchillo e palillos. Simultaneamente duas ferroláns participan na delegación galega que viaxa a Burkina Fasso, o pais máis pobre de Africa. Mulleres de 153 paises concentranse alí nesta xornada en defensa da CARTA MUNDIAL DAS MULLERES PARA A HUMANIDADE. |
| |
| A CONSELLEIRA TABOAS APOSTA POR VIVENDAS PARA TODOS |
| 14/10/2005 |
| Poñer o acceso á vivenda ao alcance de todos, dos máis xovenes, das rendas máis baixas e que non sexa un privilexio para uns poucos . Ese será un dos principais obxectivos da Xunta de Galicia, segundo afirmou esta mañá en Ferrol a conselleira de Vivenda e Solo Teresa Táboas. A membra do goberno autónomo, indicou que na actualidade o 30% das vivendas galegas está ocupado por unha soia persoa, defendendo ademais a necesidade de incentivar a calidade arquitectónica, buscando o equilibrio entre tradición e innovación e intentando rematar co feismo e co caos urbanístico. Teresa Táboas realizou esas manifestacións no acto de inauguración da Feira da Construcción TodoVivenda que se desenvolve no recinto de Punta Arnela. |
| |
| NEGOCIACION FRUSTRADA NO CONFLICTO DE ARRIVA |
| 13/10/2005 |
| A Consellería de Traballo da Xunta de Galicia intenta mediar no conflicto que vive a empresa de transporte de viaxeiros Arriva. Os traballadores permanecen en folga reclamando a readmisión de dous traballadores despedidos que cumpren hoxe, nove dias en xexún diante das estacións de autobuses de Ferrol e A Coruña. Segundo o dirixente da CIG Transporte Xesús Pastoriza, esta mañá houbo un momento de optimismo cando os sindicatos recibiron noticias da convocatoria dunha reunión da mesa negociadora para esta mesma tarde. Pero o propio Pastoriza, sinalou que a dirección de Arriva reiterou máis adiante a súa negativa a dialogar cos representantes sindicais. Mentras os traballadores en folga de fame se atopan ben de ánimo, ainda que con debilidade ao cumprir nove dias inxerindo tan só auga con limón e sucre. |
| |
| O SLALOM EN RADIOFUSION O XOVES |
| 11/10/2005 |
| Os organizadores do I Slalom Eshor Fene, que se celebrará en San Valentín o sábado 22 de outubro, acudirán o vindeiro xoves a RADIOFUSION para explicar os detalles da organización desta proba automobilística de habilidade. Avanzarán algúns dos pilotos que se agardan nesa proba, e anunciarán algúns proxectos da recentemente creada Escuderia Scracht Fene. Intentaremos tamén que detallen as características do SLALOM, unhas probas que cada ano atraen a máis afeizoados. Os organizadores do Slalom acudirán a RADIOFUSION o xoves 13 ás 22 horas. Pódese escoitar na sintonia da túa emisora municipal máis cercana. |
| |
| CONSOLAS XBOX CON INTERNET E INTERCONEXION EN FERROL |
| 10/10/2005 |
| A tenda de comics METROPOLIS de Ferrol organiza para este mes de outubro un completo programa de actividades de xogos de rol, e de consolas. O establecemento presume de contar co primeiro XBOX center de España, ou sexa o primeiro centro de consolas en rede XBOX homologado por Microsoft.
As actividades comezarán este mércores 12 no establecemento situado na Rúa Maria 185 de Ferrol. Ese dia ás 18 horas presentaráse CONFRONTATION 3º edición, en castelán. Os promotores indican que ensinarán a xogar o xogo de escaramuzas para miniaturas fantásticas. Ofreceráse o manuel básico a toda cór a un prezo de 26 euros. Star wars, Heroclix, Warmachine e Warhammer son outros dos torenos e competicións que se organizan en outubro nesta tenda de comics. Máis información en www.metropoliscomics.net |
| |
| PRIMEIRO SLALOM DE FENE O SABADO 22 |
| 07/10/2005 |
| Moita xente esperase en San Valentín para o sábado 22 de outubro. Nas rúas do barrio celébrase o Primeiro Slalom de Fene, organizado pola Escudería Scratch. Trátase dunha proba de habilidade ao volante, non de velocidade. Os coches participantes non superan en ningún caso os 50 quilómetros por hora. Teñen que sortear unha serie de obstáculos ou conos dispostos pola organización no circuito establecido que discurrirá dende o economato ata o aparcamento do pavillón, circulando por diante do antigo ambulatorio. Trátase do Primeiro Slalom Eshor Fene, proba puntuable para o campionato galego de slaloms. A primeira manga oficial da proba comezará ese sábado 22 ás tres da tarde. Os resultados e clasificacións publicaránse ás sete da tarde. A organización comezará a vindeira semana o reparto de carteis e folletos. Xa está en Internet a páxina web na dirección www.slalomfene.cjb.net. Segundo os promotores, ese dia achegaránse a San Valentín afeizoados ao slalom de toda Galicia. Primeiro Slalom de Fene. O sábado 22 de outubro en San Valentín. |
| |
| MARTIN VEIGA, PREMIO ESQUIO DE POESIA |
| 07/10/2005 |
| Na cidade de Cork en Irlanda recibiu Martin Veiga a boa nova da concesión do Premio Esquío de poesia na súa versión en lingua galega. Veiga nacido en Noia en 1970 ten publicado os libros “Tempo van de porcelana” e “As últimas ruinas”. Na actualidade exerce como profesor de Traducción na Universidade de Cork en Irlanda.
O libro gañador, presentado baixo o lema “Os anos”, ten como título “Ollos de ámbar” e en palabras do seu autor, trátase do resultado dunha viaxe longa, o inventario de moitos anos de traballo. Na versión en castelán gañou o Premio Esquío o viciño de Lugo Miguel Angel Curiel. O fallo deste galardón organizado pola Sociedade Cultural Valle Inclán e pola Fundación Caixa Galicia, deuse a coñecer onte á noite en Ferrol. |
| |
| VOYEURS OU RAMALLOS LUNATICOS |
| 06/10/2005 |
| Levan quince anos perseguindo a sombra da Lúa. O grupo SAROS expedicións científicas creouse en Canarias en 1999. Dende aquela estudan, observan e arquivan todo tipo de eclipses. Analisan tamén o comportamento dos humans e dos animais diante deste fenómeno da natureza. Esta tarde amosarán en Ferrol experiencias, fotografias e videos.
O pasado luns os pastores de ovellas puideron apreciar claramente aos seus animais alterados diante da falla de luz e do descenso das temperaturas, provocado polo eclipse. Observaron un comportamento extrano, segundo o membro do grupo SAROS Francisco Rodriguez.
Este grupo de “voyeurs” ou “ramallos” lunáticos pensa xa en observar o vindeiro eclipse. Acudirán o vindeiro 29 de marzo á fronteira entre Exipto e Libia para divisar dende alí a sombra da lúa.
Representantes do grupo SAROS falarán esta tarde en Ferrol sobre o eclipse do pasado luns, e acerca dos eclipses en xeral. O acto comezará ás cinco e media desta tarde no salón de actos do Vicerreitorado do campus en Esteiro. |
| |
| OSCAR JAENADA: FERROL PORTASE MOI BEN CONNOSCO |
| 05/10/2005 |
| Ferrol estáse a portar moi ben connosco afirmou esta mañá Oscar Jaenada, un dos protagonistas da película Dias Azuis que nestes dias se roda na cidade departamental e nos seus arredores. Os actores afirmaron esta mañá nun encontro cos medios informativos, atoparse contentos por rodar nun sitio con praias e montañas, algo que sempre se agradece . Dias azuis , dirixida por Miguel Santesmases, estrearáse dentro de seis ou sete meses. A película narra a historia de tres irmáns que chegan a Galicia nun verán. Pasarán uns dias de esmorga, pero cun sabor agridoce. Ten lugar un feito que cambiará as súas vidas para sempre. |
| |
| DENUNCIAN COMPORTAMENTO INCIVICO DOS CONDUCTORES EN ESTEIRO |
| 04/10/2005 |
| Estacionar o automobil nunha beirarrúa é un comportamento incívico. Impide circular polo seu sitio a peóns, minusválidos e a nais e pais cos seus pequenos. Así o denuncia a Asociación Veciñal de Esteiro “Fontelonga”. Segundo a entidade presidida por Miguel Pérez, vehiculos de empresas de servizos do Concello de Ferrol amosan tamén este tipo de prácticas. En repetidas ocasións teñen denunciado a situación diante do Concelleiro de Seguridade e Tráfico sen que se tome medida algunha para restablecer a legalidade e o respeto ás zonas peonís. |
| |
| DESPEGA RADIOFUSION |
| 03/10/2005 |
| As Emisoras Municipais Galegas comenzan esta tarde unha programación conxunta. Os espacios iniciaránse as sete da tarde e levan como nome RADIOFUSION. Conectaránse xa este luns cos espacios conxuntos Radio Allariz, Radio Redondela, Radio Tui, Radio Negreira, Radio Arzúa, Radio Eume (As Pontes), Radio Fene e Radio Foz. EMUGA indica que nos vindeiros dias iránse sumando novas emisoras ao proxecto ata superar as 25 estacións.
A programación conxunta vai enfocada fundamentalmente a unha audiencia “xove”, ainda que sen despreciar ointes doutras franxas de idade. Un dos novos espacios será o programa misceláneo que co título de “Entrada libre” se prolongará dende as sete da tarde ata as nove e media da noite. Conducirán o espacio os xornalistas Belén Regueira –ex presentadora do espacio da TVG “Chambo”- e Tomás Lijó. O programa combinará contidos musicais, axenda cultural, entrevistas e conexións con galegos que viven en calquera parte do mundo. Intentarán impregnar o espacio de humor para conseguir un programa dinámico e divertido.
Entre as 21,30 e as 22,30, o xornalista Leo Toral repasará a actualidade informativa da xornada contando con informadores nas cidades de Vigo, Santiago e A Coruña. EMUGA proxecta extender a curto prazo a rede de correspondentes á totalidade das urbes galegas.
A posta en marcha desta programación é unha experiencia insólita en Galicia. As emisoras municipais suman esforzos para aproveitar novos recursos e ofrecer uns espacios de máxima calidade, sen por iso renunciar ao carácter local. Ademais configuráse un espacio radiofónico enfocado directamente á xuventude. Cada unha das radios locais continuará a emitir a súa programación propia en horario de mañá e intercalará as súas noticias en desconexións da programación conxunta. |
| |
| PARA DESCONXESTIONAR A CASA DO CONCELLO DE FENE |
| 29/09/2005 |
| O alcalde de Fene Xose Maria Rivera e o concelleiro responsable de Organización, Tráfico e Protección Civil, Andrés González Vizoso, reuniranse o proximo luns dia 3 de outubro, co Conselleiro de Presidencia, José Luís Méndez Romeu. Os representantes de Fene demandarán ao membro da Xunta de Galicia o apoio do goberno autónomo para a desconxestión das oficinas municipais. Segundo González Vizoso, a actual Casa do Concello quédase pequena para dar cabida aos servizos que se prestan aos cidadáns. Ante esa situación, os representantes de Fene plantexarán a Méndez Romeu a posibilidade de construir un novo edificio municipal á beira da Praza do Concello, na parcela onde actualmente se ubican as oficinas da Policia Local, Talleres Ocupacionais e Correos. Cumpliríase así o proxecto redactado a finais da década dos 70 polo arquitecto vallisoletano Alberto Campo Baeza, que contemplaba dous “edificios xemelgos”, ás dúas beiras da Praza, conectados por unha pasarela.
A outra alternativa que os ediles de Fene plantexarán á Xunta de Galicia, pasaría por rematar o acondicionamento interior do edificio do Parque Castelao –a antiga finca de Cela- para trasladar alí servicios municipais. Dese xeito podería tamén desconxestionarse, ao menos parcialmente, a Casa do Concello.
Rivera Arnoso, tamén reclamará un veículo para Protección Civil, necesario dado o volume de traballo que foi adquirindo este corpo de voluntarios no término municipal. A xuntanza celebrarase en Santiago, na Consellería de Presidencia, o luns 3 de outubro ás 19 horas. |
| |
| MOITA POLICIA REUNESE ESTE VENRES |
| 28/09/2005 |
| Moita policia dicianos Joaquin Sabina na súa canción “Pacto entre caballeros”. E moita policia vaise reunir en Fene este venres. Policias municipais de toda Galicia xuntaránse nuns actos a desenvolver neste Concello. Os automobilistas despistados deben ter coidado en estacionar correctamente o seu vehiculo nesa xornada, por se as moscas.
Ainda que á verdade é que os policias que acudirán en Fene non estarán de servizo, polo que o máis probable e que non saquen o talonario, para dispensar as coñecidas e temidas receitas. Trátase de axentes locais, de policias municipais de localidades tan dispares como Celanova en Ourense, A Guarda e Porriño en Pontevedra, Sada, Boiro, Malpica e Culleredo, ademais naturalmente de Fene. Son os policias que coincidiron nun curso na Academia Galega de Seguridade na Estrada do ano 2001. Dende aquela reúnense todos os anos, en cada ocasión nunha localidade.
O venres tocarálle o turno a Fene. As once e media da mañá ofrecerálles unha recepción institucional o alcalde de Fene Xose María Rivera no salón de plenos da Casa do Concello. Logo visitarán o Museo de Navantia e o Museo do Humor. Darán un paseo pola localidade e rematarán a xornada cun xantar nun establecemento de hostelería. Xa o saben, este venres haberá moita, moita policia en Fene. |
| |
| A GAÑADORA DO PREMIO BIBLOS ULTIMA A SUA NOVELA |
| 27/09/2005 |
| A gañadora do Primeiro Premio Biblos-Pazos de Galicia comeza este sábado a súa estancia nunha casa de turismo rural nas cercanias de Santiago de Compostela, para rematar a novela CONTRACORRENTE. Durante un mes, a xove de Fene Iria López Teijeiro finalizará a súa obra contando coa titoría do escritor Xose Luis Mendez Ferrin. A novela deberá estar rematada antes de fin de ano. Publicaráse na colección Mandaio e tamén nunha edición especial en castelán para os clientes de fóra de Pazos de Galicia.
O xurado integrado por Ferrín, Marilar Aleixandre, Marga Romero e Tucho Calvo valorou as posibilidades narrativas da primeira versión da novela de Iria Lopez. Salientou a axilidade dos diálogos e o ritmo na sucesión dos acontecementos. Iria Lopez Teijeiro comezará este sábado a redacción definitiva da súa novela CONTRA CORRENTE, galardonada xa antes de estar rematada, co Premio Biblos Pazos de Galicia. A finais de ano terá que entregala á editorial. |
| |
| CON HUMOR, A DURA REALIDADE FAISE UN POUCO MAIS ASUMIBLE |
| 26/09/2005 |
| “A realidade, se a ves como é, é demasiado dura para resistir. En cambio buscándolle un aspecto humorístico, sempre é un pouco máis asumible”. Son palabras de Xaquín Marín, debuxante, pintor e director do Museo do Humor de Fene. Marín inaugura pasado mañá mércores unha exposición antolóxica en Ferrol.
70 obras das diferentes etapas de Marín incluense nesta mostra preparada polo Concello de Ferrol. Segundo Xaquín Marin a exposición é un recoñecemento a toda unha traxectoria. Por iso para él é unha satisfacción grande, segundo declarou esta mañá en RADIOFUSION. A exposición antolóxica de Xaquín Marín inaugurase este mércores ás oito e media da tarde no Centro Torrente Ballester de Ferrol. |
| |
| O FENE ESHOR BUSCA A VICTORIA ESTE DOMINGO EN VIGO |
| 23/09/2005 |
| O Fene Eshor Boandanza buscará en Vigo a victoria na terceira xornada da Primeira A de fútbol sala. O partido disputaráse o domingo ás doce e media do mediodia no polideportivo das Travesas da cidade olívica. Ernesto Vidal dispoñerá de todo o seu plantel exceptuando ao lesionado Canosa. O Boandanza iniciou a Liga o pasado sábado en San Valentín –descansou na primeira xornada- e ofreceu unha boa imaxe diante da súa afición, a pesar de sofrir unha derrota fronte ao Hollywood Avilés. Os xogadores pelexaron con garra e non deron o partido por perdido en ningún momento. Semella que o Fene Eshor, en canto avance na conxunción dos xogadores e no funcionamento como bloque, está chamado a facer cousas importantes nesta Liga. Este domingo terá enfronte a un dos conxuntos fortes da categoría. O Vigo venceu nos dous partidos disputados e conta nas súas filas a veteranos do futbol sala como Cameselle, Xan, Rubén ou Siso. |
| |
| EMPEZA O CIBERENCONTRO CONCELLO DE MUGARDOS |
| 22/09/2005 |
| Proxeccións de documentais sobre seguridade informática, Código Linux, e activistas da rede. Xogos como o Callof duty ou o Proevolution Soccer Catro. Charlas sobre o software libre. Son algunhas das actividades do Segundo Ciberencontro Concello de Mugardos Kernel 2005. Comeza mañá venres ás oito da tarde na Casa da Cultura da vila mugardesa. Prolongaráse de xeito ininterrumpido ata o domingo a mediodia. Quedan ainda unhas 15 prazas por cubrir para participar nestas xornadas. Pódense realizar as inscripcións na páxina web www.xornadas.tk ou na Casa do Concello de Mugardos. |
| |
| 1.500 TRABALLADORES DE NAVANTIA FERROL EN PARO |
| 21/09/2005 |
| Arredor de mil cincocentos traballadores de Navantia Ferrol permanecen en paro dende primeiras horas desta mañá. Unha folga dos traballadores da compañia auxiliar de limpeza Lorente polo seu convenio colectivo provocou que os cuartos de aseo, servicios, taquillas, talleres e vestiarios do estaleiro non se limpasen na tarde de onte.
Ao atoparse con esa situación a primeiras horas desta mañá, arredor do cincuenta por cento do plantel principal e das auxiliares da antiga Bazan xa non se mudou. Permanecen sen actividade dende as sete menos cuarto desta mañá, hora oficial de entrada no estaleiro. Nos vindeiros minutos iniciaranse reunións do comité de Lorente coa dirección para continuar na negociación do seu convenio. Tamén se reunirá a comisión das auxiliares do comité de empresa da empresa principal coa dirección do estaleiro buscando unha solución ao problema. Fontes sindicais indicaron a Radio Fene que agardan poder realizar unha asamblea entre as dez e as dez e media desta mañá para informar da situación. Xa que logo, paro técnico esta mañá en Navantia Ferrol que afecta aproximadamente á metade dos seus traballadores. |
| |
| CORAZON: PESO SAUDABLE, FIGURA SAUDABLE |
| 20/09/2005 |
| O próximo domingo conmemorase o Dia mundial do Corazón e a asociacion de amigos deste órgano, AMICOR, quéreo festexar coa celebracion da 1ª Semana do Corazón que arrinca o sabado dia 24 e remata o dia 30. Os obxectivos deste encontro son a adopción de hábitos saudables e a concienciación dende xóvenes dos riscos. Os datos que manexa AMICOR son taxantes, o 60% dos galegos ten risco de padecer enfermidades cardiovasculares. 90.000 persoas da comarca de Ferrol teñen o corazón “tocado”.
Os actos da Semana do corazón discurrirán entre os concellos de Ferrol, Neda e Narón. Precisamente no Auditorio naronés celebrase o sabado o acto inaugural cunha conferencia sobre Alimentación e saude. Na Praza de Galicia o domingo faráse unha exhibición de actividade física e baile e unha marcha a pé de duas horas polos municipios da ría. O luns centrarase nun almorzo cardiosaudable destinado aos nenos-as e a entrega de premios do concurso “peso saudable, figura saudable” . Duas charlas no auditorio de Narón completan os actos neste cocnello o luns e martes, unha sobre “ Actividade física e saude cardiovascular”, o outra sobre “grupos de risco”. A semana do corazón trasládase o mercores 28 a Neda cun novo almorzo infantil na casa das palmeiras. O xoves en Ferrol presentaráse o Centro de Actividade física . O venres 30 clausurase a semana en narón cunha degustación de productos saudables. |
| |
| ABRESE O XOVES UNHA EXPOSICION SOBRE O CREGO DAS ENCROBAS |
| 19/09/2005 |
| Unha exposición en homenaxe a Moncho Valcarce inaugúrase este xoves na Casa da Cultura de Fene. A mostra lembra ao cura das Encrobas falecido na Coruña en febreiro de 1993.
Dende a súa morte, a irmandade Moncho Valcarce organiza actividades en lembranza da súa figura e do seu compromiso cos máis desfavorecidos. En palabras de Manuel Maria, “Moncho Valcarce primeiramente asumiu a súa condición de galego, e logo a de crego, como é natural. E obrou en consecuencia. Este é o segredo da súa grandeza e mesmo da súa enorme eficacia pastoral”.
O crego Moncho Valcarce colaborou cos viciños das Encrobas na súa protesta contra Fenosa, participou na defensa da praia de Baldaio, e nas loitas contra a cuota empresarial ou de oposición á central nuclear de Xove. O seu labor lembraráse na mostra que se inaugura este xoves en Fene. |
| |
| LUVAS VERDES PRESENTA FANDANGO DESESPERADO |
| 15/09/2005 |
| .Intentan sacarlle máis posibilidades á música tradicional. Ese é o obxectivo do cuarteto Luvas Verdes que o sábado presentan en Sillobre (Fene) A Coruña, o seu primeiro traballo discográfico “Fandango desesperado”.
O disco de Luvas Verdes intenta fechar unha etapa na que o cuarteto ofreceu numerosas actuacións para divulgar o seu traballo. “Fandango desesperado” inclue 12 temas, a maioria de composición propia. Pedro Lamas, Melo Suarez e Pepe Montero compoñen xunto co gaiteiro de Barallobre Daniel Bellón, o cuarteto. Formouse na primavera do 2001, con duas gaitas, bombo e tamboril. Tense consolidado xa como o grupo máis laureado da historia dos concursos de música tradicional de Galicia. Despois de gravar unha maqueta nos estudos da Radio Galega, realizaron numerosas actuacións e participacións en certames. Agora coa edición deste disco queren fechar un ciclo, para pasar a preparar novos temas e aprofundar distintos enfoques. “Temos unha concepción moi particular da música tradicional” afirma Dani Bellón. |
| |
| ENTRE O DURO HEAVY E O ROCK TRADICIONAL |
| 14/09/2005 |
| Oscilan entre o estilo do heavy máis duro e as melodias do rock tradicional. O músico de orixe australiano Victor Garcia fundou en Xixón, Asturias o grupo “Warcry” hai xa máis de dez anos. O teclista de Ares Manuel Ramil completa a formación que o sábado subirá ao escenario do Fene rock.
Warcry editou en febreiro deste ano o seu cuarto traballo ¿Dónde está la luz?. Actuaron no festival Viña Rock diante duns 65.000 asistentes. Tamén tocaron noutros festivais como o Antares Rock, Kalakorikos e Bull rock festival, con cheos espectaculares. Ademais dos heavys asturianos, o sábado actuarán en San Valentin, Kalextesia, Lief e McKuin. O festival comezará ás dez da noite do venres na carpa instalada no paseo marítimo de San Valentín en Fene (A Coruña). De xeito paralelo, a terceira edición do Fenerock programa proxeccións audiovisuais, xuntanza moteira e exhibición de trial. |
| |
| RED HOUSE ABRE ESTE VENRES O FENEROCK |
| 13/09/2005 |
| Unha das mellores bandas de blues de Europa RED HOUSE toca este venres en San Valentín no marco da terceira edición do festival FENEROCK. RED HOUSE é sinónimo de forza e elegancia que só se poden percibir integramente nas súas actuacións en directo. Convirten cada concerto en algo único e inesquencible pola súa increible enerxia e bo gusto. Jeff Espinoza (ex Vargas Blues Band) e Francisco Simón (Caiga quién caiga) forman este grupo que ten xa tres discos no mercado e que preparan un novo traballo para o outono. Ademais de Red House, o venres tocarán en San Valentín os grupos Chiculate e Funky Brewster. |
| |
| RADIOFUSION, ENTRADA LIBRE |
| 12/09/2005 |
| Radiofusión. Chámase así a nova programación que nesta xornada puxo en marcha a asociación Emisoras Municipais Galegas coa colaboración de Radio Fene e o Concello de Fene.
A nova programación pretende darlle unha dimensión máis comarcal á emisora municipal de radio do Concello de Fene. Ademais destas reformas no horario de mañá, EMUGA promoverá espacios pola tarde que comezarán nesta mesma xornada de sete da tarde a nove da noite, en réxime de probas. Os programas de tarde emitiránse dende o un de outubro para toda Galicia, a través das radios locais. Elaborarán eses espacios un equipo de xornalistas dirixidos por Belén Regueira, Leo Toral e Tomás Lijó. Trátase dun vello proxecto da asociación Emisoras Municipais Galegas, que pretende realizar programas dirixidos de xeito fundamental a un público xove. Radiofusión, entrada libre. Un proxecto de radio que bota a andar nesta xornada. As emisións oficiais comezarán o vindeiro primeiro de outubro a través das Emisoras Municipais Galegas |
| |
| O SURF INTERNACIONAL CITASE EN VALDOVIÑO |
| 08/09/2005 |
| Esta mañá comezou no areal de Pantín no Concello de Valdoviño a décimo octava edición do Pantín Classic que organiza o Oceano Surf Club de Ferrol . O evento coincide co Campionato Mundial de Surf masculino (WQS) e o Campionato Europeo de surf feminino. Os mellores especialistas “surfean” na costa galega durante catro días. A organización tamén montou actos paralelos como un ciclo de cine sobre surf que se desenvolverá na Casa da Cultura de Valdoviño, ou clases gratuitas desta especialidade deportiva para os máis pequenos.
O evento de Pantín conta coa presenza do francés Mikael Picon número 10 na clasificación da WQS. Tamén estarán presentes os australianos Daniel Ross, Nic Muscroft, Josh Kerr y Jay Thompson. O galego Gony Zubizarreta tamén tomará parte na factoria de ondas de Pantín xunto co vasco Eneko Acero, gañador de varias edicións da proba. Eneko Acero ocupa a 31 posición no Campionato do Mundo. Tamén se espera a asistencia do portugués Tiago Pires, 45 do mundo e o veterán británico Rusell Winter, vencedor do Pantín Classic de 1996. En total a proba de Ferrolterra contará coa presenza de 111 surfistas de todo o mundo. Asistirán 23 australianos, 18 franceses, 16 españois, 11 norteamericanos, 9 de Sudáfrica e 8 de Portugal. As finais celebráranse na tarde do domingo. A final feminina está prevista para ás cinco e media da tarde. Mentres que a final masculina puntuable para o Campionato do Mundo desenvolvérase arredor das seis e cuarto. Entre os actos paralelos a organización montou un festival de cine que se desenvolverá na Casa da Cultura de Valdoviño a partir das nove da noite. O festival engloba films como Teahupoo 2005 hoxe xoves, Adventures 2002 mañán venres e The far shore o sábado. Os pronósticos meteorolóxicos falan de bo tempo para Pantín, é dicir, boas ondas. Para hoxe están previstas ondas de 1 a 1,5 metros. |
| |
| A XUNTA CREARA UNHA AXENCIA DE DESENVOLVEMENTO EN FERROL |
| 07/09/2005 |
| A axencia de desenvolvemento industrial de Galicia instalaráse en Ferrol, segundo anunciou esta mañá o Conselleiro de Industria e Innovación Fernando Blanco. O membro do goberno galego visitou as instalacións de Navantia, e indicou que a nova institución empezará a funcionar antes de seis meses. Blanco defendeu a constitución dun complexo integral da construcción naval na ria de Ferrol e insistiu na necesidade de potenciar as reparacións. Con esas demandas, o conselleiro presentaráse proximamente en Madrid nunha reunión concertada co ministro de Industria Jose Montilla. |
| |
| EMOTIVA DESPEDIDA EN SILLOBRE A PANCHO ALLEGUE |
| 06/09/2005 |
| O silencio apoderouse do cemiterio veciñal de Sillobre na tarde de onte. Alí acudiron milleiros de persoas para dar testemuña da dór, do pesar polo falecemento de Francisco Allegue Tenreiro, tenente de alcalde do Concello de Fene. Somentes a gaita de Daniel Bellón rompeu ese silencio mentras a súa viuva e a súa filla depositaban as cinzas de Pancho Allegue no nicho familiar. O vicepresidente da Xunta Anxo Quintana, a conselleira de Cultura Anxela Bugallo, alcaldes da comarca, representantes do BNG e viciños e viciñas de Fene en xeral acudiron alí. Os acordes da marcha do antigo reino de Galicia, expresaban o recoñecemento dos presentes polo labor de Francisco Allegue. Na Asociación de Viciños de Fene, na ING de Astano, no comité de empresa do estaleiro, no Bloque Nacionalista Galego, na Corporación de Fene. Era unha persoa fondamente solidaria, sempre disposto á colaboración. Tamén un home de diálogo, de consenso, de conciliación de posturas. Ogallá que a súa lembranza nos sirva como exemplo. |
| |
| FALECE DE XEITO REPENTINO O TENENTE DE ALCALDE DE FENE FRANCISCO ALLEGUE |
| 05/09/2005 |
| O concello de Fene decretou tres días de loito oficial en sinal de doo polo falecemento do primeiro tenente de alcalde Francisco Allegue. O edil fenés faleceu na madrugada de onte ós 46 anos de idade. As súas cinzas serán soterradas ás cinco desta tarde no cemiterio municipal de Sillobre.
Francisco Allegue formaba parte da Corporación de Fene dende hai 16 anos, nos últimos tempos como responsable da área de Urbanismo. Era traballador de Navantia Fene e, durante o período da reconversión naval da antiga Astano, desenvolveu un intenso labor como sindicalista da CIG. Achegouse ás formacións nacionalistas a mediados da década dos setenta, participando e impulsando a Intersindical Nacional Galega no estaleiro de Perlío. Formou parte do comité de empresa de Astano na década dos oitenta participando moi activamente no proceso de movilizacións contra a reconversión naval. Presidiu tamén a Asociación de Viciños de Fene e en 1987 entrou a formar parte da Corporación de Fene nas filas do Bloque Nacionalista Galego. Os seus amigos e coñecidos destacaban onte do seu caracter, a ilusión, a abnegación e o compromiso co que afrontaba todo tipo de traballo. “Era unha persoa de consenso, de diálogo” dician no tanatorio de Artabria os seus amigos. O seu falecemento causou unha grande conmoción entre os veciños de Fene e achegados asi como entre os compañeiros da Corporación.
As bandeiras da casa do concello de Fene ondean hoxe a media asta cun crespón negro en lembranza do primeiro tenente de alcalde falecido. O corpo de Francisco Allegue será incinerado á unha desta tarde. Ás cinco soterraranse as súas cinzas no cemiterio de Sillobre, un acto ó que está previsto que asista o vicepresidente da Xunta de Galicia Anxo Quintana. Tamén anunciaron a súa presenza a conselleira de Cultura, Ánxela Bugallo, e outros dirixentes do BNG e a CIG. |
| |
| REGGAE EN CULLEREDO PARA DESPEDIR O VERAN |
| 03/09/2005 |
| O grupo galego brasileiro Black bum abrirá o lume musical ás seis desta tarde no paseo marítimo do Burgo en Culleredo. Alí comeza a quinta edición do Festival de música reggae. O ano pasado o evento congregou a máis de sete mil xovenes. Ademais de Black bum, actuarán os grupos Reggaetto de Galicia, Hotdrop de Madrid, Che Sudaka de Catalunya e Toots and the maytals de Jamaica. A organización conta con rematar as actuacións ás tres e cuarto da madrugada. A entrada para este festival de música reggae é gratuita. A cita, no paseo marítimo do Burgo en Culleredo. |
| |
| O BNG DE MUGARDOS ACUSA AO EX ALCALDE DE OBSTRUCCIONISMO |
| 01/09/2005 |
| O voceiro do BNG de Mugardos Moisés Rivadulla acusou este mediodia ao ex alcalde o socialista Ramón Toimil de manter unha actitude obstruccionista dende o comezo da lexislatura . Segundo os nacionalistas, o voceiro do PSOE mugardés non dixeriu a perda da alcaldía e iso o move a manter unha práctica desleal como recoñeceron os propios compañeiros da súa formación . Despois do abandono do grupo de goberno de Mugardos por parte do PSOE, o Bloque Nacionalista Galego anunciou a súa vontade de continuar ao fronte da alcaldia da vila, en minoria e con acordos puntuais coas restantes forzas políticas. Os nacionalistas celebrarán mañá venres unha asamblea para adoptar decisións sobre os pasos a dar polo BNG da localidade. Forman a Corporación local de Mugardos 4 concelleiros do BNG, por 3 do PSOE, 3 do PP, 2 de Independentes por Mugardos e 1 de Esquerda Unida. |
| |
| FESTIVAL HIP HOP ESTE SABADO EN NEDA |
| 31/08/2005 |
| Entre as moitas actividades que ateigarán Neda esta fin de semana con motivo da Festa do Pan, unha das máis interesantes será o A Jierro Festival, unha festa multicultural e solidaria dedicada a novas tendenzas musicais como o hiphop ou o house e que se celebrará o venres 2 no recinto feiral de Albarón.
A Asociación Cultural Xenreira de Neda organiza este festival, no que o prato forte serán os concertos de hiphop, cunha representación dos grupos máis importantes de Galiza pero sobre todo da nosa comarca.
Aínda que os concertos non comezarán ata as 7 da tarde, durante todo o día haberá diversas actividades que inclúen teatro, pasarrúas de zancos, exposición de motos, grafitis e, para os máis cativos, obradoiros de maquillaxe e plastilina. O festival arrinca ás 12 da mañá cun pasarrúas a cargo dunha banda de gaitas no que se darán agasallos para os nenos da vila, e continuará pola tarde.
“Liberdade e igualdade para todos” é o lema desta primeira edición do A Jierro, que quere colaborar con diversas asociacións da comarca como Teima, Nuestra Señora de Chamorro, Marcha Mundial das Mulleres, Lazos Comité Anti-Sida ou Asociación Encontro Progresista Uruguay-Galicia. Todas elas contarán con casetas de exposición nas que dar a coñecer a súa actividade. Parte da recaudación do festival irá tamén destinada a axudar aos grupos da comarca, que actúan sen cobrar. A entrada ao festival será gratuíta, polo que os cartos que se recauden procederán da venda de bebidas e material promocional. É por iso que a organización pídelle aos asistentes que non entren con bebida e fagan gasto nos chigres do recinto, pois deles depende o futuro e a gratuidade deste festival solidario A Jierro. |
| |
| PREPARASE A TERCEIRA EDICION DO FENEROCK |
| 30/08/2005 |
| O primeiro ano foron dezasete grupos de Fene. O segundo os madrileños de Burning. Para a terceira edición do Fenerock anunciase a presencia de REDHOUSE e de WARKRY. Simon e O Indio músicos de Caiga Quien Caiga forman REDHOUSE xunto con Jeff Espinosa, cantante da Vargas Blues Band. O grupo fai música de blues do Delta. Warkry é un grupo de Asturias de heavy metal que contan cun teclista de Ares, e con cinco discos no mercado. Os dous grupos tocarán no Fenerock en San Valentín o venres 16 e o sábado 17. Ademais dos concertos haberá proxeccións audiovisuais e xuntanza motera. O festival é de entrada libre, e a organización habilitará unha zona de acampada no paseo marítimo de San Valentín. |
| |
| CABALOS DE BRION VENCEN NA BELEZA E ESTAMPA DE MAGALOFES |
| 28/08/2005 |
| A egua Torda e o cabalo Tarzán de Oscar Ferreño alzáronse cos primeiros premios no concurso de beleza e estampa en razas indefinidas na Festa do Cabalo de Magalofes que se desenvolve ao longo de todo o domingo no Concello de Fene. Torda trátase dunha egua preñada de nove meses cun gran porte que lle fixo merecedora dun premio en metálico de 90 euros ademais do trofeo. O mesmo concurso na súa versión para cabalos, gañouno Tarzán, tamén propiedade de Oscar Ferreño. Este viciño de Brión (Ferrol) sinalou que hai sete ou oito anos que participa nas probas da Festa de Magalofes. Acude porque é moi bo sitio para os cabalos e pola perfecta organización, segundo sinalou a Radio Fene. A Asociación de Viciños de Magalofes puxo á venda ao longo de todo o dia unha rifa dun poldro que sorteará mañá luns en colaboración co cupón da ONCE. Ademais a entidade cidadán colocou un posto no que se ofrecían aos visitantes mecheiros, gorras e panos do pescozo conmemorativos desta decimo quinta edición da Festa do Cabalo de Magalofes. O alcalde de Fene Xose Maria Rivera salientou a consolidación da festa, tras a súa celebración durante quince anos consecutivos. Neste caso, a pesar da choiva caida durante o sábado, esta mañá recibíronse en Magalofes moitos cabalos e máis público que nunca. |
| |
| A XORNALISTA DE ARES ELENA PITA ESCREBE EL OFICIO DE AMAR |
| 24/08/2005 |
| El oficio de amar, secretos para trabajar y vivir en pareja . Chámase así o título do libro da escritora e xornalista de Ares Elena Pita. A autora entrevistou a 13 parellas do mundo da cultura e da intelectualidade. Teñen en común, que os dous membros de cada parella traballan na mesma actividade. Entre os matrimonios que aparecen no libro atopámonos con Victorio & Lucchino, Elvira Lindo e Antonio Muñoz Molina ou Jose Saramago e Pilar del Rio. O volume publicado por Kailas, atópase nas librerias dende o mes de xullo. |
| |
| 7000 PERSOAS ESPERAN EN MAGALOFES ESTE DOMINGO |
| 23/08/2005 |
| 7000 persoas e 500 cabalos agardan este domingo en Magalofes. Alí celebraráse a Festa do Cabalo que o ano pasado congregou a esas cifras de asistentes. Nestes dias a entidade organizadora, a Asociación de Viciños da parróquia, ultima a preparación do terreo de 26 ferrados (14248 metros cadrados) onde se rexistrarán as exhibicións, competicións e carreiras. A Festa comezará o domingo ás 10,30 da mañá prolongandose ao longo de todo o dia. |
| |
| COMEZAN AS OBRAS DA CONSERVEIRA EN FENE |
| 22/08/2005 |
| Mañá martes comezan as obras da empresa Disbeconsa en Vilar do Colo. Trátase dunha firma que se instala no polígono industrial de Fene para a conserva, conxelado ou envasado de peixes e mariscos. Entrarán en funcionamento en maio do 2006, dando emprego inicial a 10 persoas. O grupo Reyero inviste un 1.350.000 euros nas instalacións de Fene, contando cunha subvención da Xunta de Galicia do 30% do presuposto global. Disbeconsa pertence ao grupo Fernando Reyero que ata o momento tiñan o principal centro de recepción e distribución dos productos do mar no Porto da Coruña. O grupo ofrece información sobre as súas actividades na páxina web www.fernandoreyero.com |
| |
| DANIEL BELLON GAÑA O CERTAME DE GAITAS DE SOUTELO DE MONTES |
| 21/08/2005 |
| O gaiteiro de Fene Daniel Bellón gañou onte o Certame de Gaitas do Gaiteiro de Soutelo, un dos premios musicais máis prestixiosos de Galicia. E a terceira ocasión na que consigue ese galardón. Daniel Bellón naceu en Ferrol en xaneiro de 1985. O seu primeiro contacto coa música deuse na banda de gaitas Airiños de Fene. A súa traxectoria como gaiteiro solista comezou a partir do ano 2000, chegando a acaparar a meirande dos premios que se otorgan en Galicia a este instrumento musical. O Constantino Bellón, o Soutelo de Montes e o Macallan son algúns dos máis de corenta premios que ten gañado Dani Bellón. Participou poñendo música en directo ás proxeccións da película “La Casa de la Troya” en Madrid e Santiago no ano 2003. Ten actuado como profesor de gaita en Lugo, Barcelona e Ferrol. |
| |
| EMUGA SELECCIONA XORNALISTAS E COMUNICADORES |
| 19/08/2005 |
| A asociación EMISORAS MUNICIPAIS GALEGAS abre un proceso de selección de xornalistas e comunicadores para a realización de programas conxuntos destinados ás radios públicas locais de Galicia. Requírese dominio oral e escrito do idioma galego. Valoraránse as titulacións relacionadas coa radio e co xornalismo en xeral. Realizaráse unha proba de selección e unha entrevista persoal. As persoas interesadas deben enviar o seu curriculum vitae antes do mércores 24 de agosto ao seguinte enderezo:
Radio Fene
Casa do Concello
15500 FENE (A CORUÑA)
Tfno. 981 492775
direccion@radiofene.org
Seleccionaranse 2 persoas a tempo completo que desenvolverán o seu traballo en Fene (A Coruña), e correspondentes a tempo parcial, na Coruña, Santiago e Vigo. As retribucións económicas estableceránse de xeito negociado coas persoas seleccionadas. |
| |
| PIDEN A RETIRADA DAS TROPAS DE AFGANISTAN |
| 18/08/2005 |
| O Bloque Nacionalista Galego e Esquerda Unida demandan a retirada das tropas españolas de Afganistan. Salientan que a súa misión no Oriente Medio redúcese a colaborar cun goberno títere dos Estados Unidos. As nove desta noite chegarán ao aeroporto de Getafe (Madrid) os corpos dos militares falecidos ao colisionar un helicoptero na mañá do pasado martes en circunstancias ainda non esclarecidas totalmente. Entre eles chegará o cadavre do xove de Ferrol, Isaac Calvo Piñeiro, de 20 anos de idade e residente no barrio de Canido. O Ministerio de Defensa insiste en que non se desbota ningunha hipotese, se ben inclínase por atribuir as causas da colisión a un accidente. |
| |
| NAS AREAS DE ARES |
| 17/08/2005 |
| O Concello de Ares convoca para pasado mañá venres a Séptima Edición do Concurso de Castelos de Area. Espérase que entre setenta e cen nenos e adolescentes participen nesta cita aberta á creatividade. Haberá agasallos para todos os participantes e premios especiais para os máis destacados. Só se necesita un caldeiro e unha pá, pero admitiránse tamén todo tipo de moldes. Os participantes deberán presentarse na praia do Xuncal en Ares antes das dez e media deste venres. Facilitan máis información na Biblioteca Municipal de Ares, no teléfono 981 448057 |
| |
| LAPAS DE 20 METROS A BEIRA DAS CASAS |
| 16/08/2005 |
| A noite do domingo ao luns, Ferrolterra viviu unha situación extremadamente complicada afirmou a alcaldesa accidental de Fene Alicia Martinez en alusión ao lume desatado en numerosas zonas rurais da comarca. Segundo a edil, o fume facía moi dificil respirar en moitas ocasións e o lume achegábase con perigo a moitas vivendas . No lugar de Marraxón, nas proximidades do Rio Belelle, as lapas chegaron a ter unha altura duns 20 metros nas proximidades das vivendas. As vacas, os becerros e os corzos berraban que poñían medo indicou Alicia Martinez, quen se laiou do valor económico e ecolóxico perdido polo lume. En conxunto arderían unhas 50 hectáreas nos lugares da Pallota, a Visura, A Pegariña, A Rabadeña e o Roxal, entre Fene e Neda. Nesta xornada efectivos da Policia local de Fene e dos grupos contra incendios continuan vixiantes e o lume semella controlado. |
| |
| ARDE FERROLTERRA |
| 15/08/2005 |
| Os incendios forestais cebáronse ao longo desta xornada en distintos puntos de Ferrolterra. O Pedroso en Narón, Ancos en Neda, A Pegariña, A Visura e A Pallota en Sillobre (Fene) foron algunhas das zonas nas que as lapas se desataron, animadas polas altas temperaturas e o forte vento. Segundo informa a Policia Local de Fene, ás 21,20 horas continuan os labores de extinción en amplas zonas de Sillobre, onde o lume achégase ás zonas das vivendas. Efectivos de Protección Civil, contra incendios, Bombeiros de Ferrol e da Marina colaboran nos traballos. En Pedroso (Narón a media tarde o lume estaba controlado despois de afectar a unha vivenda abandonada. Ao longo de toda a tarde unha espesa fumareda cubreu boa parte da comarca. |
| |
| PREPARASE O FELIPOP MAIS POTENTE DA HISTORIA |
| 12/08/2005 |
| Faltan poucas horas para o inicio do Felipop máis potente da súa história. O festival de música independente de Limodre (Fene) chega á súa séptima edición, despertando unha expectación inusitada. A categoria dos grupos invitados fai pensar nunha afluencia masiva a un evento que sempre se caracterizou polo seu carácter familiar. Na pasada noite arredor de 150 xovenes xa participaron na festa de inauguración no parque da Hortiña. As dez desta noite o grupo madrileño Mittens subirá ao escenario instalado na polideportiva de Limodre. |
| |
| O BOANDANZA FORMARA TAMEN EQUIPO XUVENIL |
| 11/08/2005 |
| O EROSKI FENE BOANDANZA abre prazo de inscrición nos seus equipos das categorías biberón, prebenxamín, benxamín, alevín, infantíl e cadete. Este ano o club de Fene tamén recolle os nomes dos xovenes interesados en participar nun equipo da categoria xuvenil. Os conxuntos do EROSKI FENE adestrarán duas horas semanais dende o 1 de setembro. Ademáis participarán en competicións federadas na comarca de Ferrol. Tamén realizarán actividades complementarias.
O Boandanza insiste no carácter beneficioso e saudable dunha práctica deportiva continuada, un hábito especialmente recomendable para os máis pequenos. As inscricións formalízanse nos locais do club na Escola da Torre. Rúa Hortelá,20 Perlío Fene todos os dias entre as 10 e as 11 da mañá. O período ábrese mañá venres e permanecerá aberto ata o venres da vindeira semana dia 19. O sábado tamén se recollerán inscricións e se facilitará información. Xa que logo, no EROSKI FENE BOANDANZA, de fútbol sala, o balón comeza a rodar. |
| |
| OS SUPER RATONES ACTUAN EN LIMODRE O SABADO E A VINDEIRA SEMANA CON AMARAL NA CORUÑA |
| 10/08/2005 |
| Nominación aos Premios Granmy latinos pola mellor interpretación vocal en rock no ano 2001. Máis de oito discos publicados, dende a súa fundación en 1985 na cidade arxentina do Mar do Plata. A súa canción “Cómo estamos hoy” convertiuse no tema máis pinchado nas radios de Arxentina nos anos 2000 e 2001 .
Son algunhas notas do palmarés do grupo Super Ratones que actuará este sábado no marco do Felipop en Limodre en Fene. O festival de música pop independente cumpre a súa séptima edición e a él acuden os membros de Super Ratones con moitas gañas, segundo sinalou a Radio Fene a secretaria da asociación cultural Felicia Maria Prieto. Os Super Ratones despois de actuar en Limodre, o venres dia 19 subirán como teloneiros de Amaral no Coliseum da Coruña. O Felipop comezará xa coa súa festa de presentación na noite de mañá xoves no Parque da Hortiña en Limodre (Fene - A Coruña). Amplian máis información sobre os grupos musicais invitados, aloxamento e zona de acampada na páxina web www.felipop.com |
| |
| AIR BERLIN INICIA EN NOVEMBRO VÓS BARATOS A MALLORCA E ALEMANIA |
| 09/08/2005 |
| Voar a Palma de Mallorca dende 29 euros por traxecto todo incluido. Viaxar a Viena ou a Munich dende 59 euros. Esas son algunhas das ofertas de Air Berlin, a compañía aerea alemana que o 1 de novembro comezará a operar diariamente no aeroporto de Labacolla en Santiago. Con escala nas Illas Baleares, os avións de Air Berlín enlazarán a capital de Galicia con todas as grandes cidades de Alemania e cos centros neurálxicos de Austria e Suiza. Labacolla presenta boas instalacións e Santiago conta cun emprazamento xeográfico óptimo e representa un dos centros máis importantes do cristianismo, segundo asegurou esta mañá en Radio Fene o director de Air Berlin para España Alvaro Middelmann. O executivo explicou tamén o segredo do funcionamento da súa compañía, sinalando que transportan á metade dos pasaxeiros de Iberia co 10% do persoal. Ademais presentan un índice de ocupación dos avións maior que as compañias tradicionais, cun superior grao de eficacia e un sistema de comercialización máis eficiente, segundo afirmou. Os billetes a Palma de Mallorca e a Centroeuropa pódense xa contratar na páxina web www.airberlin.com |
| |
| ALUVION DE VISITAS AS OBRAS DE RESTAURACION DE CAAVEIRO |
| 08/08/2005 |
| A Deputación da Coruña amosa neste verán aos cidadáns o estado das obras de rehabilitación do Mosteiro de Caaveiro. O cenobio fundado por San Rosendo no século X, enclávase nunha paisaxe paradisíaca á beira das confluencias dos rios Eume e Sesín. A restauración de Caaveiro rematará aproximadamente no prazo dun ano. As obras levanse a cabo de xeito paseniño polo coidado dos arquitectos. Tamén retrasa a actuación a localización do mosteiro, que provoca que os materiais se teñan que transportar a man. O edificio dos coengos restaurouse xa de xeito importante, ao igual que a igrexa, o muiño, a ponte e o camiño de acceso. Faltan ainda actuacións na casa do guardés e no conxunto das edificacións. Pero a Deputación quixo xa abrir ao público as instalacións este mesmo verán. A xente que xa coñecía o Mosteiro de Caaveiro, gústalle moito a obra de rehabilitación, segundo explicou a Radio Fene un dos guias da Deputación. Na restauración os arquitectos Celestino Garcia e Isabel Aguirre empregan materiais diferentes do orixinal. O obxectivo é amosar visualmente a diferencia entre a obra nova e a rehabilitación. Nas visitas guiadas explicase iso e tamén a historia do cenobio dende a súa fundación por San Rosendo no século X. A Caaveiro achéganse dende Pontedeume (A Coruña) cidadáns extranxeiros, do Pais Vasco, Cataluña, Murcia, Andalucia e doutras comunidades autónomas. Pero sobre todo acuden dende Madrid, e de Galicia. Caaveiro ubícase nun lugar de atormentada orografía e beleza incomparable. O presuposto da restauración acometida pola Deputación da Coruña supera o millón de euros. |
| |
| PROGRAMAN UN CIRCUITO BTT PARA O DOMINGO 21 POLO BELELLE |
| 05/08/2005 |
| Autodenomínanse “beteteros”. Desprázanse en BTTs, é dicir en Bicicletas Todo Terreo. Son amantes da montaña, das paisaxes e polo tanto da ecoloxia. Para o domingo 21 de agosto organizan unha ruta en bicicleta de montaña polas beiras do Rio Belelle, Marraxón, Magalofes e Laraxe. Poderán participar ciclistas profisionais e tamén afeizoados. Contan coa colaboración do Club Ciclista San Xulián, do Club Montaña Ferrol e do Concello de Fene. Formalizan as inscricións na páxina web bttferrol.com. |
| |
| COMEZA O MARATHON DE FUTBOL SALA SUB 21 EN SAN VALENTIN |
| 04/08/2005 |
| Máis de 150 rapaces participan no Segundo Marathon de fútbol sala que mañá venres comeza en San Valentin. Ao longo da fin de semana competirán por un primeiro premio de 900 euros, 16 equipos de Fene, Neda, Ares, Ferrol e A Coruña. Os partidos sucederánse de xeito ininterrumpido dende as nove da mañá e ata as dez da noite, o venres, sábado e domingo. Somentes descansarán cada dia entre as tres e as catro da tarde para o xantar. A final xogaráse na polideportiva de San Valentín o domingo ás oito da tarde. Ademáis do primeiro premio de novecentos euros, haberá un segundo de cincocentos e un terceiro consistente na devolución da inscrición. O marathon de fútbol sala de San Valentín para xogadores menores de 21 anos arrinca mañá venres ás nove da mañá. |
| |
| ULTIMASE A ORGANIZACIÓN DO FESTIVAL AJIERRO EN NEDA |
| 03/08/2005 |
| O grupo de hip hop en galego “Dios que te crew” tocará en Neda a comezos de setembro. A súa actuación formará parte do festival musical e solidario Ajierro, organizado pola asociación cultural Xenreira. Ademais da música, no recinto da feira de Albarón distintas asociacións da comarca expoñerán e venderán distintos productos. Participarán grupos musicais de renome como Octubre 28 ( Hip Hop Metal). De Ferrolterra actuarán Sen animo de lucro (rock) 4 pixos (punk) Sweet oblivium (grunge) In spite off (hard rock) e Regeeto (reggae). Tamén acudirán djs de renome na comarca. A Marcha Mundial das Mulleres, o comité antisida e a asociación Virxe de Chamorro colaboran con ésta iniciativa. Ademais das actuacións musicais, organizaránse pasarruas, demostración de grafiteiros, exposición de motos e obradoiros para nenos. “Libertade e igualdade para todos”. Ese é o lema do festival Ajierro, o dous de setembro na feira de Albarón en Neda. Mañá xoves terá lugar unha reunión na que os organizadores concretarán aspectos do evento. |
| |
| XORNADAS SOBRE SOFTWARE LIBRE PARA OUTUBRO |
| 02/08/2005 |
| Software libre para as administracións locais e economías do terceiro sector. Sobre ese tema falaráse en Fene nunhas Xornadas organizadas para os dias 20, 21 e 22 do vindeiro mes de outubro.
Expertos informáticos de Extremadura, Cataluña e Brasil achegaránse a Fene para participar neste encontro organizado coa colaboración do Concello de Fene e a Deputación da Coruña. Haberá tamén mesas de empresas para amosar experiencias profisionais co sistema Linux. Organiza a actividade a Asociación Galega de Usuariose programadores libres, AGNIX. Facilitan máis información na páxina web www.agnix.org |
| |
| OS CONCELLEIROS DE FENE ANA SANTIAGO E CARLOS NEIRA ABANDONAN A CORPORACION |
| 01/08/2005 |
| Razóns laborais levan a Ana Santiago e Carlos Neira a abandonar a Corporación de Fene. Segundo explicaron este mediodia en roda de prensa, os dous continuarán colaborando co Bloque Nacionalista Galego e co goberno municipal. Para sustituir aos dous concelleiros dimisionarios, entran no Concello Xose Anxo González Tomé de Perlío, e Manuel Pico de Magalofes. O Pleno da Corporación de Fene deste xoves recibirá as cartas de dimisión e os novos ediles tomarán posesión dos seus cargos nas vindeiras semanas.Ana Isabel Santiago López, natural da parróquia de Limodre, ocupou o terceiro posto na candidatura do Bloque Nacionalista Galego nas eleccións municipais celebradas en maio do 2003. Carlos Neira Cortizas, de Barallobre, figuraba na mesma lista no cuarto posto. Ana Santiago era concelleira de Cultura e Deportes, posto que viña ocupando nas duas últimas lexislaturas. Licenciouse en Ciencias Políticas pola Universidade Complutense de Madrid e accedeu á Corporación nas eleccións de 1995. Carlos Neira ocupábase da responsabilidade de Facenda e Recaudación. E licenciado en Ciencias Económicas e entrou no Concello hai agora dous anos. |
| |
| NARÓN, CAPITAL GASTRONÓMICA DA BISBARRA ESTA FIN DE SEMANA |
| 29/07/2005 |
| No campo da feira do Trece vaise celebrar esta fin de semana unha nova edición do Oenach Céltico, unha festa coa que se pretenden recrear os modos de vida das xentes de Galicia na época prerromana.
Cunha representación de esceas da vida cotiá nos castros arrinca ás dez da mañá deste sábado o Oenach Céltico. A festa contará este ano como aliciente cunha mostra arqueolóxica cedida polo castro de Vilallonga e coa tradicional feira de artesanía na que está previsto que participen máis de corenta expositores.
Porco celta, polo de Mos e xurelos lañados. É o menú do Oenach Gastronómico en Sedes. O reparto de racións comezará a partires da unha da tarde de mañá. Serviranse ó prezo de 12 euros, incluido o prato e a taza. Pola noite haberá teatro e música na Noite do Castro, a partires das dez, con acutacións do grupo Os Quinquillas (representando a obra “A diáspora”) e, na parte musical, dos grupos folk Alende de As Pontes e Ruote de A Coruña.
Para o domingo, os veciños de Sedes e o concello de Narón, organizaron unha exposición de razas gandeiras autóctonas e unha demostración do entrenador canino Fermín Aínzua. A partires das once da mañá, tamén o domingo, o recinto feiral desta parroquia convertirase nun castro onde non faltarán os canteiros, ferreiros e ceramistas, entroutros artesáns.
Noutro punto do concello de Narón, no local social de A Picota, no Couto, celébrase este domingo a séptima edición da Festa Gastronómica do Pemento. Nesta ocasión repartiranse ó redor de 750 racións que incluiran, amais dos clásicos pementos da zona, churrasco, pan, viño, auga e café. A festa conta coa colaboración da Cooperativa do Val que, segundo o presidente da AAVV do Couto, Anselmo Beceiro, está axudando moito ó relanzamento deste producto.
Ás dúas da tarde o vindeiro domingo, na Carballeira do Couto, se celebrará o xantar desta Septima Festa do Pemento ainda que os máis madrugadores xa poderán probar o producto nunha degustación gratuita que comezará ás once da mañá. |
| |
| CLAUSURA DO VERÁN MÁIS ALÁ |
| 28/07/2005 |
| O Verán Máis Alá de Fene chega ó seu fin. Clausúrase mañá venres cunha festa que comezará ás dez e media da mañá nas instalacións do colexio O Ramo de Barallobre. O acto, ó que están convidados os pais/nais dos participantes, servirá de colofón a esta actividade de verán que comezou en Fene a principios de mes.
A festa de clausura do Verán Máis Alá arrincará coa apertura dunha exposición de fotografías e traballos elaborados polos rapaces/as do obradoiro. Ás doce anúnciase un festival de despedida con distintas actuacións, tamén no colexio O Ramo. Pero ó remate do festival, sobre a unha e media, tódolos asistentes se trasladarán ate as instalacións da Sociedade O Pote de Maniños onde comezará unha xornada de convivencia con distintas actividades.
O programa do día contempla a presentación dun Dragón Pasarrúas construído polos nenos/as da escola e un xantar popular, sempre que o tempo o permita, no parque do Pote. Sobre as cinco anúnciase unha exhibición de actividades de deporte rural galiciano nas que poderán participar os rapaces. A festa clausurarase sobre as oito.
A festa de clausura do Verán Máis Alá de Fene comezará mañá venres ás dez e media da mañá nas instalacións do colexio O Ramo de Barallobre. |
| |
| PRESENTADO EN FENE O PLAN DE VIABILIDADE DA TECNOLOXÍA WIMAX DE CONEXIÓN A INTERNET SEN FIOS |
| 27/07/2005 |
| O proxecto forma parte dunha experiencia piloto financiada pola Deputación da Coruña co obxectivo de levar a tecnoloxía wimax, é dicir, internet sen fíos, a zonas do concello que non dispoñen na actualidade de banda ancha. Ademais das posibilidades de mellor recepción de internet, a instalación desta tecnoloxía é moito máis sinxela que a tradicional.
A de Fene é a primeira experiencia deste estilo que se pon en marcha en Galicia e unha das primeiras de España e iso é grazas a un convenio que asinou o organismo provincial co Concello e que levará á práctica a empresa R.
Calcúlase que arredor de 75-100 persoas do concello se beneficien do proxecto pero, se hai máis solicitantes, tanto R como a Deputación tratarán de buscar unha solución que beneficie a todos, segundo aseguran os responsables do proxecto.
As familias que finalmente sexan seleccionadas desfrutarán dunha conexión a internet gratuíta durante 6 meses, contas de correo e os servizos típicos que ofrece a rede, pero sempre terán que contar coa clave que facilite R para que non haxa interferencias doutros fogares. As espectativas, segundo o xerente de R, Antonio Rodríguez, son boas e agárdase que esta experiencia piloto xere máis demanda. |
| |
| EVOLUCIONA FAVORABLEMENTE O MOZO DE FENE FERIDO NOS ATENTADOS DE EXIPTO |
| 26/07/2005 |
| A bordo dun avión medicalizado foi trasladado onte a España o veciño de Fene ferido nos atentados rexistrados o pasado sábado na localidade exipcia de Sharm El Sheij. Fontes da súa familia aseguraron esta mañá a Radio Fene que Tomás Fraga se atopa en situación estable e que evoluciona favorablemente das queimaduras e feridas de metralla das que xa foi tratado durante a fin de semana no hospital militar de Maadi, no Cairo. Dende onte permanece ingresado na clínica madrileña de La Luz.
Tomás Fraga ten 27 anos. É enxeñeiro e traballa para a empresa gasística Segas, participada por Unión Fenosa, que está a construir unha planta de licuefacción en Damietta, ó norte de Exipto. No momento dos atentados desfrutaba duns días de descanso xunto con outros compañeiros nun balneario da península do Sinaí. O grupo quedara para cear no hotel Ghazala Gardens, obxecto do ataque suicida con coche bomba rexistrado o pasado sábado.
No atentado, Tomás Fraga resultou ferido de gravidade. Sofriu queimaduras de diverso grao e traumatismos varios por impacto de metralla dos que foi tratado inicialmente e de urxencia nun hospital da capital exipcia. Á vista da súa evolución favorable o equipo médico do centro de Maadi autorizou o seu traslado a Madrid onde quedou ingresado onte na clínica de La Luz.
Dende o gabinete de comunicación da empresa Unión Fenosa para a que traballa Tomás Fraga aseguran que o xoven fenés evoluciona favorablemente. Ó parecer ten un ollo afectado, varias fracturas e queimaduras de diversa consideración ainda que a súa vida non corre perigo. |
| |
| Vivir no espacio en Ferrol |
| 22/07/2005 |
| A chegada do home á lúa, a viaxe do Apolo XI…Sobre estes e outros fitos significativos da historia espacial fai fincapé a exposición “Vivir no espacio”, unha mostra que se inaugura ás oito desta tarde no centro cultural Torrente Ballester de Ferrol.
En “Vivir no espacio” podemos ver cómo evolucionou a tecnoloxía e indumentaria que os astronautas utilizan no espacio amais de lembrar algunhas das grandes figuras da carreira espacial como Yuri Gagarin ou Neil Amstrong.
É probable que o Torrente Ballester sexa o último escenario desta mostra itinerante que traen a Ferrol o concello e Caixanova, con pezas orixinais como traxes ou reloxios dos cosmonautas.
“Vivir no espacio” inaugúrase ás oito desta tarde no Centro Cultural Torrente Ballester. A mostra permanecerá en Ferrol ate o vindeiro 14 de agosto. |
| |
| O CONCELLO DE FENE ANIMA A DOAR SANGUE |
| 21/07/2005 |
| “Comparte saúde...doa sangue” é o lema da campaña especial que o Centro de Transfusións de Galicia (CTG), o concello de Fene e a Irmandade de Ferrolterra veñen de poñer en marcha en Fene co obxectivo de fomentar a participación dos cidadáns na doazón de sangue. Trátase dunha campaña informativa, similar á que se vai desenvolver ó longo dos vindeiros meses en máis de douscentos cincuenta concellos de toda Galicia. O que pretende o CTG con esta iniciativa é cubrir as necesidades de sangue dos hospitais galegos nunha época en que tradicionamente diminue o número de doazóns. Segundo as previsións do Centro de Transfusións, os centros sanitarios galegos van precisar ó redor de 32.000 doazóns de sangue ó longo destes meses de verán.
CAMPAÑA EN FENE
Unha unidade móbil do Centro de Transfusións de Sangue de Galicia achegarase á parroquia de Maniños o vindeiro mércores 27 de xullo. O venres 5 de agosto estará en Perlío e o sábado 6 en Limodre. As seguintes paradas serán Sillobre e Magalofes, o luns 8 de agosto.
Partindo deste calendario, o concello de Fene distribuirá polos buzóns do termo municipal cartas informativas anunciando, con tres ou catro días de antelación, a presenza da unidade de doazón nas respectivas parroquias e o obxectivo da campaña. Tamén se vai elaborar un Bando Municipal co correspondente aviso.
O ano pasado o Centro de Transfusións de Sangue de Galicia rexistrou un total de 957 doazóns en Fene, unha cifra que se situa nos índices recomendados pola Organización Mundial da Saude. |
| |
| II SEMINARIO DE NOVAS MÚSICAS EN PONTEDEUME |
| 19/07/2005 |
| O concello de Pontedeume vai acoller a partires do vindeiro xoves o Segundo Seminario de Novas Músicas, organizado pola Escola Charamela. Trátase dun curso intensivo de tres días onde cada participante terá oportunidade de achegarse á linguaxe das músicas emerxentes e os seus diversos estilos e variantes (bossa nova, jazz, contemporánea ou free, entroutras).
No Segundo Seminario de Novas Músicas participarán este ano os mestres de saxo John Williams, de trombón Alain Lebrun, de guitarra Tino Regueira e de batería Luis Rodríguez. Asistirán asemade como convidados o pianista Carlos Gacituaga e a baixista Yolanda Alonso.
Calquera persoa pode asistir a este curso en calidade de ointe ainda que a participación está limitada a xente cuns coñecementos mínimos da linguaxe musical. No seminario impartiranse clases teóricas de educación do oído, de armonía e de ritmo. Inclúense asemade clases de técnica do instrumento e de improvisación.
En Pontedeume arrinca o vindeiro xoves o Segundo Seminario de Novas Múscias. Os boletíns de inscripción débense entregar nas instalacións da Escola Charamela ou na Oficina Municipal de Información Xuvenil, no antigo xulgado. Tamén se poden informar nos teléfonos 981-433039 ou 630-609756. |
| |
| ACCIDENTE MORTAL NO REGO DA MOA |
| 18/07/2005 |
| A de hoxe foi unha xornada fatídica en Fene no que se refire a sinestralidade nas estradas. Un veciño de 45 anos, Jose Andrés Carrera Bustabad, faleceu a primeiras horas da mañá ó colisionar o ciclomotor que conducía contra un vehículo Ford Focus cuxo conductor, un home de 31 anos, resultou ileso. O accidente producíase ás seis menos vinte da mañá na Nacional 651, km 27.400, á altura do Rego da Moa.
Unha hora despois, na estrada da Palma ó seu paso por Maniños, foi atropelado un veciño de 37 anos que responde ás iniciais F.J.S.V. O accidente producíase ó sairse da vía un vehículo Peugeot 106, conducido por unha muller de 42 anos que resultou ilesa. O atropelado, ferido de gravidade, foi trasladado ó Arquitecto Marcide. |
| |
| II MARATÓN 12 HORAS DE NATACIÓN NO CMI UNIDADE DE FENE |
| 15/07/2005 |
| Xa hai data para a Segunda Edición da maratón “12 horas de natación”, organizada polo Círculo Mercantil e Industrial Unidade de Fene. Será o vindeiro 13 de agosto en horario de nove da mañá a nove da noite na piscina que a entidade ten en San Paio. As persoas que desexen participar deben inscribirse nas instalacións do Círculo de Fene antes do vindeiro 9 de agosto (en horario de dez da mañá a nove da noite).
Calquera persoa pode participar na maratón “12 horas de natación” do Círculo de Fene. Non hai límite de idade. Iso sí, no momento de apuntarse, os/as interesados/as deberán especificar o tempo aproximado que pensan nadar.
Unha vez pechado o prazo de inscripción para esta maratón, os organizadores formarán os equipos e confeccionarán o calendario da competición. Nas bases establécese que haberá dous equipos e que os seus membros deberán nadar a relevos ó longo da xornada. Gañará o equipo que máis distancia percorrera unha vez finalizado o tempo da proba, é dicir, as doce horas.
A maratón “12 horas de natación” celebrarase no CMI Unidade de Fene o vindeiro 13 de agosto. Ó remate da competición anúnciase unha churrascada para tódolos participantes, colaboradores e asistentes ó evento. |
| |
| PONTEDEUME RENDE UNHA HOMENAXE Ó ESCRITOR FERNANDO ANDRADE AGUILAR |
| 14/07/2005 |
| A Casa da Cultura de Pontedeume vai acoller dende mañá venres a exposición ECO DE SIGLOS, BETANZOS-PONTEDEUME NA TERRA DOS ANDRADE, unha mostra que propón un percorrido nocturno polas rúas, monumentos e recantos das vilas de Betanzos e Pontedeume a través das imaxes do fotógrafo Jose Luis Pardo e das composicións do poeta ecuatoriano, xa falecido, Fernando Andrade Aguilar.
Con esta exposición, patrocinada polo Concello de Pontedeume, réndese unha homenaxe ó escritor ecuatoriano, descendente directo do primeiro Andrade que chegou en 1650 á cidade de Cuenca naquel país, dando orixe á liñaxe dos Andrade en Ecuador.
Ás oito e media da tarde inaugúrase mañá venres a exposición ECO DE SIGLOS. BETANZOS-PONTEDUME NA TERRA DOS ANDRADE. Poderemos vela na Casa da Cultura eumesa ate o vindeiro 31 de xullo en horario de sete e media da tarde a dez e media da noite os días laborables. Sábados e festivos, de once e media da mañá a dúas da tarde. |
| |
| CURSO DE TRABALLADOR/A FORESTAL EN FENE |
| 13/07/2005 |
| Cinco prazas quedan vacantes a día de hoxe para participar no curso de traballador/a forestal que organiza o concello de Fene no marco do Plan Fip de Formación e Inserción Profesional.
Cunha duración de 355 horas, o curso se vai desenvolver en horario de tarde (de 14.40 horas a 20.40 horas) ata o vindeiro 13 de outubro. As persoas que se inscriban deben ser demandantes de emprego. Se ó final son seleccionadas cobrarán unha beca de asistencia que ascende a 5.23 euros/día.
Máis información e inscripcións na Oficina dos Talleres Ocupacionais de Fene en horario de nove da mañá a unha da tarde. |
| |
| PROGRAMACIÓN DO DÍA DA PATRIA GALEGA EN FENE |
| 12/07/2005 |
| Cun concerto da fadista María do Ceo o concello de Fene inaugura este venres o seu programa de actividades ó redor da conmemoración do Día da Patria Galega.
María do Ceo naceu en Oporto ainda que, dende moi pequena, reside en Galicia. A súa paixón pola música foi alimentada dende o berce na tradición do fado que lle transmitiu o seu pai, fadista amateur. Na súa música conxúgase a influencia da tradición portuguesa e a dozura natural do idioma galego. No mercado ten catro discos...CARTAS DE AMOR, VELLAS LEMBRANZAS, AL RESCATE DEL ALMA e FADO E OUTRAS MÚSICAS. Cunha sólida carreira internacional ás costas, María do Ceo foi recoñecida e condecorada como embaixadora da cultura galega no mundo.
PROGRAMA DO DÍA DA PATRIA GALEGA
Na praza do Concello de Fene xa está listo o escenario onde o próximo venres actuará Maria do Ceo. O concerto encádrase no ciclo As Nosas Músicas, promovido por Caixa Galicia. Comezará ás dez da noite con entrada libre e gratuita ate completar o aforo.
Tamén o venres, previamente á celebración do concerto, procederase á lectura da declaración insitucional con motivo do Día da Patria Galega que este ano elaborou o poeta galego-arxentino Eduardo Estévez.
Logo desta cita, a programación do Día da Patria Galega vai continuar en Fene o próximo 22 de xullo, á unha da tarde, coa tradicional ofrenda floral no monumento ó Día da Patria Galega, e cunha recepción institucional, á unha e media, no Salón de Plenos da Casa do Concello. |
| |
| O SERGAS PON EN MARCHA O NÚMERO ÚNICO PARA SOLICITAR CITAS PREVIAS |
| 11/07/2005 |
| 902-077-066. É o número único que o Servicio Galego de Saude ven de habilitar para solicitar citas nos centros de saude de Fene, Maniños, A Capela, Cabanas, Ares, Pontedeume, Mugardos e O Seixo. Un teléfono que está permanentemente aberto en horario de luns a venres de oito da mañá a nove da noite e os sábados, de oito a tres. Marcando este número, os veciños e veciñas que o desexen poden solicitar cita previa nos citados centros de saude. O teléfono está operativo dende finais do pasado mes de xullo como unha experiencia piloto que ven de poñer en marcha a xerencia única da área sanitaria de Ferrolterra pero que se pretende extender a toda Galicia.
O 902-077066 non inhabilita os teléfonos dos respectivos centros de saude pero si centraliza o servizo ampliando o horario para petición de citas previas. O seu custe é o dunha chamada local calquera. |
| |
| ROMERIA DO CAMIÑANTE EN BARALLOBRE |
| 09/07/2005 |
| A romaría do Camiñante é como un emblema para a Liga de Amigos de Barallobre. É unha das festas máis importante das que se organizan nesta sociedade ó longo do ano e unha das máis antigas xa que as súas orixes se remontan ó ano 1933. Hoxe sábado a Liga de Amigos de Barallobre vai celebrar a romaría do Camiñante nunha xornada que arrincará coa tradicional ofrenda floral diante do Monumento ó Camiñante Descoñecido e na que non faltará a música e a gastronomía.
Sete grupos de baile participan este ano no Festival Folclórico que a Liga de Amigos organiza co gallo da súa romaría do Camiñante: a agrupación infantil Bolboretas, Buitra de Muxía, Lembranzas do Condado de Doniños, a Banda de Gaitas de Ares, a Asociación Cultural San Martiño do Porto de Cabanas, Donas e Galáns de Ferrol e o grupo de baile e cantareiras Bolboretas da Liga de Amigos.
PROGRAMA
A partires das catro e media desta tarde, os grupos convidados desfilarán dende o local da sociedade ate o Monumento ó Camiñante Descoñecido onde se vai desenvolver o acto central da xornada, a tradicional ofrenda floral. Xa de volta, actuarán no campo da festa. O programa da xornada complétase cunha sardiñada popular e cunha verbena arrufada a partires das dez da noite polo trío Saborcito. |
| |
| PLENO DA CORPORACIÓN MUNICIPAL DE FENE DO MES DE XULLO |
| 08/07/2005 |
| Cun minutos de silencio polas víctimas dos atentados na capital británica comezou o xoves en Fene o Pleno Ordinario correspondente ó mes de xullo. A Corporación Municipal deu luz verde ás dúas mocións presentadas a esta sesión coma únicos puntos na orde do día. Non houbo problemas para sacar adiante o documento en apoio ó dereito de autodeterminación do pobo saharui, unha moción remitida polo Fondo Galego de Cooperación e Solidariedade instando ó goberno español a defender perante a ONU o “Plano de Paz para a Libre Determinación do Sáhara Occidental”. Cos votos favorabeis do BNG, PSOE e EU, a moción saiu adiante. O Partido Popular votou en contra, alegando que o documento se levou a un foro, o pleno municipal, que non é o adecuado para a súa discusión.
Mais debate xerou a moción presentada polo Partido Socialista en relación coa pranta de gas e co anuncio publicado recentemente no DOG sobre a solicitude de verquido de augas residuais procedentes da pranta de regasificación e coa tramitación dun estudo de impacto ambiental sobre este tema. A moción presentada polos socialistas recollía unha serie de alegación, primeiro, pedindo a nulidade desa solicitude. Segundo, alegando que o proxecto de verquidos realizado por Augas de Galicia e publicado no DOG non se corresponde cos datos do proxecto. O concelleiro socialista Manuel Ángel Rodríguez Carballeira prestou especial atención ó punto no que se detallan os efectos negativos dos sistemas que utilizan auga de mar, con inxección de cloro, na vaporización do gas natural. Un sistema coma o que se pensa utilizar en Mugardos, segundo Rodríguez Carballeira.
Respaldou a moción dos socialistas o grupo municipal de Esquerda Unida, coincidindo Manuel Sánchez nos efectos negativos que se derivarían do verquido á ría de auga clorada.
Na votación deste punto o equipo de goberno abstívose. O portavoz do BNG, Francisco Allegue, asegurou que son outras administracións as que deben resolver o asunto ainda compartindo cos socialistas a opinión de que a ubicación idónea da Pranta de Gas está no porto exterior.
A moción do PSdG-PSOE saiu adiante neste pleno da Corporación fenesa a pesares do voto contrario de Partido Popular.
Por outro lado, unha representación dos veciños/as das Chousas, o Trabado e O Cocallo asistiron a esta sesión ordinaria e tomaron a palabra ó remate, no punto de rogos e preguntas, para demandar do Concello unha ampliación da rede de auga coa conseguinte conexión a ela das vivendas da zona. |
| |
| Caixa Galicia. Novas incorporacións en Ferrol |
| 07/07/2005 |
| Unha exposición de luxo chega esta tarde a Ferrol, a mostra dunha das mellores coleccións de arte do país. Falamos de “Caixa Galicia. Novas incorporacións” que recolle obras de Pablo Picasso, Salvador Dalí, Antonio Saura, Rafael Canogar, José Pedro Croft, Sandra Nogueira, Mario Fernández Granell e Manuel Millares, entroutros. Nesta exposición que a Fundación Caixa Galicia trae a Ferrol poderán contemplarse orixinais de Jose Manuel Broto, Carmen Calvo, Susana e Ángel Solano amais dalgunha obra tamén de artistas locais coma o fotográfo ferrolán Vari Caramés.
“Caixa Galicia. Novas Incorporacións”. Esta mostra vai ser o relevo da exposición de Antoni Tapies coa que se estreou a nova sede ferrolana da Fundación. Inaugúrase ás oito desta tarde nun acto ó que asistirán o vicepresidente do Consello de Administración da Entidade, Andrés Fernández Albalat, a xerente da mostra Teresa Porto e a responsabel da colección de Arte, Rosario Sarmiento. Despois de expoñer a súa colección de arte durante o verán, Caixa Galicia inaugurará en Ferrol, no mes de setembro, unha mostra de Carlos Rial e Rafael Canogar titulada Latitudes III . |
| |
| VOLVE A FEIRA DE MOSTRAS |
| 05/07/2005 |
| Ás 11 desta mañá abriu as súas portas ó público a 43 edición da Feira Internacional de Mostras. Dende hoxe ate o vindeiro domingo o recinto feiral de Punta Arnela convírtese no escenario dun dos certames multisectoriais máis importantes do noroeste peninsular. Este ano participan na Feira de mostras máis de douscentos expositores representativos de distintos sectores.
Os pabillóns 1, 2 e 3 destínanse a productos relacionados co fogar, decoración, moble, alimentación, institucións e venda directa. O número 4 acolle unha exposición monográfica sobre artesanía galega. E no cinco, o eixo temático é o da diversificación industrial, con participación directa da Asociación de Empresarios de Ferrolterra e da Confederación de Empresarios de Ferrolterra, Eume e Ortegal. Nesta nova Feira de Mostras abre tamén as súas portas o antigo pabillón da Armada cunha exposición monográfica sobre antigüidades. E nos exteriores, na explanada de FIMO, sitúanse os expositores relacionados coa automoción e a maquinaria.
Son moitos os atractivos desta nova edición da Feira Internacional de Mostras do Noroeste. Entre as novidades salienta un circuito aberto para iniciarse na conducción de vehículos todo-terreno, o que se coñece como a Aventura Nissan.
O presidente da Deputación Provincial de A Coruña, Salvador Fernández Moreda, foi o encargado de inaugurar este mediodía a Feira Internacional de Mostras do Nororeste. Ate o venres o horario da feira vai ser de once da mañá a dúas da tarde e de cinco a nove. Durante a fin de semana o recinto feiral de Punta Arnela estará aberto de xeito ininterrumpido de once da mañá a nove da noite. O prezo da entrada ascende a catro euros. |
| |
| FERROL, POLOS CAMIÑOS DA CONCORDIA |
| 04/07/2005 |
| O pensamento, a forza motriz da concordia é o título dun seminario que se vai desenvolver en Ferrol dende mañá martes ate o venres baixo a coordenación do Decano da Facultade de Humanidades, José Luis Tasset, e do asesor cultural do Concello, Andrés Mosquera.
A aula magna da Facultade de Humanidades acollerá mañá martes ás sete da tarde a primeira sesión deste ciclo sobre o pensamento. Nesta xornada inaugural, que versará sobre “O pensamento en liberdade. Orientacións Actuais”, participarán Jacobo Muñoz Veiga, catedrático de Filosofía da Universidade Complutense, e Pedro Cerezo Galán, Catedrático de Historia da Filosofía da Universidade de Granada. O seminario continuará o mércores cunha mesa redonda sobre “A liberdade de crenzas” e o xoves cunha tertulia sobre “ A civilización actual como crisol de culturas” e “Unha aproximación ó mundo árabe”. O venres se celebrará no salón de actos do vicerreitorado do Campus de Ferrol o acto de clausura con declaracións institucionais do reitor da Universidade de A Coruña e dos directores do Diario de Ferrol, La Voz de Galicia-Radio Voz Ferrol, Canal 29. |
| |
| A Asociación Cultural Felicia ultima os preparativos do Felipop 2005. |
| 29/06/2005 |
|
Nove grupos participan este ano nunha nova edición do Festival de Música Pop de Limodre. Os madrileños The Mittens, Púlsar de Toledo, Cánovas, Rodrigo e Guzmán, tamén de Madrid e a banda londinense Scarlet´s Well abrirán o día 12 de agosto o Felipop 2005. No segundo día de festival, o sábado 13, actuarán Bubblegum de Xixón, Fortune Tellers de Madrid, La Costa Brava de Xixón e Zaragoza, Sweet Apple Pie de Toulouse e os arxentinos Super Ratones.
A pista polideportiva municipal de Limodre vai acoller este ano a séptima edición do Felipop, un certame que naceu coa idea de promocionar grupos de música pop amais de servir de punto de encontro e de intercambio cultural de distintas comunidades musicais. O festival se celebra este ano os días 12 e 13 de agosto a partires das nove e media da noite. Previamente, para o xoves 11, a Asociación Cultural Felicia organiza unha festa de presentación do Felipop no parque da Hortiña. |
| |
| UNHA RAPAZA DE MANIÑOS NO CERTAME NACIONAL DE ACORDEONS |
| 29/06/2005 |
| A viciña de Fene Tamara Santamariña participa esta fin de semana no Certame Nacional de Acordeón que se celebra na vila de Maceda en Ourense. A proba cumpre os seus 48 anos de vida e se desenvolverá nas xornadas do venres, sábado e domingo.
Tamara Santamariña, residente no lugar da Bouza da Pena en Maniños e estudante de primeiro de ESO no Instituto de Barallobre, formará duo coa rapaza de Oza dos Rios, Sabela Caamaño. Interpretarán tres pezas tradicionais vascas, unha de estudio e unha de festa. As duas cursan estudos de acordeón no Conservatorio de Música de Ferrol. Sabela leva oito anos coa práctica do acordeón mentres que Tamara iniciouse con este instrumento hai agora dous anos. O duo de acordeonistas formado por Tamara Santamariña e Sabela Caamaño de seguro que trunfará esta fin de semana no Certame Nacional do Acordeón en Ourense. |
| |
| O NAUMÓN EN FERROL |
| 28/06/2005 |
| Ate as dez da noite pódese visitar no peirao ferrolán de Curuxeiras o buque insignia da compañía catalana La fura dels Baus. O “Naumón está de xira estes días por Galicia para promocionar a saida dende Vigo no mes de novembro da Volta ó Mundo de Vela 2005-06. Ainda que en Ferrol non teremos oportunidade de ver hoxe a La Fura dels Baus cos espectáculos e actividades que se desenvolven a bordo do Naumón, a visita do buque á nosa comarca é todo un acontecemento.
O Naumón “é un barco mercante no que conviven diferentes colectores artísticos, educativos e culturais”, segundo o director artístico da compañía Carlos Padrissa.
No seu percorrido pola costa galega, o buque de La Fura dels Baus presenta a exposición “A Viaxe do Capitan Nemo”, coincidindo coa celebración do centenario da morte de Julio Verne.
O Naumón fai parada hoxe en Ferrol. Mañán estará en Cedeira e o xoves en Cariño. Celeiro, Burela e Ribadeo serán os seus seguintes destinos ata chegar á cidade de A Coruña onde o barco permanecerá atracado varios días, entre o 4 e o 11 de xullo. Pero ademais La Fura dels Baus nos convida a presenciar o día 8, tamén na Coruña, o seu macroespectáculo PEREGRINOS DA NOITE, con Carlos Núñez como convidado especial. |
| |
| INMEDIATO INICIO DA RESTAURACION DA CASA REITORAL DE BARALLOBRE |
| 28/06/2005 |
| As obras de restauración da casa reitoral de Barallobre comezarán nas vindeiras semanas.O arcebispado de Santiago xa comunicou ao crego párroco Don Elias Seoane a concesión dunha axuda para afrontar os traballos. Ademais unha entidade bancaria concederá un préstamo a baixo interese para completar o presuposto necesario para a obra. A Deputación Provincial tamén colaborará pero ainda non comunicou oficialmente a contía da súa subvención.
A restauración do emblemático edificio principiará polo desmontaxe e reconstrucción do tellado. O cintado e reparación da sillería exterior será outro dos labores a acometer a continuación. A casa reitoral de Barallobre é quizais a edificación máis señorial da parróquia. Construiuna a finais do século XVIII o crego Juan Francisco Diaz del Monte. |
| |
| O HOSPITAL DE CARANZA EN FOLGA POLO CONVENIO |
| 27/06/2005 |
| O persoal do Hospital Juan Cardona de Caranza permanece hoxe en folga polo convenio colectivo. O comité de empresa considera abusivos os servizos mínimos decretados pola dirección. Afirman que sobrepasan as recomendacións do SERGAS.
Todo o sector da sanidade privada da provincia de A Coruña realiza hoxe un paro reclamando o que denominan como unhas condicións de traballo dignas. Afirman que os seus salarios son a metade, pero deben traballar entre 200 e 300 horas máis que na sanidade pública. O persoal do Hospital de Caranza concentraráse ás seis desta tarde diante das portas do centro para amosar o seu apoio a estas reivindicacións. |
| |
| DUAS EMPRESAS CONFIRMAN O SEU INTERESE POR INSTALARSE EN VILAR DO COLO |
| 24/06/2005 |
| Unha empresa de impresión e outra de distribución confirmaron esta mañá o seu interese para instalarse no parque empresarial de Vilar do Colo. Os representantes do grupo empresarial entrevistáronse co alcalde de Fene Xose Maria Rivera e coa alcaldesa de Cabanas Modesta Anca.
Comezarán as obras en outubro e queren iniciar a actividade no vindeiro ano 2006. As duas empresas formalizaron xa as súas opcións de compra de parcelas. Unha delas ocupará unha de 21.000 metros cadrados en Cabanas con 50 empregos directos. A outra instalaráse en 33.000 metros cadrados de Fene con 150 postos de traballo. Estas iniciativas practicamente completan a segunda fase de Vilar do Colo, e evidencia a necesidade de acometer con carácter inmediato a terceira fase da superficie industrial, segundo Rivera Arnoso. |
| |
| O COLEXIO DE SAN VALENTIN EDITA O XUNQUIÑO |
| 23/06/2005 |
| “A vida é unha escola na que sempre se pode aprender. Conviría que aprenderamos dos nosos erros para mellorar no futuro, no canto de lamentarnos polos fracasos.”
Afírmase así no editorial da revista “O Xunquiño” que mañá venres repartirá entre alumnos e alumnas, o Colexio Público Integrado A Xunqueira de San Valentín en Fene. Na publicación explícase tamén a actividade dos pendóns que se elaboran no centro co gallo do Dia das Letras Galegas. Cada aula elabora un pendón conmemorativo do escritor homenaxeado e do espirito da xornada. Os pendóns teñen unhas dimensións dun metro por dous, e para a súa confección utilízanse diversas técnicas, con ceras, témpera e collage.
Os traballos ademais de lembrar a nosa esencia galega, poñen a proba a creatividade dos alumnos e o seu afán por colaborar no labor común do colexio. O XUNQUIÑO, con colaboracións de numerosos alumnos e coa explicación das actividades do Colexio A Xunqueira de San Valentín. Mañá venres repartiráse aos estudiantes deste centro educativo. |
| |
| O MUSEO DO HUMOR DE FENE A BARCELONA |
| 22/06/2005 |
| “Vinte anos de experiencia do Museo do Humor de Fene”. Será ese o título da conferencia que impartirá este sábado en Barcelona o director do Museo Xaquín Marín. O prestixioso humorista participará no Gran Encontro de Galegos do Mundo, organizado pola Asociación de Empresarios Galegos de Barcelona e Madrid.
Esta entidade organiza nas instalacións do Forum de Barcelona o que pretende ser un gran escaparate de Galicia. A través de exposicións, conferencias, e diferenes stands queren amosar a realidade actual da comunidade autónoma. Ademais proxectan convertir o evento nun punto de encontro da emigración. Gran Encontro de Galegos do Mundo. Este venres, sábado e domingo no Forum de Barcelona. Alí acudirá o Museo do Humor de Fene representado polo seu director Xaquín Marín. |
| |
| LUMEIRADA DE SAN XOAN, QUE NON ME TRABE COBRA NEN CAN |
| 21/06/2005 |
| “Lumeirada de San Xoan, que non me trabe cobra nen can”. Débese dicir tres veces antes de saltar a fogueira. Ese é un dos sistemas para espantar os malos agoiros, segundo a tradición popular.
Pasado mañá xoves, na noite de San Xoan, por Ferrolterra, por toda Galicia prenderánse numerosas lumeiradas, fogueiras ou cacharelas. É a noite máis máxica do ano. Coincide co solsticio de veran, o dia máis longo do ano, a partir do cal os dias comezan a debecer. En Fene a Asociación de Viciños de Perlío organiza para a noite do San Xoan unha gran churrascada na Praza da Escola. En Maniños a Sociedade O Pote prepara a tradicional sardiñada.
A parróquia de San Xoan de Piñeiro en Mugardos celebra tamén nestes dias as súas festas patronais. O xoves a partir das oito da tarde programan unha gran sardiñada amenizada musicalmente polo duo Skay. O venres amenizará a verbena a orquestra Xuntanza, mentres que o sábado tocarálle ese papel aos Vegas.
Tamén a asociación veciñal de Esteiro “Fontelonga” e a Sociedade San Carlos organiza unha tradicional lumieira. Na carpa instalada na Rua San Ramón as duas entidades servirán unha sardiñada, pasado mañá xoves. |
| |
| MUGARDOS, EXCEPCION ELECTORAL EN FERROLTERRA E GALICIA |
| 20/06/2005 |
| Ferrolterra igual que Galicia. Salvo excepcións locais o comportamento electoral na comarca amosa as mesmas tendencias que no conxunto de Galicia. O Partido Popular perde apoios, o PSOE medra e o BNG descende con respecto ás últimas eleccións autonómicas.
Nos 7 municipios que forman a Mancomunidade o Partido Popular logrou nas eleccións de onte domingo un total de 31922 votos, por 25.229 dos socialistas e 15544 dos nacionalistas. Esquerda Unida logrou 2466 papeletas fronte ás 1579 que colleitara no 2001. Quizais as únicas excepcións a estas grandes tendencias, uniformes en toda a comarca, atopámolas en Mugardos. Alí o BNG medra en apoio electoral e consigue 870 votos fronte aos 867 de hai catro anos. Esquerda Unida, tamén en contra do que sucede no resto da comarca, baixa dos 219 do 2001 aos 115 de onte domingo. Unha explicación, hai catro anos a cabeza de lista de Esquerda Unida era a concelleira mugardesa Pilar Diaz. |
| |
| REALIZADA A AUTOPSIA A NENA FALECIDA EN NARON |
| 19/06/2005 |
| O segredo sumarial continua a rodear o espeluznante suceso acaecido onte en Narón. A autopsia do corpo da nena de dous anos rematou arredor das doce e media do mediodia. Os forenses non elaboraron ainda o seu informe que entregarán previsiblemente ao xuiz esta tarde ou a primeiras horas de mañá luns. Tamén a Policia de Ferrol conta con poñer aos dous detidos mañá luns a disposición xudicial. O xuiz previsiblemente decretará o seu ingreso en prisión.
Permanecen detidos a nai da pequena, nacida en Colombia en 1978. Conta xa que logo con 27 anos de idade. O seu compañeiro sentimental naceu en Narón hai 24 anos. Os dous residian na Rua Vespasante, na zona de Piñeiros.
A nena de dous anos morreu tras sofrir unha presunta agresión sexual en Narón. A pequena chegou ao hospital público de Ferrol en situación preagónica e con magulladuras en todo o corpo. Recapitulamos cómo aconteceron os feitos:
As cinco e dez da tarde de onte un home entrou no servizo de urxencias do centro de saude de Narón coa nena. A vista do seu estado, a doutora enviouna inmediatamente ao Arquitecto Marcide, onde nada puideron facer porque entrou en parada cardio- respiratoria. Ante a presencia de moratóns en todo o corpo e dun forte desgarro na zona anal, os facultativos puxeron o asunto en coñecemento do xuiz de garda. O maxistrado ordenou a inmediata detención da nai da nena e do seu compañeiro sentimental como presuntos responsabeis da morte da rapaza. Decretou o segredo sumarial. Esta mañá os médicos forenses realizáronlle a autopsia ao corpo da rapaza para coñecer as causas da morte. Esta tarde ou mañá redactarán o seu informe que entregarán ao xuiz que instruie as correspondentes dilixencias. O suceso causou verdadeira consternación en toda Ferrolterra. |
| |
| FESTA MADRUGADORA DE ESQUERDA UNIDA |
| 19/06/2005 |
| As candidaturas que concorren ás eleccións autonómicas convocan aos seus militantes, interventores e simpatizantes a partir das oito da tarde nos seus locais ou en hoteis. Seguense os resultados e organízanse festas improvisadas para dar renda solta á ledicia dos gañadores, ou consolar aos seguidores dos que non cumpran as expectativas. Especialmente madrugadora amósase neste terreo, Esquerda Unida de Fene. Esta organización ofrecerá un pincho aos seus interventores, militantes e simpatizantes ás doce do mediodia nun establecemento de hostelería da localidade. A ledicia e a camaradería de seguro que presidirán ese encontro coa esperanza dun bo resultado para esta formación. |
| |
| O POLBO EN VEDA E A SARDIÑA POLAS NUBES |
| 18/06/2005 |
| A veda do polbo decretada pola Consellería de Pesca non provocará desabastecemento, segundo os expertos. A prohibición de pescar polbo nas rias galegas entrou en vigor o pasado xoves e se prolongará en principio ata o 15 de xullo.
Segundo o propietario da pescadería A Greta de Fene, está a chegar ás lonxas de Galicia moito polbo procedente do Norde de Portugal e a bo prezo. Por iso, a pesar da veda, non se producirá desabastecemento.
O polbo portugués fresco ten escasas diferencias co pescado na costa de Galicia. Ofrece características moi similares. Ademais a demanda cubriráse tamén con cefalópodo conxelado, ao que xa acuden con frecuencia establecementos de hosteleria e cidadáns particulares.
En canto ao prezo, esta semana o quilo do polbo fresco galego oscilou entre os 8,50 e os 10 euros, dependendo do tamaño. O que si variará moito será o prezo da sardiña na vindeira semana. Conforme se achegue o San Xoan, dispararáse a cotización do prezado peixe. A comezos desta semana vendíase en lonxa a 60 euros a caixa de sardiñas das Rias Baixas e a 70 a das Rias Altas. |
| |
| ESPECIAL ELECCIONS DE RADIO FENE |
| 17/06/2005 |
| Radio Fene realizará un programa especial de seguemento da xornada das eleccións autonómicas do 19 de xuño en Galicia. Dende as 10 da mañá, elaboraremos un espacio con música e conexións en directo cos colexios electorais de Ferrolterra. Xa despois das oito da tarde, ofreceremos resultados dos sondeos realizados a pé de urna, tamén do reconto das 100 primeiras papeletas e dos resultados globais, segundo se vaian coñecendo. Igualmente contaremos con valoracións dos dirixentes políticos da comarca. Iránse volcando nesta páxina web os resultados das eleccións e as crónicas da xornada. |
| |
| O FARMACEUTICO TEODOMIRO HIDALGO RECOMENDA UTILIZAR GAFAS DE SOL |
| 16/06/2005 |
| Convertir as farmacias en espácios de saúde. Ese é o obxectivo do Colexio Oficial de Farmaceúticos da Coruña con distintas campañas que levan adiante nos últimos meses. Coas suas iniciativas pretenden, por exemplo, na primavera combater as alerxias, e agora no verán insistir na necesidade de protexernos do sol.
O boticario de Fene Teodomiro Hidalgo forma parte da xunta directiva do Colexio Oficial de Farmaceúticos da Coruña. Queren convertir as 504 oficinas de farmacia da provincia en axentes de promoción da saúde. Así por exemplo, entre a primavera e o verán, é a época do ano onde o organismo está máis vulnerable ás alerxias, as respostas esaxeradas do noso sistema defensivo a calquera elemento exterior ou sustancia extrana. E de cara á época veraniega que se achega, os farmaceúticos insisten na necesidade de protexernos do sol. Elexir o indice de protección adecuado a cada tipo de pel, e aplicarse o fotoprotector antes de sair da casa son alguns dos seus consellos. Chámanlle á campaña FARMASOL. |
| |
| O CANCRO DE MAMA CURASE NO 80% DOS CASOS, SEGUNDO FRANCISCO VIZOSO |
| 15/06/2005 |
| O cancro de mama cúrase hoxe no oitenta por cento dos casos. Afirmao así o doutor Francisco Vizoso, nacido en Fene, e ciruxano na actualidade no Hospital de Xove en Asturias. O médico leu a pasada semana o discurso de ingreso na Real Academia de Medicina do Principado de Asturias.
O citado discurso denomínase “La mano del hombre contra un caos biológico. Reflexión histórica y filosófica sobre la cirugia del cáncer de mama”. O cancro de mama é a primeira causa de morte entre as mulleres de menos de cincuenta anos, segundo declaraba a Radio Fene en 1997 o doutor Francisco Vizoso. O médico explicaba que nas que superan esa idade xa se observa unha maior mortalidade por doenzas cardiovasculares.
A entrada do doutor Francisco Vizoso na Real Academia de Medicina do Principado de Asturias supón un refrendo á súa brilante carreira profisional. Francisco Vizoso naceu en Fene, en Maniños en 1959. Estudiou Medicina en Santiago de Compostela e dende 1985 exerce a ciruxia en hospitais asturianos. |
| |
| AUTOMOBILES DE EPOCA CONCENTRANSE EN MANIÑOS |
| 14/06/2005 |
| Máis de 50 automóbiles dos anos 30, 40 e 50 concentraránse en Maniños o domingo 26 de xuño. A entidade organizadora, a Sociedade Cultural O Pote, espera que nesa xornada se acheguen a esta parróquia de Fene coches de época de toda Galicia, segundo os contactos que xa iniciaron con propietarios deste tipo de vehiculos. Na mesma xornada, O Pote ofrecerá unha degustación de ás de polo e pementos do Couto, amenizada polo grupo de gaitas Lembranzas do Condado de Doniños. A xuntanza comezará as 12 do mediodia e a degustación a prezos populares serviráse dende a unha do mediodia. |
| |
| EU SON TOURIÑO, E NON QUITO O LUAR AFIRMA CARLOS BLANCO EN FENE |
| 13/06/2005 |
|
Carlos Blanco co seu espectáculo “Contando baixiño” puxo o colofón a unha nova edición das Xornadas do Humor de Fene na tarde de onte na Casa da Cultura. O showman repasou a actualidade política e social de Galicia e reparteu críticas e ironías para todas as candidaturas que concurren ás eleccións autonómicas. Tamén censurou á TVG (chamoulle a Televisión dos Vellos de Galicia) e pediulle ao dirixente do PSOE Pérez Touriño -no caso de chegar á presidencia da Xunta- a retirada do Supermartes, pero que manteña ao LUAR .
Antes o Museo do Humor de Fene entregou os premios Curuxa ao debuxante Armando Salas, ao grego Michael Koundouris e ao Colexio de Arquitectos de Galicia polo proxecto Terra. O Museo dirixido por Xaquín Marín decidiu non entregar de momento a Curuxa do Barro. |
| |
| COMEZAN AS XORNADAS DO HUMOR DE FENE |
| 10/06/2005 |
| O debuxo gañador do Premio Curuxa realizouse con gran perfección técnica, segundo o director do Museo do Humor de Fene Xaquín Marín. O grego Michael Countouris, o ferrolán Armando Salas e o proxecto Terra do Colexio de Arquitectos recibirán os galardóns outorgados anualmente polo Museo.
Mañá sábado comezan as Xornadas do Humor de Fene. Como é tradicional, xa nestas últimas edicións programanse actividades para a tarde de mañá sábado e tamén para o domingo. Este dia entregaránse os Premios Curuxa que este ano irán para Grecia. As Xornadas do Humor comezarán mañá sábado ás 17,30 horas coa realización de caricaturas ás persoas interesadas por parte de debuxantes de sona. Logo, ás sete e media da tarde na Casa da Cultura de Fene actuará o grupo musical “Os Fabulosos Cubatas dos Focking Brothers”. |
| |
| COMEZA EN NARON O MELLOR RALLYE DE GALICIA |
| 09/06/2005 |
| Comeza o mellor rallye de Galicia coas verificacións técnicas e administrativas, que se celebrarán mañán venres. O XVIII Rallye Cidade de Narón Grupo Unisa congregará ós mellores pilotos de Galicia que loitan polo Campionato Galego de Rallyes. A proba contará con catro tramos que se pasarán duas veces, dende primeiras horas da mañá do sábado. A carreira transcurre polos Concellos de Narón, As Pontes. As Somozas, San Sadurniño e A Capela. A organización da escuderia Siroco Team contará con dous parques de agrupamento con saída e chegada no centro comercial Odeón da Gándara. A organización xa pechou o prazo de inscripción e un total de 128 pilotos competirán no Rallye naronés. Correrá o campión Manuel Senra ós mandos dun Peugeot 306 kit Car. Tamén participará José Miguel Martínez Barreiro (Bamarti) co seu Peugeot 306 Kit Car. O terceiro en discordia para o podium é, segundo todos os pronósticos, o coruñés Roberto Blach co seu Seat Córdoba WRC. Os afeccionados estarán tamén pendentes dos pilotos da comarca Juan Costoya co seu Ford Sierra Cosworth, Julio Doce co seu Mitsubishi Lancer Evo VI ou Alberto Meira co seu Mitsubishi Evo VIII. A Federación Galega de Automobilismo acordou conceder a máxima puntuación a este rallye, coeficiente 8, puntuable para o campionato galego. A proba principiará o sábado ás oito e media da mañá. |
| |
| XOGADORES DO RACING SUBEN A PASARELA EN CARANZA |
| 08/06/2005 |
| Xogadores do Racing de Ferrol participarán mañá xoves nun Desfile de Modelos no Centro Cívico de Caranza. Comezan asía os actos da Festa da Muller, organizada pola Asociación de Mulleres deste barrio ferrolán. Haberá tamén unha exhibición de tai - chi, actuación do grupo de teatro ti e mais eu e da coral Eixil de Cedeira e Sonidos del Alba. Os actos comezarán mañá xoves ás sete e media da tarde e se prolongarán o venres e o sábado. |
| |
| MEDIO AMBIENTE INFORMA FAVORABLEMENTE A CENTRAL DE CICLO COMBINADO |
| 07/06/2005 |
| O Goberno autoriza a construcción da central de ciclo combinado de As Pontes. Segundo anunciou esta mañá en roda de prensa en Ferrol o deputado socialista Xabier Carro, mañá o Boletín Oficial do Estado publicará o estudo de impacto ambiental sobre a citada instalación. A citada publicación era un requisito previo para o inicio da construcción. Duro Felguera e a multinacional estadounidense General Electric encargaráse da construcción da nova central electrica que combinará o gas e o carbón. A potencia da nova instalación alcanzará os 815 megawatios e entrará en funcionamento no 2008. Mañá o BOE publicará o informe favorable emitido polo Ministerio de Medio Ambiente, segundo adiantou esta mañá en Ferrol o parlamentario do PSOE Xavier Carro. |
| |
| FABULOSOS CUBATAS NAS XORNADAS DO HUMOR DE FENE |
| 06/06/2005 |
| O grupo humorístico-musical “Fabulosos Cubatas de Focking Brothers” actuarán este sábado en Fene. Ofrecerán o seu espectáculo ás sete e media da tarde do sábado na Casa da Cultura, no marco das decimoseptimas Xornadas organizadas polo Museo do Humor de Fene.
O domingo no segundo dia das Xornadas do Humor, actuará en Fene o showman Carlos Blanco, co espectáculo “Contando baixiño”. Ese mesmo dia entregaránse os Premios Curuxa. Dende o sábado abriráse a exposición Curuxas 2005, con debuxos de todo o mundo seleccionados entre os 250 que dende 43 paises optaron á Curuxa Gráfica. |
| |
| CELEBRAN O DIA MUNDIAL DO MEDIO AMBIENTE |
| 05/06/2005 |
| Máis de 500 persoas acudiron este mediodia ao peirao de Curuxeiras en Ferrol para realizar unha ofrenda floral ao mar, coincidindo coa celebración o 5 de xuño do Dia Mundial do Medio Ambiente. O comité cidadán de emerxencia, convocante do acto, sinala que a ria de Ferrolterra ten unha gran potencialidade de riqueza natural, turística e de emprego que non se está aproveitando . O comité reclama o saneamento integral dos verquidos industriais e urbanos, e o traslado para Caneliñas da planta de gas que se está a construir en Mugardos. Segundo os cálculos deste organismo, a ria podería dispoñer de 10 quilómetros cadrados de superficie productiva con 7.000 toneladas anuais de cultivos intermareais, criación de 2.400 empregos de marisqueo e unha facturación anual de 35 millóns de euros. |
| |
| O PRODIGASA BOANDANZA ALZASE COA COPA AUTONOMICA |
| 05/06/2005 |
| O PRODIGASA BOANDANZA alzouse coa Copa da categoría Autonómica Norde de fútbol sala tras vencer por un tanteo de 8 a 3 ao Narón O Freixo en partido disputado no polideportivo de Betanzos. O conxunto naronés adiantouse no marcador, pero o equipo adestrado por Ernesto Vidal remontou con rapidez e situouse cun tanteo de 3 a 1 ao chegar ao descanso. O Prodigasa controlou o partido na segunda metade e en ningún momento veu perigar a súa superioridade no marcador. Os rapaces do conxunto filial do Boandanza recibiron ao remate o aplauso do público que os acompañou no seu desprazamento a Betanzos na tarde do sábado. |
| |
| PALOMA SUANCES EN NARON, CEMPÉS EN FERROL E BRUYAH EN SAN SADURNIÑO |
| 03/06/2005 |
| Moita música anunciase para esta noite en Ferrolterra. Os Cempés ofrecen un concerto de música folc na sala West Saloon, ubicada na estación do trén de Ferrol. A partir das once da noite presentan o seu disco recopilatorio “Once anos”. Tamén esta noite a cantautora Paloma Suances ofrece concerto no Pub Doce Notas de Narón. E para os amigos do rock clásico, o hip hop ou o metal máis contundente, o grupo ourensan Bruyah actua no Pub Dzine de San Sadurniño. |
| |
| NAVANTIA PARA A SUA ACTIVIDADE POLA SEGURIDADE LABORAL |
| 02/06/2005 |
| Navantia parará mañá venres duas horas en demanda dunha maior seguridade laboral. O comité de empresa convoca á folga dende as once da mañá e ata a unha do mediodia, ante o accidente mortal acaecido onte nunha firma auxiliar do sector naval en Vigo. O órgano laboral insiste na necesidade de responder á repetición macabra de mortes de traballadores. Afirman non aceitar pasivamente estes acontecementos como algo rutinario e inevitable. Os sindicatos reclaman máis responsabilidade da administración, da xustiza e dos empresarios. Manifestan que algunhas empresas se aproveitan da precariedade, e da sobre explotación para enriquecerse a costa de por en perigo as vidas dos traballadores e traballadoras. |
| |
| MAIS DE CATRO MIL PERSOAS ASISTIRAN A II CONCENTRACION TUNING NA MALATA |
| 01/06/2005 |
| A segunda concentración Tuning Ferrol inclue actividades de automodelismo. A partir das cinco e media da tarde do sábado na explanada principal da Feira de Mostras realizaráse unha exhibición en “Pista mini zeta”. As demostracións continuarán o domingo dende as 11 da mañá nos pavillóns onde se realizará a concentración.
O evento concentrará en Punta Arnela perto de un cento de vehiculos con diferentes complementos e aparellos de son. Os automóbiles optarán a máis de 25 trofeos establecidos pola organización. Tamén se prepara unha zona de exposición comercial con distribuidores da comarca. A Segunda Concentración Tuning Ferrol abrirá o sábado ás once da mañá e as catro e media da tarde. O domingo poderáse entrar no mesmo horario abonando unha entrada de tres euros. Organiza a asociación Eventi Narón. |
| |
| OS FERROLANS PIONEIROS NA TELEGRAFIA SEN FIOS, FORA DE FERROL |
| 31/05/2005 |
| Os ferroláns, pioneiros na telegrafía sen fios, fora de Ferrol. Non hai profeta na súa terra. Quizais o refrán sexa moi aplicable en Ferrolterra, onde a escasez de oportunidades económicas e empresariais, empuxa á fuga de cerebros. Xa sucedía así hai cen anos á luz do que acontecia daquela coas denominadas novas tecnoloxias. Vexamos a que nos referimos:
O 5 de maio de 1905 inaugurouse a primeira estación de telegrafia sen fios de Galicia , e a segunda de España. Era de iniciativa particular, xa que se abreu para o servizo do Diario de Ferrol. Quizais o máis curioso do caso, resida na ubicación da estación. O “centro de comunicacións” abreuse no barrio de Orillamar da Coruña, nunha ruela situada entre as ruas San Xoan, San Xosé, San Lorenzo e San Vicente de Paul. Precisamente a via chámase Rúa Marconi, en homenaxe ao italiano que patentou en 1897 a telegrafia sen fios, aludindo dese xeito á estación impulsada polo Diario de Ferrol. |
| |
| UN VIVEIRO DE SAN SADURNIÑO, PREMIADO NA SEMANA VERDE |
| 30/05/2005 |
| O mércores 15 de xuño a explotación Viveiros Flor Galicia de San Sadurniño recibirá un accésit do Premio Dia Internacional do Agricultor, galardón outorgado pola Semana Verde ao mellor proxecto agropecuario de Asturias, Galicia e Portugal. Viveiros Flor Galicia, propiedade de Silvia Cafaro e Leandro Campanin, ten unha superficie de 10.000 metros cadrados, dos cales 6.600 son de invernadeiro, no que se cultivan plantas anuais e bianuais ornamentais.
Esta explotación, que pertence a Aspronaga e Plan Plus, da traballo a 7 persoas. En total 108 explotacións presentaron os seus proxectos ao Premio Dia Internacional do Agricultor. A entrega dos galardóns realizaráse o 15 de xuño coincidindo coa inauguración da Feira Internacional Semana Verde de Galicia en Silleda. |
| |
| UN DEBUXO SOBRE O QUIXOTE GAÑA O PREMIO CURUXA |
| 27/05/2005 |
| Un debuxo sobre o Quixote e os muiños de vento, elaborado polo deseñador grego Michael Kountouris alzouse co Premio Curuxa 2005 que outorga o Museo do Humor de Fene. A entidade dirixida por Xaquín Marín entregarálle tamén a Curuxa de Honra ao debuxante ferrolán Armando Salas. O premio aos medios de comunicación foi para o Colexio de Arquitectos de Galicia polo denominado proxecto TERRA. Os galardóns entregaránse no marco das Xornadas do Humor previstas para o sábado 11 de xuño en Fene. |
| |
| O NOVO TALANTE CHEGA AO PSOE DE FENE |
| 26/05/2005 |
| Poderíase dicir que o “novo talante” chegou ao PSOE de Fene. O voceiro socialista Jorge Yañez confirmou a súa disposición a permitir a aprobación do Presuposto municipal do presente exercicio. Os cinco ediles socialistas absteránse na citada sesión plenaria o que facilitará que vaian adiante as contas da Corporación, co apoio dos sete concelleiros do BNG e do representante de Esquerda Unida. As 4 representantes do PP votarán en contra. Tras cumprirse dous anos dende as pasadas eleccións municipais, o PSOE apunta os retos para a Corporación de Fene no futuro máis inmediato: Realizar unha boa xestión dos recursos económicos, axilizar a colaboración doutras administracións e lograr un equilibrio entre os servicios e recursos das parróquias. |
| |
| DESATASE UN INCENDIO NA FACTORIA DE MEGASA EN NARON |
| 24/05/2005 |
| Arde Megasa. Un incendio de considerables proporcións desatouse esta madrugada na factoria siderurxica de Narón. Os bombeiros traballan ainda a esta hora na extinción do lume que só provocou danos materiais. A esta hora o lume está controlado segundo informan fontes do servicio contraincendios. As lapas iniciáronse nun almacen de chatarra arredor da unha e media da madrugada. A rápida intervención dos bombeiros de Ferrol impediu que se propagaran as lapas a outras dependencias da factoria. A fumareda divísase a esta hora dende boa parte da comarca. |
| |
| CHINA TAMEN COMPITE EN VESTIARIO DE SEGURIDADE E HIXIENE |
| 24/05/2005 |
| Os productos textís procedentes de China tamén compiten no terreo do vestiario de seguridade e hixiene. Segundo denuncia a ASEPAL, Asociación de Empresas de Equipos de Protección Persoal., a lexislación española non está preparada para facer fronte a este tipo de vestimenta non homologada, pero moito máis económica polos reducidos custes salariais. A citada entidade denuncia que non se inmoviliza unha prenda que carece de certificación, nen se retira do circuito comercial. O inspector de Traballo, cando detecta unha irregularidade na vestimenta, somentes levanta acta da existencia dun equipo non homologado. Esa situación provoca unha desprotección dos traballadores, segundo ASEPAL, un tema de candente actualidade, tras o sinistro acontecido en Navantia Ferrol dias atrás. A entidade tamén demanda unha unificación na Unión Europea dos criterios utilizados para homologar e certificar a vestimenta de seguridade. A Asociación demanda aos Ministerios de Industria e Traballo, Plans de detección, inmovilización e retirada do circuito comercial dos productos non homologados. |
| |
| FERNANDEZ DE LA VEGA ASISTE A CONSTITUCION DO GRUPO IMPULSOR DO PLAN FERROL |
| 23/05/2005 |
| “Ferrolterra non pode seguir dependendo indefinidamente dunha caseque única fonte de riqueza, como son hoxe os estaleiros. Pero Navantia, debe servir como plataforma firme dende a que proxectar un novo futuro”. Son palabras da vicepresidenta do goberno Teresa Fernandez de la Vega que acudiu esta mañá a Ferrol e participou nunha reunión con representantes empresariais, de Comisións Obreiras e da UXT. Fernandez de la Vega explicou o encargo da quinta fragata para a Armada española, aprobado no Consello de Ministros do pasado venres. Segundo anunciou a vicepresidenta, a Fundación Ferrol Metrópoli variará os seus Estatutos, para transformarse en Grupo Impulsor do Plan Ferrol. A vicepresidenta reiterou o compromiso de impulsar a reindustrialización con partidas concretas nos Presupostos do Estado do 2006. |
| |
| O MUSEO DA NATUREZA DE FERROL, EN OBRAS |
| 23/05/2005 |
| Luras, martelos, tartarugas e serras. O museo da natureza de Ferrol está en obras. A institución xestionada pola Sociedade Galega de Historia Natural recibiu estes dias, a operarios enviados polo Concello de Ferrol para realizar amaños de urxencia, en zonas nas que o piso se caia literalmente por efecto da humidade.
Tartarugas, un calamar xigante, focas, caldeiróns, esqueletes de cachalotes, paxaros e armadillos son algunhas das curiosidades que se poden contemplar no Museo aberto na Rúa Méndez Nuñez de Ferrol. Ubicase nun edificio practicamente en ruinas, no antigo Hospicio que o Concello ferrolán quere rehabilitar para ubicar alí a Fundación para o desenvolvemento comarcal.
A Sociedade Galega de Historia Natural de Ferrol ademais de xestionar, abrir, coidar e atender o Museo da Natureza, tamén colabora na Coordenadora para o Estudo de Mamíferos Mariños. Por iso, cando na costa galega dende Ribadeo ata Malpica, aparece algunha tartaruga, golfiño, foca ou cetáceo vivo, os servicios de emerxencia chaman ao persoal da Sociedade Galega de Historia Natural que acude coa pretensión de curalos para que poidan volver ao mar. Teñen limites para a recuperación, xa que é complicado manexar animais de máis de 3 metros e uns 400 quilos de peso que a veces aparecen varados na costa. Se os ecoloxistas logran recuperar o animal, trasladase ao acuario do Grove, antes de retornalo ao seu habitat natural. O Museo da Natureza de Ferrol exhibe con fachenda carteis que indican que os animais mortos que se poden contemplar nas súas instalacións, proceden de accidentes ou foron atopados xa sen vida. Non se matou a ningún animal para a súa exposición. |
| |
| A PARROQUIA DE BARALLOBRE, NA REDE |
| 20/05/2005 |
| Barallobre na rede. A parróquia de Barallobre conta xa con páxina en Internet. Na dirección www.archicompostela.org/barallobre ofrécese ampla información sobre a sede parroquial que rexe Don Elias Seoane. Un fermoso deseño do debuxante Xaquín Marín sorprende ao internauta ao acceder á páxina web da igrexa parroquial de Barallobre. Nas diferentes ventás deste sitio en Internet pódense consultar todas as follas parroquiais do arciprestazgo de Bezoucos, as vodas de ouro, fotografias da parróquia e as palabras do Papa e do bispo da diocese. As festas parroquiais, imaxes das igrexas da zona, e a canción do Sol Gaiteiro interpretada polos Segreles ocupan outros apartados desta páxina de Internet. Os nosos parabéns para o deseñador da páxina Raul Casal Lantes. Tamén por suposto, para o párroco de Barallobre Don Elias Seoane, sempre atento as novas tecnoloxias para divulgar a mensaxe da cristiandade. |
| |
| REFLEXION SOBRE A COOPERACION CON NICARAGUA |
| 19/05/2005 |
| A presidenta do Instituto de Promoción Humana de Nicaragua Gladys Cáceres visitará Ferrol o vindeiro martes para participar na Xornada de Avaliación organizada polo Fondo Galego de Cooperación e Solidaridade. Ao longo de distintas ponencias, intentaráse reflexionar sobre o labor impulsado polo Fondo nos últimos anos no pais centroamericano.
Con ese traballo preténdese fortalecer o poder local nicaragüense e fomentar a participación das comunidades de base e das mulleres nos procesos de decisión. O Fondo Galego de Cooperación e Solidariedade é unha institución creada por distintos Concellos galegos para agrupar as súas actividades de cooperación para o desenvolvemento. A xornada celebraráse o martes dia 24 dende as 10 da mañá na Casa do Concello de Ferrol, e está aberta á participación de representantes políticos, sindicais e de cidadáns interesados en materia de cooperación. |
| |
| UN DIALOGO CO MUNDO DESDE A NOSA IDENTIDADE CULTURAL |
| 18/05/2005 |
|
“Porque neste pequeño pais de Europa somos moitos os que queremos seguir sendo galegos, moitos os que desexamos seguir dialogando co mundo desde a nosa identidade cultural”. Reza así un fragmento do Manifesto elaborado pola Asociación de Viciños da Cidade Vella da Coruña co gallo do Dia das Letras Galegas. A entidade organizou un fermoso cortexo cívico polas rúas do casco vello da cidade herculina. Realizáronse paradas en casas emblemáticas da cidade. Oiuse a voz de Mercedes Peon recitando os versos de Lorenzo Varela adicados a Maria Pita. O artista e deseñador de Pontedeume Pepe Barro animou esta festa da cultura, unha festa laica e lúdica en palabras do presidente da Real Academia Galega Xose Ramón Barreiro. |
| |
| CUNHA SOGRA NA CASA, BASTA REPRESENTASE MAÑA EN MANIÑOS |
| 18/05/2005 |
| O grupo de teatro de Magalofes representa mañá xoves en Maniños a obra “Con unha sogra na casa, basta” dirixida por Maria Teresa Rey. Comezará o acto ás oito e media da tarde dentro da programación cultural elaborada pola Sociedade O Pote para esta semana das Letras Galegas. A entidade de Maniños entregoulle na tarde de onte unha insignia de recoñecemento a Xose Pena, quen foi durante moitos anos presidente do Pote. Asimesmo Ernesto López Naveiras realizou un repaso polo labor das entidades creadas por emigrantes galegos para a construcción de escolas nos primeiros anos do século vinte.
Tamén no Dia das Letras Galegas, o profesor da Universidade da Coruña Xose María Dobarro realizou un repaso pola vida e a obra de Lorenzo Varela. Destacou do escritor de Monterroso o compromiso co seu tempo e co seu pais.O Circulo de Fene tamén lle entregou a súa insignia de prata aos 18 socios que cumpliron xa cincuenta anos de pertenencia á entidade. |
| |
| XOSE MARIA DOBARRO DISERTA NO CIRCULO DE FENE |
| 16/05/2005 |
| O profesor da Universidade da Coruña Xose María Dobarro disertará sobre a obra e a vida de Lorenzo Varela nos locais do Circulo Mercantil e Industrial Unidade de Fene. A charla de Dobarro comezará mañá martes ás oito da tarde, e servirá para conmemorar o Dia das Letras Galegas na entidade de San Paio. |
| |
| CAMPEONATO DE SUPERCROSS O 28 DE MAIO NA CAPELA |
| 16/05/2005 |
| O campeonato galego de supercross empezará na Capela o sábado 28 de maio. Os mellores pilotos de Galicia como Román Pérez, Aaron Bernardez e Adrián Garrido daránse cita no circuito habilitado en Vilar de Mouros.
A carreira da Capela abrirá o campeonato galego de supercross deste ano, e ese mesmo circuito acollerá a última proba valedeira para o titulo o 13 de agosto. As pistas inauguráronse en xuño do pasado ano e neste exercicio acollerá a primeira e a última carreira puntuable para o campeonato galego, o que supoñerá a posta de longo do circuito Román Pérez. O sábado 28 de maio pola mañá celebraránse os entrenos e dende as catro da tarde comezarán as mangas da carreira. Numerosos afeizoados do motociclismo acudirán ese dia á Capela. |
| |
| PIONEIROS DO BOOKCROSSING EN 1934 |
| 14/05/2005 |
| Bookcrossing en 1934. O vindeiro martes celébrase o Dia das Letras Galegas. Ao fio desa celebración, en numerosas vilas e cidades fálase do “Bookcrossing”, esa práctica que consiste en deixar libros en bancos, prazas e ruas para que alguén os colla e os lea. Preténdese así que os libros circulen e que o lector ocasional volva a deixar tamén o volume para que continue en circuito.
Pois ben, hai 70 anos, en Fene xa se facia “bookcrossing”. No Monumento ao Camiñante Descoñecido inaugurado o primeiro de xullo de 1934 habilitouse unha pequena vitrina a xeito de biblioteca ao ar libre. As persoas que acuden a sentarse aos bancos do monumento poden dispoñer dos libros alí depositados. Antón Vilar Ponte e Ramón Otero Pedraio foron os dirixentes galeguistas convidados naquela data a falar na inauguración do monumento impulsado polo xornalista Alfonso Piñón. O monumento pódese visitar á beira da estrada da Palma que comunica Fene con Mugardos, ao seu paso pola parróquia de Barallobre en Fene (A Coruña). Alí erguese este monumento onde cada banco se adica a un persoeiro da cultura galega. O propio conxunto é tamén unha homenaxe ao ecoloxismo, ao coidado polo medio ambiente, ao respeto do entorno, segundo se reflexa no manifesto fundacional. |
| |
| NON IMOS PARAR ATA QUE SE ESCLAREZA O ACCIDENTE AFIRMAN OS SINDICATOS |
| 13/05/2005 |
| Non imos parar ata que se esclarezan as circunstancias deste accidente, afirmou esta mañá en Ferrol o secretario xeral de Comisións Obreiras Jose Maria Fidalgo. O sindicalista indicou que Comisións pedirá castigo aos responsabeis, sexan persoas xurídicas ou físicas. Fidalgo atribuiu o accidente á nova reconversión naval. Similares impresións trasladaron os restantes sindicatos, e autoridades políticas que acudiron esta mañá a Ferrol. O persoal das empresas contratadas, convertese no eslabón máis feble da cadea de producción, segundo se sinala no manifesto lido este mediodia na Praza de Armas de Ferrol. A comarca demandou esta mañá máis seguridade no traballo cun paro dende as once e media da mañá ata a unha e media do mediodia e cunha concentración multitudinaria que enchía o espacio situado fronte á Casa do Concello da cidade departamental. “Navantia subcontrata unha parte importante do seu traballo, e con iso externaliza os riscos. Como resultado o persoal das empresas contratadas, convertense no eslabón máis feble da cadea de producción, aceptando condicións de traballo que os fixos poden rexeitar. Ademais as subcontratas non teñen debidamente incorporada a prevención de riscos nas súas actividades.”
Reza así un fragmento do comunicado lido este mediodia na Praza de Armas de Ferrol na magna mobilización pola seguridade no traballo e en protesta polo accidente do pasado mércores. Segundo se indica, moitos homes e mulleres de toda a comarca, sumáronse á convocatoria de paro. |
| |
| MOVILIZACION EN FERROL POLA SEGURIDADE LABORAL |
| 13/05/2005 |
| A Praza de Armas de Ferrol acollerá este mediodia unha movilización pola seguridade laboral e en protesta polo fatal accidente acontecido en Navantia o pasado mércores. CCOO, UXT, CIG e USTG convocan esta medida de presión e un paro entre as 11,30 da mañá e as 13,30 do mediodia. |
| |
| O MINISTRO DE INDUSTRIA TRASLADA O PESAME DO GOBERNO AS FAMILIAS |
| 12/05/2005 |
| Aumentar a formación dos traballadores, é a medida necesaria para evitar a repetición de accidentes como o de Navantia. Así o manifestou esta mañá en Ferrol o ministro de Industria Jose Montilla. O membro do executivo trasladoulle a condolencia do goberno ás familias dos catro traballadores falecidos. Visitou ás 11,10 da mañá o tanatorio Artabria onde repousan os restos dos empregados. Montilla entregoulle as familias sendos telegramas de pésame da Casa Real e do Goberno. O titular de Industria sinalou que a investigación en torno ás causas do accidente está en marcha. Recoñeceu o dereito dos sindicatos a solicitar unha auditoria externa, pero indicou que existe un procedemento legal que marca os pasos a seguir diante dun sinistro desas características. |
| |
| LOITO POR DOUS DIAS EN NAVANTIA FERROL |
| 11/05/2005 |
| A asamblea de traballadores de Navantia Ferrol acordou esta mañá paralisar a súa actividade nesta xornada, mañá xoves e o venres, en sinal de condolencia pola morte de catro traballadores en accidente laboral. Segundo as primeiras impresións do comité de empresa, o accidente produciuse ás 7,15 desta mañá cando os tres traballadores de Mainfer ian proceder á limpeza dun tanque da fragata noruega para a posterior entrega e inspección por parte da empresa Veritas. Nese tanque, un espacio confinado, había gas, posiblemente CO 2 que provocou o desvanecemento e a morte dos tres empregados. Os nomes dos falecidos son Eduardo González Val, Juan Carlos del Real Gamundi e Ana Paz Vilariño da empresa de limpeza Mainfer. Tamén resultou morto Jose Luis Veiga Infante de Tecnymo, compañía adicada a mantenemento e calderería, quen ao ver que non saían, acudiu a socorrelos, caendo tamén sen vida. O xuiz de garda decretou o levantamento dos corpos arredor das 11 desta mañá. |
| |
| CATRO MORTOS NUN ACCIDENTE LABORAL EN NAVANTIA FERROL |
| 11/05/2005 |
| Tráxico accidente en Navantia Ferrol. Catro persoas resultaron mortas na fragata que se está a construir para Noruega no estaleiro ferrolán. O accidente acontecía arredor das oito desta mañá.
Segundo as primeiras impresións, faleceron tres empregados da compañía Mayfer e 1 de Tecnimo. Ao parecer a emanación de gases provocou a morte dos catro traballadores. “Caeron como paxariños”, dicianos a primeiras horas desta mañá un membro do comité de empresa. Un tras doutro ian baixando a un dos tanques da fragata, caían desvanecidos e quedaban sen vida no instante. Nestes momentos espérase a chegada do xuiz de garda, para que ordene o levantamento dos cadavres e a confirmación das identidades dos traballadores mortos.
A noticia correu rapidamente por Navantia Ferrol, a producción paralisouse de xeito inmediato e o persoal do estaleiro e das compañias auxiliares concentraronse na grada. A expectación e a estupefacción son os sentimentos que embargan ao plantel do estaleiro ferrolán. |
| |
| A XUNTA DE GALICIA DEBE COMPROMETERSE CO SECTOR NAVAL, SEGUNDO ANXO QUINTANA |
| 10/05/2005 |
| A Xunta de Galicia debe comprometerse na potenciación dos estaleiros, segundo o dirixente do BNG Anxo Quintana. O candidato nacionalista á presidencia da Xunta realizou estas declaracións no transcurso dunha visita ao Castelo da Palma en Mugardos. Quintana tamén acudiu á confraria de pescadores de Barallobre e ao paseo marítimo de Ares.
O goberno autónomo non pode limitarse a laiarse en torno á dificil situación do sector naval. Segundo Quintana, debe comprometerse activamente para reactivar unha actividade productiva fundamental para Galicia e para Ferrolterra en particular. Para Anxo Quintana esa implicación do goberno autónomo co futuro da comarca, ten que traducirse na participación en entes de reactivación do tecido económico da zona. Tamén no compromiso de colaboración en actividades de potenciación do sector naval e da súa industria auxiliar.
O candidato do BNG tamén se referiu no transcurso da súa visita ao castelo da Palma, á necesidade de poñer en valor o patrimonio histórico. Ademais de conservar monumentos da importancia dos castelos da ria, o patrimonio debe servir como locomotora para a reactivación económica e como elemento de ilusión de cara ao futuro. Para iso, Galicia conta cun inmenso patrimonio histórico artístico, segundo Anxo Quintana.
O alcalde de Mugardos Xose Fernandez Barcia acompañou a Quintana no transcurso da súa visita á fortaleza. Segundo o rexedor mugardés, en poucos dias haberá novidades en torno ao inicio das obras de restauración do castelo. |
| |
| SOLTASE UNHA ESTACHA AO AMARRAR UN GASEIRO E PROVOCA FERIDAS NUN TRABALLADOR DE NAVANTIA |
| 09/05/2005 |
| Un empregado dunha compañía auxiliar resultou ferido esta mañá en Navantia Ferrol. Unha ambulancia trasladouno ao Hospital Xeral de Caranza, pero o seu estado non reviste gravidade.
O accidente aconteceu arredor da unha do mediodia, cando se procedia ao amarre dun barco gaseiro de Alxeria que entraba para reparar. No transcurso desa operación, soltouse unha estacha que foi impactar no rostro do traballador, provocandolle un corte. Os servicios de enfermería do estaleiro facilitáronlle os primeiros auxilios, pero logo foi trasladado ao Hospital Xeral. Fontes do comité de empresa do estaleiro ferrolán indicaron a Radio Fene que o seu estado non reviste gravidade. |
| |
| UNHA CEA DE IMPARES ORGANIZAN PARA O SABADO 21 EN NARON |
| 09/05/2005 |
| Solteiros, solteiras, separados, separadas. Entre 30 e 50 anos. Eses son os destinatarios da cea de impares que organiza a empresa “No solo ocio” en Narón para o sábado dia 21.
Levan promovendo con éxito este tipo de iniciativas e outro tipo de alternativas para o tempo de lecer en Ferrolterra ou na cidade da Coruña. A denominada CEA DE IMPARES terá lugar o sábado 21 ás 10 da noite no Restaurante El Refugio de Narón. As persoas interesadas poden apuntarse no teléfono 981 926159 ou na páxina web 981 926159. O seu prezo ascende a 35 euros. Falaremos máis en detalle desta orixinal proposta mañá martes ás 10,30 da mañá na Fenestra de Radio Fene. |
| |
| GUMERSINDO GALEGO: E UN HONOR PARA MIN FIGURAR NA CANDIDATURA DO PP |
| 09/05/2005 |
| O avogado de Fene Gumersindo Galego fecha a candidatura do Partido Popular pola provincia de A Coruña ás eleccións autonómicas do 19 de xuño. E un honor para mín que Juan Juncal me pedira integrar a lista do PP afirmou este letrado de 42 anos de idade, no que representa a súa primeira incursión da vida política activa. El foi vicedecano do Colexio de Avogados de Ferrol, secretario da Asociación de Viciños de Magalofes durante 8 anos e fundador e colaborador do grupo de teatro desta parróquia de Fene. Para Galego, a baixa de popularidade de Zapatero en 19 puntos é un indicativo de que as cousas non van tan ben para o PSOE como queren pintalas, e a crise de Beiras no BNG tampouco é un bó indicio . Sobre a avanzada idade de Manuel Fraga, o candidato afirma que lle permite atesourar máis sabiduría e experiencia que Quintana ou Pérez Touriño. |
| |
| OS AMIGOS DOS COGUMELOS PLANIFICAN ACTIVIDADES |
| 07/05/2005 |
| A agrupación micolóxica Viriato reuniráse mañá domingo en asamblea para planificar o remate e posta en marcha do Parque de cogumelos ás beiras do Rio Belelle. Será unha das actividades desta agrupación para os vindeiros meses, centrado no muiño da Barcia, edificio restaurado e que pretende convertirse en aula de cultivo e explicación das especies das zarrotas ou pan do demo . O muiño situase entre os Concellos de Neda e Fene, nas inmediacións da fervenza do Belelle nun paraxe natural de sorprendente beleza. A asamblea de Viriato comezará mañá domingo ás 10,30 da mañá na escola de Pedre en Sillobre (Fene). |
| |
| O GRUPO OURENSAN LAMATUMBÁ ACTUA ESTA TARDE |
| 06/05/2005 |
| Un gran palco xa preside o campo da festa de Perlío, diante dos locais do Circulo Cultural Recreativo e Deportivo desta parróquia de Fene. Ahí tocarán esta tarde o grupo ourensán Lamatumbá e os grupos musicais da localidade, ROCKICIDE, PLUG IN BABIES, DEEPPAIN, ULTIMO XIRO e MADNOISE. Todos eles cantarán o seu repertorio integramente en lingua galega. Trátase do Festival A Mocidade coa lingua Memorial Antón Brocos. Comezará ás 20,30 desta tarde no campo da festa de Perlío. |
| |
| ABREN UN COMEDOR ESCOLAR DENDE O VINDEIRO LUNS |
| 06/05/2005 |
| O Colexio Centieiras de Perlío poñerá en marcha o vindeiro luns o servicio de comedor escolar. A empresa Catering Caranza servirá un menú deseñado con criterios de alimentación equilibrada por expertos en dietética e nutrición.
A Asociación de Nais e Pais de Alumnos xestionará o comedor que contará cunha subvención do Concello de Fene. Tanto no mes de maio deste curso, como para todo o curso seguinte o prezo do prato ascenderá a catro euros e medio por neno e dia. As familias con poucos recursos económicos poden ter dereito a unha reducción no prezo do prato que deberán xestionar nos Servicios Sociais do Concello de Fene. O horario de comedor prolongaráse dende as duas ata as catro e cuarto da tarde. Só poderán usar o servicio os alumnos e alumnas do Colexio Centieiras de Perlío. Trátase do único centro educativo de Fene onde funcionará un comedor xa dende o vindeiro luns. |
| |
| COMEZAN CURSOS PARA DESEMPREGADOS DE CALDERERIA, ENCOFRADO E ESCAIOLA |
| 05/05/2005 |
| Os cursos de caldereiro, encofrador e escaiolista comezarán en Fene a vindeira semana. Os Talleres Ocupacionais salientan que ainda hai prazas vacantes para calquera das tres especialidades. Requírese unicamente contar con mais de dezaseis anos.
Os alumnos recibirán unha bolsa de 115 euros ao mes. Os cursos impartiránse en horario de tarde dende as duas da tarde ata as nove da noite, e rematarán antes do 30 de novembro. As persoas interesadas ainda poden apuntarse nas oficinas dos Talleres Ocupacionais, na Praza do Concello de Fene. |
| |
| 60.000 CIDADANS PRESENTAN A DECLARACION DA RENDA EN FERROL |
| 05/05/2005 |
| Caseque 60.000 declaracións da renda presentaránse nos vindeiros dias na Axencia Tributaria de Ferrol. Os contribuintes con ingresos superiores aos vintedous mil euros anuais poden presentar os papeis ata o 30 de xuño, a través de Internet, do teléfono móbil ou co programa Padre no edificio da Xunta de Galicia da Praza de España. Máis do 75% terán dereito a devolución, segundo as estatísticas de Facenda.
Segundo o administrador da Axencia Tributaria de Ferrol Luis López, o ano pasado presentaronse na zona un total de 59.123 declaracións. Delas foron negativas 46.151, un 78 por cento. Resultaron positivas 12285 declaracións, un 20% do total. En 687 casos a cantidade a devolver era mínima polo que os contribuintes renunciaron a percibir o importe correspondente. Este ano espérase un mantenemento destas cifras. Á Axencia Tributaria de Ferrol pertencen os contribuintes dos Concellos de Ares, Cabanas, A Capela, Fene, Ferrol, Mugardos, Narón, Neda, San Sadurniño e Valdoviño. |
| |
| A CHOIVA NON PUIDO CO CORRELINGUA 2005 EN NARON |
| 04/05/2005 |
| A choiva non puido co Correlingua. As precipitacións ocasionais desluciron esta mañá en Narón esta carreira a favor da lingua galega. Non obstante, máis de dous mil rapaces e rapazas asistiron a actuacións musicais, teatrais e circenses baixo o lema: “Galego, un bico na lingua”.
As chuvieiras adquiriron en ocasións un carácter tormentoso polo que máis dun milleiro de alumnos e alumnas de educación infantil e primaria seguiron as actuacións no interior do Auditorio de Narón. Outro milleiro de rapaces e rapazas de Educación Secundaria presenciaban ao ar libre na Praza de Galicia as interpretacións de Os Carunchos e dos restantes grupos musicais incluidos no programa. Correlingua 2005 é unha iniciativa organizada pola Asociación Socio Pedagóxica Galega, a Mesa pola Normalización Lingüística e CIG Ensino. Comezou o luns en Lugo, esta mañá desenvolveuse en Narón, e continuará neste mes de maio por toda Galicia. O seu manifesto suxire “Pon un bico na lingua, o teu bico no bicarelo do bico da lingua, e sempre, con ela, bica”. |
| |
| O ARQUITECTO MARCIDE NON REALIZA INTERRUPCIONS DO EMBARAZO, 20 ANOS DESPOIS DA LEI DO ABORTO |
| 03/05/2005 |
| O complexo hospitalario Arquitecto Marcide de Ferrol non realiza interrupcións do embarazo. Os profisionais sanitarios que terían que atender o servicio, acóllense á claúsula da obxección de conciencia. As mulleres da comarca que desexan abortar teñen que acudir a clínicas privadas da Coruña ou de Vigo. Por cada interrupción deben abonar arredor de 360 euros.
Neste ano 2005 cúmprense vinte anos dende a aprobación da lei do aborto. Ese tipo de operacións séguense sen practicar na Residencia de Ferrol. Segundo a membra da Marcha Mundial das Mulleres Guadalupe Cés, incluso en casos de grave risco para a vida da nai, as pacientes desvianse para os hospitais de Ourense ou Madrid. Segundo o gabinete de prensa da Consellería de Sanidade, en Galicia no ano 2003 realizáronse 2.532 abortos. Na actualidade realizan interrupcións do embarazo as clínicas privadas Faos da Coruña e Gelme de Vigo. Tamén contan con autorización dentro dos centros dependentes do SERGAS, o Hospital Xeral de Ourense e o Hospital Cies de Vigo. Pola obxección de conciencia dos profisionais sanitarios, na rede pública da sanidade en Ferrol non funcionan as unidades que terían que atender as interrupcións do embarazo.
A Lei que permite a interrupción do embarazo en tres supostos aprobouse no Parlamento en 1985, hai xa vinte anos. O aborto non é punible cando o embarazo é froito dunha violación, cando se presume que o feto presenta taras físicas ou psiquicas, e se o parto pode poñer en perigo a saúde física ou psíquica da nai. Galicia situase un 45,8 por cento por debaixo da media española neste tipo de practicas. O 97% dos abortos practicados na comunidade autónoma o pasado ano realizáronse en clínicas privadas. Iso supón unha penalización para as mulleres de menos recursos económicos, segundo os colectivos feministas. As mesmas fontes denuncian que, vinte anos despois da aprobación da lei, a sanidade pública continua sen poñer os medios para que as mulleres que o desexen poidan exercer ese dereito en Ferrolterra. |
| |
| CO MES DE MAIO, AUMENTAN AS ALERXIAS, SEGUNDO OS FARMACEUTICOS |
| 02/05/2005 |
| O pólen causa a maioría das alerxias primaverais. Son uns graos minúsculos, máis pequenos que a punta dun alfinete. Conteñen no seu interior células espermáticas para a reproducción das flores. Unha planta produce milleiros e milleiros de graos de polen. O vento transporta esas partículas microscópicas procedentes de flores, herbas, arbustos e arbores. Se entran en contacto coas vias respiratorias da persoa alérxica, fan que o seu organismo se defenda irritando as mucosas e orixinandolle bastantes molestias. Os síntomas máis frecuentes son conxestión, estornudos, lagrimeo, fotofobia, tos e dificultades respiratorias, segundo sinalou esta mañá en Radio Fene o farmaceútico de Fene Teodomiro Hidalgo. O colexio de farmaceúticos da Coruña organiza unha serie de conferencias sobre as alerxias. Dentro deste ciclo, a doutora Pilar Iriarte falará sobre a alerxia respiratoria, o luns 9 de maio ás 7,30 da tarde no Ateneo Ferrolán. |
| |
| BUSCAN O ASCENSO A DIVISION DE HONOR |
| 30/04/2005 |
| Confeccionar un equipo para o ascenso á División de Honor do fútbol sala. Ese é o principal obxectivo da proposta de fusión que o Boandanza remitiu esta semana ao Parrulo Ferrol. O club fenés é optimista sobre as posibilidades de chegar a un acordo tras un primeiro contacto. Trataríase de despertar ilusión no conxunto da comarca arredor dun proxecto de futuro.
O documento entregado polo Boandanza ao club ferrolán propón avanzar na profisionalización do club, coa contratación do persoal necesario para o deseño de productos publicitarios atractivos e incrementar a captación de recursos. Asimesmo pretenden implicar no proxecto ás distintas administracións (Concellos, Mancomunidade, Deputacion e Xunta de Galicia) e a contratación dun adestrador con experiencia contrastada. A fusión realizaríase en todos os escalóns do club, ainda que mantendo o funcionamento das escolas de fútbol sala en Fene e en Ferrol.
Manteríase igualmente o funcionamento dos equipos das categorias xuvenil, autonómica e autonómica feminina, integrandose todos eles nunha mesma filosofía deportiva, e baixo a batuta do director deportivo da entidade. No texto do Boandanza, salientase que “a composición dos órganos de dirección, nome do club, pavillóns de xogo, sede social, son cuestións abertas que se acordarán en sucesivas reunións”. O acordo contemplaría á venda dunha das duas prazas coas que a entidade resultante contaría na División de Prata do fútbol sala. O club fenés agarda que, tanto o Concello de Fene como o de Ferrol, apoien unha iniciativa destas características que vai redundar na mellor imaxe da comarca e na potenciación dunha especialidade deportiva como o fútbol sala. A proposta basease na iniciativa similar que emprenderon na temporada 2004-2005 os clubes da comunidade de Madrid Levitt Las Rozas e F.S.Boadilla. En duas localidades limítrofes funcionaban duas entidades que competían entre sí. Dende comezos da pasada temporada, aunaron os seus esforzos, realizando ao cabo do ano, unha valoración máis que positiva. |
| |
| A LUZ, PROTAGONISTA DA NOVA SEDE DA FUNDACION CAIXA GALICIA |
| 29/04/2005 |
| Un edificio onde a luz é a gran protagonista, afirmou este mediodia o director xeral de Caixa Galicia Jose Luis Mendez, na presentación da nova sede da Fundación Caixa Galicia en Ferrol. Máis de tres mil metros cadrados de superficie destinados a actividades culturais na comarca. Unha exposición de Tapies, unha selección de pintores contemporáneos ferroláns, unha obra de Martin Chirino e a actuación mañá sábado de Els Comediants servirán para abrir as instalacións. A entidade bancaria investiu seis millóns de euros na restauración do emblemático edificio situado no Cantón de Molíns. |
| |
| CONCEDEN O PREMIO JOSE COUSO DE LIBERDADE DE PRENSA |
| 28/04/2005 |
| Defender e esixir o dereito dos cidadáns a recibir unha información veraz. Se carecemos dese dereito, retrocedemos á condición medieval de súbditos e nunca seremos cidadáns libres.
Así o afirman o Colexio de Xornalistas de Galicia e o Clube de Prensa de Ferrol na convocatoria do Primeiro Premio Jose Couso de liberdade de prensa. As entidades convocantes darán a coñecer o vindeiro martes tres de maio para quen vai o galardón instituido en lembranza do xornalista falecido na guerra de Iraq o 8 de abril do 2003. O mesmo martes o redactor de El Pais Jose Ramón Ariño pronunciará unha conferencia sobre “Prensa e poder”. Todos os actos do Premio Jose Couso desenvolveranse na Galeria Sargadelos de Ferrol. |
| |
| ABRESE A EXPOSICION FOTOGRAFICA AS CORES DO MAR |
| 27/04/2005 |
| Galicia conta con case mil cincocentos metros de costa. As formas recortadas das súas rias provocan unhas condicións especialmente boas para o desenvolvemento dos organismos vivos, para a producción e a biodiversidade. A exposición “As cores do mar” reflexa vintecinco anos de experiencia fotografando o exhuberante mundo subacuático galego.
Especies descoñecidas como determinadas esponxas ou algas misturanse con animais máis cercanos como o polbo ou o calamar. Pero destas últimas especies ofrécense imaxes sorprendentes. Por exemplo, amósanse perspectivas insólitas deses chocos que estamos afeitos a ver no mercado, mortos e cheos de tinta, segundo sinalou o fotografo autor de AS CORES DO MAR, Jose Luis González.
A mostra “As cores do mar de Galicia” inaugúrase ás oito desta tarde na Casa da Cultura de Fene. Organiza Caixa Nova coa colaboración da Deputación da Coruña e do Concello de Fene. |
| |
| LOITO EN NAVANTIA FERROL POLO TRABALLADOR MORTO EN ACCIDENTE |
| 26/04/2005 |
| O estaleiro ferrolán de Navantia vivirá mañá mércores unha xornada de loito. A media mañá faleceu na Residencia Juan Canalejo da Coruña o traballador que resultou onte ferido de gravidade nun accidente laboral. O plantel do estaleiro ferrolán realizará mañá mércores unha xornada de loito paralisando a súa actividade. A unha e media do mediodia comezou na antiga Bazan unha asamblea na que o comité de empresa deu conta do fatal desenlace. O traballador de 33 anos de idade, Angel Vazquez Pardo residia en Santa Cecilia en Narón. Resultou ferido onte arredor da unha do mediodia, a consecuencia dun estoupido nun manómetro dunha tubería nunha cabina ubicada no taller de chapa fina. Os servicios de enfermería da empresa trasladaron a Angel Vazquez, inconsciente á Residencia Arquitecto Marcide. Despois de realizarlle un scanner e radiografias, e á vista do seu estado de extrema gravidade, o equipo médico decidiu o seu traslado á Residencia Juan Canalejo da Coruña. Alí ás once desta mañá falecía este traballador. O comité de empresa convocou unha asamblea que comezou á unha e media do mediodia na que se deu conta da decisión do órgano laboral de convocar xornada de loito para mañá mércores. Na antiga Bazan non haberá actividade por espacio de 24 horas. |
| |
| CONVOCASE O PREMIO DE POESIA PEREZ PARALLE |
| 26/04/2005 |
| O CMI Unidade de Fene ven de lanzar unha nova convocatoria do Premio Nacional de Poesía Pérez Parallé. Na súa décimo oitava edición, o certame preséntase cun novo enfoque, froito dun convenio de colaboración asinado onte mesmo polo Círculo de Fene, o concello e a editorial Espiral Maior. Coa súa nova filosofía o Pérez Parallé vai dirixido a partires de agora a autores noveis, que non teñan publicado ningún libro individual (con excepción de volumes en edición de autor). As persoas que desexen participar deberán presentar un libro de poesía en lingua galega. Como premio, o poemario gañador publicaráse dentro da colección de Poesía Espiral Maior. Na presentación das novas bases do Premio, o responsabel do Obradoiro Literario de Fene Eduardo Estevez, valorou moi positivamente o novo enfoque que se lle deu ó Pérez Paralle polo difícil que lles resulta ós autores noveis chegar a publicar as súas obras. Tamén se amosou satisfeito polo cambio nas bases do Premio Nacional de Poesía o alcalde de Fene. Rivera Arnoso considera que a nova filosofía deste certame, e en particular o feito de que se galeguice, vai máis acorde coa que foi a figura de Pérez Parallé.
Ate o vindeiro 30 de setembro está aberto o prazo de presentación de orixinais para o décimo oitavo Premio Nacional de Poesía Pérez Parallé. Os traballos deben remitirse ó CMI Unidade de Fene, en Porto do Río número 21. San Paio.15500 Fene (A Coruña). |
| |
| HOSPITALIZADO MOI GRAVE O TRABALLADOR FERIDO |
| 25/04/2005 |
| O traballador ferido este mediodia en Navantia Ferrol foi trasladado a primeiras horas da tarde á Residencia Juan Canalejo da Coruña, á vista do seu estado grave. No Arquitecto Marcide da cidade departamental realizaronlle un scanner e radiografias para coñecer o alcance das súas lesións. A vista da gravidade das mesmas, o equipo médico decidiu trasladalo á Residencia da cidade herculina. Fontes do comité de empresa indican que as próximas 72 horas serán vitais para coñecer o impacto do accidente. O traballador, de 28 anos de idade, ainda permanece inconsciente. |
| |
| UN FERIDO GRAVE NUN ACCIDENTE LABORAL EN NAVANTIA FERROL |
| 25/04/2005 |
| Un soldador da antiga Bazán resultou ferido grave nun accidente acontecido este mediodia na factoria ferrolana. Poucos minutos despois da unha do mediodia rexistrouse un estourido no taller de chapa fina. Un manómetro dunha tubería de presión podería ser o causante do suceso, segundo as primeiras impresións doutros empregados que se atopaban no lugar. Así o aseguraron a Radio Fene fontes do comité de empresa.
Un dos traballadores recibiu un forte golpe na cabeza, a consecuencia do estourido. O persoal de seguridade e hixiene e de enfermería do estaleiro atópase neste momento na zona. Unha ambulancia xa trasladou á Residencia Arquitecto Marcide de Ferrol, ao traballador ferido grave e inconsciente, segundo as primeiras impresións dos seus compañeir |
| |
| AUMENTA A PARTICIPACION VOLUNTARIA NA ASOCIACION DE MINUSVALIDOS |
| 25/04/2005 |
| Concienciar sobre as necesidades dos minusválidos. Facilitar os deportes para discapacitados. Traballar pola eliminación de barreiras arquitectónicas. Son algunhas das tarefas nas que colaboran os voluntarios coa asociación socio cultural de minusválidos. A entidade conta na actualidade con perto de 40 persoas que desenvolven o seu labor de xeito altruista. O número de voluntarios ascendeu de xeito apreciable dende a posta en marcha do novo local da asociación, hai agora catro meses. Para garantir a boa xestión do programa de voluntariado, a Asociación Socio Cultural de Minusválidos realiza unha reunión mensual que terá lugar mañá martes ás seis da tarde nos seus locais da estrada de Castela, 256 en Narón. Propoñeránse unha serie de actuacións sobre a eliminación de barreiras arquitectónicas e valoraráse a participación da entidade na Conferencia Internacional de Voluntariado e Novas Tecnoloxias VOLUNET, celebrada hai dias en Santiago de Compostela. |
| |
| MIRO CASABELLA E VICENTE ARAGUAS PRESENTAN OBRA |
| 23/04/2005 |
| Enguedellados un tras doutro, como saen as cereixas do cesto, foron aparecendo os conferenciantes, poetas e artistas no acto celebrado onte á tarde na Casa da Cultura de Fene. O poeta Eduardo Estevez presentou ao crítico Miro Villar, quen á súa vez fixo de antesala do poeta de Xubia Vicente Araguas. Este serviu tamén de prefacio da actuación do cantautor Miro Casabella quen deu a coñecer o seu último disco Orballo.
Miro Villar gabou os 12 libros publicados de Vicente Araguas, como unha obra interesante e ainda non fechada. Calificou ao poeta de Xubia como un dos autores máis prolíficos da xeneración dos 80. O xogo coa memoria, coa música, co cine, coa infancia abundan na obra de Araguas, segundo salientou o profesor de Cee. Logo o poeta explicou a xénese do seu próximo libro “24 maneiras de querer a Brian”. O acto rematou coa fermosa interpretación a cargo de Miro Casabella de temas vellos e novos. |
| |
| PRESENTAN A MANTA MUNDIAL DA SOLIDARIEDADE |
| 22/04/2005 |
| A Marcha Mundial das Mulleres prepara os actos para recibir o dia 20 de Maio en Galicia, a chegada da “Carta Mundial” e a “Manta da solidaridade”. Partiron o 8 de Marzo de Brasil e percorren moitos paises do mundo ata chegar ao destino, Marsella, o dia 28 de Maio. Aló milleros de mulleres de todo o planeta movilizaranse para MUDAR o MUNDO. A manta é un símbolo de acobillo, de calor, de abrigo, pero tamén de solidariedade. As mulleres de cada pais por onde pasa, engádenlle un trozo decorado con imaxes propias da zona. Hoxe a manta está en México e o dia 28 de abril pasará a Estados Unido. A Coordenadora galega da Marcha Mundial recibirá da man das mulleres portuguesas, na vila de A Guarda, os dous símbolos, a Carta e a Manta. Chegarán o dia 20 de maio ás 6 da tarde, cruzando o rio Miño, a bordo dunha embarcación conducida por un Club de remo feminino de Portugal. Celebraránse actos musicais e poéticos no transcurso dunha festa. O dia 21 na Praza da Constitución de Vigo, ás 6 da tarde procederáse á lectura da carta Mundial das Mulleres para a Humanidade. O 22 de Maio ás 12 despídese na Praza da Quintana en Santiago de Compostela. Dalí partirá rumbo a Euskadi para chegar ao destino, Marsella o dia 28. Para seguir o percorrido da Carta e a Manta das mulleres por todo o mundo, pódese consultar unha páxina web: www.feminismo.org De todos estes actos informará a Coordenadora Ferrolana da marcha nun acto no salon de plenos do CONCELLO DE FENE, o proximo luns ás 8 da tarde. A coordenadora porá autobuses dende a Comarca para acudir aos actos da Guarda e Vigo a recibir a Manta da solidaridade e a carta das mulleres para a humanidade.
Marcha Mundial das Mulleres. O punto de destino da carta e da manta solidaria atópase na cidade de Marsella en Francia o 28 de maio. |
| |
| FRANCISCO ALLEGUE (BNG): AGORA, QUE FALE O POBO |
| 21/04/2005 |
| Agora que fale o pobo . Así opina o tenente de alcalde e voceiro do BNG de Fene Francisco Allegue, diante da confirmación do adiantamento das eleccións autonómicas para o domingo 19 de xuño. O edil nacionalista censurou que se adopte esta medida de adiantar os comicios “unicamente porque o PP ve que canto máis tempo pase, vaino ter máis dificil, e sen poder agarrarse ao goberno amigo”. Allegue afirmou que levamos varios meses en campaña, e agora somentes queda esperar a que fale a cidadanía. Dende o Bloque “poñeremos toda a carne no asador para lograr derrotar ao Partido Popular cun presidente nacionalista”. O presidente da Xunta de Galicia Manuel Fraga Iribarne confirmou esta mañá que o luns asinará o decreto de disolución do Parlamento autonómico e a convocatoria das eleccións para o 19 de xuño. Comunicoulle telefonicamente a decisión ao presidente do PP Mariano Rajoy, ao presidente do Parlamento e ao presidente do Tribunal Superior de Xustiza de Galicia. |
| |
| ANOREXIA E BULIMIA, ANDACIOS DO SÉCULO XXI |
| 20/04/2005 |
| Hai nove nenas por cada neno afectado de anorexia ou bulimia. Pero entre os rapaces están a aumentar os casos. Para as mulleres a idade de inicio destes trastornos da alimentación baixou dende os doce ata os nove anos. Iso é así porque agora as nenas entran antes na adolescencia, maqueanse e imitan as actitudes das maiores. Os doutores e psicólogos especialistas no tratamento das doenzas derivadas da alimentación, denuncian a presión da industria da moda. Segundo afirman, deseñadores e publicistas presionan a favor da delgadez. Sobre a anorexia e a bulimia falaráse nas Xornadas de Saude que esta tarde comezan en Fene. Principiarán ás catro e media da tarde na Casa da Cultura de Fene, organizadas polo Consello Local de Saúde. |
| |
| RICARDO VARELA: FRAGA DEBE OPTAR ENTRE O MALO E O PIOR |
| 19/04/2005 |
| Fraga ten que elexir entre o malo e o pior, convocar agora eleccións ou deixalas para outubro, afirmou esta mañá en Ferrol o secretario de Organización do PSOE Ricardo Varela. Os socialistas afirmaron contar cun Plan A e cun Plan B e estar preparados para os comicios en calquera data. En contra do adianto electoral pesan os malos resultados que auguran as enquisas para o Partido Popular. A favor da cita coas urnas en maio ou xuño, xogaría o tempo político. Fraga non aguanta outros Presupostos do Goberno central que deixan en rídiculo ao executivo de Aznar, segundo o dirixente socialista Ricardo Varela. O PP debe optar entre o malo e o pior, saltar das brasas e caer no lume, afirmaron os dirixentes do PSOE. |
| |
| A BIBLIA ABREVIADA, ESTE XOVES EN FERROL |
| 19/04/2005 |
| ¿Se ao principio era o caos, cómo poderíamos definir o dagora? ¿Parecíase realmente Moisés a Charlton Heston? Son algunhas das preguntas irónicas e retóricas que se formula o grupo de teatro Produccións Librescena na obra que este xoves trae a Ferrol.
Miguel Pernas, Inma Antonio e Xose Vilarelle, dirixidos por Xose Manuel Rabón, interpretan “A Biblia, abreviada”. Trátase dunha particular visión e adaptación ao galego do Antigo Testamento. A representación comezará este xoves ás oito e media da tarde no Centro Cultural Torrente Ballester de Ferrol. Forma parte dos Xoves Teatrais organizados polo Concello de Ferrol. |
| |
| MONTILLA DEBIA VISITAR OS ESTALEIROS, AFIRMA O BNG |
| 18/04/2005 |
| “O ministro de Industria Jose Montilla debia aproveitar a súa visita a Ferrol para achegarse aos estaleiros. Así comprobaría por exemplo, as magníficas instalacións da factoria de Fene, coas súas gradas valeiras, sen actividade e casesen persoal”. Afirmáronno así esta mañá en Ferrol os deputados do BNG Francisco Rodriguez e Xose Diaz. O Bloque Nacionalista Galego presentará no Congreso dos Deputados as súas propostas para a reindustrialización da comarca, propostas que a pasada semana recibiron o respaldo unánime no Parlamento Galego. Os parlamentarios calificaron os anuncios realizados polo membro do Goberno a pasada semana en Ferrol como “promesas rutinarias”. Fixeron votos pola unidade das forzas políticas e sociais de Ferrolterra para reclamar investimentos. |
| |
| FENE ENVELLECE PERO MENOS QUE O CONXUNTO DE GALICIA |
| 18/04/2005 |
| Fene envellece, pero menos que o conxunto da comarca. Segundo o padrón do 2004 do Instituto Nacional de Estatistica, o 20,3% dos viciños de Fene tiñan 65 ou máis anos. Esa mesma porcentaxe era do 15,1 por cento no ano 1996 e do 12,4 % no 1991. Nese ano de comezos da década dos noventa, o número dos menores de 15 anos superaba aos maiores de 65.
A pirámide demográfica de Fene reflexa xa que logo un paulatino envellecemento da poboación, dacordo co mesmo que sucede no resto da comarca, no conxunto de Galicia e en boa parte de Europa. Pese a iso, as porcentaxes de poboación en idade de xubilación ainda non son comparativamente altos. No conxunto da comarca, somentes Narón, (18,1%) Pontedeume (19,8%) e As Pontes (16,9%) presentan cifras inferiores de maiores de 65 anos que en Fene. Outros Concellos como Mañón ou Moeche presentan números notablemente máis elevados, chegando ao 37% de maiores. En Galicia os xubilados representan o 21,3% da poboación, mentras que en España a cifra situase no 16,9 por cento. Segundo o profesor de Xeografía da Universidade de Santiago de Compostela Xose Ramón Chantada, nas últimas decadas tense producido o maior avellentamento e despoboación da Historia de Galicia. Para o profesor universitario é especialmente grave o feito de que, no ano 2001, somentes en quince concellos galegos o número de menores de quince anos superaba ao de maiores de sesenta e cinco. |
| |
| UNHA VICTORIA DE DESPEDIDA |
| 17/04/2005 |
| O Fene Eshor Boandanza despediu no pavillón de San Valentín a Liga da División de Prata do fútbol sala, cunha victoria fronte ao Gestesa Loeches de Madrid (4-3). A pesar da falta de tensión derivada da súa situación tranquila na clasificación, o Boandanza ofreceu rafas de bó xogo e nos momentos críticos superou ao conxunto madrileño que descenderá a Primeira A, despois do resultado de onte. A firma Pizza Tutto patrocinou o encontro e repartiu porcións dese producto no descanso do partido. Pana logrou meter 2 goles co que se achega ao máximo goleador da División de Prata, Alex do Universidad de Málaga. O Boandanza finalizará a Liga o vindeiro sábado fronte ao Levitt Las Rozas Boadilla, nun partido que comezará ás catro da tarde na Cidade do fútbol de Las Rozas (Madrid). |
| |
| OS ECOLOXISTAS RECOLLEN RESIDUOS E LIMPAN PRAIAS |
| 15/04/2005 |
| Predicar e dar trigo. Iso é o que están a facer dende hai tempo as asociacións ecoloxistas de Ferrolterra. Pretenden concienciar á cidadanía da necesidade de coidar os areais, de non encher as praias de residuos. Pero ademáis poñense man á obra e os fins de semana adicanse a limpar as zonas de costa. Os ecoloxistas chegaron a atopar lavadoras, bicicletas e neveiras nas dunas de San Xurxo en Ferrol. Mañá sábado tócalle o turno aos areais de Fene. As persoas que queiran colaborar recibirán o material necesario para os labores de recollida de residuos e limpeza dos areais. A cita da Surfrider Fundation e da Asociación para a Defensa Ecoloxica de Galicia (ADEGA) é mañá sábado ás 11 da mañán na praia de San Valentín. |
| |
| A FUNDACION CAIXA GALICIA INAUGURA SEDE O 29 DE ABRIL |
| 14/04/2005 |
| A Fundación Caixa Galicia inaugurará o edificio cultural do Cantón de Molíns de Ferrol o venres 29 de abril. Ao acto asistirán o director xeral de Caixa Galicia Jose Luis Méndez e o presidente da Xunta de Galicia Manuel Fraga. O edificio ofrece aos ferroláns un espacio de tres mil metros cadrados destinados á promoción e producción cultural. A temporada na nova sede da Fundación Caixa Galicia en Ferrol arrincará o mesmo dia da inauguración coa exposición dunha monumental escultura de Martin Chirino que domina a entrada do edificio. Tamén se abrirá unha mostra de 46 pezas escultóricas e pictóricas de Antoni Tapies. De xeito simultáneo inaugurase a exposición Artistas ferroláns contemporáneos. A nova sede da Fundación Caixa Galicia albergou o Goberno Militar e tamén a Casa do Concello de Ferrol. Precisamente dende os seus balcóns izouse a bandeira republicana un 14 de abril de 1931 diante dunha concentración cidadán que festexaba a chegada do novo réxime. |
| |
| HAI QUE CHORAR MAIS RECOMENDAN OS OPTICOS |
| 14/04/2005 |
| Unha persoa chora ao longo da súa vida unhas 250.000 veces. As bágoas teñen moita importancia para o ollo e para unha correcta saude visual. Na actualidade a bágoa e de pior calidade que hai uns anos. A contaminación e o uso prolongado do ordenador son os piores nemigos da bágoa. Este líquido é fundamental para o ollo, xa que aporta nutrientes e protección, renova a superficie ocular e proporciona un espacio liso que facilita a obtención dunha imaxe nítida. A optica de Fene Noelia Romero sinala que a bágoa, a lágrima, aporta osixeno ao ollo. Elimina a contaminación e por iso é importante que hidrate o ollo. O membro do Colexio de Opticos Carlos Garcia Resúa, estudou a cantidade e a calidade da bágoa.Se non se posue unha bágoa adecuada poden chegar a producirse infeccións e outros problemas de saúde visual. Un deles é o ollo seco, que consiste nunha alteración da superficie externa do ollo, motivada pola producción escasa de bágoa ou por ser os seus compoñentes de mala calidade. Provoca síntomas como sensación de areiña, ardor, irritación, enroxecemento ou maior sensibilidade á luz e “lagrimeo”. Xa o saben, logo, o consello dos expertos, é que hai que chorar. Como afirma o poeta Mario Benedetti nun dos seus poemas:
Llorá no más, Botija
son macanas que los hombres no lloran,
aquí lloramos todos,
gritamos, chillamos, moqueamos, berreamos,
maldecimos, porque es mejor llorar que traicionar,
porque es mejor llorar que traicionarse,
llorá, pero no olvidés |
| |
| AS CORBETAS DE VENEZUELA FARANSE EN PARTE EN FERROLTERRA, SEGUNDO MONTILLA |
| 13/04/2005 |
| As corbetas e patrulleiras para Venezuela construiránse en parte en Ferrolterra. O buque de proxección estratéxica traerá traballo para o estaleiro de Fene. Os orzamentos do Estado do 2006 contarán cunha partida especial para a comarca. Esas foron as promesas que esta mañá trouxo a Ferrolterra o ministro de Industria Jose Montilla. O membro do goberno central entrevistouse con representantes das asociacións empresariais, de Comisións Obreiras e UXT e co alcalde de Ferrol Juan Juncal. Delegados da CIG protestaron diante da Feira de Mostras contra o que califican como desmantelamento do sector naval e reclamaron unha política activa de reindustrialización. |
| |
| ORZA E YUSTE VISITAN REGANOSA EN MUGARDOS |
| 12/04/2005 |
| Os conselleiros de Economía Jose Antonio Orza e de Innovación Juan Rodriguez Yuste visitan esta tarde a planta de gas de Mugardos. Conxuntamente co presidente de Reganosa Felix Alonso manterán un encontro cos medios informativos e comprobarán a marcha das obras da instalación industrial.
A planta de gas de Mugardos comezouse a construir en febreiro do 2004, despois de recibir a autorización do Ministerio de Economía. Segundo os prazos iniciais, as obras remataránse en novembro do vindeiro ano 2006. A Xunta de Galicia calificou a planta de Reganosa como un proxecto estratéxico e vertebrador, e asegurou que a instalación cumpre as condicións medioambientais e de seguridade. A planta de gas supón un investimento de 240 millóns de euros |
| |
| O COMPLEXO XERONTOLOXICO DOS HEXAGONOS FUNCIONARA NO 2006 |
| 11/04/2005 |
| A caseque cinco millóns de euros ascende o presuposto da reforma do Colexio dos Hexágonos no Rego da Moa en Barallobre. O grupo Hidronor presentou xa no Concello de Fene o proxecto básico da obra para convertir o antigo centro educativo nun complexo xerontolóxico. Os promotores pretenden que a instalación entre en funcionamento antes do remate do vindeiro ano 2006.
Nos Hexágonos non funcionará só unha residencia da terceira idade. Tamén operará como centro de rehabilitación para discapacitados, centro de dia e servicio de comidas sobre rodas. Contará con 140 prazas en réxime de pensión completa e 45 do centro de dia. O complexo empregará a un total de 80 persoas, segundo explicou a Radio Fene o promotor da iniciativa Elias Paz. Despois dun certo tempo de paralise do proxecto, agora os acordos coa Xunta de Galicia e cos Concellos da comarca permiten relanzar esa iniciativa. En canto o Concello de Fene de a súa conformidade co proxecto básico, presentaráse o proxecto de execución. Actualmente Hidronor confecciona unha maqueta de grandes dimensións para que se poidan visualizar as características do complexo xerontolóxico. Os promotores da iniciativa insisten na necesidade de profisionalizar a asistencia aos nosos maiores. Toda sociedade ten o deber de coidar especialmente á infancia e máis á terceira idade, salientan dende o grupo Hidronor.
O edificio dos Hexágonos construiuse en 1972. Como centro educativo comezou a funcionar no curso 73-74. A finais da década dos setenta entrou en crise e o Concello de Fene tentou que o Ministerio de Educación se fixera cargo do edificio e ubicase nel un Instituto de Ensino Secundario.
A tentativa fracasou e poucos anos despois “Fomento de Centros de Enseñanza” fíxose cargo do edificio e reabriu o “Colexio Montefaro” trasladando aos alumnos do centro que anteriormente xestionaba en Ferrol. A falta de matricula provocou o peche do centro no curso académico 92-93. O conxunto do que foi o Colexio Montefaro está formado por dous edificios en forma de exágono, unidos por unha pequena construcción de planta baixa. Posuen tres alturas que suman un total de cinco mil metros cadrados nunha parcela do doble desa extención. No ano 2002 o grupo Hidronor adquiriu o edificio do Rego da Moa en Fene (A Coruña), onde agora impulsará a instalación dun complexo xerontolóxico. |
| |
| O FENE ESHOR ASEGURA A PERMANENCIA NA CATEGORIA |
| 10/04/2005 |
| O Fene Eshor Boandanza asegurou matematicamente a súa permanencia na División de Prata do fútbol sala español, tras vencer esta mañá en Valladolid por un tanteo de 3 a 7. O conxunto fenés logra así 27 puntos co que xa se situa fora do alcance dos equipos implicados no descenso. Coinasa O Parrulo Ferrol, Ram de León e Gestesa Loeches xogaránse as duas prazas que levarán á Primeira A, nas duas xornadas que restan para o remate da competición. No encontro disputado esta mañá o Boandanza foi terriblemente superior, amosandose como un equipo compacto, con efectividade ofensiva e disciplina defensiva. A pesar da baixa por lesión do goleador Pana, non se notaron os cambios no equipo. Aos poucos minutos da segunda parte, o marcador sinalaba un 1 a 6 que xa daba por finalizado o xogo. Domingo Seijas sacou entón aos xogadores máis xoves e os que menos minutos gozaron nesta Liga. A certeza da victoria convertiu o remate do partido nunha auténtica festa da expedición de Fene. |
| |
| NENOS E NENAS A BRUXELAS COA DEPUTACION |
| 08/04/2005 |
| Douscentos nenos e nenas de Ferrolterra, Eume e Ortegal saen mañá sábado en dirección a Bruxelas. Participan no programa “Vivir Europa” organizado pola Deputación da Coruña. Visitarán o Parlamento Europeo, o Atomium, o parque temático Mini Europa e o Museo da Ciencia. Ademais de recibir explicacións sobre o funcionamento da Cámara Europea, tamén participarán en actividades da Quincena de Banda Deseñada e nos actos da conmemoración do 175 aniversario da independencia de Bélxica. Os rapaces de idades situadas entre os 12 e os 16 anos retornarán o vindeiro luns. En conxunto irán a Bruxelas coa Deputación, 800 nenos e nenas da provincia da Coruña. De Fene acudirán 14 pequenos que sairán mañá ás 9 da mañá de diante da Casa do Concello. O avión despegará de Compostela ás 12 do mediodia. |
| |
| O BOANDANZA VENCE AO PARRULO POR UN TANTEO DE 7 A 1 |
| 07/04/2005 |
| O derby comarcal de fútbol sala finalizou coa victoria do Boandanza por un tanteo de 7 a 1.
O trunfo do Fene Eshor situa a súa permanencia na categoría a só un paso, dado que o equipo adestrado por Domingo Seijas se situa a catro puntos de distancia dos postos de descenso. Pola contra o Coinasa O Parrulo deberá ao menos gañar dous dos tres partidos que restan para o remate da Liga se quere continuar na División de Prata.
O pavillón A Xunqueira de San Valentín transformouse onte nunha festa do fútbol sala, coas gradas repletas de público. Os afeizoados do Boandanza animaron sen cesar aos xogadores do seu equipo que se adiantou no marcador no minuto 10. Os goles foron así:
1-0 (10´) Pana, 2-0 (12´) Unai, 3-0 (23´) Manuel, 4-0 (27´) Pellón, 5-0 (28´) Bruno, 5-1 (29´) Carlitos, 6-1 (34´) Manuel, 7-1 (37´) Mario |
| |
| DRAMATICO DERBY DO FUTBOL SALA EN SAN VALENTIN |
| 06/04/2005 |
| Levar o control do partido. Adiantarse no marcador. Materializar unha defensa ordenada e tra |
